ഏഷ്യന്‍ പെയിന്‍റ്സ് അപെക്‌സ് അള്‍ട്ടിമ പ്രോടെക് പെയിന്‍റ് പുറത്തിറക്കി
Friday, January 31, 2025 11:58 PM IST
കൊച്ചി: കാലാവസ്ഥാവ്യതിയാനങ്ങളെ ഫലപ്രദമായി നേരിടുന്നതിന് ഗ്രാഫീന്‍ പരിരക്ഷയുള്ള അപെക്‌സ് അള്‍ട്ടിമ പ്രോടെക് പെയിന്‍റ് കേരള വിപണിയില്‍ ഏഷ്യന്‍ പെയിന്‍റ്സ് അവതരിപ്പിച്ചു.
ഗ്രാഫൈറ്റില്‍നിന്ന് രൂപപ്പെടുത്തുന്ന ഗ്രാഫീന്‍ പെയിന്‍റിന് കൂടുതല്‍ ഈടും ഗുണനിലവാരവും 12 വര്‍ഷത്തെ വാറന്‍റിയും ഏഷ്യന്‍ പെയിന്‍റ്സ് വാഗ്ദാനം ചെയ്യുന്നു.
ഗ്രാഫീന്‍ എന്ന നൂതന എലാസ്റ്റോമെറിക് മെറ്റീരിയല്‍ അള്‍ട്രാവയലറ്റ് രശ്മി കൊണ്ടുണ്ടാകുന്ന മങ്ങല്‍, വിള്ളലുകള്‍, ഈര്‍പ്പം കൊണ്ടുണ്ടാകുന്ന കേടുപാടുകള്‍ എന്നിവയില്‍നിന്ന് കേരളത്തിലെ വീടുകളുടെ ഭിത്തികള്‍ക്ക് ദീര്‍ഘകാല സംരക്ഷണം ഉറപ്പാക്കുന്നതായി ഏഷ്യന്‍ പെയിന്‍റ്സ് എംഡിയും സിഇഒയുമായ അമിത് സിംഗ്ളെ പറഞ്ഞു. ഇതിന്‍റെ ഭാഗമായി ബേസില്‍ ജോസഫ് സംവിധാനം ചെയ്ത പരസ്യ കാമ്പയിനും പുറത്തിറക്കി.