ADVERTISEMENT

ADVERTISEMENT

കാരക്കോണം സിഎസ്ഐ മെഡി. കോളജില്‍ നഴ്‌സിംഗ് ബിരുദദാന ചടങ്ങ്

വെള്ളറട: കാരക്കോണം ഡോ. സോമര്‍വെല്‍ സിഎസ്ഐ മെഡിക്കല്‍ കോളജില്‍ ബിഎസ്‌സി നേഴ്‌സിംഗ് വിദ്യാര്‍ഥികളുടെ ബിരുദദാന ചടങ്ങ് സംഘടിപ്പിച്ചു.

സിഎസ്ഐ മോഡ റേറ്ററുടെ സഹധർമിണി റവ. ഡോ.പ്രസില്ല റൂബന്‍ ഉദ്ഘാടനം ചെയ്തു. ഡയറക്ടര്‍ ഡോ. ജെ. ബെനറ്റ് ഏബ്രഹാമിന്‍റെ അധ്യക്ഷതയില്‍ നടന്ന ചടങ്ങില്‍ മെഡിക്കല്‍ സൂപ്രണ്ട് എസ്. ബാബുരാജ്, നഴ്‌സിംഗ് കോളജ് പ്രിന്‍സിപ്പൽ ഡോ. സുജാ ബേബി , പ്രഫ. രാജം , അസോ. പ്രഫ. അജിലാ രാജ്, ലീന ജോസഫ്, ബെല്ല എന്നിവര്‍ പ്രസംഗിച്ചു.

മുപ്പത്തിയേഴ് ബിഎസ്‌സി നഴ്‌സുമാരും 12 ജനറല്‍ നേഴ്‌സുമാരാണ് വിജയകരമായി കോഴ്‌സ് പൂര്‍ത്തിയാക്കി പുറത്തിറങ്ങിയത്.

ADVERTISEMENT

കാപ്പ കേസ് പ്രതി കരുതൽ തടങ്കലിൽ

പേരൂർക്കട: നിരവധി ക്രിമിനൽ കേസുകളിലെ പ്രതിയെ കന്‍റോൺമെന്‍റ് പോലീസ് കാപ്പ ആക്ട് പ്രകാരം കരുതൽ തടങ്കലിലാക്കി. തമ്പാനൂർ രാജാജി നഗർ ഫ്ലാറ്റ് നമ്പർ 491-ൽ കുളിക്കാത്ത അപ്പു എന്ന് വിളിക്കുന്ന അഭിറാം (21) ആണ് പിടിയിലായത്. കുറച്ചുനാൾമുമ്പ് രാജാജി നഗർ സ്വദേശിയായ ഒരു യുവാവിനെ വധിക്കാൻ ശ്രമിച്ചതിന് ഇയാൾക്കെതിരേ കേസെടുത്തിരുന്നു. പക്ഷേ ഒളിവിലായിരുന്ന പ്രതിയെ പിടികൂടാൻ സാധിച്ചിരുന്നില്ല. കന്‍റോൺമെന്‍റ് എ.സി സ്റ്റ്യുവർട്ട് കീലറിന്‍റെ നിർദേശപ്രകാരം സിഐ പ്രജീഷ് ശശി എസ്ഐമാരായ ജിജു കുമാർ, ഗ്രീഷ്മ, ആന്‍റി നർക്കോട്ടിക് ടീം എസ്ഐ മിഥുൻ, പോലീസുകാരായ സുജീഷ്, സുബി എന്നിവർ ചേർന്ന് കോയമ്പത്തൂരിനു സമീപത്തു നിന്നാണ് ഇയാളെ അറസ്റ്റ് ചെയ്തത്. പ്രതിയെ തിരുവനന്തപുരം സെൻട്രൽ ജയിലിൽ കരുതൽ തടങ്കലിൽ പാർപ്പിച്ചിട്ടുണ്ട്.

അനുമോദന സദസ് ശ്രദ്ധേയമായി

നെയ്യാറ്റിന്‍കര: തെങ്ങുകയറ്റ തൊഴിലാളിയായ അച്ഛന്‍റെ നിര്‍ബന്ധത്താല്‍ ബാല്യത്തിലേ വായനയോട് അടുപ്പം ആരംഭിച്ച് നിലവില്‍ ഡോക്ടറേറ്റു നേടിയ മലയാളം സ്കൂള്‍ അധ്യാപിക..! മത്സരങ്ങള്‍ക്കും മറ്റും കൊണ്ടുപോവുകയും പുസ്തകങ്ങളോടുള്ള ആഭിമുഖ്യം പ്രോത്സാഹിപ്പിക്കുകയും ചെയ്ത മുത്തശ്ശന്‍റെ നല്ലോര്‍മകള്‍ പങ്കുവച്ച പത്താം ക്ലാസിലെ മുഴുവന്‍ എ പ്ലസ് നേട്ടത്തിനുടമയായ പ്ലസ് വണ്‍ വിദ്യാര്‍ഥി... പഠനകാര്യങ്ങളില്‍ മാതാപിതാക്കളുടെ പിന്തുണയും വിദ്യാഭ്യാസം മികവോടെ പൂര്‍ത്തിയാക്കണമെന്ന കരുതലോടെയുള്ള ഓര്‍മപ്പെടുത്തലുമൊക്കെ നിറകണ്ണീരോടെ വെളിപ്പെടുത്തിയ വിവിധ പരീക്ഷാ ജേതാക്കള്‍... കിടാരക്കുഴി ജവഹര്‍ സ്മാരക ഗ്രന്ഥശാലയില്‍ ഇന്നലെ സംഘടിപ്പിച്ച അനുമോദന സദസ് പുതുതലമുറയിലെ പ്രതിഭകളുടെ ഹൃദയസ്പര്‍ശിയായ വാക്കുകളാല്‍ കൂടുതല്‍ ശ്രദ്ധേയമായി. ഡോ. സുമ, ഡോ. അഞ്ജന പ്രസാദ്, ഡോ. എസ്.എസ്, അശ്വതി, ഡോ. എം.പി. സൂര്യപ്രഭ, എസ്.എസ് ശ്രേയ, ഡി. മിഥുന്‍, എസ്.ആര്‍. സാന്ദ്ര, എസ്.എ. ആരതി, എസ്.പി. അനന്തു, വി.കെ. വിസ്മയ, ആര്‍. ഭവ്യ, ബി. ദയനന്ദ, പി.എസ്. നയന, എം.എസ്. അനുശ്രീ, എസ്. അശ്വനി, ആര്‍.എസ്. അക്ഷയ, ആര്‍.എസ്. അഖില, പി. നവനീത് എന്നിവരെയാണ് അനുമോദിച്ചത്. ഗ്രന്ഥശാല പ്രസിഡന്‍റ് അഡ്വ. കെ. ജയചന്ദ്രന്‍റെ അധ്യക്ഷതയില്‍ ചേര്‍ന്ന സമ്മേളനം മാധ്യമപ്രവര്‍ത്തകനും മോട്ടിവേറ്ററുമായ ഗിരീഷ് പരുത്തിമഠം ഉദ്ഘാടനം ചെയ്തു. അതിയന്നൂര്‍ ബ്ലോക്ക് പഞ്ചായത്ത് വൈസ് പ്രസിഡന്‍റും ജില്ലാ ലൈബ്രറി കൗണ്‍സില്‍ അംഗവുമായ ബി.ബി. സുനിതാറാണി, കഥാകൃത്ത് സതീഷ് കിടാരക്കുഴി, വൈഷ്ണവി, ഗ്രന്ഥശാല ഭാരവാഹികളായ കെ.ബി. ചന്ദ്രമോഹന്‍, എസ്. രാജാനന്ദന്‍ എന്നിവര്‍ പ്രസംഗിച്ചു.വായന വാരാഘോഷങ്ങളുടെ ഭാഗമായി പ്രശ്നോത്തരി, പി.എന്‍ പണിക്കര്‍ അനുസ്മരണം എന്നിവയും നടന്നു.

രാജീവ് ഗാന്ധിയുടെ രക്തസാക്ഷിത്വദിനം ആചരിച്ചു

നെടുമങ്ങാട് : കരകുളം മണ്ഡലം കോൺഗ്രസ് കമ്മിറ്റിയുടെ ആഭിമുഖ്യത്തിൽ മുൻ പ്രധാനമന്ത്രി രാജീവ് ഗാന്ധിയുടെ രക്തസാക്ഷിത്വദിനം ആചരിച്ചു. കെൽട്രോൺ ജംഗ്ഷനിൽ നടന്ന അനുസ്മരണവു പുഷ്പാർച്ചനയും മണ്ഡലം പ്രസിഡന്‍റ് കരകുളം അജിത് ഉദ്‌ഘാടനം ചെയ്തു. ബ്ലോക്ക് കോൺഗ്രസ് കമ്മിറ്റി വൈസ് പ്രസിഡന്‍റ് പി.സുകുമാരൻ നായർ, ഡിസിസി അംഗം എസ്. രാജേന്ദ്രൻ നായർ, കരകുളം ആർ. സുശീന്ദ്രൻ, കെ. രാജേന്ദ്രൻ, കെ. വിജയകുമാർ, ടി. ശശിധരൻ, ബാഹുലേയൻ നായർ, കായ്പാടി നൗഷാദ്, മുരളീധരൻ നായർ, ആർ. ബ്രിജേഷ്, സി. സുകുമാരനാശാരി തുടങ്ങിയവർ പങ്കെടുത്തു. മുല്ലശേരി ജംഗ്ഷനിൽ ബ്ലോക്ക് വൈസ് പ്രസിഡന്‍റ് പി.സുകുമാരൻ നായർ ഉദ് ഘാടനം ചെയ്തു. എസ്. രാജേന്ദ്രൻ നായർ, കെ.അനിൽകുമാർ, എൻ. വേണുഗോപാലൻ നായർ, സി. ശിവപ്രസാദ്, ആർ. രാജേഷ്, വി. വിജയകുമാരൻ നായർ, സതീഷ് കുമാർ തുടങ്ങിയവർ പങ്കെടുത്തു. ‌ പഞ്ചായത്ത് ഓഫീസ് ജംഗ്ഷനിൽ ബൂത്ത് പ്രസിഡന്‍റ് കെ. വിജയകുമാർ, ബ്ലോക്ക് ജനറൽ സെക്രട്ടറി കെ. രാജേന്ദ്രൻ, സി. ശശിധരൻ, എസ്. ശ്യാംകുമാർ രാധാകൃഷ്ണൻ, അജിത് തുടങ്ങിയവർ നേതൃത്വം നൽകി. വിദ്യാധിരാജപുരത്ത് ബൂത്ത് പ്രസിഡന്‍റ് എസ് അതുൽ, എൻ.അഭിലാഷ് തുടങ്ങിയവർ നേതൃത്വം നൽകി.

മുട്ടത്തറ മരപ്പാലത്തിനു സമീപം നിർത്തിയിട്ട കാറിനു തീപിടിച്ചു

പൂന്തുറ: മുട്ടത്തറ മരപ്പാലത്തിനു സമീപം നിര്‍ത്തിയിട്ടിരുന്ന കാറിനു തീപിടിച്ചു. കഴിഞ്ഞദിവസം വൈകുന്നേരം 6.10 ഓടുകൂടി മരപ്പാലം സ്വദേശി വിഷ്ണുവിന്‍റെ ഉടമസ്ഥതയിലുള്ള ഹുണ്ടായ് ഐ 10 കാറിനാണ് തീപിടിച്ചത്. സംഭവം നടന്നയുടന്‍ സമീപവാസികള്‍ ചാക്ക ഫയര്‍ ഫോഴ്‌സില്‍ വിവരമറിയിക്കുകയായിരുന്നു. അഗ്നിശമന സോനാംഗങ്ങള്‍ എത്തിയെങ്കിലും അവര്‍ വരുന്നതിനു മുമ്പുതന്നെ നാട്ടുകാര്‍ വെള്ളമൊഴിച്ചു തീ അണയ്ക്കുകയായിരുന്നു. കാറിന്‍റെ എൻജിന്‍റെ ഭാഗം പൂർണമായും കത്തി നശിച്ചു. ഇലക്ട്രിക് ഷോര്‍ട്ട് സര്‍ക്യൂട്ടാകാം തീപിടിക്കാന്‍ ഇടയായതെന്നാണ് അധികൃതരുടെ നിഗമനം.

കാട്ടാക്കടയിൽ ക്ഷേത്രങ്ങളിൽ മോഷണം; മദ്യപിച്ചു ലക്കുകെട്ട മോഷ്ടാവ് കുടുങ്ങി

കാട്ടാക്കട: കാട്ടാക്കടയിൽ രണ്ടു ക്ഷേത്രങ്ങളിൽ മോഷണം. ക്ഷേത്ര പരിസരത്തു മദ്യപിച്ചു ലക്കു കെട്ടുനിന്ന മോഷ്ടാവിനെ പൂജാരിയുടെ നേതൃത്വത്തിൽ നാട്ടുകാർ പിടികൂടി. പോത്തൻകോട് കണിയാപുരം സ്വദേശി ഷെബിൻ (45)ആണ് പിടിയിലായത്. നിരവധി മോഷണക്കേസിലെ പ്രതിയാണ് ഇയാൾ. കാട്ടാക്കട പൊട്ടൻങ്കാവ് ധർമശാസ്താ ക്ഷേത്രം, എതിർവശത്തെ ശ്രീ ഭദ്രകാളി ക്ഷേത്രം എന്നിവിടങ്ങളിലാണു മോഷണം നടന്നത്. ക്ഷേത്ര മുതലുകൾ നഷ്ടപ്പെട്ടിട്ടുണ്ടോ എന്നതു പരിശോധിച്ചുവരുന്നു.രണ്ടിടങ്ങളിലും ഗേറ്റിലെ പൂട്ടു തകർത്താണ് കള്ളൻ അകത്തു കടന്നത്. ധർമശാസ്താക്ഷേത്രത്തി ൽ ഗേറ്റും നാലമ്പല വാതിലിലെ പൂട്ടും തകർത്തു. ശാസ്താവ്, ഗണപതി ശ്രീകോവിലൂകളൂടെ പൂട്ടും ഓഫീസിലെയും തിടപള്ളിയിലെയും ഓഫീസിലെയും പൂട്ടുകൾ പൊട്ടിച്ചിത്. ശ്രീഭദ്രകാളി ദേവി ക്ഷേത്രത്തിൽ കാണിക്ക വഞ്ചി തകർക്കാൻ ശ്രമം നടത്തിയിട്ടുണ്ട്. 4.45ഓടെ പോറ്റി എത്തിയപ്പോളാണ് അകത്തു ആളെക്കണ്ടത്. തുടർന്ന് നാട്ടുകാരെ വിവരം അറിയിക്കുകയായിരുന്നു. ശാസ്താ ക്ഷേത്ര പരിസരത്ത് ഇരുന്നു മദ്യപിച്ച ശേഷമായിരുന്നു മോഷണം. മദ്യക്കുപ്പി പരിസരത്ത് കിടന്നിരുന്നു. പിടികൂടുമ്പോൾ ഇയാശ്് മദ്യ ലഹരിയിലും ആയിരുന്നു. ഭദ്രകാളി ക്ഷേത്രത്തിലെ സിസിടിവിയിൽ ഇയാൾ മോഷണം നടത്തുന്നതിന്‍റെ ദൃശ്യങ്ങൾ പതിഞ്ഞിട്ടുണ്ട്.

"സ്‌നേഹച്ചങ്ങല'യിലെങ്കിലും മനംകവർന്ന് ആരണ്യ

കോട്ടൂർ: സ്‌നേഹചങ്ങലയിലെങ്കിലും സഞ്ചാരികളുടെ മനം കവരുന്നു, ഇവിടെയൊരു കുട്ടിയാന. കോട്ടൂർ ആന പുനരധിവാസ കേന്ദ്രത്തിലെ അഞ്ചുവയസുകാരി ആരണ്യയാണ് കേന്ദ്രത്തിലെത്തുന്ന സഞ്ചാരികൾക്ക് പ്രിയപ്പെട്ടവളായി മാറുന്നത്. ചങ്ങലയുടെ കെട്ടുകളില്ലാതെയാണ് ആരണ്യ ഇവിടെ മേഞ്ഞുനടക്കുന്നത്. കേന്ദ്രത്തിലെ ഏഴ് കുട്ടിയാനകളിൽ ഏറ്റവും പ്രായം കുറഞ്ഞവളും ആരണ്യതന്നെ. ഏറ്റവും വേഗത്തിൽ പാപ്പാനോട് ഇണങ്ങിയ കുറുമ്പിയാണ് ഇവൾ. എന്നാൽ അനുസരണനകേടു കാണിക്കുന്നതിൽ ഇവൾ മുൻപന്തിയിൽ. 2022 ലാണ് ആരണ്യ പാപ്പാന്‍റെ വിരലുകൾ കടിച്ചു മുറിച്ചത്. പാപ്പാൻ പുഷ്‌കരന്‍റെ ഒരു വിരൽ അറ്റുപോകുകയും മറ്റൊരു വിരലിനു ഗുരുതരമായി പരിക്കേൽക്കുകയും ചെയ്തിരുന്നു. മരുന്നു കൊടുക്കുന്നതിനിടെയാണ് വിരലിൽ കടിച്ചത്. അതോടെ ആരണ്യയുടെ കുറുന്പിനും കുറവായി. പിന്നെ അതേ പാപ്പാൻ വന്നാലേ ആഹാരം കഴിക്കൂ എന്ന നിലവരെ എത്തി. വിരലറ്റ പാപ്പാൻതന്നെ പിന്നെയും ആരണ്യയെ പരിചരിച്ചു. ഈയ‌ ടുത്ത കാലത്താണ് പാപ്പാൻ മരിച്ചത്. പാപ്പാൻ മരിച്ച ദിവസം ആരണ്യ ആഹാരംപോലും ഉപേക്ഷിച്ചെന്നും കോട്ടൂർ ആന പാർക്കിലെ ജീവനക്കാർ പറഞ്ഞു. ഇപ്പോൾ വിനോദ സഞ്ചാരികളുടെ പ്രധാന ആകർഷണമാണ് ഈ കുട്ടിയാന. 2022ലാണ് കോട്ടൂർ വനത്തിൽ ചരിഞ്ഞ അമ്മ ആനയുടെ അരികിൽനിന്നും കുട്ടിയാനയെ ഇവിടെ കൊണ്ടുവന്നത്. പ്രായാധിക്യത്താൽ അവശതയിലാകുന്ന നാട്ടാനകൾ, ഉപേക്ഷിക്കപ്പെടുന്നതും പിടിച്ചെടുക്കുന്നതുമായ ആനകൾ, നാട്ടിലിറങ്ങി ശല്യക്കാരായി മാറുന്ന ആനകൾ, വനത്തിൽ കൂട്ടം തെറ്റി പോകുന്ന കുട്ടിയാനകൾ തുടങ്ങിയവയെ സുരക്ഷിത കേന്ദ്രത്തിൽ പുനരധിവസിപ്പിക്കുകയെന്നലക്ഷ്യവും കോട്ടൂരിലെ ആനപരിപാലന കേന്ദ്രത്തിനുണ്ട്. ഇങ്ങനെ കേന്ദ്രത്തിലെത്തുന്ന ആനകളെ അവയുടെ ആവാസ വ്യവസ്ഥയിൽ കൂട്ടിൽ പാർപ്പിക്കും. ചികിത്സ നൽകും. 300 ഏക്കർ വനഭൂമി ആനകളുടെ സ്വതന്ത്ര ആവാസ വ്യവസ്ഥക്കായി നീക്കിയിട്ടുണ്ട്. ഉരുക്കുവേലി കൊണ്ടു സംരക്ഷണ കവചമൊരുക്കിയ 120 ഹെക്ടർ പ്രദേശത്ത് ചങ്ങലക്കെട്ടില്ലാതെ മേയാൻ സ്വതന്ത്രമായി വിടും. ഇവിടെ തീറ്റയും നൽകും. ഈ വിശാല ലോകത്താണ് ആരണ്യയും മേയുന്നത്. ആനകളെ പാർപ്പിക്കാൻ ഉരുക്കുവേലികൊണ്ട് വലയം തീർത്ത 15 എൻക്ലോഷറുകൾ (കൂടുകൾ) ആണുണ്ടാവുക. കൊമ്പനെ പാർപ്പിക്കാനുള്ള ഒരു എൻക്ലോഷറിനുതന്നെ ഒന്നേകാൽ ഏക്കർ വിസ്തൃതിയുണ്ട്. പിടിയാനകൾക്കും കുട്ടി ആനകൾക്കും വേണ്ടി മാത്രം ഒരു കൂടിന്‍റെ വലുപ്പം അഞ്ചേക്കർ. ഇങ്ങനെ ഏഴെണ്ണം. ഒരു വയസിനു താഴെ പ്രായമുള്ള കുട്ടിയാനകൾക്ക് പ്രത്യേക നഴ്‌സറി, കാട്ടിൽനിന്നു ലഭിക്കുന്ന കുട്ടിയാനകളെ ആദ്യഘട്ടം പാർപ്പിക്കാനുള്ള ക്വാറന്‍റീൻ സെന്‍റർ, മദപ്പാടുള്ള ആനകൾക്ക് പ്രത്യേക കൂടുകൾ, നാട്ടിലിറങ്ങി പ്രശ്‌നക്കാരായ ആനകളെ പിടികൂടിയാൽ അവയെ മെരുക്കാൻ പ്രത്യേക കൂടുകൾ രണ്ടും കമ്പകം തടിയിൽ നിർമിച്ചത്. ഇങ്ങനെ ഒട്ടേറെ സൗകര്യങ്ങളുണ്ടാവും. കേന്ദ്രത്തിലേക്കു കാട്ടാനകൾ കയറാതിരിക്കാൻ കേന്ദ്രത്തിനുചുറ്റും മൂന്നേമുക്കാൽ മീറ്റർ ഉയരത്തിൽ ഉരുക്ക് വേലി നിർമിച്ചു. പുറമേ വൈദ്യുത വേലി കവചവും. ആനകൾക്ക് കുടിക്കാനും കുളിക്കാനും വെള്ളം സുലഭമായി ലഭിക്കും. ഓരോ കൂട്ടിലും ആനകൾക്ക് കുളിക്കാനും കുടിക്കാനുമുള്ള വെള്ളമെത്തിക്കാൻ പ്രത്യേക പൈപ്പ് ലൈൻ. സഞ്ചാരികൾക്ക് ശുദ്ധജലം ലഭ്യമാക്കാനുള്ള പ്രത്യേക പദ്ധതി. ഒരു ലക്ഷം ലീറ്റർ ശുദ്ധീകരിച്ച ജലവും ശുദ്ധീകരിക്കാത്ത ജലവും സംഭരിക്കാൻ സംഭരണി. ഏത് പ്രതികൂല കാലാവസ്ഥയിലും വൈദ്യുതി ഉറപ്പാക്കാൻ 315, 500 കെവിയുടെ രണ്ടു സബ് സ്റ്റേഷനുകൾ എന്നിവയും ഇവിടുണ്ട്.

