സാ​മ്പ​ത്തി​ക മേ​ഖ​ല​യി​ലെ പു​തി​യ മാ​റ്റ​ങ്ങ​ളെ വി​പ​ണി ഉ​റ്റുനോ​ക്കു​ന്നു. ബ​ജ​റ്റ് പ്ര​ഖ്യാ​പ​ന​ത്തി​ന്‍റെ ആ​വേ​ശ​ത്തി​ൽ ഇ​ൻ​ഡ​ക്സു​ക​ൾ ഈ​വാ​രം എ​ത്ര​മാ​ത്രം തി​ള​ക്കം നേടുമെ​ന്ന​ത് മു​ന്നി​ലു​ള്ള ഏ​താ​നും ദി​വ​സ​ങ്ങ​ളി​ൽ വ്യ​ക്ത​മാ​കും. പോ​യ​വാ​രം സെ​ൻ​സെ​ക്സ് 1315 പോ​യി​ന്‍റും നി​ഫ്റ്റി സൂ​ചി​ക 390 പോ​യി​ന്‍റും മി​ക​വി​ലാ​ണ്.

വി​ദേ​ശ ധ​ന​കാ​ര്യ​സ്ഥാ​പ​ന​ങ്ങ​ളെ ഇ​ന്ത്യ​യി​ലേ​ക്ക് ആ​ക​ർ​ഷ​ിക്കാ​നു​ള്ള പൊ​ടിക്കൈക​ളൊ​ന്നും ബ​ജ​റ്റി​ൽ ക​ണ്ടി​ല്ല. ഫ​ണ്ട് മാ​നേ​ജ​ർ​മാ​രെ ലൂ​ണാ​ർ പു​തു​വ​ത്സ​രാ​ഘോ​ഷ​ങ്ങ​ൾ​ക്കു ശേ​ഷ​വും ബെയ്ജിംഗിൽത്തന്നെ തു​ട​രാ​ൻ പ്രേ​രി​പ്പി​ക്കും.

ചൈ​ന​യി​ലേക്കു ചേ​ക്കേ​റി​യ രാ​ജ്യ​ന്ത​ര ഫ​ണ്ടു​ക​ളെ തി​രി​ച്ചുപി​ടി​ക്കാ​ൻ ആ​വ​ശ്യ​മാ​യ നി​ർ​ദേ​ശ​ങ്ങ​ളു​ടെ അ​ഭാ​വം ഓ​ഹ​രി വി​പ​ണി​യു​ടെ കു​തി​പ്പി​ന് വേ​ഗ​ത കു​റ​യ്ക്കാം. ബ​ജ​റ്റ് പ്ര​ഖ്യാ​പ​നം അ​ട​ക്ക​മു​ള്ള ആ​റ് പ്ര​വൃത്തി ദി​ന​ങ്ങ​ളി​ൽ വി​ദേ​ശ ഓ​പ്പ​റേ​റ്റ​ർ​മാ​ർ മൊ​ത്തം 15,036 കോ​ടി രൂ​പ​യു​ടെ ഓ​ഹ​രി​ക​ൾ വി​റ്റു. അ​തേ സ​മ​യം വ​ൻ ത​ക​ർ​ച്ച​യെ ത​ട​യാ​ൻ 20,469 കോ​ടി രൂ​പ​യു​ടെ നി​ക്ഷേ​പ​ത്തി​ന് ആ​ഭ്യ​ന്ത​ര മ്യൂ​ച്വ​ൽ ഫ​ണ്ടു​ക​ൾ ഈ ​അ​വ​സ​ര​ത്തി​ൽ ഇറങ്ങി.

