റെ​യി​ൽ​വേ സ്റ്റേഷ​നി​ൽ ര​ണ്ട് യാ​ത്ര​ക്കാ​രു​ടെ മാ​ല ക​വ​ർ​ന്നു
Tuesday, October 1, 2024 7:22 AM IST
ഗു​രു​വാ​യൂ​ർ: റെ​യി​ൽ​വേ സ്റ്റേഷ​നി​ൽ പു​ല​ർ​ച്ചെ​യു​ള്ള ട്രെ​യി​നി​ൽ യാ​ത്ര​ചെ​യ്യാ​നെ​ത്തി​യ ര​ണ്ടു സ്ത്രീ​ക​ളു​ടെ മാ​ല ക​വ​ർ​ന്നു. ക്ഷേ​ത്ര​ദ​ർ​ശ​നംക​ഴി​ഞ്ഞ് മ​ട​ങ്ങു​ക​യാ​യി​രു​ന്ന ക​രു​നാ​ഗ​പ്പ​ള്ളി സ്വ​ദേ​ശി​നി ല​ക്ഷ്മി(60)​യു​ടെ ര​ണ്ടു​പ​വ​നാ​ണ് ക​വ​ർ​ന്ന​ത്. മൂ​ന്നാം പ്ലാ​റ്റ്ഫോ​മി​ലൂ​ടെ ന​ട​ക്കു​മ്പോ​ൾ ന​ട​ന്നു​വ​ന്ന​യാ​ൾ മാ​ല ക​വ​ർ​ന്ന് ര​ക്ഷ​പ്പെ​ട്ടു.

ആ​റ​ന്മുള സ്വ​ദേ​ശി രേ​ഖ​ നാ​യ​രു​ടെ(62) മൂ​ന്നു​പ​വ​ൻ മാ​ല​യും ലോ​ക്ക​റ്റു​മാ​ണ് ക​വ​ർ​ന്ന​ത്. ഫു​ട് ഓ​വ​ർ ബ്രി​ഡ്ജി​നു സ​മീ​പം​വ​ച്ചാ​ണ് രേ​ഖ നാ​യ​രു​ടെ മാ​ല ക​വ​ർ​ന്ന​ത്. ഇ​വ​രു​ടെ മാ​ല​പൊ​ട്ടി​ച്ച് ര​ക്ഷ​പ്പെ​ടാ​നു​ള്ള ശ്ര​മ​ത്തി​നി​ടെ റെ​യി​ൽ​വേ ജീ​വ​ന​ക്കാ​ർ മോ​ഷ്ടാ​വി​നെ പി​ടി​ച്ചെ​ങ്കി​ലും ജീ​വ​ന​ക്കാ​രെ ത​ള്ളി​മാ​റ്റി അ​ടു​ത്തു​ള്ള പ​റ​മ്പി​ലൂ​ടെ തി​രു​വെ​ങ്കി​ടം ഭാ​ഗ​ത്തേ​ക്കു ര​ക്ഷ​പ്പെ​ട്ടു.

തി​രു​വെ​ങ്കി​ടം ഫ്ര​ണ്ട്സ് റോ​ഡി​ൽ ആ​ളി​ല്ലാ​ത്ത​ വീ​ട്ടി​ൽ മോ​ഷ​ണ​ശ്ര​മ​വും ന​ട​ന്നി​ട്ടു​ണ്ട്. ദേ​വ​സ്വം റി​ട്ട.​ ജീ​വ​ന​ക്കാ​ര​ന്‍റെ വീ​ട്ടി​ലാ​ണ് മോ​ഷ​ണശ്ര​മം ന​ട​ന്ന​ത്. വീ​ട്ടി​നു​ള്ളി​ലെ സാ​ധ​ന​ങ്ങ​ളെ​ല്ലാം വാ​രി​വ​ലി​ച്ചി​ട്ട നി​ല​യി​ലാ​യി​രു​ന്നു. മൂ​ന്നാ​ഴ്ച മു​മ്പ് റെ​യി​ൽ​വേ മൂ​ന്നാം പ്ലാ​റ്റ്ഫോ​മി​ൽ​നി​ന്ന് യാ​ത്ര​ക്കാ​രി​യു​ടെ മാ​ല ക​വ​ർ​ന്നി​രു​ന്നു. റെ​യി​ൽവേ സസ്റ്റേഷ​നി​ലെ വെ​ളി​ച്ച​ക്കു​റ​വ് പ​രി​ഹ​രി​ക്കു​ന്ന​തി​നും യാ​ത്ര​ക്കാ​ർ​ക്കു സു​ര​ക്ഷ ഒ​രു​ക്കു​ന്ന​തി​നും ന​ട​പ​ടി​യെ​ടു​ക്ക​ണ​മെ​ന്ന് വാ​ർ​ഡ് കൗ​ൺ​സി​ല​ർ വി.​കെ. സു​ജി​ത്ത് ആ​വ​ശ്യ​പ്പെ​ട്ടു.
Copyright @ 2018 , Rashtra Deepika Ltd.