സഹോദര സമാജം കരയോഗം മുൻ സൈനികരെ ആദരിച്ചു

നേമം: കരമന സഹോദര സമാജം എൻഎസ്എസ് കരയോഗം അംഗങ്ങളായ മുൻ സൈനികരെ ആദരിച്ചു. ഡി. സുരേന്ദ്രൻ നായർ, എൻ. ജയകുമാർ, എസ്. സുന്ദര രാജൻനായർ, എം. സോമശേഖരൻ നായർ, എൻ. പുരുഷോത്തമക്കുറുപ്പ്, ജെ. സുധീർ, കെ.എസ് നാരായണൻ നായർ, വി. അപ്പുകുട്ടൻ പിള്ള, പി.ജി. പ്രമോദ്, വി.ശിവകുമാർ, എം. കാർത്തികേയൻ നായർ, സി.എസ്. അനിൽകുമാർ എന്നിവരെയാണ് ആദരിച്ചത്. കുട്ടികൾക്കു വിദ്യാഭാസ സഹായ ധനം വിതരണം ചെയ്തു. കരയോഗം പ്രസിഡന്‍റ് എസ്. ഉപേന്ദ്രൻ നായർ അധ്യക്ഷത വഹിച്ചു സെക്രട്ടറി എ. സതീഷ് കുമാർ, പി. ഗോപിനാഥൻ നായർ, ഗോപകുമാരൻ നായർ, ആനത്താനം സതീഷ്, പള്ളിത്താനം രാജേഷ് എന്നിവർ പങ്കെടുത്തു.

കാപ്പ ഉത്തരവ് ലംഘിച്ച് നാട്ടിൽവന്ന യുവാവ് പിടിയിൽ

നെടുമങ്ങാട്: സാമൂഹ്യവിരുദ്ധ പ്രവർത്തനങ്ങൾ തടയൽ ആക്ടിലെ വകുപ്പ് പ്രകാരം നാടുകടത്തിയ ഉഴമലയ് ക്കൽ ചിറ്റുവീട്ടു കളപ്പട ശ്രുതി ഭവനിൽ ശ്രീലാൽ (26)നെ ആര്യനാട് പോലീസ് അറസ്റ്റ് ചെയ്തു. ആര്യനാടും സമീപ പോലീസ് സ്റ്റേഷൻ പരിധിയിലും കവർച്ച വധശ്രമങ്ങൾ എന്നിങ്ങനെ നിരവധി ക്രിമിനൽ കേസുകളിൽ ഉൾപ്പെട്ട പ്രതിയും കാപ്പാ നിയമ പ്രകാരം മുൻപ് കരുതൽ തടങ്കലിൽ കഴിഞ്ഞിരുന്നയാളുമാണ് ശ്രീലാൽ. ജയിൽ മോചിതനായി വീണ്ടും കുറ്റകൃത്യങ്ങളിൽ ഏർപ്പെട്ടതിനെ തുടർന്നു തിരുവനന്തപുരം റെയ്ഞ്ച് ഡിഐ ജി കാപ്പാ നിയമ പ്രകാരം തിരുവനന്തപുരം ജില്ലയിൽ ആറു മാസത്തേക്ക് പ്രവേശന വിലക്ക് പുറപ്പെടുവിച്ചിട്ടുണ്ട്. ശ്രീലാൽ ഉത്തരവ് കാപ്പാ ഉത്തരവ് ലംഘിച്ച്‌ തിരുവനന്തപുരം ജില്ലയിൽ പ്രവേശിച്ചതായി രഹസ്യ വിവരം ലഭിച്ചതിന്‍റെ അടിസ്ഥാനത്തിൽ ആര്യനാട് പോലീസ് സ്റ്റേഷൻ ഇൻസ്പെക്ടർ വി.എസ്. അജീഷ്, സിപിഒമാരായ ശ്രീജിത്ത്, പ്രശാന്ത് എന്നിവരടങ്ങിയ സംഘം പ്രതിയെ പിടികൂടി. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.

പാട്ടുക്കൂട്ടത്തിന്‍റെ ആദരമേറ്റുവാങ്ങി കെ. ജയകുമാർ

തിരുവനന്തപുരം: പക്ഷേ എന്ന സിനിമയിലെ നായകൻ മോഹൻലാലിനെ പോലെ സിവിൽ സർവീസ് പരീക്ഷയിൽ വിജയിച്ചു എന്നറിഞ്ഞ നിമിഷത്തിൽ സൈക്കിളിൽ കയറി ഞാൻ പാടിയിട്ടില്ല.... മുൻ ചീഫ് സെക്രട്ടറിയും കവിയും ഗാനരചയിതാവുമായ കെ. ജയകുമാറിന്‍റെതാണീ വാക്കുകൾ. സെക്രട്ടേറിയറ്റ് പാട്ടുകൂട്ടത്തിന്‍റെ 214-ാമത്തെ പരിപാടിയിൽ പങ്കെടുത്ത് തന്‍റെ പാട്ടുകളുടെ പിറവിയെ കുറിച്ച് സംസാരിക്കുയായിരുന്നു അദ്ദേഹം. കേന്ദ്ര സാഹിത്യ അക്കാഡമി പുരസ്കാരം ലഭിച്ച കെ. ജയകുമാറിനു പാട്ടുക്കൂട്ടം നല്കിയ അനുമോദന ചടങ്ങിന്‍റെ ഭാഗമായിട്ടായിരുന്നു സംവാദം. കെ. ജയകുമാർ രചിച്ച പ്രശസ്ത ഗാനങ്ങൾ പാട്ടുക്കൂട്ടം അംഗങ്ങൾ ആലപിക്കുകയും തുടർന്ന് അദ്ദേഹം പ്രതികരിക്കുകയുമായിരുന്നു. സൂര്യാംശു ഓരോ വയൽപ്പൂവിലും... ഗാനത്തിൽ ആത്മാംശം ഉണ്ടോ എന്ന പാട്ടുക്കൂട്ടം അംഗം രവി ബാലകൃഷ്ണന്‍റെ ചോദ്യത്തിനു പതിവുശൈലിയിൽ കെ. ജയകുമാർ മറുപടി നല്കി. ഐഎഎസ് ലഭിച്ചു എന്നറിഞ്ഞപ്പോൾ വലിയ ആഹ്ലാദം ഉണ്ടായി. ഗാനത്തിൽ വർണിക്കുന്നത് പോലെയുള്ള പൂക്കൾ നിറഞ്ഞ താഴ്വാരങ്ങളൊന്നും പക്ഷേ എന്‍റെ ഗ്രാമപ്രദേശത്ത് ഉണ്ടായിരുന്നില്ല. സൈക്കിളിന്‍റെ പിന്നിൽ ഇരിക്കാൻ പെണ്‍കിടാവും അന്നുണ്ടായിരുന്നില്ല. അമ്മയുടെ കർശന നിയന്ത്രണത്തിലായിരുന്നു എന്‍റെ അന്നത്തെ ജീവിതം. പുഞ്ചിരിയോടെ കെ. ജയകുമാർ കൂട്ടിച്ചേർത്തു. എന്‍റെ പ്രിയപ്പെട്ട സംഗീതസംവിധായകനായ ജോണ്‍സണിന്‍റെതാണ്. ഈ ഗാനത്തിന്‍റെ സംഗീതം. ട്യൂണിനു അനുസരിച്ച് എഴുതിയതല്ല. അതിനാൽ സ്വതന്ത്രമായി എഴുതുവാൻ കഴിഞ്ഞു. സ്വരവൈകല്യമില്ലാതെ അർഥവൈകല്യമില്ലാതെ സൗമ്യസുന്ദരമായി ജോണ്‍സണ്‍ ഈണം നല്കിയിട്ടുണ്ട്. കെ. ജയകുമാർ പറഞ്ഞു. ഒഴിവുകാലം എന്ന സിനിമയിലെ സായന്തനം നിഴൽ വീശിയില്ല... എന്ന ഗാനത്തെ കുറിച്ച് പാട്ടുക്കൂട്ടത്തിലെ അംഗം ജ്യോതി പ്രദീപിന്‍റെ ചോദ്യത്തിനും കെ. ജയകുമാർ ഉത്തരം നല്കി. സായന്തനം നിഴൽ വീശിയില്ല... എന്ന ഗാനം ഞാൻ എന്‍റെ യൗവ്വനകാലത്ത് എഴുതിയതാണ്. 36-ാമത്തെ വയസിൽ. വാർധക്യകാലത്തെ എങ്ങനെ നേരിടണം എന്ന് നേരത്തേ ഞാൻ തീരുമാനിച്ചു എന്ന് കരുതാം. നമ്മുടെ മനസിന്‍റെ പ്രായം നമ്മൾ തന്നെ തീരുമാനിക്കണം. എന്നായാലും ഒരസ്തമയം ഉണ്ട്. എന്നാൽ അസ് തമിക്കും വരെ നിഴലില്ലാതെ ജീവിക്കുവാൻ നമുക്കു സാധിക്കും. സങ്കല്പത്തിന്‍റെ, സൗന്ദര്യത്തിന്‍റെ, പ്രതീക്ഷയുടെ ലോകത്തിൽ. അനുഭൂതി പൂക്കും നിൻ മിഴികളിൽ നോക്കി ഞാൻ വെറുതെ ഇരുന്നേറെ നേരം.... എന്ന ഗാനത്തിലെ പ്രണയാർദ്രതയെ കുറിച്ചുള്ള ചോദ്യത്തിനു കാല്പനിക കാലത്തെ പ്രണയമാണിതിൽ പകർത്തിയിട്ടുള്ളത് എന്ന് ഗാനരചയിതാവ് വ്യക്തമാക്കി. മെല്ലെ വിടരുന്ന പ്രണയമാണ് ഗാനത്തിൽ നിറയുന്നത്. ഇന്നത്തെ തിരക്കേറിയ തലമുറയ്ക്കു മനസ്‌സിലാക്കാൻ കഴിയാത്ത ആർദ്രപ്രണയമാണിത്. കണ്ണുകളിലെ അനുഭൂതി നോക്കി ഏറെ നേരം ഇരിക്കാൻ ഇന്നു ആർക്കും സമയമില്ല. മഴ എന്ന സിനിമയിലെ ഇത്രമേൽ മണമുള്ള കുടമുല്ലപ്പൂവുകൾക്കെത്ര കിനാക്കൾ. ഉണ്ടായിരിക്കും എന്ന ഗാനത്തിലെ വിലോലതയെ കുറിച്ചും കെ. ജയകുമാർ വിശദീകരിച്ചു. രവീന്ദ്രന്‍റെ സംഗീതത്തിലെ ഈ ഗാനവും ഈണത്തിനു അനുസരിച്ചെഴുതിയതല്ല. മാധവിക്കുട്ടിയുടെ നഷ്ടപ്പെട്ട നീലാംബരി എന്ന കഥയെ ആധാരമാക്കിയ സിനിമയാണ് മഴ. കഥ ഞാൻ വായിച്ചിട്ടുണ്ട്. മാധവിക്കുട്ടിയുടെ പ്രണയ സങ്കല്പമറിയാം; കൃഷ്ണ ഭക്തിയറിയാം. മൃദുലതയാണ് ഈ ഗാനത്തിനു വേണ്ടതെന്ന് തോന്നി. ഏറ്റവും ലോലമായത് പൂവ് തന്നെയാണല്ലോ. പൂവിനെക്കാൾ ലോലം പൂവിന്‍റെ സ്വപ്നമാണെന്നും തോന്നി. അങ്ങനെയാണ് പൂവിനെക്കാൻ മൃദുലം പൂവിന്‍റെ സ്വപ്നം എന്ന് എഴുതിയത്. അനുപല്ലവിയിൽ താമരനൂല് പോൽ പൊഴിയും നിലാവിലും എന്നെഴുവാൻ കാരണവും താമരനൂലിന്‍റെ ലോലത തന്നെ. - ജയകുമാർ കൂട്ടിച്ചേർത്തു. ചടങ്ങിൽ പാട്ടുക്കൂട്ടത്തിനു നേതൃത്വം നല്കുന്ന ഗോകുലദാസ് ആമുഖപ്രസംഗം നടത്തി. പാട്ടുക്കൂട്ടം അംഗം വി. ദേവരാജൻ കൃതജ്ഞത പറഞ്ഞു.

റോഡുകളുടെ ശോച്യാവസ്ഥ: ബിജെപി പ്രതിഷേധിച്ചു

നെടുമങ്ങാട്: മുനിസിപ്പാലിറ്റിയിലെ കണ്ണാറംകോട്, പടവള്ളികോണം വാർഡുകളിലെ റോഡുകളുടെ ശോച്യാവസ്ഥ പരിഹരിക്കണമെന്ന് ആവശ്യപ്പെട്ടുകൊണ്ട് ബിജെപി വാർഡു കമ്മിറ്റികൾ സംഘടിപ്പിച്ച പ്രതിഷേധ സമരം സംസ്ഥാന വക്താവ് യുവരാജ് ഗോകുൽ ഉദ്ഘാടനം ചെയ്തു. മണ്ഡലം കമ്മിറ്റിയംഗം പ്രശാന്ത് ആലപ്പുറം അധ്യക്ഷത വഹിച്ച പ്രതിഷേധ പരിപാടിയിൽ മണ്ഡലം സെക്രട്ടറിമാരായിട്ടുള്ള ബി.എസ്. ബൈജു, പൂവത്തല ഹരികുമാർ, ഏരിയാ പ്രസിഡന്‍റ് പ്രസാദ് കോട്ടപ്പുറം, ഏരിയാ ജനറൽ സെക്രട്ടറി ആലപ്പുറം ബൈജു, ഏരിയാ വൈസ് പ്രസിഡന്‍റ് വി. രവി, ബൂത്ത് പ്രസിഡന്‍റുമാരായ ഷിജു, ബിജു എന്നിവർ പങ്കെടുത്തു.

