പയ്യന്നൂർ: 19 മുതൽ 23 വരെ പയ്യന്നൂരിൽ നടക്കുന്ന കണ്ണൂർ റവന്യൂ ജില്ലാ കലോത്സവത്തിന്‍റെ വരവറിയിച്ചു കൊണ്ട് നാടുണർത്തി വർണാഭമായ വിളംബര ഘോഷയാത്ര നടത്തി. ടി.ഐ. മധുസൂദനൻ എം എൽഎ, മുനിസിപ്പൽ ചെയർപേഴ്സൺ കെ.വി. ലളിത, ഡിഡി ബാബു മഹേശ്വരി പ്രസാദ്, ആർഡിഡി രാജേഷ് കുമാർ, സ്റ്റാന്‍റിംഗ് കമ്മിറ്റി ചെയർമാൻമാർ, കലോത്സവ കമ്മിറ്റി ചെയർമാൻമാർ, കൺവീനർമാർ, കൗൺസിലർമാർ, വിവിധ അധ്യാപക സംഘടനാ പ്രതിനിധികൾ, രാഷ്‌ട്രീയ-സാംസ്കാരിക പ്രമുഖർ, മാധ്യമ പ്രവർത്തകർ എന്നിവർ പങ്കെടുത്തു.
കുഞ്ഞിമംഗലം ഗോപാൽ യുപി സ്കൂൾ കുട്ടികൾ അവതരിപ്പിച്ച സംസ്കൃതം മെഗാ തിരുവാതിരയോടെ സെന്‍റ് മേരീസ് സ്കൂളിൽ നിന്നും ആരംഭിച്ച ഘോഷയാത്രയിൽ പയ്യന്നൂർ ബോയ്സ് ഹൈസ്കൂൾ, ഗവ. ഗേൾസ് സ്കൂൾ, സെന്‍റ് മേരീസ് ഗേൾസ് ഹൈസ്കൂൾ എന്നീ വിദ്യാലയങ്ങളിലെ എൻസിസി, സ്കൗട്ട്സ് ആൻഡ് ഗൈഡ്സ്, ലിറ്റിൽ കൈറ്റ്സ്, ജെആർസി അംഗങ്ങൾ, എൻഎസ്എസ് വോളന്‍റിയർമാർ, വിദ്യാർഥികൾ എന്നിവർ അണിനിരന്നു.