കരകയറാതെ രൂപ

രൂ​പ​യെ ബാ​ധി​ച്ച ദു​ർ​ബ​ലാ​വ​സ്ഥ ഇ​നി​യും വി​ട്ടുമാ​റി​യി​ല്ല. മൂ​ന്നുമാ​സ​കാ​ല​യ​ള​വി​ൽ രൂ​പ​യു​ടെ മൂ​ല്യം 84ൽ ​നി​ന്നും 86.61ലേക്ക് ഇ​ടി​ഞ്ഞു. ഈ ​ത​ക​ർ​ച്ച​യു​ടെ ആ​ഘാ​ത​ത്തി​ൽനി​ന്നും സാ​ന്പ​ത്തി​ക മേ​ഖ​ല​യി​ൽ തി​രി​ച്ചു വ​ര​വ് ദൃ​ശ്യ​മാ​യാ​ൽ മാ​ത്ര​മേ നി​ക്ഷേ​പ​ക​രു​ടെ പ്ര​തീ​ക്ഷ​യ്ക്കൊത്ത് നി​ഫ്റ്റി​യെ 27,000-27,500 റേ​ഞ്ചി​ലേ​ക്ക് ന​യി​ക്കാ​നാ​വൂ. വാ​രാ​ന്ത്യം രൂ​പ​യു​ടെ മൂ​ല്യം 86.51 ലാ​ണ്. ഈ​വാ​രം 86.28 ലേ​ക്ക് ശ​ക്തി​പ്രാ​പി​ച്ചാ​ലും 86.14 ൽ ​വീ​ണ്ടും ത​ട​സം നേ​രി​ടും.

നി​ഫ്റ്റി സൂ​ചി​ക കൂ​ടു​ത​ൽ മി​ക​വി​നു ശ്ര​മി​ച്ച അ​വ​സ​ര​ങ്ങ​ളി​ൽ വി​ദേ​ശ ഫ​ണ്ടു​ക​ൾ വി​ൽ​പ്പ​ന സ​മ്മ​ർ​ദ​വു​മാ​യി രം​ഗ​ത്തിറ​ങ്ങി​യ​തി​നാ​ൽ 23,629നു മു​ക​ളി​ൽ ഇ​ടം പി​ടി​ക്കാ​നാ​യി​ല്ല. വാ​രാ​ന്ത്യം ബ​ജ​റ്റ് വേ​ള​യി​ൽ ന​ട​ന്ന പ്ര​ത്യേ​ക വ്യാ​പാ​ര​ത്തി​ൽ നി​ഫ്റ്റി നേ​രി​യ ചാ​ഞ്ചാ​ട്ട​ത്തി​ലാ​യി​രു​ന്നു, ക്ലോ​സി​ംഗിൽ 23,482 പോ​യി​ന്‍റിലാ​ണ്. ഈ​വാ​രം ആ​ദ്യ പ്ര​തി​രോ​ധ​ങ്ങ​ൾ 23,675-23,785 പോ​യി​ന്‍റിലാ​ണ്. നി​ല​വി​ലെ ച​ല​ന​ങ്ങ​ൾ വി​ല​യി​രു​ത്തി​യാ​ൽ പ്ര​തി​രോ​ധ മേ​ഖ​ല​യി​ൽ വി​ൽ​പ്പ​ന സ​മ്മ​ർദം ഉ​ട​ലെ​ടു​ത്താ​ൽ സൂ​ചി​ക 23,023 ലേ​ക്കും തു​ട​ർ​ന്ന് 22,564ലേ​ക്കും പ​രീ​ക്ഷ​ണ​ങ്ങ​ൾ ന​ട​ത്താം.