എംഎസ്‌സി എൽസ-3 കടലിൽ മുങ്ങിയിട്ട് നാളെ ഒരുമാസം

എസ്. രാജേന്ദ്രകുമാർ വിഴിഞ്ഞം: എംഎസ്‌സി എൽസ -3 , 643 കണ്ടെയ്നറുകളുമായി അറബിക്കടലിൽ താഴ്ന്നു പോ യിട്ട് നാളേയ്ക്ക് ഒരുമാസം. കണ്ടെയ്നറുകൾ തകർന്ന് ഉല്പന്നങ്ങൾ നഷ്ടമായ ഏജൻസികൾ കോടതി മുഖാന്തിരം നഷ്ടപരിഹാരങ്ങൾക്ക് അർഹമായപ്പോൾ കടലിനെ ആശ്രയിച്ചു കഴിയുന്ന മത്സ്യത്തൊഴിലാളികളുടെ ആശങ്കയ്ക്ക് ഇനിയും പരിഹാരമില്ല. കരയ്ക്കടിഞ്ഞ വസ്തുക്കൾ ഏറ്റെടുത്ത് കൊണ്ടുപോകാൻ പോലും ആളില്ലാത്ത അവസ്ഥയിലായി. വാർത്തകളും പ്രതിഷേധങ്ങളും കെട്ടടങ്ങിയെങ്കിലും ദുരൂഹതയും നിഗൂഢതയും ബാക്കിയായി തുടരുന്നു. ഏറെ പാരിസ്ഥിതിക പ്രശ്നങ്ങൾക്ക് കാരണമാകാവുന്ന തരത്തിൽ കടലിന്‍റെ അടിത്തട്ടിലേക്ക് ആണ്ടുപോയ കണ്ടെയ്നറുകൾക്ക് എന്തു സംഭവിച്ചുവെന്നു പുറം ലോകത്തെ അറിയിക്കാൻ ബാധ്യതയുള്ള അധികൃതരുടെ മൗനവും മത്സ്യത്തൊഴിലാളികളുടെ ആശങ്ക കൂട്ടുകയാണ്. എൽസ താഴ് ന്നഭാഗത്ത് എണ്ണപ്പാട കണ്ടതായതരത്തിലുള്ള വാർത്തകളും മറ്റു കിംവദന്തികളും ഇപ്പോഴും പ്രചരിക്കുന്നുണ്ട്. കഴിഞ്ഞ മാസം 24 നാണ് വിഴിഞ്ഞം അന്താരാഷ്ട്ര തുറമുഖത്തുനിന്നു കൊച്ചിയിലേക്കു പുറപ്പെട്ട എൽസ ആലപ്പുഴ തോട്ടപ്പള്ളിക്കും പതിനാറ് നോട്ടിക്കൽ ഉൾക്കടലിൽ അപകടത്തിൽപ്പെട്ടത്. ശക്തമായ കാറ്റും കടൽക്ഷോഭവും ഉണ്ടായ വൈകുന്നേരത്തോടെ ചരിഞ്ഞ കപ്പൽ രക്ഷിക്കാമെന്ന അധികൃതരുടെ പ്രതീക്ഷകൾ തെറ്റിച്ചു രണ്ടു ദിവസത്തിനുള്ളിൽ അൻപത് മീറ്ററോളം ആഴങ്ങളിലേക്ക് കപ്പൽ താഴ്ന്നു. മാരകമായ രാസവസ്തുക്കൾ അടങ്ങിയ കണ്ടെയ്നറുകൾ ഉൾപ്പെടെ കപ്പലിൽ ഉണ്ടായിരുന്ന 643 എണ്ണത്തിൽ കരയിലേക്ക് അടിച്ച് കയറിയത് അൻപതിൽപ്പരം കണ്ടെയ്നറുകൾ മാത്രം. ഇതിൽ പകുതിയും ഭാരം കുറഞ്ഞ കാലിയായവയും. രാസപദാർഥങ്ങൾ നിറച്ചവ ഉൾപ്പെടെ ബഹുഭൂരിപക്ഷം കണ്ടെയ്നറുകളുടെ കാര്യത്തിൽ ഒരു മാസം തികയുമ്പോഴും പുറംലോകത്തിനു യാതൊരറിവും ഇല്ലതാനും. കടൽ വെള്ളം കയറിയാൽ ഗുരുതരമായ പ്രത്യാഘാതമുണ്ടാക്കുന്ന രാസവസ്തുക്കളാണ് കപ്പലിൽ ഉള്ളതെന്നു തുടക്കത്തിൽ പറഞ്ഞിരുന്നെങ്കിലും ദിവസം കഴിയുംതോറും ആരുംമിണ്ടാതായി. എന്നാൽ കടലിന്‍റെ അടിത്തട്ടിൽ കിടക്കുന്നവ ശക്തമായ തിരയടിയിലും ഉപ്പുവെള്ളത്തിൽ തുരുമ്പെടുത്തും വേഗത്തിൽ തകരാൻ സാധ്യതയുണ്ടെന്നും മത്സ്യത്തൊഴിലാളികൾ പറയുന്നു. തകർന്നാൽ പാരിസ്ഥിതിക പ്രശ്നങ്ങൾക്കുപരി കടലിന്‍റെ ആവാസ വ്യവസ്ഥയെയും ഇതു ഗുരുതരമായി ബാധിക്കുമെന്നും വിലയിരുത്തപ്പെടുന്നു. ഏതു സമയത്തും പ്രത്യാഘാതമുണ്ടാക്കാവുന്ന തരത്തിൽ കടലിൽ കണ്ടെയ്നറുകൾ ഉള്ളപ്പോൾ മനസമാധാനത്തോടെ വള്ളമിറക്കാൻ കഴിയാത്ത അവസ്ഥയാണെ ന്നു വിഴിഞ്ഞം ഉൾപ്പെടെയുള്ള പരമ്പരാഗത മത്സ്യത്തൊഴിലാളികൾ പറയുന്നു. ഒഴുകിയെത്തിയ കണ്ടെയ്നറുകളിൽ ചിലത് പൊട്ടിത്തകർന്നു തോടുള്ള കശുവണ്ടി, തേങ്ങാ, പ്ലാസ്റ്റിക് തരികൾ എന്നിവ കടലിൽ ഒഴുകി. കരയിൽ കയറിയ കശുവണ്ടിയും തേങ്ങയുമെല്ലാം ആൾക്കാരും കൊണ്ടുപോയി. എന്നാൽ പരിസ്ഥിതിക്കു നാശം വരുത്താവുന്ന പ്ലാസ്റ്റിക് തരികൾ നിറച്ച ചാക്കുകൾ ഏറ്റെടുക്കാൻ അധികൃതർ എത്തിയില്ല. ഒരു മാസമായി കടൽക്കരയിൽ അനാഥമായി കിടക്കുന്നതായി മത്സ്യത്തൊഴിലാളികൾ വ്യക്തമാക്കുന്നു. ഏറ്റെടുത്ത ഓയിൽ കാനുകൾ, തടികൾ എന്നിവ വിഴിഞ്ഞം മാരിടൈം ബോർഡിൻന്‍റെ തുറമുഖ വാർഫിൽ സൂക്ഷിക്കാൻ തുടങ്ങിയിട്ടും നാളുകൾ കഴിഞ്ഞു.

എംഎസ്്‌സി ഗുൽസൺ വിഴിഞ്ഞം തുറമുഖത്തടുത്തു

വിഴിഞ്ഞം: ലോകത്തിലെ ഏറ്റവും വലിയ കപ്പലുകളിൽ ഒന്നായ എംഎസ്‌സി ഗുൽസൺ വിഴിഞ്ഞം തുറമുഖത്തടുത്തു. ഏഷ്യയെയും യൂറോപ്പിനെയും ബന്ധിപ്പിച്ച് എംഎസ്‌സി നടത്തുന്ന ജാഡ് സർവീ സിന്‍റെ ഭാഗമായാണ് കപ്പൽ ഭീമന്‍റെ വരവ്. സിംഗപ്പൂരിൽനിന്നു സ്പെയിനിലെ വലൻസിയയിലേക്കുള്ള യാത്രാമധ്യേ ഇന്നലെ രാവിലെ വിഴിഞ്ഞം അന്താരാഷ്ട്ര തുറമുഖ വാർഫിൽ നങ്കൂരമിട്ടു. 399.9 മീറ്റർ നീളവും 62 മീറ്റർ വീതിയും 16.6 മീറ്റർ ആഴവുമുള്ള മദർഷിപ്പായി ഗുൽസണ് 23,756 കണ്ടെയ്നറുകൾ വഹിക്കാനുള്ള ശേഷിയുണ്ട്. മൂവായിരത്തോളം കണ്ടെയ്നറുകൾ ഇറക്കിയ ശേഷം ഇന്നു വൈകുന്നേരത്തോടെ കപ്പൽ തീരം വിടും. ഇക്കഴിഞ്ഞ ഫെബ്രുവരി മുതലാണ് ആഴ്ചയിൽ രണ്ട് എന്ന തരത്തിൽ എംഎസ്‌സി വിഴിഞ്ഞത്തുനിന്ന് ജാഡ് സർവീസിന് തുടക്കം കുറിച്ചത്. സർവീസ് വിജയകരമായി തുടരുന്നതിനിടയിലാണു ഗുൽസന്‍റെ വരവ്. ഐറീന വിഭാഗത്തിൽപ്പെട്ട ചർക്ക് കപ്പലുകൾ കടലിൽ ഇറങ്ങുന്നതിനു മുൻപ് ലോകത്തെ ഒന്നാം നമ്പർ എന്ന പദവിയിലായിരു ഗുൽസൺ. വിഴിഞ്ഞം തുറമുഖം ട്രയൽ റൺ തുടങ്ങിയശേഷം ഇതുവരെ 363 കണ്ടെയ്നർ കപ്പലുകൾ വിഴിഞ്ഞത്തു വന്നു മടങ്ങി. 7.78 ലക്ഷം കണ്ടെയ്നറുകൾ വിജയകരമായി കൈകാര്യം ചെയ്യാനും വിഴിഞ്ഞം അധികൃതർക്കായി.

ഊര്‍ജ ആവശ്യങ്ങള്‍ക്കു പരിഹാരവുമായി ഈസ്റ്റ്മാന്‍

തിരുവനന്തപുരം: വര്‍ധിച്ചുവരുന്ന ഊര്‍ജ ആവശ്യങ്ങള്‍ മുന്നില്‍ക്കണ്ട് പുതിയ സോളാര്‍ ഉത്പന്നങ്ങള്‍ പുറത്തിറക്കി ഈസ്റ്റ്മാന്‍. ഗ്രിഡ് ടൈ, ഹൈബ്രിഡ്, ഓഫ് ഗ്രിഡ് ഇന്‍വെര്‍ട്ടറുകള്‍, ലീഡ് ആസിഡ് ആൻഡ് ലിഥിയം ബാറ്ററികള്‍, സോളാര്‍ പാനലുകള്‍ എന്നിവയാണ് പുറത്തിറക്കിയത്. പാര്‍പ്പിടങ്ങള്‍, വാണിജ്യ, വ്യവസായ കേന്ദ്രങ്ങള്‍ തുടങ്ങിയവയ്‌ക്കെല്ലാം അനുയോജ്യമായ ഉത്പന്നങ്ങളാണ് പുതുതായി വിപണിയിലെത്തിച്ചിരിക്കുന്നത്. ഉത്പന്നങ്ങള്‍ യഥാസമയം ഉപഭോക്താക്കളിലേക്ക് എത്താന്‍ ഡീലര്‍ നെറ്റ് വര്‍ക്കുകളും വ്യാപിപ്പിച്ചിട്ടുണ്ട്. മികച്ച വില്‍പ്പനാനന്തര സേവനം നല്‍കിയാണ് ഈസ്റ്റ്മാന്‍ ഉപഭോക്താവിന്‍റെ താത്പര്യങ്ങള്‍ക്ക് മുന്‍ഗണന നല്‍കുന്നത്.

നാലാഞ്ചിറ സർവോദയ സെൻട്രൽ വിദ്യാലയത്തിൽ ദീപിക നമ്മുടെ ഭാഷ

നാലാഞ്ചിറ: സർവോദയ സെൻട്രൽ വിദ്യാലയത്തിൽ വായനാദിനാഘോഷവും ദീപിക ബാലസഖ്യം, ദീപിക - നമ്മുടെ ഭാഷ പദ്ധതി എന്നിവയുടെ ഉദ്ഘാടനം സ്കൂൾ പ്രിൻസിപ്പൽ ഫാ. കാരിക്കൽ ചാക്കോ വിൻസന്‍റ് നിർവഹിച്ചു. ദീപിക സർക്കുലേഷൻ മാനേജർ ഇ.വി. വർക്കി അധ്യക്ഷത വഹിച്ചു. ദീപിക ബാലസഖ്യം പ്രവിശ്യ പ്രസിഡന്‍റ് അംബ്രോസ് പി. കുന്നിൽ ആശംസകൾ അർപ്പിച്ചു. ദീപിക ബാലസഖ്യം, ദീപിക - നമ്മുടെ ഭാഷ പദ്ധതിയും സംയുക്തമായി സംഘടിപ്പിച്ച ലഹരിവിരുദ്ധ പ്രവർത്തനത്തിന്‍റെ ഭാഗമായി, സ്കൂൾ ഓഡിറ്റോറിയത്തിൽ ചേർന്ന ആഘോഷ പരിപാടിയിൽ കുട്ടികൾ ലഹരിവിരുദ്ധ പ്രതിജ്ഞയെടുത്തു. സ്കൂൾ പ്രിൻസിപ്പൽ പ്രതിജ്ഞ ചൊല്ലിക്കൊടുത്തു.

സ്റ്റീൽ ജലസംഭരണി ലേലം ചെയ്ത നടപടിയിൽ അപാകതയെന്ന് ആരോപണം

കാഞ്ഞിരംകുളം: കുമിളി ജലവിതരണ കേന്ദ്രത്തിലെ വളരെ പഴക്കമുള്ള സ്റ്റീൽ ജലസംഭരണി പൊളിച്ചുമാറ്റാൻ ക്രമവിരുദ്ധമായി ലേലം നടത്തിയെന്ന് ആരോപണം. ലേലം ചെയ്ത് പൊളിക്കാനുള്ള കാലാവധി കഴിഞ്ഞിട്ടും പൊളിച്ചുമാറ്റൽ നടന്നില്ല. പഴക്കംചെന്ന് അപകട അവസ്ഥയിൽ സ്ഥിതിചെയ്യുന്ന കാഞ്ഞിരംകുളം നെല്ലിക്കാക്കുഴിയിലെ സ്റ്റീൽ ജലസംഭരണി പൊളിച്ചുമാറ്റാൻ മേയ് 20 നാണ് ലേല നടപടികൾക്കായി ദർഘാസ് പരസ്യം നടത്തിയത്. അതനുസരിച്ച് മേയ് 29 ന് ലേലവും നടത്തി. ഇതു ചട്ടവിരുദ്ധമായി നടത്തിയെന്ന് ചൂണ്ടികാണിച്ച് നെയ്യാറ്റിൻകര ജലവിതരണ എക്സിക്യൂട്ടീവ് എൻജിനീയർക്ക് ജൂൺ 18ന് രേഖാമൂലം നാട്ടുകാരിൽ ഒരാൾ പരാതിയും നൽകി.

പോലീസ് എത്തിയതറിയാതെ പ്രതികള്‍ : ഷഹീനയുടെ ശരീരം നിറയെ രക്തംനീലിച്ച അടയാളങ്ങള്‍

പേരൂര്‍ക്കട: യുവതിയുടെ മരണവിവരമറിഞ്ഞ് മരുതൂരിലെ ഹോംസ്റ്റേയില്‍ പോലീസ് എത്തുമ്പോള്‍ കാണുന്നത് ഷൂവിന്‍റെ ലേസ് കെട്ടുന്ന ഷംഷാദിനെയും മൊബൈലില്‍ കളിച്ചുകൊണ്ടിരിക്കുന്ന സുഹൃത്ത് വിശാഖിനെയും..! ഷഹീനയ്‌ക്കെന്തുപറ്റിയെന്ന ചോദ്യത്തിനു ഭര്‍ത്താവ് മര്‍ദിച്ചതാണെന്നും അയാള്‍ ഭരണിക്കാവിലാണെന്നുമായിരുന്നു സഹോദരന്‍ പറഞ്ഞത്. എന്നാല്‍ ശനിയാഴ്ചയും വെള്ളിയാഴ്ചയും ഭര്‍ത്താവ് വന്നില്ലെന്നും മദ്യലഹരിയില്‍ ഷംഷാദ് പറഞ്ഞു.! ഹാളിനുള്ളില്‍ രണ്ടു മദ്യക്കുപ്പികളും ഗ്ലാസുകളും മിനറല്‍ വാട്ടര്‍ കുപ്പികളും കണ്ടെത്തി. ടിവി ഓണ്‍ചെയ്ത നിലയിലായിരുന്നു. ബെഡ്‌റൂമിനുള്ളില്‍ തറയിലാണ് ഷഹീനയുടെ മൃതദേഹം കണ്ടെത്തിയത്. രണ്ട് അകം കൈകളിലും നീലിച്ച അടയാളങ്ങളുണ്ടായിരുന്നു. മുഖമാകെ ചുവന്നു കരുവാളിച്ച നിലയിലുമായിരുന്നു. രണ്ടു കാലുകളിലും കാല്‍പ്പത്തിക്കടുത്തായും അടയാളങ്ങള്‍ കണ്ടെത്തി. മാരകമായ ഇടിയും അടിയുമേറ്റ് അസ്ഥാനത്ത് മര്‍ദനമേറ്റു ഷഹീന മരണപ്പെട്ടുവെന്നാണ് പോലീസിന്‍റെ പ്രാഥമിക നിഗമനം. ഷംഷാദും വിശാഖും പരസ്പരബന്ധമില്ലാതെയാണ് സംസാരിച്ചിരുന്നത്. ഷഹീന മരിച്ചിട്ടില്ലെന്നും ബോധക്കേട് അഭിനയിച്ചു കിടക്കുന്നതാണെന്നുമായിരുന്നു ഷംഷാദ് മദ്യലഹരിയില്‍ പോലീസിനോടു പറഞ്ഞത്. ഷംഷാദിന്‍റെ വലത്തേക്കണ്ണ് കൃത്രിമമാണ്. ഇയാളുടെ പല്ലുകളുടെ ചികിത്സാര്‍ഥമാണ് സഹോദരിക്കൊപ്പം മരുതൂരിലെ ഹോംസ്റ്റേഡിയില്‍ മുറിയെടുത്തത്. വട്ടപ്പാറയിലെ ഒരു സ്വകാര്യാശുപത്രിയിലായിരുന്നു ചികിത്സ. ഷംഷാദിനെതിരേ വിവിധ സ്റ്റേഷനുകളില്‍ പിടിച്ചുപറിക്കേസുകളുണ്ട്. വിശാഖിനെതിരേ പോത്തന്‍കോട്, കഴക്കൂട്ടം സ്റ്റേഷനുകളില്‍ ആക്രമണക്കേസുകളുള്ളതായി മണ്ണന്തല എസ്ഐ ആര്‍.എസ് വിപിന്‍ പറഞ്ഞു. വെള്ളിയാഴ്ച വഴക്കുണ്ടായി; വിശാഖിനെ വരുത്തിയതു മൃതദേഹം മറവുചെയ്യാനെന്നു സംശയം പേരൂര്‍ക്കട: മണ്ണന്തല മരുതൂരില്‍ യുവതിയുടെ കൊലപാതകവുമായി ബന്ധപ്പെട്ട് സഹോദരന്‍ ഷംഷാദ് തന്‍റെ സുഹൃത്തായ ചെമ്പഴന്തി സ്വദേശി വിശാഖിനെ വിളിച്ചുവരുത്തിയതു മൃതദേഹം മറവുചെയ്യാനാണെന്നു സംശയം. സംഭവദിവസം ഉച്ചയ്ക്ക് ര ണ്ടോടുകൂടിയാണു വിശാഖിനെ വിളിച്ചുവരുത്തുന്നത്. മരുതൂരിലെ ഹോംസ്റ്റേയില്‍ എത്തിയപ്പോഴാണു സംഗതി പന്തികേടാണെന്നു വിശാഖിനു മനസിലായത്. വിശാഖ് വീട്ടിലെത്തുമ്പോള്‍ ഷംഷാദ് മദ്യലഹരിയിലായിരുന്നു. സഹോദരിയായ ഷഹീന ബെഡ്‌റൂമില്‍ മരിച്ചുകിടക്കുകയാണെന്നു ഷംഷാദ് സുഹൃത്തിനെ അറിയിച്ചു. പരസ്പരം മദ്യപിച്ചശേഷം വിശാഖ് വീണ്ടും പുറത്തേക്കുപോയി. പോലീസിന്‍റെ ചോദ്യം ചെയ്യലില്‍ താന്‍ കീ ഡ്യൂപ്ലിക്കേറ്റിംഗിന് കൊടുത്തിരുന്നുവെന്നും അതു വാങ്ങാന്‍ വഞ്ചിയൂരിലേക്ക് പോയതാണെന്നും വിശാഖ് മൊഴി നല്‍കിയിട്ടുണ്ട്. അതിനിടെ ഇയാള്‍ വീണ്ടും മരുതൂരിലെ ഹോം സ്റ്റേയില്‍ എത്തി. അപ്പോഴാണ് കൊല്ലപ്പെട്ട ഷഹീനയുടെ മാതാപിതാക്കള്‍ വീട്ടിലെത്തിയതായി അറിയുന്നത്. പിന്നീട് ഇവിടെനിന്നു രക്ഷപ്പെടാനും സാധിച്ചില്ല. അതിനിടെ മാതാപിതാക്കള്‍ അറിയിച്ച് 108 ആംബുലന്‍സ് എത്തുകയും അവര്‍ നടത്തിയ പരിശോധനയില്‍ ഷഹീന മരണപ്പെട്ടതായി കണ്ടെത്തുകയുമായിരുന്നു. ഷഹീനയും സഹോദരനും ജൂണ്‍ 14നാണ് മരുതൂരിലെ ഹോംസ്റ്റേയില്‍ ഒന്നാം നിലയില്‍ മുറി വാടകയ്‌ക്കെടുക്കുന്നത്. ഷംഷാദിന്‍റെ ദന്തല്‍ ചികിത്സാര്‍ഥമാണ് ഇതെന്നാണു സൂചന. കൊലപാതകം നടക്കുന്നതു ശനിയാഴ്ച ഉച്ചയോടെയാണെങ്കിലും വെള്ളിയാഴ്ച രാത്രി ഷഹീന വീട്ടില്‍ വിളിക്കുകയും സഹോദരന്‍ വഴക്കുണ്ടാക്കുകയാണെന്ന് അറിയിക്കുകയും ചെയ്തിരുന്നു. അതിലുള്ള ആശങ്കമൂലമാണ് മാതാപിതാക്കള്‍ ശനിയാഴ്ച മകളെ കാണാന്‍ എത്തുന്നതും ഒടുവില്‍ ബെഡ്‌റൂമില്‍ ബോധമില്ലാത്ത നിലയില്‍ ഷഹീനയെ കണ്ടെത്തുന്നതും. പോലീസിന്‍റെ ചോദ്യം ചെയ്യലില്‍ ഷംഷാദ് കാര്യമായി ഒന്നും പറഞ്ഞില്ല. വിശാഖിനെ ചോദ്യം ചെയ്തതില്‍ നിന്നാണ് കൂടുതല്‍ വിവരങ്ങള്‍ വ്യക്തമായത്. കൂട്ടുപ്രതിയാക്കപ്പെട്ട ഇയാളുടെ അറസ്റ്റ് പോലീസ് ഞായറാഴ്ച രേഖപ്പെടുത്തി. ഷഹീനയുടെ മൃതദേഹം ബന്ധുക്കൾക്ക് വിട്ടുനൽകി മെഡിക്കൽ കോളജ്: സഹോദരൻ ക്രൂരമായി കൊലപ്പെടുത്തിയ പോത്തൻകോട് ചാത്തൻപാട് കൊച്ചുവീട്ടിൽ മുഹമ്മദ് ഷഫീഖ്-സലീന ദമ്പതികളുടെ മകൾ ഷഹീനയുടെ (32) മൃതദേഹം പോസ്റ്റ്മോർട്ടത്തിനുശേഷം ബന്ധുക്കൾക്കു വിട്ടുനൽകി. തിരുവനന്തപുരം മെഡിക്കൽ കോളജ് ആശുപത്രിയിൽ മേൽ നടപടികൾ പൂർത്തീകരിച്ച ശേഷം ഇന്നലെ വൈകുന്നേരത്തോടുകൂടിയാണ് മൃതദേഹം ബന്ധുക്കൾക്കു വിട്ടു നൽകിയത്. ആംബുലൻസിൽ മൃതദേഹം കൊല്ലത്തേക്കാണു കൊണ്ടുപോയത്. സഹോദരൻ ഷംഷാദിന്‍റെ ക്രൂരമായ മർദനത്തിൽ പരിക്കേറ്റാണ് ഷഹീന മരണപ്പെട്ടത്. ശനിയാഴ്ച ഉച്ചതിരിഞ്ഞായിരുന്നു സംഭവം. കട്ടിലിൽനിന്നു താഴെ വീണു കിടക്കുന്ന നിലയിലായിരുന്നു മൃതദേഹം കണ്ടെത്തിയത്. ശരീരമാകെ ഇടിയുടെയും അടിയുടെയും അടയാളങ്ങളും നീലിച്ച പാടുകളും കണ്ടെത്തിയിരുന്നു. മരുതൂരിൽ ഇസാഫ് ബാങ്കിനു പിറകുവശത്തായി അത്രക്കാട്ട് എൻക്ലേവ് എന്ന ഹോം സ്റ്റേയിലാണ് സഹോദരനോടൊപ്പം യുവതി താമസിച്ചുവന്നിരുന്നത്. ഒന്നാംനിലയിൽ രണ്ട് ബി റൂമിലായിരുന്നു ഇവർ കഴിഞ്ഞു വന്നിരുന്നത്. വട്ടപ്പാറയിലെ സ്വകാര്യ ആശുപത്രിയിൽ ഷംഷാദിന്‍റെ ചികിത്സാർഥമാണ് ഇവർ താമസിച്ചുവന്നിരുന്നത്.

