കു​രു​മു​ള​കി​ന് ആ​ഭ്യ​ന്ത​ര ആ​വ​ശ്യം വ​ർ​ധി​ച്ച​തോ​ടെ ച​ര​ക്ക് സം​ഭ​ര​ണ​ത്തി​ന് ഇ​ട​പാ​ടു​കാ​ർ മ​ത്സ​രി​ച്ചു. ഇ​ഞ്ചി ഉ​ത്പാ​ദ​നം ദ​ക്ഷി​ണേ​ന്ത്യ​യി​ലും വ​ട​ക്കുകി​ഴ​ക്ക​ൻ സം​സ്ഥാ​ന​ങ്ങ​ളി​ലും വ​ർ​ധി​ച്ച​ത് ചു​ക്ക് വി​ല​യെ ബാ​ധി​ച്ചു. നാ​ളി​കേ​രോ​ത്പന്ന​ങ്ങ​ൾ മി​ക​വു നി​ല​നി​ർ​ത്തി. സ്വ​ർ​ണ വി​ല​യി​ൽ അ​തി​ശക്ത​മാ​യ കു​തി​ച്ചു ചാ​ട്ടം.

ആ​ഭ്യ​ന്ത​ര വാ​ങ്ങ​ലു​കാ​ർ കു​രു​മു​ള​കി​നാ​യി പ​ര​ക്കംപാ​ഞ്ഞ​തോ​ടെ ഉ​ത്പ​ന്ന വി​ല നി​ത്യേ​ന ഉ​യ​ർ​ന്നു. പ​ല ഭാ​ഗ​ങ്ങ​ളി​ലും വി​ള​വെ​ടു​പ്പു ന​ട​ക്കു​ന്നു​ണ്ട​ങ്കി​ലും വി​പ​ണി​ക​ളി​ൽ നാ​ട​ൻ ച​ര​ക്ക് വ​ര​വ് നാ​മ​മാ​ത്ര​മാ​യി ചു​രു​ങ്ങി. ക​ഴി​ഞ്ഞ സീ​സ​ണി​നെ അ​പേ​ക്ഷി​ച്ച് ഉ​ത്പാ​ദ​നം കു​റ​ഞ്ഞ​തി​നാ​ൽ പു​തി​യ മു​ള​ക് പ​ത്താ​യ​ങ്ങ​ളി​ലേ​ക്കു നീ​ക്കാ​നാ​ണ് ഏ​റി​യ​പ​ങ്ക് ക​ർ​ഷ​ക​ർ​ക്കും താ​ത്​പ​ര്യം. കാ​ത്തി​രു​ന്നാ​ൽ 700 -740 രൂ​പ​യി​ലേക്ക് മു​ള​ക് വി​പ​ണി ചു​വ​ടു​വയ്ക്കുമെ​ന്ന ആ​ത്മ​വി​ശ്വാ​സ​ത്തി​ലാ​ണ് ഹൈ​റേ​ഞ്ച്.

