സസ്റ്റൈയ്നബിൾ ആൻഡ് സർക്കുലർ ഫുട്‌വെയർ ബ്രാൻഡായി ‘ഗോ പ്ലാനറ്റ്-ഡി ബൈ ഡിബോംഗോ’
Thursday, January 30, 2025 10:56 PM IST
കോഴിക്കോട്: ലോകത്തിലെ ആദ്യ 100 ശതമാനം സുസ്ഥിരത ഉറപ്പ് നൽകുന്ന സർക്കുലർ ഫുട്‌വെയർ ബ്രാൻഡായി ‘ഗോ പ്ലാനറ്റ്-ഡി ബൈ ഡിബോംഗോ’.
ഫുട്‌വെയർ വ്യവസായരംഗത്തെ തന്‍റെ മൂന്ന് പതിറ്റാണ്ടിലേറെ വരുന്ന അനുഭവസമ്പത്തിൽനിന്ന് വികെസിയുടെ മാനേജിംഗ് ഡയറക്‌ടർ വി.കെ.സി. റസാക്കാണ് ഈ വിപ്ലവകരമായ ആശയം മുന്നോട്ടു കൊണ്ടുവരുന്നതും നടപ്പാക്കുന്നതും.
ഫുട്‌വെയർ നിർമാണമേഖലയിൽ പരിസ്ഥിതി ആഘാതം കുറയ്ക്കുകയും, ഇക്കോ-ഫ്രണ്ട്‌ലി പ്രാക്ടീസുകൾ പ്രോത്സാഹിപ്പിക്കുകയും ചെയ്യുന്ന സുസ്ഥിരവും സർക്കുലറുമായ ഒരു ബിസിനസ് മാതൃകയാണ് ഗോ പ്ലാനറ്റ്-ഡി ബൈ ഡിബോംഗോ കൈക്കൊണ്ടിരിക്കുന്നത്. സർക്കുലർ ഇക്കോണമി എന്നത് വസ്തുക്കളെ മാലിന്യമായി തള്ളാതെ, അവ വീണ്ടും ഉപയോഗിക്കാനോ നവീകരിക്കാനോ റിസൈക്കിൾ ചെയ്യാനോ ഉപയോഗിക്കുന്ന ബിസിനസ് രീതിയാണ്.
‘ഗോ പ്ലാനറ്റ്-ഡി ബൈ ഡിബോംഗോ’ 100 ശതമാനം റിസൈക്കിള്‍ ചെയ്യാവുന്ന ലോകത്തിലെ ആദ്യ ഫുട്‌വെയറായിരിക്കും. അതുകൊണ്ടുതന്നെ പൂർണമായായും പുനരുപയോഗത്തിന് അനുയോജ്യമായ ഉത്പന്നങ്ങളാണ് ഈ ഫുട്‌വെയറിന്‍റെ നിർമാണത്തിന് തെരഞ്ഞെടുക്കുക.
‘റീസെൽ, റിസൈക്കിൾ, റിന്യു’ എന്ന നൂതന ബിസിനസ് തന്ത്രമാണ് ഈ ഇന്ത്യൻ ബ്രാൻഡിന്‍റെ ആധാരം. ഉപയോഗശേഷം ഉപഭോക്താക്കൾക്ക് അവരുടെ ഫുട്‌വെയർ നിശ്ചിത വിലയ്ക്ക് കമ്പനിയിലേക്ക് തിരിച്ചയക്കാൻ കഴിയും. കമ്പനി കൊറിയർ വഴിയോ മറ്റോ പഴയ ഫുട്‌വെയർ ശേഖരിക്കുകയും റിസൈക്കിള്‍ ചെയ്ത് ലഭിക്കുന്ന മെറ്റീരിയലുകൾ ഉപയോഗിച്ച് പുതിയ ഫുട്‌വെയർ നിർമിക്കുകയും ചെയ്യും.
ഈ പ്രക്രിയ ‘ഗോ പ്ലാനറ്റ്-ഡി ബൈ ഡിബോംഗോ’ എന്നാ ബ്രാൻഡിനെ ലോകത്തിലെ ആദ്യ സീറോ വേസ്റ്റേജ് ഫുട്‌വെയർ ബ്രാൻഡ് കൂടിയാക്കി മാറ്റും. ഭാവിയിൽ സാധാരണക്കാർക്കുകൂടി താങ്ങാവുന്ന വിലയിൽ ലഭ്യമായിരിക്കും എന്നത് ഈ ബ്രാൻഡിനെ കൂടുതൽ ജനകീയമാക്കും.