ടാലന്‍റ് ഫെസ്റ്റ് സംഘടിപ്പിച്ചു

വിതുര: എസ്എസ്എൽസി,പ്ലസ് ടു പരീക്ഷകളിൽ ഉന്നത വിജയം കരസ്ഥമാക്കിയ കുട്ടികൾക്കായി യൂത്ത് കോൺഗ്രസ് തൊളിക്കോട് മണ്ഡലം കമ്മിറ്റി യൂത്ത് പ്ലസ് ടാലന്‍റ് ഫെസ്റ്റ് നടത്തി. മണ്ഡലം പ്രസിഡന്‍റ് ഷൈൻ പുളിമൂടിന്‍റെ അധ്യക്ഷതയിൽ സംസ്ഥാന സെക്രട്ടറി അമി തിലക് ഉദ്ഘാടനം ചെയ്തു. ബ്ലോക്ക് കോൺഗ്രസ് കമ്മിറ്റി എക്സിക്യൂട്ടീവ് അംഗം അബ്ദുൾ സത്താർ കുട്ടികൾക്ക് സർട്ടിഫിക്കറ്റും, മൊമെന്‍റോയും നൽകി ആദരിച്ചു. മുൻ പ്രസിഡന്‍റ് തൊളിക്കോട് ഷാൻ ,അസംബ്ലി ജന.സെക്രട്ടറി ചേരപ്പള്ളി പ്രശാന്ത്, മണ്ഡലം ജനറൽ സെക്രട്ടറിമാരായ അജ്മൽ പറണ്ടോട്,നൗഫാൻ നസീർ, റിസാൻ പാക്ക്പുരയിൽ, ഫിറോസ് പാമ്പാടി,പ്രവാസി കോൺഗ്രസ് ബ്ലോക്ക് പ്രസിഡന്‍റ് എം.എം സലിം, കോൺഗ്രസ് മണ്ഡലം ജന. സെക്രട്ടറി സജീദ് മേടയിൽ, കെ എസ് യു പ്രസിഡന്‍റ് അബുത്വാലിബ്‌, ഇസ്മായിൽ പുളിമൂട്,നിസാം പുളിമൂട്,നസീർ പുളിമൂട്, തുടങ്ങിയവർ നേതൃത്വം നൽകി.

വർണോത്സവം ഭിന്നശേഷി കലോത്സവം

നെടുമങ്ങാട്: നഗരസഭ 2025-26 വാർഷിക പദ്ധതി വർണോത്സവം ഭിന്നശേഷി കലോത്സവം ഭക്ഷ്യ സിവിൽ സപ്ലൈസ് മന്ത്രി ജി ആർ അനിൽ ഉദ്ഘാടനം ചെയ്തു. നഗരസഭ ചെയർപേഴ്സൺ സി. എസ്‌ശ്രീജ അധ്യക്ഷത വഹിച്ചു. നഗരസഭ ക്ഷേമ കാര്യ സ്റ്റാൻഡിംഗ് കമ്മിറ്റി ചെയർമാൻ ബി. സതീശൻ , വൈസ് ചെയർമാൻ എസ്‌. രവീന്ദ്രൻ, വിദ്യാഭ്യാസ കമ്മിറ്റി ചെയർപേഴ്സൺ വസന്തകുമാരി, ആരോഗ്യ സ്റ്റാൻഡിംഗ് കമ്മിറ്റി ചെയർപേഴ്സൺ അജിത, പൊതുമരാമത്ത് സ്റ്റാൻഡിംഗ് കമ്മിറ്റി ചെയർമാൻ ഹരികേശൻ നായർ, വികസനകാര്യ സ്റ്റാൻഡിംഗ് കമ്മിറ്റി ചെയർപേഴ്സൺ സിന്ധു, കൗൺസിലർ മാരായ സുമയാ മനോജ്, പുങ്കും മൂട് അജി,എം. എസ്. ബിനു, ഉഷ, ആദിത്യ വിജയകുമാർ ഗീത, പ്രിയ പി. നായർ, ലേഖ വിക്രമൻ, ബിജു ഐ സി ഡി എസ് സൂപ്പർവൈസർ സുബി സോമൻ കമ്മ്യൂണിറ്റി വുമൺ ഫെസിലിറ്റേറ്റർ കാർത്തിക,ഐ സി ഡി എസ് സൂപ്പർവൈസർ ശരണ്യ എന്നിവർ പ്രസംഗിച്ചു.

ബിരുദദാനച്ചടങ്ങ്

നെടുമങ്ങാട്: ഡെയിൽ വ്യൂ കോളജ് ദേശീയ വിദ്യാഭ്യാസ നയത്തിന് മാതൃകയായായതായി നാക്ക് ചെയർമാൻ പ്രൊഫ.അനിൽ സഹസ്രബുദ്ധ. ഡെയിൽ വ്യൂ ഫാർമസി കോളജിന്‍റെ 19-ാമത് ബിരുദദാനച്ചടങ്ങ് ഉദ്ഘാടനം ചെയ്ത് പ്രസംഗിക്കുകയായിരുന്നു അദേഹം. ഗയാന ഹൈക്കമീഷണർ ധർമകുമാർ സീരാജ്, ഉക്രെയിൻ എംബസിയിലെ ഡെപ്യൂട്ടി ചീഫ് ഓഫ് മിഷൻ ആർടെം നോസ്കോ എന്നിവർമുഖ്യാതിഥികളായി പങ്കെടുത്തു. കോളജ് ചെയർപേഴ്സൺ ഡോ.ദീന ദാസ് അധ്യക്ഷത വഹിച്ചു. പ്രിൻസിപ്പൽ ഡോ.പി.എസ്.ഷിജി കുമാർ, വൈസ് പ്രിൻസിപ്പൽ ഡോ.എച്ച്.സീന,കോളജ് സിഇഒ ഡോ.ഷൈജു ആൽഫി,ഡെയിൽവ്യൂ ഡയറക്ടർ ഡിപിൻദാസ്,ഡിനിൽദാസ് കോളജിലെ വകുപ്പുതലവൻമാർ, അധ്യാപകർ എന്നിവർ പ്രസംഗിച്ചു.

ജില്ലയിലെങ്ങും യോഗ ദിനാചരണ പരിപാടികള്‍

തിരുവനന്തപുരം: ജില്ലയിലെങ്ങും യോഗ ദിനാചരണവുമായി ബന്ധപ്പെട്ട പരിപാടികള്‍ സംഘടിപ്പിച്ചു. രാജ്ഭവനില്‍ സംഘടിപ്പിച്ച യോഗ ദിനാചരണ പരിപാടിയില്‍ ഗവര്‍ണര്‍ രാജേന്ദ്ര വിശ്വനാഥ് അര്‍ലേക്കര്‍ യോഗ ദിന സന്ദേശം നല്‍കി. മനുഷ്യരുടെ സമ്പൂര്‍ണ ക്ഷേണം ഉറപ്പാക്കുന്നതാണ് യോഗയെന്ന് അദ്ദേഹം പറഞ്ഞു. ക്രൈസ്റ്റ് നഗര്‍ സെന്‍ട്രല്‍ സ്‌കൂളില്‍ യോഗ ദിനവും മ്യൂസിക് ദിനവും ഇന്നലെ സ്‌കൂളില്‍ സംഘടിപ്പിച്ചു. ഉദ്ഘാടനം പിന്നണി ഗായകന്‍ ഖാലിദും എല്‍എന്‍സിപിഇ അസോ. പ്രഫ. ലൗവി ഡിബോറയും നിര്‍വഹിച്ചു. പരിപാടിയോടനുബന്ധിച്ചു നൃത്ത പരിപാടികള്‍, മനുഷ്യ പിരമിഡ് എന്നിവയും അവതരിപ്പിച്ചു. യോഗ കുട്ടികളില്‍ വളര്‍ത്തേണ്ടതിന്‍റെ ആവശ്യകതയെക്കുറിച്ചു ബോധവത്കരണ റാലി, ചുമര്‍ ചിത്രകല, ക്വിസ്, ചിത്രരചന, ഉപന്യാസം, കവിത രചന, സൂര്യനമസ്‌കാരം, ധ്യാനം എന്നിവയില്‍ മത്സരം എന്നിവയും സംഘടിപ്പിച്ചു. സ്‌കൂള്‍ പ്രിന്‍സിപ്പല്‍ ഫാ.സേവ്യര്‍ അമ്പാട്ട് സിഎംഐ അധ്യക്ഷത വഹിച്ച ചടങ്ങില്‍ ശ്രേയ സരോ ജോസ്,വൈസ് പ്രിന്‍സിപ്പല്‍ ഫാ. റോബിന്‍ പതിനാറില്‍ചിറ സിഎംഐ തുടങ്ങിയവർ പ്രസംഗിച്ചു. പ്രിസാ തങ്കം , ലക്ഷ്മി രംഗന്‍ എന്നിവര്‍ നേതൃത്വം നല്‍കി. നെട്ടയത്തു പ്രവര്‍ത്തിക്കുന്ന ജിയോളജിക്കല്‍ സര്‍വേ ഓഫ് ഇന്ത്യയില്‍ വിപുലമായി രീതിയില്‍ യോഗ ദിനാഘോഷം സംഘടിപ്പിച്ചു. ഇതോടനുബന്ധിച്ച് ജൂണ്‍ 14ല്‍ മുതല്‍ 20 വരെ ദിവസവും യോഗ സെഷനുകളും പ്രത്യേക ക്ലാസുകളും നടന്നു. വട്ടിയൂര്‍കാവ് ഗവ. ആയുര്‍വേദ ഡിസ്‌പെന്‍സറി സീനിയര്‍ മെഡിക്കല്‍ ഓഫീസര്‍ ഡോ.എല്‍.ആര്‍. നിഷ നേതൃത്വം നല്‍കി. യോഗ ദിനാചരണത്തോടനുബന്ധിച്ച് മെഡിക്കല്‍ ക്യാംമ്പും സംഘടിപ്പിച്ചു. ക്യാമ്പില്‍ ഓഫീസര്‍മാര്‍ക്കും ജീവനക്കാര്‍ക്കും മെഡിക്കല്‍ കിറ്റുകള്‍ വിതരണം ചെയ്തു. കഴക്കൂട്ടം ഡിഫറന്‍റ് ആര്‍ട് സെന്‍ററില്‍ അന്താരാഷ്‌ട്ര യോഗ ദിനവും ലോക സംഗീത ദിനവും സംഘടിപ്പിച്ചു. ഇഷ ഫൗണ്ടേഷനും ഡിഫറന്‍റ് ആര്‍ട് സെന്‍ററും സംയുക്തമായി സംഘടിപ്പിച്ച യോഗ ദിനാചരണം ഇഷ ഹഠയോഗ ട്രയിനര്‍ പ്രിയങ്ക ഉദ്ഘാടനം ചെയ്തു. സെന്‍ററിലെ ഭിന്നശേഷി വിഭാഗത്തില്‍പ്പെട്ട കുട്ടികള്‍ക്കായി ശബ്ദവും യോഗയും സമന്വയിപ്പിച്ച മിറാക്കിള്‍ ഓഫ് മൈന്‍ഡ് എന്ന പ്രത്യേക യോഗ പരിശീലനമാണ് സംഘടിപ്പിച്ചത്. മാജിക് പ്ലാനറ്റ് മാനേജര്‍ സി.കെ.സുനില്‍രാജ് ,ഇന്‍റര്‍വന്‍ഷന്‍ ഡയറക്ടര്‍ ഡോ.അനില്‍കുമാര്‍ തുടങ്ങിയവർ പ്രസംഗിച്ചു. വെള്ളറട: ശ്രീ ചിത്തിര തിരുനാള്‍ റെസിഡന്‍ഷല്‍ സെന്‍ട്രല്‍ സ്‌കൂളില്‍ അന്താരാഷ്‌ട്ര യോഗാ ദിനം ആചരിച്ചു. കുലശേഖരം എസ്ആര്‍കെ മെഡിക്കല്‍ കോളജ് പ്രൊഫസര്‍ ഡോ. പ്രിയ വിദ്യാർഥികള്‍ക്ക് യോഗ പരിശീലനം നല്‍കി. സ്‌കൂള്‍ മാനേജര്‍ ടി.സതീഷ്‌കുമാറിന്‍റെ അധ്യക്ഷതയില്‍ പ്രിന്‍സിപ്പല്‍ എസ്. പുഷ്പവല്ലി യോഗാ ദിന സന്ദേശം നല്‍കി. പാറശാല: യോഗ ദിനതോടനുബന്ധിച്ചു തിരുപുറം ഗവ.ആയുര്‍വേദ ഹോസ്പിറ്റലില്‍ നടന്ന യോഗ ദിനാചരണം തിരുപുറം പഞ്ചായത്ത് പ്രസിഡന്‍റ് ഷീന ആല്‍ബിന്‍ ഉദ്ഘാടനം നിര്‍വഹിച്ചു. പഞ്ചായത്ത് അംഗങ്ങളായ ക്രിസ്തുദാസ്, ഗിരിജ, മെഡിക്കല്‍ ഓഫീസര്‍ ഡോ. മിനു ചിത്ര, സ്റ്റാഫ് അംഗങ്ങള്‍, ആശാ പ്രവര്‍ത്തകര്‍, യോഗ സ്റ്റുഡന്‍റ്സ് എന്നിവര്‍ നേതൃത്വം നല്‍കി. യോഗ ദിനാഘോഷതൊടാനുബന്ധിച്ചു നടന്ന യോഗ ഡാന്‍സിന് ഡോ. രേഷ്മ രാഭായ് നേതൃത്വം നല്‍കി. വെള്ളറട:അന്തര്‍ദേശീയ യോഗദിനം ഡെയില്‍ വ്യൂ പുനലാല്‍ ഹൈസ്‌കൂളില്‍ ആചരിച്ചു, ഡെയില്‍ വ്യൂ ഡയറക്ടര്‍ ഡി. ബിന്‍ ദാസ് നേതൃത്വം നല്‍കിയ പരിപാടി കാരക്കോണം മെഡിക്കല്‍ കോളജിലെ നെഫ്രോളജി വിദഗ്ധന്‍ ഡോ.ആന്‍റോ ജോര്‍ജ് ഉദ്ഘാടനം ചെയ്തു, ഡെയില്‍ വ്യൂ സ്‌കൂള്‍ മാനേജര്‍ ഡിനില്‍ദാസ്, ഹെഡ്മാസ്റ്റര്‍ അനിത, അലക്‌സ് ജയിംസ് തുടങ്ങിയവര്‍ പ്രസംഗിച്ചു. നെടുമങ്ങാട്: രാജ്യാന്തര യോഗാ ദിനത്തോടനുബന്ധിച്ച് കേന്ദ്രസർക്കാരിന്‍റെ കീഴിൽ പ്രവർത്തിക്കുന്ന തിരുവനന്തപുരം ജൻശിക്ഷൻ സൻ സ്ഥാൻ സംഘടിപ്പിച്ച നെടുമങ്ങാട് താലൂക്ക് തല യോഗാദിന പരിപാടി മുൻ നഗരസഭ ചെയർമാൻ കെ. സോമശേഖരൻ നായർ ഉദ്ഘാടനം ചെയ്തു. സൊസൈറ്റി ചെയർമാൻ മൂഴിയിൽ മുഹമ്മദ് ഷിബുവിന്‍റെ അധ്യക്ഷതയിൽ നടന്ന യോഗത്തിൽ പനവൂർ ഹസൻ, പോങ്ങനാട് ഷാജി, പുലിപ്പാറ യൂസഫ്, ജയരാജ്, സജി, ഹനാൻ റാഷിദ് , തുടങ്ങിയവർ സംബന്ധിച്ചു. പേരൂര്‍ക്കട: ബിജെപി പട്ടം മണ്ഡലം കമ്മിറ്റിയുടെ നേതൃത്വത്തില്‍ യോഗദിനാചരണം നടത്തി. സംസ്ഥാന സെക്രട്ടറി ജെ.ആര്‍. പത്മകുമാര്‍ ഉദ്ഘാടനം ചെയ്തു. കുടപ്പനക്കുന്ന് തപോവനം സിദ്ധാശ്രമം സ്വാമി ശിവദത്തന്‍ യോഗ അഭ്യസിപ്പിച്ചു. മണ്ഡലം പ്രസിഡന്‍റ് ജി. മഹാദേവന്‍, മണ്ഡലം ജനറല്‍ സെക്രട്ടറി ആര്‍. രാജേഷ്‌കുമാര്‍ എന്നിവര്‍ നേതൃത്വം നല്‍കി.

