പിട്ടാപ്പിള്ളില്‍ ഏജന്‍സീസ് 35-ാം വാര്‍ഷികാഘോഷം
Thursday, January 30, 2025 10:56 PM IST
കൊച്ചി: പിട്ടാപ്പിള്ളില്‍ ഏജന്‍സീസിന്‍റെ 35-ാം വാര്‍ഷികാഘോഷം എറണാകുളം ജില്ലാ പഞ്ചായത്ത് പ്രസിഡന്‍റ് മനോജ് മൂത്തേടന്‍ ഉദ്ഘാടനം ചെയ്തു. രാജഗിരി ആശുപത്രി ഡയറക്ടര് ഫാ. ജിജോ കടവന്‍, മിത്രധാം റിന്യൂവബിള്‍ എനര്‍ജി സെന്‍റര്‍ ഡയറക്ടര് ഫാ. ജോര്‍ജ് പിട്ടാപ്പിള്ളില്‍ എന്നിവര്‍ പ്രാര്‍ഥനകള്‍ക്ക് നേതൃത്വം നല്‍കി.
പെരുന്പാവൂരിലെ ഷോറൂമില്‍ നടന്ന ചടങ്ങില്‍ ബ്ലോക്ക് പഞ്ചായത്തംഗം ബേസില്‍ പോള്‍, കേരള വ്യാപാരി വ്യവസായി ഏകോപന സമിതി പെരുമ്പാവൂര്‍ യൂണിറ്റ് പ്രസിഡന്‍റ് ജോസ് നെറ്റിക്കാടന്‍, മാനേജിംഗ് ഡയറക്ടര് പീറ്റര്‍ പോള്‍ പിട്ടാപ്പിള്ളില്‍, ഡയറക്‌ടര്‍മാരായ സിസിലി പോള്‍, കിരണ്‍ വര്‍ഗീസ്, മരിയ പോള്‍, അജോ തോമസ്, ഫ്രാന്‍സിസ് പിട്ടാപ്പിള്ളില്‍, ഔസേപ്പ് പിട്ടാപ്പിള്ളില്‍, ജനറല്‍ മാനേജര്‍ എ.ജെ. തങ്കച്ചന്‍ തുടങ്ങിയവര്‍ പ്രസംഗിച്ചു.
വാര്‍ഷികാഘോഷങ്ങളുടെ ഭാഗമായി ‘ആനിവേഴ്‌സറി ഡബിള്‍ ഡിലൈറ്റ്’ ഓഫറില്‍ ഉപഭോക്താക്കൾക്ക് ഇരട്ടി ആനുകൂല്യങ്ങളാണ് പിട്ടാപ്പിള്ളില്‍ നല്‍കിവരുന്നത്. പഴയ ഗൃഹോപകരണങ്ങള്‍ മാറ്റി വാങ്ങുമ്പോള്‍, നിലവിലുള്ള നിരക്കിന്‍റെ ഇരട്ടി എക്‌സ്‌ചേഞ്ച് വാല്യൂ നേടാനുള്ള അവസരമാണ് പിട്ടാപ്പിള്ളില്‍ ഒരുക്കിയിരിക്കുന്നത്.
ചെറുതും വലുതുമായ ഗൃഹോപകരണങ്ങള്‍ക്ക് കുറഞ്ഞത് രണ്ടു വര്‍ഷമെങ്കിലും ഫ്രീ വാറന്‍റി ലഭിക്കുന്ന വിധത്തിലാണ് സ്‌കീം ഒരുക്കിയിട്ടുള്ളത്. ഈ ദിവസങ്ങളില്‍ ഫിനാന്‍സ് കസ്റ്റമേഴ്‌സിന് പരമാവധി 22,500 രൂപ വരെ കാഷ് ബാക്ക് നേടാനും അവസരമുണ്ട്.
ആനിവേഴ്‌സറി ഓഫറിന്‍റെ ഭാഗമായി 10,000 രൂപയ്ക്കു മുകളില്‍ വിലയുള്ള ഫോണുകള്‍ക്ക് ഒരു വര്‍ഷത്തെ സ്‌ക്രീന്‍ ഡാമേജ് പ്രൊട്ടക്ഷന് സൗജന്യമായി നല്‍കുന്നു. സ്മാര്‍ട്ട് ഫോണുകളും ലാപ്‌ടോപ്പും വാങ്ങുന്നവർക്ക് ഉറപ്പായ സമ്മാനങ്ങളും ലഭിക്കും.