നെ​യ്യാ​റ്റി​ന്‍​ക​ര: വി​ദ്യാ​ര്‍​ഥി​ക​ള്‍​ക്ക് അ​ത്യാ​വ​ശ്യ​ത്തി​നു​ള്ള സാ​ധ​ന​സാ​മ​ഗ്രി​ക​ളു​ടെ വി​ല്‍​പ്പ​ന​കേ​ന്ദ്ര​മാ​യ `മു​ത്ത്` ഓ​ണ​സ്റ്റി ഷോ​പ്പി​ല്‍ വ്യാ​പാ​രി​ക​ളോ കാ​ഷ്യ​റോ ഇ​ല്ല. ഹെ​ഡ്മാ​സ്റ്റ​റു​ടെ മു​റി​ക്കു മു​ന്നി​ലെ ഇ​ട​നാ​ഴി​യി​ല്‍ ഉ​ത്ത​ര​പ്പെ​ട്ടി. വി​വി​ധ​യി​നം വൃ​ക്ഷ​ങ്ങ​ളു​ടെ​യും സ​സ്യ​ങ്ങ​ളു​ടെ​യും സാ​ന്നി​ധ്യ​ത്തി​ല്‍ പ്ര​ശാ​ന്ത സു​ന്ദ​ര​മാ​യ വി​ദ്യാ​ല​യം.

നെ​യ്യാ​റ്റി​ൻ​ക​ര വി​ദ്യാ​ഭ്യാ​സ ജി​ല്ല​യി​ല്‍ ബാ​ല​രാ​മ​പു​രം ഉ​പ​ജി​ല്ല​യി​ലെ ചു​ണ്ട​വി​ളാ​കം ഗ​വ. എ​ല്‍​പി സ്കൂ​ളി​ലെ വി​ശേ​ഷ​ങ്ങ​ള്‍ വി​ദ്യാ​ര്‍​ഥി​ക​ളു​ടെ മൂ​ല്യ​ബോ​ധ​വും സ​ര്‍​ഗ​ശേ​ഷി​യും സ​ഹ​ജീ​വി മ​നോ​ഭാ​വ​വും പ്രോ​ത്സാ​ഹി​പ്പി​ക്കാ​ന്‍ ഉ​ത​കു​ന്ന വി​ധ​ത്തി​ലു​ള്ള​താ​ണ്. വാ​യ​ന​യ്ക്ക് ഏ​റെ പ്രാ​ധാ​ന്യം ന​ല്‍​കു​ന്ന വി​ദ്യാ​ല​യം എ​ന്ന​താ​ണ് മ​റ്റൊ​രു സ​വി​ശേ​ഷ​ത.

ഇ​ട​നാ​ഴി​യി​ല്‍ ത​ന്നെ​യാ​ണ് ഓ​ണ​സ്റ്റി ഷോ​പ്പും ബാ​ല​മാ​സി​ക​ക​ളു​ടെ പ്ര​ദ​ര്‍​ശ​ന​ക്കൂ​ടും. അ​തി​യ​ന്നൂ​ര്‍ പ​ഞ്ചാ​യ​ത്തി​ല്‍ ഉ​ള്‍​പ്പെ​ടു​ന്ന വി​ദ്യാ​ല​യ​ത്തി​ല്‍ ഒ​ന്നു മു​ത​ല്‍ നാ​ലു വ​രെ ക്ലാ​സ്സു​ക​ള്‍​ക്കു പു​റ​മേ പ്രീ- ​പ്രൈ​മ​റി​യും സ​ജ്ജ​മാ​ക്കി​യി​ട്ടു​ണ്ട്. സ്കൂ​ള്‍ പ​രി​സ​രം ത​ന്നെ പാ​ഠ​പു​സ്ത​ക​മാ​ക്കി മാ​റ്റാ​നു​ള്ള പ​രി​ശ്ര​മ​ത്തി​ല്‍ ഏ​റെ മു​ന്നേ​റി​യി​ട്ടു​ള്ള ജ​നാ​യ​ത്ത വി​ദ്യാ​ല​യം എ​ന്ന ബ​ഹു​മ​തി​യും നൂ​റു വ​ര്‍​ഷ​ത്തി​ല​ധി​കം പ​ഴ​ക്ക​മു​ള്ള സ​ര്‍​ക്കാ​ര്‍ സ്കൂ​ളി​ന് സ്വ​ന്തം.

പ​രി​സ്ഥി​തി സൗ​ഹൃ​ദ ഓ​പ്പ​ൺ വാ​യ​നാ സം​വി​ധാ​ന​ങ്ങ​ൾ മു​ത​ലാ​യ ഘ​ട​ക​ങ്ങ​ള്‍ സ​ന്പ​ന്ന​മാ​ക്കു​ന്ന `കാ​യാ​മ്പൂ` ജൈ​വ വൈ​വി​ധ്യ ഉ​ദ്യാ​നം, `എ​ന്തും വാ​യി​ക്കും എ​പ്പോ​ഴും വാ​യി​ക്കും` എ​ന്ന സ​ന്ദേ​ശ​ത്തോ​ടെ​യു​ള്ള പു​സ്ത​ക​വ​ണ്ടി എ​ന്നി​ങ്ങ​നെ നീ​ളു​ന്നു ചു​ണ്ട​വി​ളാ​ക​ത്തെ കാ​ഴ്ച​ക​ള്‍.

ഇ​വി​ടു​ത്തെ മു​ന്‍ പ്ര​ഥ​മാ​ധ്യാ​പ​ക​നും സ്കൂ​ളി​ല്‍ വൈ​വി​ധ്യ​മാ​ര്‍​ന്ന പ​ദ്ധ​തി​ക​ള്‍ ആ​വി​ഷ്ക​രി​ച്ച് ന​ട​പ്പി​ലാ​ക്കി​യ വി​ദ്യാ​ഭ്യാ​സ പ്ര​വ​ര്‍​ത്ത​ക​നു​മാ​യ പി.​വി പ്രേം​ജി​ത്തി​ന്‍റെ ആ​ദ്യ പു​സ്ത​ക​ത്തി​ന്‍റെ പ്ര​കാ​ശ​ന​ത്തി​ന് ആ​തി​ഥേ​യ​ത്വം വ​ഹി​ക്കു​ന്ന​തും ചു​ണ്ട​വി​ളാ​ക​ത്തെ പൊ​തു​വി​ദ്യാ​ല​യ​മാ​ണ്. രാ​വി​ലെ പ​ത്തി​ന് ആ​രം​ഭി​ക്കു​ന്ന ച​ട​ങ്ങി​ല്‍ വി​ദ്യാ​ര്‍​ഥി​ക​ളാ​ണ് `ചു​ണ്ട​വി​ളാ​ക​ത്തെ വി​ശേ​ഷ​ങ്ങ​ള്‍` എ​ന്ന പു​സ്ത​കം പ്ര​കാ​ശ​നം ചെ​യ്യു​ന്ന​ത്.