ഡയഫ്രംവാള്‍, പുലിമുട്ട്, ജിയോട്യൂബ് : ശംഖുംമുഖം തീര സംരക്ഷണത്തിനു പദ്ധതികൾ ചർച്ച ചെയ്തു

വലിയതുറ: ജില്ലയിലെ പ്രമുഖ വിനോദ സഞ്ചാര കേന്ദ്രമായ ശംഖുംമുഖം തീരം സംരക്ഷിക്കുന്നതിനുളള നിര്‍മാണ പ്രവര്‍ത്തനങ്ങള്‍ ഏകോപിപ്പിക്കുന്നതിനായി ആന്‍രണി രാജു എംഎല്‍എ യുടെ അധ്യക്ഷതയില്‍ ചേര്‍ന്ന വിവിധ വകുപ്പുകളുടെ യോഗത്തില്‍ തീരുമാനമായി. ശംഖുംമുഖം വിനോദ സഞ്ചാര കേന്ദ്രമായി നില നിര്‍ത്തുന്ന തരത്തിലുളള നിര്‍മാണ പ്രവര്‍ത്തനം നടത്തി തീരത്തെ സംരക്ഷിക്കുന്നതിന് മുന്‍ഗണന നല്‍കുവാനും തീരുമാനമായി. തീരം സംരക്ഷിക്കുന്നതിന് പൊതുമരാമത്ത് വകുപ്പിന്‍റെ നിര്‍ദേശവും നാഷണല്‍ സെന്‍റര്‍ ഫോര്‍ കോസ്റ്റല്‍ റിസര്‍ച്ചിന്‍റെ സാങ്കേതിക ഉപദേശകനും ഡീപ് വാട്ടര്‍ മിഷന്‍റെ ഡയറക്ടറുമായ എം.വി. രമണ മൂര്‍ത്തി ഫിഷറീസ് വകുപ്പിനും ഇറിഗേഷന്‍ വകുപ്പിനും നല്‍കിയ നിര്‍ദേശങ്ങളെക്കുറിച്ചും യോഗം വിലയിരുത്തി. ഒന്നര കിലോമീറ്റര്‍ നീളത്തില്‍ തീരം സംരക്ഷിക്കുന്നതിന് തീരത്ത് നിന്നും 200 മീറ്റര്‍ അകലെ തീരക്കടലില്‍ ആറ് മീറ്റര്‍ താഴ്ചയുളള ഭാഗത്ത് ജിയോ ട്യൂബുകള്‍ സ്ഥാപിച്ച് സാന്‍ഡ് നറിഷ്‌മെന്‍റ് നടത്തുക, നിലവിലുളള ഡയഫ്രം വാളിന്‍റെ ദൈര്‍ഘ്യം വർധിപ്പിച്ച് തീരം സംരക്ഷിക്കുക, പുലിമുട്ട് നിർമിക്കുക തുടങ്ങിയ നിർദേശങ്ങൾ യോഗം ചർച്ച ചെയ്തു. ശംഖുംമുഖം വാര്‍ഡ് കൗണ്‍സിലര്‍ സെറാഫിന്‍ ഫ്രെഡി , തീരദേശ വികസന കോര്‍പ്പറേഷന്‍ എംഡി ഷേക്ക് പരീത് ഐഎഎസ് , മേജര്‍ ഇറിഗേഷന്‍ വകുപ്പ് സൂപ്രണ്ടിംഗ് എന്‍ജിനീയര്‍ ബിന്ദു , ഹാര്‍ബര്‍ എന്‍ജിനീയറിംഗ് ഉദ്യോഗസ്ഥര്‍ , ട്യൂറിസം ഡെപ്യൂട്ടി ഡയറക്ടര്‍ , പൊതുമരാമത്ത് (റോഡ്‌സ്) അസി. എക്‌സിക്യൂട്ടീവ് എന്‍ജിനീയര്‍ , ജില്ലാ ടൂറിസം പ്രമോഷന്‍ കൗണ്‍സില്‍ ഉദ്യോഗസ്ഥര്‍ തുടങ്ങിയവര്‍ സംബന്ധിച്ചു.

സമാധാനം നിലനിര്‍ത്താൻ ചര്‍ച്ചകള്‍ അനിവാര്യം: ബിഷപ് ഡോ. ഓസ്റ്റിന്‍ എം.എ. പോള്‍

തിരുവനന്തപുരം: ലോകരാജ്യങ്ങള്‍ തമ്മിലുള്ള സംഘര്‍ഷങ്ങൾ അതിജീവിക്കാൻ ചര്‍ച്ചകള്‍ അനിവാര്യമാണെന്ന് സോള്‍ വിന്നിങ് ചര്‍ച്ച് ഓഫ് ഇന്ത്യ ബിഷപ് ഡോ. ഓസ്റ്റിന്‍ എം.എ. പോള്‍. ക്രൈസ്തവ സഭകള്‍ തമ്മിലുള്ള പ്രശ്‌നങ്ങള്‍ പരിഹരിക്കുന്നതിന് സഭാഐക്യ പ്രസ്ഥാനങ്ങള്‍ ചര്‍ച്ചകള്‍ക്ക് നേതൃത്വം നല്‍കണമെന്നും അദ്ദേഹം കൂട്ടിച്ചേര്‍ത്തു. കേരള കൗണ്‍സില്‍ ഓഫ് ചര്‍ച്ചസ് തിരുവനന്തപുരം ജില്ലാ ഡയലോഗ് കമ്മീഷന്‍റെയും കെസിസി അതിയന്നൂര്‍ സോണിന്‍റെയും പ്രവര്‍ത്തന ഉദ്ഘാടനം നിര്‍വഹിച്ച് പ്രസംഗിക്കുകയായിരുന്നു അദ്ദേഹം. നെല്ലിമൂട് സിഎസ്ഐ സഭയില്‍ വച്ച് നടന്ന യോഗത്തില്‍ കെസിസി തിരുവനന്തപുരം ജില്ലാ സെക്രട്ടറി റവ. ഡോ. എല്‍‌.ടി. പവിത്രസിംഗ് അധ്യക്ഷത വഹിച്ചു. നെയ്യാറ്റിന്‍കര അസംബ്ലി സെക്രട്ടറി റവ. ഷൈന്‍ ഡി ലോറന്‍സ്, റവ. വിപിന്‍ ജി ക്ലമന്‍റ് എന്നിവര്‍ ലഹരി വിരുദ്ധ സന്ദേശം നല്‍കി. ജില്ലാ പ്രസിഡന്‍റ് റവ. എ. ആര്‍‌. നോബിള്‍, ഡയലോഗ് കമ്മീഷന്‍ ചെയര്‍മാന്‍ റവ. എസ്. സ്റ്റാന്‍ലി ജോണ്‍സ്, എക്‌സിക്യൂട്ടീവ് അംഗം റവ. ടി. ആര്‍. സത്യരാജ് എന്നിവര്‍ പ്രസംഗിച്ചു.

സെന്‍റ് ജോണ്‍സ് ഹയര്‍ സെക്കൻഡറി സ്‌കൂളില്‍ പ്രവേശനോത്സവം

വെള്ളറട: ഉണ്ടന്‍കോട് സെന്‍റ് ജോണ്‍സ് ഹയര്‍ സെക്കൻഡറി സ്‌കൂളില്‍ ഹയര്‍ സെക്കന്‍ഡറി വിദ്യാർഥികളുടെ പ്രവേശനോത്സവവും എസ്എസ്എല്‍സി, പ്ലസ്ടു പരീക്ഷയില്‍ ഉന്നത വിജയം കൈവരിച്ച വിദ്യാര്‍ഥികളുടെ മെരിറ്റ് ഡേയും സംഘടിപ്പിച്ചു. നെയ്യാറ്റിന്‍കര ബിഷപ് ഡോ. വിന്‍സണ്‍ സാമുവല്‍ ഉദ്ഘാടനം ചെയ്തു. പിടിഎ പ്രസിഡന്‍റ് ലോഹിദാസ് അധ്യക്ഷനായിരുന്നു. നെയ്യാറ്റിന്‍കര രൂപത വികാരി ജനറല്‍ റൈറ്റ് റവറ.ഡോ.വിൻസന്‍റ് കെ. പീറ്റര്‍, കോര്‍പ്പറേറ്റ് മാനേജര്‍ ഫാ.ജോസഫ് അനില്‍, പ്രിന്‍സിപ്പല്‍ ബീന മുന്‍ പ്രിന്‍സിപ്പല്‍ ആര്‍.എസ്. റോയ്, ഹെഡ്മാസ്റ്റര്‍ ജി. ജയന്‍ എന്നിവർ പ്രസംഗിച്ചു.

ഹെറോയിൻ കടത്തു കേസിൽ രണ്ടു പ്രതികൾക്ക് 60 വർഷം കഠിനതടവും പിഴയും ശിക്ഷ

തിരുവനന്തപുരം: ഹെറോയിൻ കടത്തുകേസിൽ പിടിയിലായ രണ്ടു പേർക്ക് 60 വർഷം വീതം കഠിനതടവും നാലു ലക്ഷം രൂപ വീതം പിഴയും ശിക്ഷ. ഒന്നാം പ്രതി ശ്രീകാര്യം ചെറുവയ്ക്കൽ സ്വദേശി സന്തോഷ് ലാൽ (43), ചായക്കോട്ടുകോണം കടുവിളാകം ശാന്തിനിലയത്തിൽ രമേശ് (33) എന്നിവർക്കാണ് ശിക്ഷ വിധിച്ചത്. കൂടാതെ മൂന്നും നാലും പ്രതികളായ കിളിമാനൂർ പൊങ്ങനാട് അരൂർ അരശുവിള വീട്ടിൽ ബിനുക്കുട്ടൻ (46), വെള്ളല്ലൂർ മതയിൽ ഷീലാഭവനിൽ ഷാജി (57) എന്നിവർക്ക് 20 വർഷം വീതം കഠിനതടവും രണ്ടു ലക്ഷം രൂപ വീതം പിഴയും ശിക്ഷ വിധിച്ചു തിരുവനന്തപുരം ഒന്നാം അഡീഷണൽ സെഷൻസ് ജഡ്ജി കെ.പി. അനിൽകുമാറാണു വിധി പ്രസ്താവിച്ചത്. നെയ്യാറ്റിൻകരയിലുള്ള സ്വകാര്യ ലോഡ്ജ് മുറിയിൽ നിന്നാണ് 2022 സെപ്റ്റംബർ 20 ന് ആഫ്രിക്കയിൽ നിന്നു വിൽപനയ്ക്കായി കൊണ്ടു വന്ന 130 കോടി രൂപ വിലവരുന്ന 22.60 കിലോ ഹെറോയിൻ ഡയറക്ടറേറ്റ് ഓഫ് റവന്യു ഇന്‍റലിജൻസ് പിടികൂടിയത്. ഡിആർഐയ്ക്കു വേണ്ടി സ്പെഷൽ പ്രോസിക്യൂട്ടർമാരായ സാലിഷ് അരവിന്ദാക്ഷൻ, കിരണ്‍ ഗോപിനാഥ് എന്നിവർ ഹാജരായി.

ഗ്രാമ കോടതിക്ക് ഹൈക്കോടതിയുടെ ആദരവ്

വെഞ്ഞാറമൂട്: വാമനപുരം മണ്ഡലവും ബ്ലോക്ക് പഞ്ചായത്തും വ്യവഹാര രഹിതമായി മാറ്റുന്നതിന്‍റെ ഭാഗമായി വാമനപുരം ബ്ലോക്ക് പഞ്ചായത്ത് ആസ്ഥാനത്ത് തീരുവനന്തപുരം ജില്ല ലീഗൽ സർവീസ് അഥോറിറ്റിയുടെ സഹായത്തോടെ ആരംഭിച്ച ഗ്രാമക്കോടതിക്ക് കേരള ഹൈക്കോടതിയുടെ ആദരവ്. തിരുവനന്തപുരത്ത് നടന്ന ജില്ലാ ലീഗൽ സർവീസ് മീറ്റിൽ ഡി.കെ. മുരളി എംഎൽഎയും വാമനപുരം ബ്ലോക്ക് പഞ്ചായത്ത് പ്രസിഡന്‍റ് ജി. കോമളവും ചേർന്ന് കേരള ഹൈക്കോടതി ചീഫ് ജസ്റ്റിസ് നിതിൻ ജമന്ദാറിന്‍റെ സാന്നിധ്യത്തിൽ ഹൈക്കോടതി ജഡ്ജ് രാജാ വിജയരാഘവനിൽ നിന്ന് ആദരവ് ഏറ്റുവാങ്ങി. പൗരാവകാശങ്ങളും നിയമ വ്യവസ്ഥയും എന്ന കൈപ്പുസ്തകത്തിന്‍റെ പ്രകാശന കർമ്മം കേരള ഹൈകോടതി ചീഫ് ജസ്റ്റിസ് നിർവഹിച്ചു.

അലുമിനിയം ലൈൻകമ്പികൾ മോഷ്ടിച്ച പ്രതികൾ പിടിയിൽ

നെടുമങ്ങാട്: ഉഴമലയ്ക്കൽ കെഎസ്ഇബി യാഡിൽ സൂക്ഷിച്ചിരുന്ന അലുമിനിയം ലൈൻകമ്പികൾ മോഷ്ടിച്ച കേസിലെ പ്രതികളായആര്യനാട് പള്ളിവേട്ട കൈതക്കുന്ന് വെട്ടയിൽ സലിം (58)ആനാട് മണ്ണൂർക്കോണം മുള്ള് വേങ്ങമൂട് റോഡരികത്ത് വീട്ടിൽ ഹരി (58) എന്നിവരെ ആര്യനാട് പോലീസ് അറസ്റ്റ് ചെയ്തു. കെഎസ്ഇബി ഓഫീസിനു മുന്നിൽ ഓട്ടോയിൽ എത്തിയ പ്രതികൾ യാഡിൽ സൂക്ഷിച്ചിരുന്ന അലൂമിനിയം ചുരുൾ കമ്പികൾ ഓട്ടോയിൽ കടത്തിക്കൊണ്ടു പോവുകയായിരുന്നു. സിസിടിവി ദൃശ്യങ്ങൾ പരിശോധിച്ചും മറ്റ് അന്വേഷണത്തിലൂടെയും ആണ് പ്രതികളെ തിരിച്ചറിഞ്ഞത്. 100 കിലോയോളം വരുന്ന അലുമിനിയം കമ്പികളാണ് പ്രതികൾ മോഷ്ടിച്ചത്. ഡിവൈഎസ്പി റാഫിടുയെ നിർദ്ദേശപ്രകാരം ആര്യനാട് പോലീസ് ഇൻസ്പെക്ടർ വി.എസ്. അജീഷിന്‍റെ നേതൃത്വത്തിൽഎസ്ഐ വേണു സിപിഒ സൂരജ്,ഷിബു, മനോജ്, ജയശങ്കർ എന്നിവരാണ് സംഘമാണ് പ്രതികളെ പിടികൂടിയത്.

അലുമിനിയം ലൈൻകമ്പികൾ മോഷ്ടിച്ച പ്രതികൾ പിടിയിൽ

നെടുമങ്ങാട്: ഉഴമലയ്ക്കൽ കെഎസ്ഇബി യാഡിൽ സൂക്ഷിച്ചിരുന്ന അലുമിനിയം ലൈൻകമ്പികൾ മോഷ്ടിച്ച കേസിലെ പ്രതികളായആര്യനാട് പള്ളിവേട്ട കൈതക്കുന്ന് വെട്ടയിൽ സലിം (58)ആനാട് മണ്ണൂർക്കോണം മുള്ള് വേങ്ങമൂട് റോഡരികത്ത് വീട്ടിൽ ഹരി (58) എന്നിവരെ ആര്യനാട് പോലീസ് അറസ്റ്റ് ചെയ്തു. കെഎസ്ഇബി ഓഫീസിനു മുന്നിൽ ഓട്ടോയിൽ എത്തിയ പ്രതികൾ യാഡിൽ സൂക്ഷിച്ചിരുന്ന അലൂമിനിയം ചുരുൾ കമ്പികൾ ഓട്ടോയിൽ കടത്തിക്കൊണ്ടു പോവുകയായിരുന്നു. സിസിടിവി ദൃശ്യങ്ങൾ പരിശോധിച്ചും മറ്റ് അന്വേഷണത്തിലൂടെയും ആണ് പ്രതികളെ തിരിച്ചറിഞ്ഞത്. 100 കിലോയോളം വരുന്ന അലുമിനിയം കമ്പികളാണ് പ്രതികൾ മോഷ്ടിച്ചത്. ഡിവൈഎസ്പി റാഫിടുയെ നിർദ്ദേശപ്രകാരം ആര്യനാട് പോലീസ് ഇൻസ്പെക്ടർ വി.എസ്. അജീഷിന്‍റെ നേതൃത്വത്തിൽഎസ്ഐ വേണു സിപിഒ സൂരജ്,ഷിബു, മനോജ്, ജയശങ്കർ എന്നിവരാണ് സംഘമാണ് പ്രതികളെ പിടികൂടിയത്.

വീട്ടമ്മയെ മര്‍ദിച്ച കേസില്‍ യുവാവ് അറസ്റ്റില്‍

പൂന്തുറ: 55 കാരിയായ വീട്ടമ്മയെ മര്‍ദിച്ച കേസില്‍ യുവാവിനെ പൂന്തുറ പോലീസ് അറസ്റ്റ് ചെയ്തു. മുട്ടത്തറ പരുത്തിക്കുഴി സ്വദേശി മുനീറിനെ (40) ആണ് പോലീസ് അറസ്റ്റ് ചെയ്തത്. ഇക്കഴിഞ്ഞ വ്യാഴാഴ്ച പകല്‍ പ്രതിയായ മുനീര്‍ പരുത്തിക്കുഴി ഭാഗത്തുവച്ച് വീട്ടമ്മയെ മര്‍ദിക്കുകയും ഇവരുടെ വസ്ത്രം വലിച്ചുകീറുകയും ചെയ്തതായി പോലീസ് പറഞ്ഞു. മുന്‍വിരോധമായിരുന്നു ആക്രമത്തില്‍ കലാശിച്ചത്. വീട്ടമ്മ നല്‍കിയ പരാതിയില്‍ കേസെടുത്ത് പോലീസ് നടത്തിയ അന്വേഷണത്തിലാണ് മുനീറിനെ പോലീസ് അറസ്റ്റ് ചെയ്തത്. പൂന്തുറ എസ്എച്ച്ഒ സജീവിന്‍റെ നേതൃത്വത്തില്‍ എസ്ഐ മാരായ സുനില്‍ , ജയപ്രകാശ് എന്നിവരുള്‍പ്പെട്ട പോലീസ് സംഘം അറസ്റ്റ് ചെയ്ത പ്രതിയെ കോടതിയില്‍ ഹാജരാക്കി.

വീട്ടമ്മയെ മര്‍ദിച്ച കേസില്‍ യുവാവ് അറസ്റ്റില്‍

പൂന്തുറ: 55 കാരിയായ വീട്ടമ്മയെ മര്‍ദിച്ച കേസില്‍ യുവാവിനെ പൂന്തുറ പോലീസ് അറസ്റ്റ് ചെയ്തു. മുട്ടത്തറ പരുത്തിക്കുഴി സ്വദേശി മുനീറിനെ (40) ആണ് പോലീസ് അറസ്റ്റ് ചെയ്തത്. ഇക്കഴിഞ്ഞ വ്യാഴാഴ്ച പകല്‍ പ്രതിയായ മുനീര്‍ പരുത്തിക്കുഴി ഭാഗത്തുവച്ച് വീട്ടമ്മയെ മര്‍ദിക്കുകയും ഇവരുടെ വസ്ത്രം വലിച്ചുകീറുകയും ചെയ്തതായി പോലീസ് പറഞ്ഞു. മുന്‍വിരോധമായിരുന്നു ആക്രമത്തില്‍ കലാശിച്ചത്. വീട്ടമ്മ നല്‍കിയ പരാതിയില്‍ കേസെടുത്ത് പോലീസ് നടത്തിയ അന്വേഷണത്തിലാണ് മുനീറിനെ പോലീസ് അറസ്റ്റ് ചെയ്തത്. പൂന്തുറ എസ്എച്ച്ഒ സജീവിന്‍റെ നേതൃത്വത്തില്‍ എസ്ഐ മാരായ സുനില്‍ , ജയപ്രകാശ് എന്നിവരുള്‍പ്പെട്ട പോലീസ് സംഘം അറസ്റ്റ് ചെയ്ത പ്രതിയെ കോടതിയില്‍ ഹാജരാക്കി.

