ഇപ്പോഴത്തെ സാഹചര്യത്തില് അടുത്തയാഴ്ചയോടെ വില 175 രൂപയിലേക്ക് കൂപ്പുകുത്തും. നവംബറോടെ നിരക്ക് 150 രൂപയിലേക്ക് താഴ്ന്നാലും അതിശയമില്ലെന്നാണ് വ്യാപാരികള് പറയുന്നത്.
വിദേശത്തുനിന്ന് വേണ്ടിടത്തോളം ചരക്ക് എത്തിച്ചതിനുശേഷം രണ്ടാഴ്ചയായി വ്യവസായികള് ആഭ്യന്തര വിപണിയില് നിന്ന് ഷീറ്റ് വാങ്ങുന്നില്ല. ഷീറ്റ് റബര് ഉത്പാദിപ്പിക്കാന് പ്രോത്സാഹനം നല്കിയ റബര് ബോര്ഡും പ്രതികരിക്കുന്നില്ല.
നിലവിലെ സംസ്കരണച്ചെലവ് കണക്കാക്കിയാല് ലാറ്റക്സ് വില്ക്കുകയാണ് ഭേദമെന്ന് കര്ഷകര് പറയുന്നു. ചെറുകിട കര്ഷകരില് ഒരു വിഭാഗം കപ്പ് ലംബ് (ചണ്ടിപ്പാല്) വില്ക്കാനും താത്പര്യപ്പെടുന്നു.