മട്ടന്നൂർ: 71-ാം അഖിലേന്ത്യ സഹകരണ വാരാഘോഷത്തിന്‍റെ കൂത്തുപറമ്പ് സർക്കിൾ തല ഉദ്ഘാടനം മട്ടന്നൂർ കൈലാസ് ഓഡിറ്റോറിയത്തിൽ കെ.കെ. ശൈലജ എംഎൽഎ ഉദ്ഘാടനം ചെയ്തു. കൂത്തുപറമ്പ് സർക്കിൾ സഹകരണ യൂണിയൻ ചെയർമാൻ സി.വി. ശശീന്ദ്രൻ അധ്യക്ഷത വഹിച്ചു.
വിവിധ മത്സരങ്ങളിലെ വിജയികൾക്ക് കണ്ണൂർ എകെജി ആശുപത്രി പ്രസിഡന്‍റ് പി. പുരുഷോത്തമൻ,സഹകരണ സംഘം അസിസ്റ്റന്‍റ് രജിസ്ട്രാർ ജനറൽ അജീഷ് കെ. കിഴക്കയിൽ, മട്ടന്നൂർ നഗരസഭ ചെയർമാൻ എൻ. ഷാജിത്ത്, എൻ.വി. ചന്ദ്രബാബു തുടങ്ങിയവർ സമ്മാനങ്ങൾ വിതരണം ചെയ്തു. സഹകരണ സംഘം അഡീഷണൽ രജിസ്ട്രാർ എം.പി. രജിത്ത്കുമാർ സഹകാരികളെ ആദരിച്ചു.
കെ.കെ. നാരായണൻ, വി. രാമകൃഷ്ണൻ, ഇ. രാജേന്ദ്രൻ, പി. പുരുഷോത്തമൻ, കെ. ശ്രീധരൻ, ടി.ജി. രാജേഷ് കുമാർ, വി.ജി. പദ്മനാഭൻ, എം. രതീഷ്, എ. പ്രദീപൻ, കെ. ഭാസ്കരൻ, ടി. ശ്രീജ, പി.കെ. പ്രവീൺ, സി.പി. ബിന്ദു, പി. കുട്ട്യപ്പ, എം. സുകുമാരൻ, വി.ടി. തോമസ്, സി. ഹേമചന്ദ്രൻ, എ.പി. ഫൽഗുനൻ, സി.ജെ. തങ്കച്ചൻ, കെ.എം. പ്രകാശൻ, ഷീജ പുല്ലമ്പി എന്നിവർ പ്രസംഗിച്ചു.
തുടർന്നു നടന്ന വർത്തമാനകാല സഹകരണ പ്രസ്ഥാനം എന്ന വിഷയത്തിൽ നടന്ന സെമിനാർ ഡോ. എം. രാമനുണ്ണി ഉദ്ഘാടനം ചെയ്തു. സി.വി. ശശീന്ദ്രൻ അധ്യക്ഷത വഹിച്ചു. കെ. ധനഞ്ജയൻ, അനൂപ് ചന്ദ്രൻ, ഹരിദാസ് മൊകേരി, പി.എം. സുരേന്ദ്രൻ, കെ.സി. അജിത്ത്കുമാർ, എം. കുഞ്ഞമ്പു, കെ. നാരായണൻ, ഇ. സജീവൻ, കെ. മനീഷ് തുടങ്ങിയവർ പങ്കെടുത്തു.