കെഎസ്ആർടിസി ബസിൽ യുവതിയെ കടന്ന് പിടിക്കാൻ ശ്രമിച്ചയാൾ അറസ്റ്റിൽ

നെടുമങ്ങാട്: ആനാട് മൂഴി ഊരാളിക്കോണത്ത് തടത്തരികത്തു വീട്ടിൽ പള്ള് ഷിബു എന്ന എസ്.ഷിബു (47) നെയാണ് നെടുമങ്ങാട് പൊലീസ് അറസ്റ്റ് ചെയ്തത്. കഴിഞ്ഞ ദിവസം രാത്രി 8.30ന് ആണ് സംഭവം. ആറ്റിങ്ങലിൽ നിന്നും വെഞ്ഞാറമൂട് പുത്തൻപാലം വഴി നെടുമങ്ങാട്ടേയ്ക്ക് വന്ന ബസ് കല്ലിയോട് എത്തിയപ്പോഴാണ് പ്രതി ബസിലെ യാത്രക്കാരിയായ ആനാട് സ്വദേശിനിയെ കടന്നു പിടിച്ചു ശല്യം ചെയ്യാൻ ശ്രമിച്ചതെന്ന് പോലീസ് പറഞ്ഞു. തുടർന്ന് സ്ത്രീ ബഹളം വച്ചു. ബസിലെ മറ്റു യാത്രക്കാർ ഇയാളെ തടഞ്ഞുവച്ച് നെടുമങ്ങാട് പോലീസിനു കൈമാറുകയായിരുന്നു. ഷിബുവിനെ കോടതിയിൽ ഹാജരാക്കി റിമാൻഡ് ചെയ്തു.

കെഎസ്ആർടിസി ബസിൽ യുവതിയെ കടന്ന് പിടിക്കാൻ ശ്രമിച്ചയാൾ അറസ്റ്റിൽ

നെടുമങ്ങാട്: ആനാട് മൂഴി ഊരാളിക്കോണത്ത് തടത്തരികത്തു വീട്ടിൽ പള്ള് ഷിബു എന്ന എസ്.ഷിബു (47) നെയാണ് നെടുമങ്ങാട് പൊലീസ് അറസ്റ്റ് ചെയ്തത്. കഴിഞ്ഞ ദിവസം രാത്രി 8.30ന് ആണ് സംഭവം. ആറ്റിങ്ങലിൽ നിന്നും വെഞ്ഞാറമൂട് പുത്തൻപാലം വഴി നെടുമങ്ങാട്ടേയ്ക്ക് വന്ന ബസ് കല്ലിയോട് എത്തിയപ്പോഴാണ് പ്രതി ബസിലെ യാത്രക്കാരിയായ ആനാട് സ്വദേശിനിയെ കടന്നു പിടിച്ചു ശല്യം ചെയ്യാൻ ശ്രമിച്ചതെന്ന് പോലീസ് പറഞ്ഞു. തുടർന്ന് സ്ത്രീ ബഹളം വച്ചു. ബസിലെ മറ്റു യാത്രക്കാർ ഇയാളെ തടഞ്ഞുവച്ച് നെടുമങ്ങാട് പോലീസിനു കൈമാറുകയായിരുന്നു. ഷിബുവിനെ കോടതിയിൽ ഹാജരാക്കി റിമാൻഡ് ചെയ്തു.

കാഞ്ഞിരംകുളം പഞ്ചായത്ത് ഓഫീസിലെ തീപിടുത്തം: യൂത്ത് കോൺഗ്രസ് പ്രതിഷേധ മാർച്ച് നടത്തി

പൂവാർ: കാഞ്ഞിരംകുളം പഞ്ചായത്ത് ഓഫീസിലെ തീപിടുത്തത്തെ കുറിച്ച് അന്വേഷണം നടത്തണമെന്ന് ആവശ്യപ്പെട്ട് യൂത്ത് കോൺഗ്രസ് കാഞ്ഞിരകുളം മണ്ഡലം കമ്മിറ്റി പ്രതിഷേധ മാർച്ച് നടത്തി. യൂത്ത് കോൺഗ്രസ് മണ്ഡലം പ്രസിഡന്‍റ് എം.ജി. അനീഷ്, കാഞ്ഞിരംകുളം ബ്ലോക്ക് പ്രസിഡന്‍റ് കരിംകുളം ജയകുമാർ, ഡിസിസി ജനറൽ സെക്രട്ടറി ലെനിൻ, മുൻ ബ്ലോക്ക് പ്രസിഡന്‍റ് ആർ.ശിവകുമാർ, മണ്ഡലം പ്രസിഡന്‍റ് ആർ.തങ്കരാജ്, ബ്ലോക്ക് കോൺഗ്രസ് കമ്മിറ്റി വൈസ് പ്രസിഡന്‍റുമാരായ സരസദാസ്, ജോണി, ജനറൽ സെക്രട്ടറിമാരായ കാഞ്ഞിരംകുളം ശരത് കുമാർ, പ്രദീപ്കുമാർ,അശോക് കുമാർ, താരാസിംഗ്, പ്രദീപ്കുമാർ, പാർലമെന്‍ററി പാർട്ടി ലീഡർ അനിൽകുമാർ, നന്ദു, ബാബു, സന്ദീപ്, തുടങ്ങിയവർ പങ്കെടുത്തു.

കാഞ്ഞിരംകുളം പഞ്ചായത്ത് ഓഫീസിലെ തീപിടുത്തം: യൂത്ത് കോൺഗ്രസ് പ്രതിഷേധ മാർച്ച് നടത്തി

പൂവാർ: കാഞ്ഞിരംകുളം പഞ്ചായത്ത് ഓഫീസിലെ തീപിടുത്തത്തെ കുറിച്ച് അന്വേഷണം നടത്തണമെന്ന് ആവശ്യപ്പെട്ട് യൂത്ത് കോൺഗ്രസ് കാഞ്ഞിരകുളം മണ്ഡലം കമ്മിറ്റി പ്രതിഷേധ മാർച്ച് നടത്തി. യൂത്ത് കോൺഗ്രസ് മണ്ഡലം പ്രസിഡന്‍റ് എം.ജി. അനീഷ്, കാഞ്ഞിരംകുളം ബ്ലോക്ക് പ്രസിഡന്‍റ് കരിംകുളം ജയകുമാർ, ഡിസിസി ജനറൽ സെക്രട്ടറി ലെനിൻ, മുൻ ബ്ലോക്ക് പ്രസിഡന്‍റ് ആർ.ശിവകുമാർ, മണ്ഡലം പ്രസിഡന്‍റ് ആർ.തങ്കരാജ്, ബ്ലോക്ക് കോൺഗ്രസ് കമ്മിറ്റി വൈസ് പ്രസിഡന്‍റുമാരായ സരസദാസ്, ജോണി, ജനറൽ സെക്രട്ടറിമാരായ കാഞ്ഞിരംകുളം ശരത് കുമാർ, പ്രദീപ്കുമാർ,അശോക് കുമാർ, താരാസിംഗ്, പ്രദീപ്കുമാർ, പാർലമെന്‍ററി പാർട്ടി ലീഡർ അനിൽകുമാർ, നന്ദു, ബാബു, സന്ദീപ്, തുടങ്ങിയവർ പങ്കെടുത്തു.

പഴകുറ്റി- മംഗലപുരം റോഡ്: രണ്ടാം ഘട്ട റീച്ചിന്‍റെ നഷ്ടപരിഹാര തുക കൈമാറി

നെടുമങ്ങാട്: പഴകുറ്റി- മംഗലപുരം റോഡിന്‍റെ രണ്ടാംഘട്ട റീച്ചിന്‍റെ നഷ്ടപരിഹാരത്തുക മന്ത്രി ജി. ആർ. അനിൽ ജില്ലാ കളക്ടർ അനുകുമാരിക്ക് കൈമാറി. 44.64 കോടി രൂപ യുടെ ചെക്കാണ് മന്ത്രി കൈ മാറിയത്. 20 കിലോ മീറ്റർ നീളത്തിലും 13 മീറ്റർ വീതിയിലും നവീകരിക്കുന്ന പഴകുറ്റി - മംഗലാപുരം റോഡിന് 170 കോടി രൂപയാണ് കിഫ്ബി ഫണ്ടിൽ നിന്നും ചെലവഴിക്കുന്നത്. മുക്കംപാലമൂട് മുതൽ പോത്തൻകോട് വരെ ഉള്ള രണ്ടാം റീച്ചിൽ ഉൾപ്പെടുന്ന ഭൂമി വിട്ടു നൽകുന്ന ഉടമകൾക്കുള്ള നഷ്ടപരിഹാര തുകയാണ് മന്ത്രി വിതരണം ചെയ്തത്. റീച്ചിൽ 400 കുടുംബങ്ങളിൽ നിന്നായി ഒരു ഏക്കർ 70 സെന്‍റ് ഭൂമിയാണ് ഏറ്റെടുക്കുന്നത്. പുനരധിവാസ പാക്കേജിൽ ഉൾപ്പെടുന്നത് എട്ട് പേർക്ക് 9,50,000 രൂപയും നൽകും. സെപ്റ്റംബറിൽ തുക വിതരണം പൂർത്തിയാക്കി ടെൻഡറിംഗ് ചെയ്യുന്ന തരത്തിൽ നടപടികൾ വേഗത്തിലാക്കാൻ ബന്ധപ്പെട്ട ഉദ്യോഗസ്ഥർക്ക് മന്ത്രി നിർദേശം നൽകി. ആദ്യ റീച്ചിൽ 203 കുടുംബങ്ങളിൽ നിന്നും 73.4 സെന്‍റ് ഭൂമി ഏറ്റെടുത്തു. ഇവർക്ക് 5.61 കോടി രൂപ നഷ്ടപരിഹാര തുക വിതരണം ചെയ്തിരുന്നു. പഴകുറ്റി മുതൽ മുക്കംപാലമൂട് വരെയുള്ള ഏഴ് കിലോമീറ്റർ റോഡ് വർക്കിനായി 35.52 കോടി രൂപയാണ് ചെലവഴിച്ചത്. റീച്ചിന്‍റെ പൂർത്തീകരണത്തിനായി 12.93 കോടി രൂപ അനുവദിച്ചിരുന്നു. തോപ്പിൽ കൺസ്ട്രക്ഷൻ കമ്പനിയാണ് ടെൻഡർ എടുത്തിരിക്കുന്നത്. ജൂലൈ ഒന്നിന് നിർമ്മാണം തുടങ്ങുന്നതിന് വേണ്ട നിർദേശം നൽകിയിട്ടുണ്ട്. മൂന്നാം റീച്ചായ പോത്തൻകോട്-മംഗലാപുരം റോഡിൽ 247 കുടുംബങ്ങളിൽ നിന്നായി 66 സെന്‍റ് ഭൂമി ഏറ്റെടുത്തിട്ടുണ്ട്. നഷ്ടപരിഹാര തുകയായി 9.46 കോടി രൂപ കൈമാറിയിട്ടുണ്ട്. നിർമാണ പ്രവർത്തികൾക്കായി 47.83 കോടി രൂപയാണ് അനുവദിച്ചത്.

പഴകുറ്റി- മംഗലപുരം റോഡ്: രണ്ടാം ഘട്ട റീച്ചിന്‍റെ നഷ്ടപരിഹാര തുക കൈമാറി

നെടുമങ്ങാട്: പഴകുറ്റി- മംഗലപുരം റോഡിന്‍റെ രണ്ടാംഘട്ട റീച്ചിന്‍റെ നഷ്ടപരിഹാരത്തുക മന്ത്രി ജി. ആർ. അനിൽ ജില്ലാ കളക്ടർ അനുകുമാരിക്ക് കൈമാറി. 44.64 കോടി രൂപ യുടെ ചെക്കാണ് മന്ത്രി കൈ മാറിയത്. 20 കിലോ മീറ്റർ നീളത്തിലും 13 മീറ്റർ വീതിയിലും നവീകരിക്കുന്ന പഴകുറ്റി - മംഗലാപുരം റോഡിന് 170 കോടി രൂപയാണ് കിഫ്ബി ഫണ്ടിൽ നിന്നും ചെലവഴിക്കുന്നത്. മുക്കംപാലമൂട് മുതൽ പോത്തൻകോട് വരെ ഉള്ള രണ്ടാം റീച്ചിൽ ഉൾപ്പെടുന്ന ഭൂമി വിട്ടു നൽകുന്ന ഉടമകൾക്കുള്ള നഷ്ടപരിഹാര തുകയാണ് മന്ത്രി വിതരണം ചെയ്തത്. റീച്ചിൽ 400 കുടുംബങ്ങളിൽ നിന്നായി ഒരു ഏക്കർ 70 സെന്‍റ് ഭൂമിയാണ് ഏറ്റെടുക്കുന്നത്. പുനരധിവാസ പാക്കേജിൽ ഉൾപ്പെടുന്നത് എട്ട് പേർക്ക് 9,50,000 രൂപയും നൽകും. സെപ്റ്റംബറിൽ തുക വിതരണം പൂർത്തിയാക്കി ടെൻഡറിംഗ് ചെയ്യുന്ന തരത്തിൽ നടപടികൾ വേഗത്തിലാക്കാൻ ബന്ധപ്പെട്ട ഉദ്യോഗസ്ഥർക്ക് മന്ത്രി നിർദേശം നൽകി. ആദ്യ റീച്ചിൽ 203 കുടുംബങ്ങളിൽ നിന്നും 73.4 സെന്‍റ് ഭൂമി ഏറ്റെടുത്തു. ഇവർക്ക് 5.61 കോടി രൂപ നഷ്ടപരിഹാര തുക വിതരണം ചെയ്തിരുന്നു. പഴകുറ്റി മുതൽ മുക്കംപാലമൂട് വരെയുള്ള ഏഴ് കിലോമീറ്റർ റോഡ് വർക്കിനായി 35.52 കോടി രൂപയാണ് ചെലവഴിച്ചത്. റീച്ചിന്‍റെ പൂർത്തീകരണത്തിനായി 12.93 കോടി രൂപ അനുവദിച്ചിരുന്നു. തോപ്പിൽ കൺസ്ട്രക്ഷൻ കമ്പനിയാണ് ടെൻഡർ എടുത്തിരിക്കുന്നത്. ജൂലൈ ഒന്നിന് നിർമ്മാണം തുടങ്ങുന്നതിന് വേണ്ട നിർദേശം നൽകിയിട്ടുണ്ട്. മൂന്നാം റീച്ചായ പോത്തൻകോട്-മംഗലാപുരം റോഡിൽ 247 കുടുംബങ്ങളിൽ നിന്നായി 66 സെന്‍റ് ഭൂമി ഏറ്റെടുത്തിട്ടുണ്ട്. നഷ്ടപരിഹാര തുകയായി 9.46 കോടി രൂപ കൈമാറിയിട്ടുണ്ട്. നിർമാണ പ്രവർത്തികൾക്കായി 47.83 കോടി രൂപയാണ് അനുവദിച്ചത്.

യുവതി ബെഡ്‌റൂമില്‍ മരിച്ച നിലയില്‍; സഹോദരനും സുഹൃത്തും കസ്റ്റഡിയില്‍

പേരൂര്‍ക്കട: യുവതിയെ ബെഡ്‌ റൂമില്‍ മരിച്ചനിലയില്‍ കണ്ടെത്തിയ സംഭവം കൊലപാതകമെന്നു പോലീസ്. സംഭവവുമായി ബന്ധപ്പെട്ട് യുവതിയുടെ സഹോദരനെയും ഇയാളുടെ സുഹൃത്തിനെയും പോലീസ് കസ്റ്റഡിയിലെടുത്തു. പോത്തന്‍കോട് ചാത്തംപാട് കൊച്ചുവീട്ടില്‍ മുഹമ്മദ് ഷഫീഖ്-സലീന ദമ്പതികളുടെ മകള്‍ ഷഹീന (32)യാണ് മരിച്ചത്. ഇന്നലെ വൈകുന്നേരം ആറോടുടുകൂടിയാണ് സംഭവം പുറംലോകമറിയുന്നത്. ഷഹീനയുടെ മരണവുമായി ബന്ധപ്പെട്ട് സഹോദരന്‍ ഷംഷാദ് ഷഫീഖ് (44), ഇയാളുടെ സുഹൃത്ത് ചെമ്പഴന്തി സ്വദേശി വൈശാഖ് (42) എന്നിവരെ പോലീസ് കസ്റ്റഡിയിലെടുത്തു. ഡന്‍റല്‍ ട്രീറ്റുമെന്‍റുമായി ബന്ധപ്പെട്ട് കഴിഞ്ഞ 14നാണ് മണ്ണന്തല മരുതൂരിനു സമീപം സ്വകാര്യബാങ്കിനു പിറകുവശത്തുള്ള ഒരു ഹോംസ്റ്റേയില്‍ സഹോദരങ്ങള്‍ മുറി വാടകയ്‌ക്കെടുക്കുന്നത്. ഇന്നലെ ഉച്ചയോടുകൂടി ഇരുവരും തമ്മില്‍ വഴക്കുണ്ടായെന്നും ഷംഷാദ് സഹോദരിയെ മര്‍ദ്ദിച്ചുകൊലപ്പെടുത്തുകയായിരുന്നുവെന്നുമാണ് പോലീസ് പറയുന്നത്. ഭര്‍ത്താവും രണ്ടുമക്കളുമായി വേര്‍പിരിഞ്ഞു കഴിഞ്ഞുവരികയായിരുന്നു ഷഹീന. ഇവര്‍ക്ക് മറ്റൊരു ബന്ധമുണ്ടെന്നാരോപിച്ചാണ് സഹോദരന്‍ ഇവരുമായി വാക്കുതര്‍ക്കത്തില്‍ ഏര്‍പ്പെട്ടത്. കൈകള്‍ കൊണ്ടുള്ള ഇടിയുടെ പാടുകൾ ഷഹീനയുടെ മുഖത്തും കൈകളിലും ഉണ്ടായിരുന്നു. പോലീസ് എത്തി പരിശോധന നടത്തുമ്പോള്‍ മുഖമാകെ കരുത്തു കരുവാളിച്ച നിലയിലായിരുന്നു. ഇന്നലെ വൈകുന്നേരമായപ്പോള്‍ ഷഹീനയുടെ ഉമ്മയും ബാപ്പയും ഇവരെ അന്വേഷിച്ച് ഹോം സ്റ്റേയില്‍ എത്തിയിരുന്നു. അബോധാവസ്ഥയിലാണെന്ന ധാരണയില്‍ ഇവര്‍ 108 ആംബുലന്‍സില്‍ വിവരമറിയിച്ചു. അവര്‍ നടത്തിയ പരിശോധനയിലാണ് ഷഹീന മരിച്ചതായി കണ്ടെത്തിയത്. സംഭവത്തിനുശേഷം സ്ഥലത്തുനിന്നു രക്ഷപ്പെട്ട ഷംഷാദിനെയും സുഹൃത്തിനെയും കസ്റ്റഡിയിലെടുക്കുകയായിരുന്നു. തുടര്‍ന്നു നടന്ന ചോദ്യം ചെയ്യലിലാണ് താന്‍ സഹോദരിയെ മര്‍ദ്ദിച്ചു കൊലപ്പെടുത്തിയതായി ഇയാള്‍ സമ്മതിച്ചത്. ഷഹീനയുടെ മൃതദേഹം മേല്‍നടപടികള്‍ക്കുശേഷം തിരുവനന്തപുരം മെഡിക്കല്‍കോളജ് ആശുപത്രി മോര്‍ച്ചറിയിലേക്കു മാറ്റി. മണ്ണന്തല പോലീസ് കേസെടുത്ത് അന്വേഷണം ആരംഭിച്ചു.