ഇ​ന്ത്യ​ൻ കു​രു​മു​ള​കി​നെ സം​ബ​ന്ധി​ച്ച് സീ​സൺ വേ​ള​യി​ൽ ഉ​ത്പന്ന​ത്തി​നു ല​ഭി​ക്കു​ന്ന ഏ​റ്റ​വും ഉ​യ​ർ​ന്ന ത​ല​ത്തി​ലാ​ണ് വി​പ​ണി നീ​ങ്ങു​ന്ന​ത്. കാ​ർ​ഷി​ക മേ​ഖ​ല​ക​ളി​ൽ ല​ഭ്യ​ത കു​റ​ഞ്ഞ സാ​ഹ​ച​ര്യം ഇ​ന്ത്യ​ൻ മാ​ർ​ക്ക​റ്റി​ന്‍റെ അ​ടി​യൊ​ഴു​ക്ക് ശ​ക്ത​മാ​ക്കു​മെ​ന്ന നി​ല​പാ​ടി​ലാ​ണ് ഇ​ത​ര ഉ​ത്​പാ​ദ​ക രാ​ജ്യ​ങ്ങ​ളും. കു​രു​മു​ള​ക് ഇ​റ​ക്കു​മ​തി​യി​ൽ മു​ന്നി​ലു​ള്ള അ​മേ​രി​ക്ക​യും യൂ​റോ​പ്യ​ൻ രാ​ജ്യ​ങ്ങ​ളി​ലും മാ​ത്ര​മ​ല്ല, ഇ​ന്ത്യ​യി​ലും ച​ര​ക്ക് ക്ഷാ​മംകൂ​ടി ക​ണ​ക്കി​ലെ​ടു​ത്താ​ൽ ല​ഭ്യ​ത ഉ​യ​ർ​ന്നി​ല്ലെ​ങ്കി​ൽ കു​രു​മു​ള​ക് കൂ​ടു​ത​ൽ ക​രു​ത്ത് കാ​ണി​ക്കാം.

വി​യറ്റ്നാ​മി​ലെ ച​ര​ക്ക് ക്ഷാ​മം മു​ൻനി​ർ​ത്തി ഇ​ന്തോ​നേ​ഷ്യ​യും ബ്ര​സീ​ലും നി​ര​ക്ക് വ​ർ​ധി​പ്പി​ച്ചു. അ​തേസ​മ​യം ലൂ​ണാ​ർ പു​തു​വ​ത്സ​രാ​ഘോ​ഷ​ങ്ങ​ളു​ടെ ഭാ​ഗ​മാ​യി ഇ​ന്തോ​നേ​ഷ്യ​യി​ലെ​യും വി​യ​റ്റ്നാ​മി​ലെ​യും ചൈ​നീ​സ് വം​ശ​ജ​രാ​യ ക​യ​റ്റു​മ​തി​ക്കാ​ർ ആ​ഗോ​ള സു​ഗ​ന്ധ​വ്യ​ഞ്ജ​ന വി​പ​ണി​യി​ൽനി​ന്നും വി​ട്ടുനി​ൽ​ക്കു​ക​യാ​ണ്. കൊ​ച്ചി​യി​ൽ അ​ൺഗാ​ർ​ബി​ൾ​ഡ് മു​ള​ക് വി​ല ക്വി​ന്‍റലി​ന് 1,700 രൂ​പ വ​ർ​ധി​ച്ച് 66,000 രൂ​പ​യാ​യി. മ​ല​ബാ​ർ മു​ള​ക് വി​ല ട​ണ്ണി​ന് 8,000 ഡോ​ള​ർ.

