സംരംഭങ്ങൾ തുടങ്ങുന്നത് വിദ്യാർഥികൾ സ്വപ്നം കാണണം: സ്പീക്കര്‍
Thursday, January 30, 2025 10:56 PM IST
കൊച്ചി: സര്‍ക്കാര്‍ജോലി സ്വപ്നം കാണുന്നതിനു പകരം ബിസിനസ് ആരംഭിക്കുന്നതിനെക്കുറിച്ചും കമ്പനികള്‍ തുടങ്ങുന്നതിനെക്കുറിച്ചും വിദ്യാർഥികള്‍ ചിന്തിക്കണമെന്നു സ്പീക്കര്‍ എ.എന്‍. ഷംസീര്‍. ജെയിന്‍ സര്‍വകലാശാലയില്‍ നടക്കുന്ന ‘സമ്മിറ്റ് ഓഫ് ഫ്യൂച്ചര്‍ 2025’ല്‍ പ്രസംഗിക്കുകയായിരുന്നു സ്പീക്കർ.
ഇതു ഭാവിയെക്കുറിച്ചുള്ള ചര്‍ച്ചയാണ്. കുട്ടികള്‍ ഭാവിയുടെ പൗരന്മാരാണ്. വിദ്യാര്‍ഥികള്‍ ജീവിതത്തില്‍ റിസ്‌ക് എടുക്കാന്‍ തയാറാകണം.
ഒരു രാഷ്‌ട്രീയക്കാരനെന്ന നിലയില്‍ താൻ റിസ്‌ക് എടുത്തു. അതിൽത്തന്നെ തുടര്‍ന്നു. റിസ്‌ക് എടുത്തവര്‍ മാത്രമേ ജീവിതത്തില്‍ വിജയിച്ചിട്ടുള്ളൂവെന്നും സ്പീക്കർ പറഞ്ഞു.