കൊച്ചി/മുംബൈ: ഹോം സ്മാർട്ട് ടിവികളെ കന്പ്യൂട്ടറുകളാക്കി മാറ്റുന്ന സാങ്കേതികവിദ്യ ഇന്ത്യ മൊബൈൽ കോണ്ഗ്രസ് 2024-ൽ അവതരിപ്പിച്ച് റിലയൻസ് ജിയോ. ‘ജിയോ ക്ലൗഡ് പിസി’ എന്ന ഈ സാങ്കേതികവിദ്യ കുറഞ്ഞ മുതൽമുടക്കിൽ ടിവികളെ കന്പ്യൂട്ടറുകളാക്കി മാറ്റും. ഇന്റർനെറ്റ് കണക്ഷൻ, സ്മാർട്ട് ടിവി, കീബോർഡ്, മൗസ്, ജിയോ ക്ലൗഡ് പിസി ആപ്പ് എന്നിവ മാത്രമാണ് ഇതിന് വേണ്ടത്.
സ്മാർട്ട് ടിവി ഇല്ലാത്തവർക്ക് അവരുടെ സാധാരണ ടിവിയെ ജിയോ ഫൈബർ അല്ലെങ്കിൽ ജിയോ എയർഫൈബറിനൊപ്പം വരുന്ന സെറ്റ്-ടോപ്പ് ബോക്സുകളിലൂടെ കന്പ്യൂട്ടറാക്കാം. ഇന്റർനെറ്റ് വഴി ക്ലൗഡ് കന്പ്യൂട്ടിംഗിലേക്ക് കണക്റ്റുചെയ്യാൻ ഏത് ടിവിയെയും പ്രാപ്തമാക്കുന്ന സാങ്കേതികവിദ്യയാണ് ജിയോ ക്ലൗഡ് പിസി.
ഉപയോക്താക്കൾ അപ്ലിക്കേഷനിലേക്ക് ലോഗിൻ ചെയ്യുന്നതിലൂടെ ക്ലൗഡിൽ സംഭരിച്ചിരിക്കുന്ന എല്ലാ ഡാറ്റയും ടിവി സ്ക്രീനിൽ ദൃശ്യമാകും. ഇമെയിൽ, സോഷ്യൽ നെറ്റ്വർക്കിംഗ്, ഇന്റർനെറ്റ് സർഫിംഗ്, സ്കൂൾ പ്രോജക്റ്റുകൾ, ഓഫീസ് അവതരണങ്ങൾ എന്നിങ്ങനെ ഒരു കന്പ്യൂട്ടറിൽ സാധാരണ ചെയ്യാവുന്ന ജോലികൾ ഹോം ടിവികളിൽ സാധ്യമാകും.
എല്ലാ ഡാറ്റയും ക്ലൗഡിൽ ആയിരിക്കും സംഭരിക്കുക. ടിവിയിലൂടെ സെർവർ, സ്റ്റോറേജ്, ഡാറ്റാബേസ്, നെറ്റ്വർക്കിംഗ്, സോഫ്റ്റ്വേർ, അനലിറ്റിക്സ് തുടങ്ങിയ സേവനങ്ങൾ ഉപയോഗപ്പെടുത്താം.
ഇന്ത്യൻ മധ്യവർഗ കുടുംബങ്ങൾക്ക് കന്പ്യൂട്ടർ എന്നത് പലപ്പോഴും താങ്ങാനാകാത്ത ചെലവാണ്. ഈ സാഹചര്യത്തിൽ, ഈ സാങ്കേതികവിദ്യ അവർക്ക് സഹായകരമാകും. ക്ലൗഡ് കന്പ്യൂട്ടിംഗിന്റെ ശേഷി ആവശ്യാനുസരണം കൂട്ടുകയോ കുറയ്ക്കുകയോ ചെയ്യാം.
സാധാരണ കന്പ്യൂട്ടറുകളെ അപേക്ഷിച്ച് വളരെ വേഗത്തിലുള്ള ഡാറ്റ റിക്കവറി ഇത് വാഗ്ദാനം ചെയ്യുന്നു. ടിവിക്ക് പുറമേ മൊബൈൽ ഫോണുകളിലും ഉപയോഗിക്കാം. ആപ്പിന്റെ ഒൗദ്യോഗിക ലോഞ്ച് കന്പനി ഇതുവരെ പ്രഖ്യാപിച്ചിട്ടില്ലെങ്കിലും അടുത്ത ഏതാനും മാസങ്ങൾക്കുള്ളിൽ വിപണിയിലെത്തുമെന്നാണ് പ്രതീക്ഷിക്കുന്നത്.