ഇഞ്ചിവില "ഇഞ്ച'പ്പരുവം

ദ​ക്ഷി​ണേ​ന്ത്യ​ൻ ഇ​ഞ്ചി ക​ർ​ഷ​ക​ർ കൊ​യ്യു​ന്ന നേ​ട്ടം ക​ണ്ട് വ​ട​ക്ക് കി​ഴ​ക്ക​ൻ സം​സ്ഥാ​ന​ങ്ങ​ളി​ലെ ക​ർ​ഷ​ക​രും ഇ​ഞ്ചി​യി​ൽ ഭാ​ഗ്യ​പ​രീ​ക്ഷ​ണ​ത്തി​നി​റ​ങ്ങി. പൊ​ന്ന് വി​ള​യി​ച്ചെ​ങ്കി​ലും വി​ല​യു​ടെ കാ​ര്യ​ത്തി​ൽ പ​ല​രും ന​ക്ഷ​ത്രമെ​ണ്ണു​ന്ന അ​വ​സ്ഥ​യി​ലാ​ണ്. പ​ച്ചയിഞ്ചി വി​ള​വ് വി​പ​ണി​യു​ടെ പ്ര​തീ​ക്ഷ​യും ക​ട​ന്ന് ഉ​യ​ർ​ന്ന​തോ​ടെ ക​ന​ത്ത വി​ലത്ത​ക​ർ​ച്ച​യെ ഉ​ത്പന്നം അ​ഭി​മു​ഖീ​ക​രി​ച്ചു. ഇ​തി​നി​ടെ നേ​പ്പാ​ളി​ൽനി​ന്നും ഭൂട്ടാ​നി​ൽനി​ന്നു​മു​ള്ള ഇ​ഞ്ചി​യും ഇ​ന്ത്യ​ൻ വി​പ​ണി​യി​ൽ ഇ​ടം പി​ടി​ച്ച​ത് മ​ത്സ​രം ശ​ക്ത​മാ​ക്കി. വ​ട​ക്കുകി​ഴ​ക്ക​ൻ സം​സ്ഥാ​ന​ങ്ങ​ളി​ൽ ഇ​ഞ്ചിക്കൃഷി ഇ​റ​ക്കി​യ പ​ല​രും വി​ളവെ​ടു​പ്പി​ന് ഉ​ത്സാ​ഹം കാ​ണി​ക്കു​ന്നി​ല്ല.

കേ​ര​ള​ത്തി​ൽനി​ന്നും ക​ർ​ണാ​ട​ക​ത്തി​ൽനി​ന്നു​മു​ള്ള മി​ക​ച്ച​യി​നം ഇ​ഞ്ചി സം​സ്ക​രി​ച്ചു​ള്ള ചു​ക്കി​ന് ആ​വ​ശ്യക്കാരു​ണ്ട്. ഉ​ത്ത​രേ​ന്ത്യ​ൻ അ​ന്വേ​ഷ​ണ​ങ്ങ​ൾ ചു​രു​ങ്ങി​യ​ത് തി​രി​ച്ച​ടി​യാ​യി മാ​റു​മോയെ​ന്ന ആ​ശ​ങ്ക​യി​ലാ​ണ് സ്റ്റോ​ക്കി​സ്റ്റു​ക​ൾ. നേ​ര​ത്തേ ഉ​റ​പ്പി​ച്ച ക​രാ​റു​ക​ൾ മു​ൻനി​ർ​ത്തി അ​റ​ബ് നാ​ടു​ക​ളി​ലേക്കു​ള്ള ഷി​പ്മെന്‍റുക​ൾ പൂ​ർ​ത്തി​യാ​ക്കു​ന്ന തി​ര​ക്കി​ലാ​ണ് ക​യ​റ്റു​മ​തി​ക്കാ​ർ. ഇ​തി​നി​ടെ ഉ​ത്ത​രേ​ന്ത്യ​ൻ സം​സ്ഥാ​ന​ങ്ങ​ളി​ലെ ത​ള​ർ​ച്ച​യു​ടെ ചു​വ​ടു പി​ടി​ച്ച് വാ​രാ​ന്ത്യം കൊ​ച്ചി​യി​ൽ വി​വി​ധ​യി​നം ചു​ക്ക് വി​ല ഇ​ടി​ഞ്ഞു. ബെ​സ്റ്റ് ചു​ക്ക് 35,000 രൂ​പ​യി​ൽനി​ന്ന് 25,000 രൂ​പ​യാ​യി. ഇ​ട​ത്ത​രം ചു​ക്ക് വി​ല 32,500 രൂ​പ​യി​ൽനി​ന്ന് 22,500 രൂ​പ​യാ​യി ഇ​ടി​ഞ്ഞു.