യുവതി ബെഡ്‌റൂമില്‍ മരിച്ച നിലയില്‍; സഹോദരനും സുഹൃത്തും കസ്റ്റഡിയില്‍

പേരൂര്‍ക്കട: യുവതിയെ ബെഡ്‌ റൂമില്‍ മരിച്ചനിലയില്‍ കണ്ടെത്തിയ സംഭവം കൊലപാതകമെന്നു പോലീസ്. സംഭവവുമായി ബന്ധപ്പെട്ട് യുവതിയുടെ സഹോദരനെയും ഇയാളുടെ സുഹൃത്തിനെയും പോലീസ് കസ്റ്റഡിയിലെടുത്തു. പോത്തന്‍കോട് ചാത്തംപാട് കൊച്ചുവീട്ടില്‍ മുഹമ്മദ് ഷഫീഖ്-സലീന ദമ്പതികളുടെ മകള്‍ ഷഹീന (32)യാണ് മരിച്ചത്. ഇന്നലെ വൈകുന്നേരം ആറോടുടുകൂടിയാണ് സംഭവം പുറംലോകമറിയുന്നത്. ഷഹീനയുടെ മരണവുമായി ബന്ധപ്പെട്ട് സഹോദരന്‍ ഷംഷാദ് ഷഫീഖ് (44), ഇയാളുടെ സുഹൃത്ത് ചെമ്പഴന്തി സ്വദേശി വൈശാഖ് (42) എന്നിവരെ പോലീസ് കസ്റ്റഡിയിലെടുത്തു. ഡന്‍റല്‍ ട്രീറ്റുമെന്‍റുമായി ബന്ധപ്പെട്ട് കഴിഞ്ഞ 14നാണ് മണ്ണന്തല മരുതൂരിനു സമീപം സ്വകാര്യബാങ്കിനു പിറകുവശത്തുള്ള ഒരു ഹോംസ്റ്റേയില്‍ സഹോദരങ്ങള്‍ മുറി വാടകയ്‌ക്കെടുക്കുന്നത്. ഇന്നലെ ഉച്ചയോടുകൂടി ഇരുവരും തമ്മില്‍ വഴക്കുണ്ടായെന്നും ഷംഷാദ് സഹോദരിയെ മര്‍ദ്ദിച്ചുകൊലപ്പെടുത്തുകയായിരുന്നുവെന്നുമാണ് പോലീസ് പറയുന്നത്. ഭര്‍ത്താവും രണ്ടുമക്കളുമായി വേര്‍പിരിഞ്ഞു കഴിഞ്ഞുവരികയായിരുന്നു ഷഹീന. ഇവര്‍ക്ക് മറ്റൊരു ബന്ധമുണ്ടെന്നാരോപിച്ചാണ് സഹോദരന്‍ ഇവരുമായി വാക്കുതര്‍ക്കത്തില്‍ ഏര്‍പ്പെട്ടത്. കൈകള്‍ കൊണ്ടുള്ള ഇടിയുടെ പാടുകൾ ഷഹീനയുടെ മുഖത്തും കൈകളിലും ഉണ്ടായിരുന്നു. പോലീസ് എത്തി പരിശോധന നടത്തുമ്പോള്‍ മുഖമാകെ കരുത്തു കരുവാളിച്ച നിലയിലായിരുന്നു. ഇന്നലെ വൈകുന്നേരമായപ്പോള്‍ ഷഹീനയുടെ ഉമ്മയും ബാപ്പയും ഇവരെ അന്വേഷിച്ച് ഹോം സ്റ്റേയില്‍ എത്തിയിരുന്നു. അബോധാവസ്ഥയിലാണെന്ന ധാരണയില്‍ ഇവര്‍ 108 ആംബുലന്‍സില്‍ വിവരമറിയിച്ചു. അവര്‍ നടത്തിയ പരിശോധനയിലാണ് ഷഹീന മരിച്ചതായി കണ്ടെത്തിയത്. സംഭവത്തിനുശേഷം സ്ഥലത്തുനിന്നു രക്ഷപ്പെട്ട ഷംഷാദിനെയും സുഹൃത്തിനെയും കസ്റ്റഡിയിലെടുക്കുകയായിരുന്നു. തുടര്‍ന്നു നടന്ന ചോദ്യം ചെയ്യലിലാണ് താന്‍ സഹോദരിയെ മര്‍ദ്ദിച്ചു കൊലപ്പെടുത്തിയതായി ഇയാള്‍ സമ്മതിച്ചത്. ഷഹീനയുടെ മൃതദേഹം മേല്‍നടപടികള്‍ക്കുശേഷം തിരുവനന്തപുരം മെഡിക്കല്‍കോളജ് ആശുപത്രി മോര്‍ച്ചറിയിലേക്കു മാറ്റി. മണ്ണന്തല പോലീസ് കേസെടുത്ത് അന്വേഷണം ആരംഭിച്ചു.

പഞ്ചായത്ത് പ്രസിഡന്‍റ് വൈസ് പ്രസിഡന്‍റിനുനേരേ ചൂടുവെള്ളം ഒഴിച്ചതായി പരാതി

പൂവാർ: തിരുപുറം ഗ്രാമ പഞ്ചായത്ത് കമ്മിറ്റിക്കിടെ പ്രസിഡന്‍റ് വൈസ് പ്രസിഡന്‍റിനു നേരെ ചൂട് വെള്ളം ഒഴിച്ചതായി പരാതി. വൈസ് പ്രസിഡന്‍റ് തിരുപുറം സുരേഷ് നെയ്യാറ്റിൻകര ജനറൽ ആശുപത്രിയിൽ ചികിത്സ തേടി. സംഭവത്തിൽ പോലീസിൽ പരാതിയും നൽകിയിട്ടുണ്ട്. കഴിഞ്ഞ ദിവസം പഞ്ചായത്ത് കമ്മിറ്റിയുടെ ഇടയിലാണ് നാടകീയ സംഭവങ്ങൾ അരങ്ങേറിയത്. ലൈഫ് ഭവന പദ്ധതിയുമായി ബന്ധപ്പെട്ട് സർക്കാർ അനുവദിച്ച തുക, പ്രസിഡന്‍റിന്‍റെ താതപര്യ പ്രകാരം വകമാറ്റി ചെലവഴിച്ചതായി വൈസ് പ്രസിഡന്‍റ് ആരോപിച്ചു. ഇക്കാര്യം പഞ്ചായത്ത് കമ്മിറ്റിയിൽ ചോദ്യം ചെയ്‌തതാണ് പ്രസിഡന്‍റിനെ ചൊടിപ്പിച്ചത്. സമീപത്ത് ഗ്ലാസിൽ സൂക്ഷിച്ചിരുന്ന ചൂടു വെള്ളം തന്‍റെ മുഖത്തേയ്ക്ക് ഒഴിക്കുകയായിരുന്നുവെന്ന് വൈസ് പ്രസിഡന്‍റ് സുരേഷ് പറഞ്ഞു. വാക്കു തർക്കങ്ങൾക്കിടയിൽ കൈതട്ടി ചൂടുവെള്ളം ദേഹത്തേക്ക് വീണത് ശരിയാണെന്നും മറ്റുള്ള സംഭവങ്ങൾ അടിസ്ഥാന രഹിതമാണെന്നും പ്രസിഡന്‍റ് ഷീന ആൽബിൻ പറഞ്ഞു.

പഞ്ചായത്ത് പ്രസിഡന്‍റ് വൈസ് പ്രസിഡന്‍റിനുനേരേ ചൂടുവെള്ളം ഒഴിച്ചതായി പരാതി

പൂവാർ: തിരുപുറം ഗ്രാമ പഞ്ചായത്ത് കമ്മിറ്റിക്കിടെ പ്രസിഡന്‍റ് വൈസ് പ്രസിഡന്‍റിനു നേരെ ചൂട് വെള്ളം ഒഴിച്ചതായി പരാതി. വൈസ് പ്രസിഡന്‍റ് തിരുപുറം സുരേഷ് നെയ്യാറ്റിൻകര ജനറൽ ആശുപത്രിയിൽ ചികിത്സ തേടി. സംഭവത്തിൽ പോലീസിൽ പരാതിയും നൽകിയിട്ടുണ്ട്. കഴിഞ്ഞ ദിവസം പഞ്ചായത്ത് കമ്മിറ്റിയുടെ ഇടയിലാണ് നാടകീയ സംഭവങ്ങൾ അരങ്ങേറിയത്. ലൈഫ് ഭവന പദ്ധതിയുമായി ബന്ധപ്പെട്ട് സർക്കാർ അനുവദിച്ച തുക, പ്രസിഡന്‍റിന്‍റെ താതപര്യ പ്രകാരം വകമാറ്റി ചെലവഴിച്ചതായി വൈസ് പ്രസിഡന്‍റ് ആരോപിച്ചു. ഇക്കാര്യം പഞ്ചായത്ത് കമ്മിറ്റിയിൽ ചോദ്യം ചെയ്‌തതാണ് പ്രസിഡന്‍റിനെ ചൊടിപ്പിച്ചത്. സമീപത്ത് ഗ്ലാസിൽ സൂക്ഷിച്ചിരുന്ന ചൂടു വെള്ളം തന്‍റെ മുഖത്തേയ്ക്ക് ഒഴിക്കുകയായിരുന്നുവെന്ന് വൈസ് പ്രസിഡന്‍റ് സുരേഷ് പറഞ്ഞു. വാക്കു തർക്കങ്ങൾക്കിടയിൽ കൈതട്ടി ചൂടുവെള്ളം ദേഹത്തേക്ക് വീണത് ശരിയാണെന്നും മറ്റുള്ള സംഭവങ്ങൾ അടിസ്ഥാന രഹിതമാണെന്നും പ്രസിഡന്‍റ് ഷീന ആൽബിൻ പറഞ്ഞു.

മന്ത്രി വി. ശിവന്‍കുട്ടിയുടെ ഓഫീസിനുമുന്നില്‍ ബിജെപി മാര്‍ച്ച്, സംഘര്‍ഷാവസ്ഥ

നേമം: ഭാരതാംബയെ അവഹേളിച്ചതില്‍ പ്രതിഷേധിച്ച് ബിജെപി പ്രവര്‍ത്തകര്‍ മന്ത്രി വി.ശിവന്‍കുട്ടി പാപ്പനംകോട് ഓഫീസിനുമുന്നിലേക്ക് പ്രതിഷേധ മാര്‍ച്ച് നടത്തി. പാപ്പനംകോട് ഏരിയ കമ്മിറ്റിയുടെ നേതൃത്വത്തില്‍ ഇന്നലെ വൈകുന്നേരമായിരുന്നു പ്രതിഷേധമാര്‍ച്ച്. ദേശീയപാതയില്‍ കൈമനത്ത് നിന്നും ആരംഭിച്ച മാര്‍ച്ച് പാപ്പനംകോട് ജംഗ്ഷനിലെ മന്ത്രിയുടെ ഓഫീസിനുമുന്നില്‍ സമാപിച്ചു. പ്രവര്‍ത്തകര്‍ ഭാരതാംബയുടെ ഫോട്ടോയ്ക്ക് മുന്നില്‍ പുഷ്പാര്‍ച്ചനയും നടത്തി. യോഗത്തിനുശേഷം മന്ത്രിയുടെ ഓഫീസിലേക്ക്തള്ളി കയറാന്‍ ബിജെപി പ്രവര്‍ത്തകര്‍ ശ്രമിച്ചത് സംഘര്‍ഷത്തിനിടയാക്കി. തുടര്‍ന്ന് ഓഫീസിനുമുന്നില്‍ തമ്പടിച്ച സിപിഎം പ്രവര്‍ത്തകര്‍ ബിജെപി വിരുദ്ധ മുദ്രവാക്യങ്ങളുയര്‍ത്തി. ഇതിനിടയില്‍ ബിജെപി പ്രവര്‍ത്തകര്‍ പോലീസുമായി ഉന്തും തള്ളുമായി. ബിജെപി പ്രതിഷേധത്തെ തുടര്‍ന്ന് ഫോര്‍ട്ട് എസിയുടെ നേതൃത്വത്തില്‍ ശക്തമായ പോലീസ് സന്നാഹം ഓഫീസിനുമുന്നില്‍ ഒരുക്കിയിരുന്നു. സിപിഎം പ്രവര്‍ത്തകര്‍ മന്ത്രിയുടെ വലിയ കട്ടൗട്ട് ഉയര്‍ത്തിയാണ് പ്രതിഷേധത്തെ നേരിട്ടത്. തുടര്‍ന്ന് സിപിഎം പ്രവര്‍ത്തകര്‍ മന്ത്രിയുടെ കട്ടൗട്ടുമായി പാപ്പനംകോട് ദേശീയപാതയില്‍ പ്രകടനം നടത്തി. പരസ്പരം കൂകി വിളികളും നടന്നു. അഞ്ച് മണിയോടെ ആരംഭിച്ച സംഘര്‍ഷാവസ്ഥ രാത്രി എട്ടരയോടെയാണ് അവസാനിച്ചത്.

മന്ത്രി വി. ശിവന്‍കുട്ടിയുടെ ഓഫീസിനുമുന്നില്‍ ബിജെപി മാര്‍ച്ച്, സംഘര്‍ഷാവസ്ഥ

നേമം: ഭാരതാംബയെ അവഹേളിച്ചതില്‍ പ്രതിഷേധിച്ച് ബിജെപി പ്രവര്‍ത്തകര്‍ മന്ത്രി വി.ശിവന്‍കുട്ടി പാപ്പനംകോട് ഓഫീസിനുമുന്നിലേക്ക് പ്രതിഷേധ മാര്‍ച്ച് നടത്തി. പാപ്പനംകോട് ഏരിയ കമ്മിറ്റിയുടെ നേതൃത്വത്തില്‍ ഇന്നലെ വൈകുന്നേരമായിരുന്നു പ്രതിഷേധമാര്‍ച്ച്. ദേശീയപാതയില്‍ കൈമനത്ത് നിന്നും ആരംഭിച്ച മാര്‍ച്ച് പാപ്പനംകോട് ജംഗ്ഷനിലെ മന്ത്രിയുടെ ഓഫീസിനുമുന്നില്‍ സമാപിച്ചു. പ്രവര്‍ത്തകര്‍ ഭാരതാംബയുടെ ഫോട്ടോയ്ക്ക് മുന്നില്‍ പുഷ്പാര്‍ച്ചനയും നടത്തി. യോഗത്തിനുശേഷം മന്ത്രിയുടെ ഓഫീസിലേക്ക്തള്ളി കയറാന്‍ ബിജെപി പ്രവര്‍ത്തകര്‍ ശ്രമിച്ചത് സംഘര്‍ഷത്തിനിടയാക്കി. തുടര്‍ന്ന് ഓഫീസിനുമുന്നില്‍ തമ്പടിച്ച സിപിഎം പ്രവര്‍ത്തകര്‍ ബിജെപി വിരുദ്ധ മുദ്രവാക്യങ്ങളുയര്‍ത്തി. ഇതിനിടയില്‍ ബിജെപി പ്രവര്‍ത്തകര്‍ പോലീസുമായി ഉന്തും തള്ളുമായി. ബിജെപി പ്രതിഷേധത്തെ തുടര്‍ന്ന് ഫോര്‍ട്ട് എസിയുടെ നേതൃത്വത്തില്‍ ശക്തമായ പോലീസ് സന്നാഹം ഓഫീസിനുമുന്നില്‍ ഒരുക്കിയിരുന്നു. സിപിഎം പ്രവര്‍ത്തകര്‍ മന്ത്രിയുടെ വലിയ കട്ടൗട്ട് ഉയര്‍ത്തിയാണ് പ്രതിഷേധത്തെ നേരിട്ടത്. തുടര്‍ന്ന് സിപിഎം പ്രവര്‍ത്തകര്‍ മന്ത്രിയുടെ കട്ടൗട്ടുമായി പാപ്പനംകോട് ദേശീയപാതയില്‍ പ്രകടനം നടത്തി. പരസ്പരം കൂകി വിളികളും നടന്നു. അഞ്ച് മണിയോടെ ആരംഭിച്ച സംഘര്‍ഷാവസ്ഥ രാത്രി എട്ടരയോടെയാണ് അവസാനിച്ചത്.

സ്‌കൂളിനു മുന്നിലെ ബസ് വെയിറ്റിംഗ് ഷെഡ് നീക്കാന്‍ ബാലാവകാശ കമ്മീഷന്‍

പേരൂര്‍ക്കട: ബസ് വെയിറ്റിംഗ് ഷെഡ് പൊതുജനങ്ങള്‍ക്കും കുട്ടികള്‍ക്കും ദോഷകരമായി ബാധിക്കുന്നതിനാല്‍ നീക്കം ചെയ്യാന്‍ ബാലാവകാശ കമ്മീഷന്‍റെ ഉത്തരവ്. അട്ടക്കുളങ്ങര ഗവ. സെന്‍ട്രല്‍ ഹൈസ്‌കൂള്‍ മെയിന്‍ ഗേറ്റിനു മുന്നിലെ കിഴക്കേക്കോട്ട സൗത്ത് ബസ് വെയിറ്റിംഗ് ഷെഡ് മാറ്റിസ്ഥാപിക്കാനാണ് കമ്മീഷന്‍ കെഎസ്ആര്‍ടിസിക്ക് നിര്‍ദേശം നല്‍കിയത്. സ്വീകരിച്ച നടപടി റിപ്പോര്‍ട്ട് 60 ദിവസത്തിനകം സമര്‍പ്പിക്കാനും ബന്ധപ്പെട്ട ഉദ്യോഗസ്ഥര്‍ക്ക് കമ്മീഷന്‍ അംഗം എന്‍. സുനന്ദ നിര്‍ദ്ദേശം നല്‍കിയിട്ടുണ്ട്. 2005-ലെ ബാലാവകാശ സംരക്ഷണ കമ്മീഷനുകള്‍ ആക്റ്റിലെ 15-ാം വകുപ്പ് പ്രകാരമാണ് കമ്മീഷന്‍ ശുപാര്‍ശകള്‍ പുറപ്പെടുവിച്ചത്. കമ്മീഷന്‍ സ്‌കൂള്‍ സന്ദര്‍ശിച്ച് വസ്തുതകള്‍ മനസിലാക്കുകയും കക്ഷികളെ നേരില്‍ കേട്ട് പരാതി ശരിയാണെന്ന് ബോധ്യപ്പെടുകയും ചെയ്തു.ബസ് വെയിറ്റിംഗ് ഷെഡ് മാറ്റുന്നതുമായി ബന്ധപ്പെട്ട് പിടിഎ പ്രസിഡന്‍റ് അബ്ദുള്‍കലാം കമ്മിഷന് നല്‍കിയ പരാതിയിന്മേലാണ് ഉത്തരവ്.