സാ​ങ്കേ​തി​ക​മാ​യി വീ​ക്ഷി​ച്ചാ​ൽ സൂ​പ്പ​ർ ട്രെൻഡ് സെ​ല്ലി​ംഗ് മൂ​ഡി​ൽ തു​ട​രു​മ്പോ​ൾ വാ​രാ​ന്ത്യം പാ​രാ​ബോ​ളി​ക്ക് എ​സ്എആ​ർ മു​ന്നേ​റാ​നു​ള്ള ശ്ര​മ​ത്തി​ലാ​ണ്. അ​തേസ​മ​യം എംഎസിഡിയെ ​ബാ​ധി​ച്ച ദു​ർ​ബ​ലാ​വ​സ്ഥ​യി​ൽനി​ന്നും കാ​ര്യ​മാ​യ തി​രി​ച്ചുവ​ര​വ് ന​ട​ത്തി​യി​ട്ടി​ല്ലെ​ങ്കി​ലും അ​നു​കൂ​ല വാ​ർ​ത്ത​ക​ൾ​ക്ക് വി​പ​ണി​യി​ൽ ഉ​ണ​ർ​വ് സൃ​ഷ്ടി​ക്കാ​നാ​വും. സ്റ്റോ​ക്കാ​സ്റ്റി​ക്ക് ആ​ർഎ​സ്ഐ, ​ഫാ​സ്റ്റ് സ​്റ്റോ​ക്കാ​സ്റ്റി​ക്ക് തു​ട​ങ്ങി​യ​വ ഓ​വ​ർ ബോട്ട് മേ​ഖ​ല​യി​ൽ നീ​ങ്ങു​ന്ന​ത് തി​രു​ത്ത​ൽ സാ​ധ്യ​ത​ക​ൾ​ക്ക് ശ​ക്തി​പ​ക​രാം.


ഡെ​യ‌്‌ലി ചാ​ർ​ട്ടി​ൽ നി​ഫ്റ്റി 20 ഡിഎംഎയാ​യ 23,600 പോ​യി​ന്‍റ് മേ​ഖ​ല​യി​ൽ ട്രെ​ൻ​ഡ് ലൈ​നി​ൽ പ്ര​തി​രോ​ധം നി​ല​വി​ലു​ണ്ട്. അ​തേസ​മ​യം 23,600ലെ ​പ്ര​തി​രോ​ധം ത​ക​ർ​ക്കാ​ൻ ക്ലോ​സിം​ഗ് വേ​ള​യി​ൽ നി​ഫ്റ്റി​ക്കാ​യാ​ൽ 200 പോ​യി​ന്‍റ് കു​തി​പ്പി​ന് അ​വ​സ​രം തെ​ളി​യും. അ​ത്ത​രം ഒ​രു സാ​ഹ​ച​ര്യം ഒ​ത്തുവ​ന്നാ​ൽ നി​ഫ്റ്റി അ​തി​ന്‍റെ 100 ദി​വ​സ​ങ്ങ​ളി​ലെ ശ​രാ​ശ​രി​യാ​യ 24,300 ലേ​ക്ക് മാ​ർ​ച്ച് സീ​രീ​സി​ൽ മു​ന്നേ​റാം.

ബോം​ബെ സെ​ൻ​സെ​ക്സ് താ​ഴ്ന്ന നി​ല​വാ​ര​മാ​യ 75,664 പോ​യി​ന്‍റിൽനി​ന്നും 77,871 വ​രെ ഉ​യ​ർ​ന്നു, എ​ന്നാ​ൽ ര​ണ്ടാ​ഴ്ച മു​ന്പു രേ​ഖ​പ്പെ​ടു​ത്തി​യ 77,893 ലെ ​പ്ര​തി​രോ​ധം ത​ക​ർ​ക്കാ​നു​ള്ള ക​രു​ത്ത് ഈ ​അ​വ​സ​ര​ത്തി​ൽ വി​പ​ണി​ക്ക് കാ​ഴ്ചവയ്ക്കാ​നാ​യി​ല്ല.