നേട്ടത്തോടെ നാളികേരം

ദ​ക്ഷി​ണേ​ന്ത്യ​യി​ൽ നാ​ളി​കേ​ര ക്ഷാ​മം മു​ൻനി​ർ​ത്തി കൊ​പ്ര​യാ​ട്ട് വ്യ​വ​സാ​യി​ക​ൾ വി​ല ഉ​യ​ർ​ത്തി ച​ര​ക്ക് സം​ഭ​രി​ച്ചു. പ​ല വ​ൻ​കി​ട മി​ല്ലു​ക​ളു​ടെ ക​രു​ത​ൽ ശേ​ഖ​രം കു​റ​ഞ്ഞ​തി​നാ​ൽ മി​ല്ലു​ക​ളു​ടെ പ്ര​വർ​ത്ത​ന സ​മ​യം വെ​ട്ടിക്കു​റ​ച്ച് പ്ര​തി​സ​ന്ധി മ​റി​ക​ട​ക്കാ​നു​ള്ള ശ്ര​മ​ങ്ങ​ളും അ​ര​ങ്ങേ​റു​ന്നു. വെ​ളി​ച്ചെ​ണ്ണ​യു​ടെ വി​ല​ക്ക​യ​റ്റം ക​ണ്ട് പ​ച്ച​ത്തേ​ങ്ങ സം​ഭ​രി​ച്ച് കൊ​പ്ര​യാ​ക്കാ​ൻ ഒ​രു വി​ഭാ​ഗം മി​ല്ലു​കാ​ർ ഉ​ത്സാ​ഹി​ച്ചു.

കേ​ര​ളം, ത​മി​ഴ്നാ​ട്, ക​ർ​ണാ​ട​ക, ആ​ന്ധ്ര സം​സ്ഥാ​ന​ങ്ങ​ളി​ൽ നി​ന്നു​ള്ള ച​ര​ക്ക് ല​ഭ്യ​ത ഏ​താ​നും മാ​സ​ങ്ങ​ളാ​യി ചു​രു​ങ്ങി​യ​ത് നാ​ളി​കേ​രോ​ത്പ​ന്ന​ങ്ങ​ൾ നേ​ട്ട​മാ​ക്കി. കേ​ര​ള​ത്തി​ൽ വി​ള​വെ​ടു​പ്പി​നു തു​ട​ക്കംകു​റി​ച്ചെ​ങ്കി​ലും വ്യ​ാവ​സാ​യി​ക ഡി​മാ​ൻഡുമാ​യി താ​ര​ത​മ്യം ചെ​യു​മ്പോ​ൾ പു​തി​യ ച​ര​ക്കു വ​ര​വ് കു​റ​വാ​ണ്. കൊ​പ്ര 15,100 ലും ​വെ​ളി​ച്ചെ​ണ്ണ 22,500 രൂ​പ​യി​ലു​മാ​ണ്.

ചൂടേറ്റ് റബർ

ജ​നു​വ​രി​യി​ൽ പ​ക​ൽ താ​പ​നി​ല കു​തി​ച്ചുയ​ർ​ന്ന​ത് റ​ബ​ർ ഉ​ത്​പാ​ദ​ക​രു​ടെ സ്വ​പ്ന​ങ്ങ​ൾ ത​ക​ർ​ത്തു. ജ​നു​വ​രി​യി​ൽ റ​ബ​ർ ഉ​ത്​പാ​ദ​ന​ത്തി​ന് അ​നു​കൂ​ല സാ​ഹ​ച​ര്യം ല​ഭി​ക്കു​മെ​ന്ന കാ​ർ​ഷി​ക മേ​ഖ​ല ക​ണ​ക്കുകൂ​ട്ടി​യെ​ങ്കി​ലും ഉ​യ​ർ​ന്ന പ​ക​ൽ താ​പ​നി​ല​യി​ൽ സ്ഥി​തി​ഗ​തി​ക​ൾ പൊടു​ന്ന​നെ മാ​റിമ​റി​ഞ്ഞു. തോ​ട്ട​ങ്ങ​ളി​ൽനി​ന്നും ഉ​ത്​പാ​ദ​ക​ർ ഭാ​ഗിക​മാ​യി വി​ട്ടുനി​ൽ​ക്കു​ക​യാ​ണ്.

