പേരാവൂർ: തൊണ്ടിയൽ സാന്ത്വനം സ്പോർട്സ് അക്കാഡമിയുടെ അംഗങ്ങളായ സംസ്ഥാന ഹാൻഡ് ബോൾ മെഡൽ ജേതാക്കളെയും, ജില്ല, ഉപജില്ല ഹാൻഡ്ബോൾ ചാമ്പ്യൻഷിപ്പ് മെഡൽ ജേതാക്കളെ അനുമോദിച്ചു.
അണ്ടർ17 ഗേൾസ് സംസ്ഥാന ഹാൻഡ് ബോൾ ചാമ്പ്യൻഷിപ്പിൽ വെള്ളി മെഡൽ നേടിയ കണ്ണൂർ ജില്ല ടീം അംഗം റന ഫാത്തിമ, സംസ്ഥാന അണ്ടർ14 ഗേൾസ് ഫോർത്ത് പൊസിഷൻ നേടിയ കണ്ണൂർ ജില്ല ടീം അംഗങ്ങളായ സെന്‍റ് ജോൺസ് യുപി സ്കൂൾ വിദ്യാർഥിനികളായ മിഷേൽ മരിയ തോമസ്, തനയ ദാസ്, എം. ശ്രീദ്യ, ജില്ല, ഉപജില്ല മെഡൽ ജേതാക്കളായ നിയ റോസ്, നൈനിക സതീഷ്, റോസ് മരിയ അനിൽ, അൽന മരിയ സന്തോഷ്, അലീന റോയി, കെ. നിയ, സെറ മരിയ കുര്യാക്കോസ്, ഗോപാങ്കന, ഹർഷ എന്നിവരേയാണ് ആദരിച്ചത്.
സാന്ത്വനം സ്പോർട്സ് അക്കാഡമി പ്രസിഡന്‍റും ഹാൻഡ്ബോൾ പരിശീലകനുമായ തങ്കച്ചൻ കോക്കാട്ട്, സെന്‍റ് ജോൺസ് യുപി സ്കൂൾ മുഖ്യാധ്യാപകൻ സോജൻ വർഗീസ്, ഒ. മാത്യു ഒറ്റപ്ലാക്കൽ, സണ്ണി ചേറ്റൂർ എന്നിവർ നേതൃത്വം നൽകി.