വി​ദേ​ശ ഓ​പ്പ​റേ​റ്റ​ർ​മാ​ർ മു​ൻനി​ര ഓ​ഹ​രി​ക​ളി​ൽ സൃ​ഷ്ടി​ച്ച വി​ൽ​പ്പ​ന സ​മ്മ​ർ​ദം മൂ​ലം വാ​രാ​ന്ത്യം സെ​ൻ​സെ​ക്സ് 77,505 പോ​യി​ന്‍റിലാ​ണ്. സൂ​ചി​ക മു​ന്നേ​റാ​ൻ ശ്ര​മി​ച്ചാ​ൽ 78,362-79,220ൽ പ്ര​തി​രോ​ധം ത​ലയുയ​ർ​ത്താം. അ​തേസ​മ​യം വാ​ര​ത്തി​ന്‍റെ ര​ണ്ടാം പ​കു​തി​യി​ൽ തി​രു​ത്ത​ലി​ന് വി​പ​ണി മു​തി​ർ​ന്നാ​ൽ 74,806ൽ ​താ​ങ്ങു​ണ്ട്. ലോ​ങ് ടേം ​ചാ​ർ​ട്ടി​ൽ ട്രെൻഡ്‌ലൈ​ൻ സ​പ്പോ​ർ​ട്ടു​ക​ൾ ന​ഷ്ട​പ്പെ​ട്ട​തു ക​ണ​ക്കി​ലെ​ടു​ത്താ​ൽ 73,674-72,048 ലേ​ക്ക് തി​രു​ത്ത​ലി​നു മു​തി​രാം.

റിക്കാർഡോടെ സ്വർണം

ആ​ഗോ​ള സ്വ​ർ​ണ വി​ല ജ​നു​വ​രി മ​ധ്യം 2,702 ഡോ​ള​റി​ൽ നീ​ങ്ങി​യ അ​വ​സ​ര​ത്തി​ൽ ഇ​തേകോ​ള​ത്തി​ൽ വ്യ​ക്ത​മാ​ക്കി​യ​താ​ണ് ബു​ള്ളി​ഷ് ട്രെ​ൻഡ് ക​ണ​ക്കി​ലെ​ടു​ത്താ​ൽ 2800 ഡോ​ള​റി​ലേ​ക്ക് അ​തി​വേ​ഗം സ​ഞ്ച​രി​ക്കാ​മെ​ന്ന​ത്. ഇതു ശ​രി​വയ്​ക്കു​ന്ന പ്ര​ക​ട​ന​മാ​ണ് പി​ന്നീ​ടു ദൃ​ശ്യ​മാ​യ​ത്. ക​ഴി​ഞ്ഞ​വാ​രം സ്വ​ർ​ണ വി​ല ട്രോ​യ് ഔ​ൺ​സി​ന് 2,818 ഡോ​ള​ർ വ​രെ ഉ​യ​ർ​ന്ന​തി​നി​ടെ ഒ​രു വി​ഭാ​ഗം നി​ക്ഷേ​പ​ക​ർ ലാ​ഭ​മെ​ടു​പ്പി​ന് രം​ഗ​ത്തി​റ​ങ്ങി​യ​തി​നാ​ൽ വാ​രാ​ന്ത്യം 2,797 ഡോ​ള​റി​ലാ​ണ്.

ബു​ള്ളി​ഷ് മൂ​ഡ് നി​ല​നി​ർ​ത്തി 2,834 ഡോ​ള​ർ വ​രെ ഉ​യ​രാം, അ​തേസ​മ​യം, ലാ​ഭ​മെ​ടു​പ്പി​ലൂ​ടെ 2,760 ഡോ​ള​റി​ലേ​ക്കു താ​ഴ്ത്തി പു​തി​യ ബ​യിംഗി​ന് ഫ​ണ്ടു​ക​ൾ നീ​ക്കം ന​ട​ത്താ​നും ഇ​ട​യു​ണ്ട്. ഇ​ന്ത്യ​ൻ മാ​ർ​ക്ക​റ്റാ​യ എംസിഎ​ക്സി​ൽ സ്വ​ർ​ണം റിക്കാർ​ഡ് വി​ല​യി​ലാ​ണ്. മാ​ർ​ച്ച് അ​വ​ധി 82,210 രൂ​പ​യി​ലും ഏ​പ്രി​ൽ 83,360 രൂ​പ​യി​ലു​മാ​ണ് പ​ത്ത് ഗ്രാ​മി​ന്.