ഒ​ന്നി​ടവി​ട്ട ദി​വ​സ​ങ്ങ​ളി​ൽ മാ​ത്ര​മാ​ണ് പ​ല ഭാ​ഗ​ങ്ങ​ളി​ലും ടാ​പ്പിംഗ് ന​ട​ക്കു​ന്ന​ത്. ഉ​യ​ർ​ന്ന ചൂ​ടി​ൽ മ​ര​ങ്ങ​ളി​ൽനി​ന്നു​ള്ള പാ​ൽ ല​ഭ്യ​ത കു​റ​ഞ്ഞ​തി​നാ​ൽ മാ​സ​ത്തി​ൻ ര​ണ്ടാം പ​കു​തി​യി​ൽ റ​ബ​ർ വെ​ട്ട് സ്തം​ഭി​ക്കാ​ൻ ഇ​ട​യു​ണ്ട്.

സം​സ്ഥാ​ന​ത്ത് നി​ല​നി​ൽ​ക്കു​ന്ന കാ​ലാ​വ​സ്ഥ അ​ത്ര സു​ഖ​ക​ര​മ​ല്ലെ​ന്നു ട​യ​ർ ലോ​ബി​ക്ക് വ്യ​ക്ത​മാ​യി അ​റി​യാ​മെ​ങ്കി​ലും വി​ല ഉ​യ​ർ​ത്താ​തെ ഷീ​റ്റും ലാ​റ്റ​ക്സും ശേ​ഖ​രി​ക്കാ​നു​ള്ള നീ​ക്കം തു​ട​രു​ക​യാ​ണ​വ​ർ. വി​ദേ​ശ മാ​ർ​ക്ക​റ്റു​ക​ളി​ലേ​ക്കു തി​രിഞ്ഞാ​ൽ ബ​ൾ​ക്ക് ഓ​ർ​ഡ​റു​ക​ൾ സ്വീ​ക​രി​ക്കാ​ൻ ബാ​ങ്കോ​ക്കി​ലെ ക​യ​റ്റു​മ​തി​ക്കാ​ർ ത​യാ​റാ​ണ്, എ​ന്നാ​ൽ, അ​ത്ത​രം ഒ​രു നീ​ക്കം കേ​ര​ള​ത്തി​ൽ ന​ട​ത്തി​യാ​ൽ 250 രൂ​പ​യ്ക്കും ച​ര​ക്ക് ല​ഭി​ക്കി​ല്ല.

രാ​ജ്യാ​ന്ത​ര വി​ല ഉ​യ​ർ​ന്ന​തി​നി​ട​യി​ലും ഇ​റ​ക്കു​മ​തി​ക്കു ത​ന്നെ​യാ​ണ് വ്യ​വ​സാ​യി​ക​ൾ മു​ൻതൂ​ക്കം ന​ൽ​ക്കു​ന്ന​ത്. സം​സ്ഥാ​ന​ത്ത് നാ​ലാം ഗ്രേ​ഡ് റ​ബ​ർ 19,000 രൂ​പ​യി​ൽ നി​ന്നും 19,300 രൂ​പ​യാ​യി.
ആ​ഭ​ര​ണ വി​പ​ണി​ക​ളി​ൽ സ്വ​ർ​ണ​ത്തി​ന് റിക്കാ​ർ​ഡ് തി​ള​ക്കമാണ്. പ​വ​ൻ ച​രി​ത്ര​ത്തി​ലെ ഏ​റ്റ​വും ഉ​യ​ർ​ന്ന നി​ര​ക്കാ​യ 61,960 രൂ​പ​യി​ൽ വി​പ​ണ​നം ന​ട​ന്നു. ന്യൂ​യോ​ർ​ക്കി​ൽ ട്രോ​യ് ഔൺ​സി​ന് 2,797 ഡോ​ള​റിലാണ് വ്യാപാരം നടന്നത്.