സ്‌കൂളിനു മുന്നിലെ ബസ് വെയിറ്റിംഗ് ഷെഡ് നീക്കാന്‍ ബാലാവകാശ കമ്മീഷന്‍

പേരൂര്‍ക്കട: ബസ് വെയിറ്റിംഗ് ഷെഡ് പൊതുജനങ്ങള്‍ക്കും കുട്ടികള്‍ക്കും ദോഷകരമായി ബാധിക്കുന്നതിനാല്‍ നീക്കം ചെയ്യാന്‍ ബാലാവകാശ കമ്മീഷന്‍റെ ഉത്തരവ്. അട്ടക്കുളങ്ങര ഗവ. സെന്‍ട്രല്‍ ഹൈസ്‌കൂള്‍ മെയിന്‍ ഗേറ്റിനു മുന്നിലെ കിഴക്കേക്കോട്ട സൗത്ത് ബസ് വെയിറ്റിംഗ് ഷെഡ് മാറ്റിസ്ഥാപിക്കാനാണ് കമ്മീഷന്‍ കെഎസ്ആര്‍ടിസിക്ക് നിര്‍ദേശം നല്‍കിയത്. സ്വീകരിച്ച നടപടി റിപ്പോര്‍ട്ട് 60 ദിവസത്തിനകം സമര്‍പ്പിക്കാനും ബന്ധപ്പെട്ട ഉദ്യോഗസ്ഥര്‍ക്ക് കമ്മീഷന്‍ അംഗം എന്‍. സുനന്ദ നിര്‍ദ്ദേശം നല്‍കിയിട്ടുണ്ട്. 2005-ലെ ബാലാവകാശ സംരക്ഷണ കമ്മീഷനുകള്‍ ആക്റ്റിലെ 15-ാം വകുപ്പ് പ്രകാരമാണ് കമ്മീഷന്‍ ശുപാര്‍ശകള്‍ പുറപ്പെടുവിച്ചത്. കമ്മീഷന്‍ സ്‌കൂള്‍ സന്ദര്‍ശിച്ച് വസ്തുതകള്‍ മനസിലാക്കുകയും കക്ഷികളെ നേരില്‍ കേട്ട് പരാതി ശരിയാണെന്ന് ബോധ്യപ്പെടുകയും ചെയ്തു.ബസ് വെയിറ്റിംഗ് ഷെഡ് മാറ്റുന്നതുമായി ബന്ധപ്പെട്ട് പിടിഎ പ്രസിഡന്‍റ് അബ്ദുള്‍കലാം കമ്മിഷന് നല്‍കിയ പരാതിയിന്മേലാണ് ഉത്തരവ്.

മരക്കൊന്പ് ഒടിഞ്ഞു വീണ് നാല് വാഹനങ്ങൾ തകർന്നു

തിരുവനന്തപുരം: പാളയം സംസ്കൃത കോളജിനു പിറകിലെ ഫ്ളൈ ഓവറിൽ വൻ മരം ഒടിഞ്ഞു വീണ് നാല് വാഹനങ്ങൾ തകർന്നു. മരത്തിനു താഴെ നിർത്തിയിട്ടിരുന്ന നാല് കാറുകൾക്ക് കാര്യമായ കേടുപാടുണ്ടായി. സമീപത്തായി പാർക്കു ചെയ്തിരുന്ന ഒരു ഓട്ടോറിക്ഷയ്ക്കും നിസാരമായ കേടുപാടുകൾ ഉണ്ടായതായി ഫയർഫോഴ്സ് അറിയിച്ചു. സംഭവത്തിൽ ആളപായമില്ല. ഇന്നലെ രാവിലെ 11.30 ഓടെയാണ് സംഭവം. സംസ്കൃത കോളജിന്‍റെ കോന്പൗണ്ടിൽ നിന്നിരുന്ന മരത്തിന്‍റെ ശിഖരമാണ് ഒടിഞ്ഞു വീണത്. മരത്തിനു താഴെ ഫളൈഓവറിൽ പാർക്ക് ചെയ്തിരുന്ന മൂന്ന് കാറുകൾക്ക് സാരമായ കേടുപാടുകളുണ്ടായതായി ഫയർഫോഴ്സ് അറിയിച്ചു. ഇവിടേക്ക് വന്ന മറ്റൊരു കാറിന്‍റെ ബോണറ്റിലേക്കും മരം വന്നു പതിച്ചു. മരം വീഴുന്നതു കണ്ട് കാർ നിർത്തി ഡ്രൈവർ ഇറങ്ങാൻ ശ്രമിക്കുന്നതിനിടെയാണ് ബോണറ്റിലേക്ക് മരം വീണത്. കാറിലുണ്ടായിരുന്ന ആർക്കും അപകടമില്ല. സമീപത്ത് നിർത്തിയിട്ടിരുന്ന ഒരു ഓട്ടോറിക്ഷയിലും മരക്കൊന്പു തട്ടി കേടുപാടുകൾ പറ്റി. മണക്കാട് സ്വദേശിയായ വിദ്യാർഥി മുഹമ്മദ് നിയാസിന്‍റേതാണ് തകർന്ന കാറുകളിലൊന്ന്. നാട്ടുകാർ വിവരം അറിയിച്ചതനുസരിച്ച് ചെങ്കൽച്ചൂളയിൽ നിന്നും രണ്ട് യൂണിറ്റ് ഫയർഫോഴ്സ് സംഘം സ്ഥലത്തെത്തി മരക്കൊന്പ് മുറിച്ചു നീക്കി. മരത്തിനു താഴെയായി സംസ്കൃത കോളജ് കോന്പൗണ്ടിനുള്ളിലുണ്ടാ യിരുന്ന കാർ ഷെഡ്ഡിലുണ്ടായിരുന്ന വാഹനങ്ങളും സുരക്ഷ കണക്കിലെടുത്ത് ഫയർഫോഴ്സ് മാറ്റി. കൂടുതൽ വിദഗ്ധ തൊഴിലാളികളെ എത്തിച്ച് ക്രെയിനിന്‍റെ സഹായത്തോടെ മാത്രമേ മരം പൂർണായി മുറിച്ചു നീക്കാൻ കഴിയൂ എന്ന് ഫയർഫോഴ്സ് അറിയിച്ചു.

മരക്കൊന്പ് ഒടിഞ്ഞു വീണ് നാല് വാഹനങ്ങൾ തകർന്നു

തിരുവനന്തപുരം: പാളയം സംസ്കൃത കോളജിനു പിറകിലെ ഫ്ളൈ ഓവറിൽ വൻ മരം ഒടിഞ്ഞു വീണ് നാല് വാഹനങ്ങൾ തകർന്നു. മരത്തിനു താഴെ നിർത്തിയിട്ടിരുന്ന നാല് കാറുകൾക്ക് കാര്യമായ കേടുപാടുണ്ടായി. സമീപത്തായി പാർക്കു ചെയ്തിരുന്ന ഒരു ഓട്ടോറിക്ഷയ്ക്കും നിസാരമായ കേടുപാടുകൾ ഉണ്ടായതായി ഫയർഫോഴ്സ് അറിയിച്ചു. സംഭവത്തിൽ ആളപായമില്ല. ഇന്നലെ രാവിലെ 11.30 ഓടെയാണ് സംഭവം. സംസ്കൃത കോളജിന്‍റെ കോന്പൗണ്ടിൽ നിന്നിരുന്ന മരത്തിന്‍റെ ശിഖരമാണ് ഒടിഞ്ഞു വീണത്. മരത്തിനു താഴെ ഫളൈഓവറിൽ പാർക്ക് ചെയ്തിരുന്ന മൂന്ന് കാറുകൾക്ക് സാരമായ കേടുപാടുകളുണ്ടായതായി ഫയർഫോഴ്സ് അറിയിച്ചു. ഇവിടേക്ക് വന്ന മറ്റൊരു കാറിന്‍റെ ബോണറ്റിലേക്കും മരം വന്നു പതിച്ചു. മരം വീഴുന്നതു കണ്ട് കാർ നിർത്തി ഡ്രൈവർ ഇറങ്ങാൻ ശ്രമിക്കുന്നതിനിടെയാണ് ബോണറ്റിലേക്ക് മരം വീണത്. കാറിലുണ്ടായിരുന്ന ആർക്കും അപകടമില്ല. സമീപത്ത് നിർത്തിയിട്ടിരുന്ന ഒരു ഓട്ടോറിക്ഷയിലും മരക്കൊന്പു തട്ടി കേടുപാടുകൾ പറ്റി. മണക്കാട് സ്വദേശിയായ വിദ്യാർഥി മുഹമ്മദ് നിയാസിന്‍റേതാണ് തകർന്ന കാറുകളിലൊന്ന്. നാട്ടുകാർ വിവരം അറിയിച്ചതനുസരിച്ച് ചെങ്കൽച്ചൂളയിൽ നിന്നും രണ്ട് യൂണിറ്റ് ഫയർഫോഴ്സ് സംഘം സ്ഥലത്തെത്തി മരക്കൊന്പ് മുറിച്ചു നീക്കി. മരത്തിനു താഴെയായി സംസ്കൃത കോളജ് കോന്പൗണ്ടിനുള്ളിലുണ്ടാ യിരുന്ന കാർ ഷെഡ്ഡിലുണ്ടായിരുന്ന വാഹനങ്ങളും സുരക്ഷ കണക്കിലെടുത്ത് ഫയർഫോഴ്സ് മാറ്റി. കൂടുതൽ വിദഗ്ധ തൊഴിലാളികളെ എത്തിച്ച് ക്രെയിനിന്‍റെ സഹായത്തോടെ മാത്രമേ മരം പൂർണായി മുറിച്ചു നീക്കാൻ കഴിയൂ എന്ന് ഫയർഫോഴ്സ് അറിയിച്ചു.

കിണറിൽ ഘടിപ്പിച്ച പമ്പ്സെറ്റ് മോഷ്ടിച്ചു

കാട്ടാക്കട: വീട്ടുകാർ പുറത്തുപോയ സമയം കിണറിൽ ഘടിപ്പിച്ചിരുന്ന പമ്പ്സെറ്റ് മോഷ്ടിച്ചു. കാട്ടാക്കട അഞ്ചുതെങ്ങിൻമൂട് മണ്ണാംകോണം തീർഥത്തിൽ ആർ. മോഹനകുമാറിന്‍റെ വീട്ടിലാണ് പകൽ മോഷണം നടന്നത്. ഉച്ചയ്ക്ക് രണ്ടിനും 2.30-നും ഇടയ്ക്ക് വീട്ടമ്മ പുറത്തുപോയിരുന്നപ്പോഴായിരുന്നു സംഭവം. കിണറിൽ ഇറക്കിയിട്ടിരുന്ന പമ്പാണ് ഇളക്കിയെടുത്ത് കടത്തിയത്. നീലനിറത്തിലുള്ള ഇരുചക്രവാഹനത്തിൽ എത്തിയ ഒരാൾ വീട്ടിലെ കോളിംഗ്ബെൽ അമർത്തുന്നതും തിരിച്ചുപോകുന്നതും കണ്ടതായി അയൽക്കാർ പറയുന്നു. കാട്ടാക്കട പോലീസിൽ പരാതി നൽകി.

ശംഖുമുഖം തീര സംരക്ഷണം ഏകോപിപ്പിക്കും

തിരുവനന്തപുരം: ശംഖുമുഖം തീര സംരക്ഷണം ഏകോപിപ്പിക്കുന്നതിനും വേഗത്തില്‍ പൂര്‍ത്തിയാക്കുന്നതിനും ഇന്നലെ ചേര്‍ന്ന പ്രത്യേക യോഗം തീരുമാനിച്ചു. ആന്‍റണി രാജു എംഎല്‍എ യുടെ അധ്യക്ഷതയില്‍ ചേര്‍ന്ന വിവിധ വകുപ്പുകളുടെ യോഗത്തിലാണ് തീരുമാനം. ശംഖുമുഖം വിനോദ സഞ്ചാര കേന്ദ്രമായി നിലനിര്‍ത്തുന്ന തരത്തിലുള്ള നിര്‍മാണ പ്രവര്‍ത്തനം നടത്തി സംരക്ഷിക്കുന്നതിന് മുന്‍ഗണന നല്‍കുവാനും തീരുമാനമായി. തീരം സംരക്ഷിക്കുന്നതിന് പൊതുമരാമത്ത് വകുപ്പിന്‍റെ നിര്‍ദേശവും നാഷണല്‍ സെന്‍റര്‍ ഫോര്‍ കോസ്റ്റല്‍ റിസര്‍ച്ചിന്‍റെ സാങ്കേതിക ഉപദേശകനും ഡീപ് വാട്ടര്‍ മിഷന്‍റെ ഡയറക്ടറുമായ എം.വി.രമണ മൂര്‍ത്തി ഫിഷറീസ് വകുപ്പിനും ഇറിഗേഷന്‍ വകുപ്പിനും നല്‍കിയ നിര്‍ദേശങ്ങളെക്കുറിച്ചും യോഗം വിലയിരുത്തി. എം.വി. രമണമൂര്‍ത്തിയുടെ സാന്നിധ്യത്തില്‍ ഈ മാസം തന്നെ ഉന്നത തല യോഗം ചേര്‍ന്ന് സ്വീകാര്യമായ ഒരു പദ്ധതി അംഗീകരിച്ച് സര്‍ക്കാരിന് സമര്‍പ്പിക്കുന്നതിനും യോഗം തീരുമാനിച്ചു. യോഗത്തില്‍ ശംഖുമുഖം വാര്‍ഡ് കൗണ്‍സിലര്‍ സെറാഫിന്‍ ഫ്രെഡി, തീരദേശ വികസന കോര്‍പ്പറേഷന്‍ എംഡി ഷേക്ക് പരീത്, മേജര്‍ ഇറിഗേഷന്‍ വകുപ്പ് സൂപ്രണ്ടിംഗ് എന്‍ജിനീയര്‍ ബിന്ദു തുടങ്ങിയവര്‍ പങ്കെടുത്തു.

മുട്ടഗ്രാമം പദ്ധതി ഉദ്ഘാടനം ചെയ്തു

വെള്ളറട: മുട്ട ഉത്പാദനത്തില്‍ സ്വയം പര്യാപ്തത കൈവരിക്കുക എന്ന ലക്ഷ്യത്തോടെ 2025- 26 സാമ്പത്തിക വര്‍ഷത്തില്‍ പ്ലാന്‍ ഫണ്ട് ഉപയോഗിച്ച് അമ്പൂരി ഗ്രാമപഞ്ചായത്ത് നടപ്പിലാക്കുന്ന മുട്ട ഗ്രാമം പദ്ധതിയുടെ ഉദ്ഘാടനം പഞ്ചായത്ത് പ്രസിഡന്‍റ് വത്സല രാജു നിര്‍വഹിച്ചു. പഞ്ചായത്തിലെ 13 വാര്‍ഡുകളില്‍ പെട്ട 758 കുടുംബങ്ങള്‍ക്ക് 15 കോഴിക്കുഞ്ഞുങ്ങളെ വീതം നല്‍കുന്ന പദ്ധതിയാണിത്. 113 70 കോഴിക്കുഞ്ഞുങ്ങളെയാണ് പദ്ധതി പ്രകാരം വിതരണം ചെയ്യുന്നത്. മുട്ട ഗ്രാമം പദ്ധതിയിലൂടെ ഉല്‍പ്പാദിപ്പിക്കുന്ന മുട്ടകള്‍ നബാര്‍ഡ് മായി ചേര്‍ന്ന് ബ്രാന്‍ഡ് ചെയ്ത് വിതരണം നടത്തുന്നതിനുള്ള നടപടിയും പഞ്ചായത്ത് സ്വീകരിച്ചിട്ടുണ്ട്.

‘കാഞ്ഞിരംകുളം പഞ്ചായത്ത് ഓഫീസ് തീപിടിത്തം: വിദഗ്ധ സമിതി അന്വേഷിക്കണം’

പൂവാർ: കാഞ്ഞിരംകുളം പഞ്ചായത്താഫീസിൽ ഉണ്ടായ തീപിടുത്തത്തിൽ ദുരൂഹതയുണ്ടെന്നും ഭരണസമിതിയുടെനിയമവിരുദ്ധ നടപടികളി ന്മേൽ വിജിലൻസ് അന്വേഷണം നടക്കുമ്പോള്‍ ഉണ്ടായ തീപിടിത്തം വിദഗ്ദ സമിതി അന്വേക്ഷിക്കണമെന്ന് കെപിസിസി ജനറൽ സെക്രട്ടറി അഡ്വ. ജി സുബോധൻആവശ്യപ്പെട്ടു. പ്രാഥമിക നോട്ടത്തിൽ ഷോർട്ട് സർക്യൂട്ട് ഉണ്ടാകേണ്ട ഒരു സാഹചര്യവും കാണുന്നില്ല . സംഭവവും ലാഘവമാക്കി മാറ്റാനുള്ള ഗൂഢാലോചന അനുവദിക്കില്ല എന്നും അദ്ദേഹം പറഞ്ഞു. പൊതുപ്രവർത്തകരെയും ബന്ധപ്പെട്ട പഞ്ചായത്ത് അംഗങ്ങളെ പോലും പഞ്ചായത്ത് ഓഫീസ് സന്ദർശിക്കുന്നതിൽ തടസം സൃഷ്‌ടിച്ച സ്ഥലം പോലീസിന്‍റെ നടപടിയിൽ അദ്ദേഹം പ്രതിഷേധിച്ചു. പഞ്ചായത്ത് ഓഫീസ് സന്ദർശിച്ച അദ്ദേഹത്തോടൊപ്പം കോൺഗ്രസ് കാഞ്ഞിരകുളം ബ്ലോക്ക് പ്രസിഡന്‍റ് കരിങ്കുളം ജയകുമാർ, നേതാക്കളായ ടി തങ്കരാജ്, സരസദാസ്,പി വി അനിൽകുമാർ,പരുണിയം ഫ്രാൻസിസ്, ലൗലി റോസ് തുടങ്ങിയവരും ഉണ്ടായിരുന്നു.

വയോജനങ്ങൾക്കുള്ള ഉപകരണങ്ങൾ കെട്ടിക്കിടക്കുന്നതായി ആക്ഷേപം

നെടുമങ്ങാട്: ആനാട് ഗ്രാമ പഞ്ചായത്തിൽ വയോ ജനങ്ങൾക്ക് വിതരണം ചെയ്യാനുള്ള സഹായ ഉപകരണങ്ങൾ മൂന്ന് മാസമായി പഞ്ചായത്ത് ഓഫീസിൽ സൂക്ഷിച്ചിരിക്കുന്നതായി ആക്ഷേപം. രണ്ടര ലക്ഷം രൂപ വിനിയോഗിച്ചു വാങ്ങിയ സാധനങ്ങൾ അടിയന്തരമായി പാവങ്ങളായ വയോജനങ്ങൾക്ക് വിതരണം ചെയ്യണമെന്ന് യു ഡി എഫ് ആനാട് പഞ്ചായത്ത് കമ്മിറ്റി ചെർമാൻ ആർ.അജയകുമാർ ആവശ്യപ്പെട്ടു. നടപടി ഉണ്ടായില്ലെങ്കിൽ വയോജനങ്ങളെ ഉൾപ്പെടുത്തി സമരപരിപാടികൾ ആരംഭിക്കുമെന്നും അജയകുമാർ പറഞ്ഞു.

ADVERTISEMENT

ADVERTISEMENT

ADVERTISEMENT

ADVERTISEMENT

ADVERTISEMENT

ആമസോണ്‍ ഓഫറുകളറിയാന്‍
ലിങ്കില്‍ ക്ലിക്ക് ചെയ്യുക

ADVERTISEMENT

More from other section

ADVERTISEMENT

LATEST NEWS

ADVERTISEMENT

ADVERTISEMENT

Quick Links

About Us Deepika E-Paper E-Shopping Karshakan Rashtradeepika Movies Tech @ Deepika

Business Deepika Viral Tax Letters University News Auto Spot Cartoon Scope

Matrimonial Special News Special Feature Calendar Samskarikam Career Deepika English Edition

Deepika Charity Health Sthreedhanam Responses Daily Quiz Youth Special Court Notice

Kuttikalude Deepika Deepika News Videos Out of Range US News Gulf News Student Reporter Classifieds

Children's Digest Today's Story Religion Book Review Sunday Deepika Send your greetings Online Advertising

Rashtra Deepika LTD

Chairman - Dr. Francis Cleetus MD - Michael Vettickatt Chief Editor - George Kudilil

Tel: +91 481 2566706 ,2566707,2566708

Privacy policy Terms and conditions for online payment

Copyright © 2025 , RDL. All rights reserved To access reprinting rights, please contact [email protected]