ബോചെ പ്രമോട്ടറായ മലങ്കര ക്രെഡിറ്റ് സൊസൈറ്റിക്ക് അവാർഡ്
Tuesday, October 22, 2024 11:52 PM IST
തൃശൂർ: ഇന്ത്യയിലെ മികച്ച വാർഷിക റിപ്പോർട്ടിനുള്ള അവാർഡ് മലങ്കര ക്രെഡിറ്റ് സൊസൈറ്റിക്ക്.
ബാങ്കിംഗ് ഫ്രണ്ടിയേഴ്സും നാഫ് കബും ചേർന്ന് ലക്നോയിൽ നടത്തിയ അവാർഡ് നിശയിൽ നാഫ് കബ് വൈസ് പ്രസിഡന്റ് മിലിന്ദ് കാലേ, ഡയറക്ടർ അജയ് ജെ. ബ്രമേച്ച എന്നിവരിൽനിന്നു മലങ്കര ക്രെഡിറ്റ് സൊസൈറ്റി ചെയർമാൻ ജിസോ ബേബി അവാർഡ് സ്വീകരിച്ചു. ഡിജിഎം വി. രഘു ചടങ്ങിൽ സന്നിഹിതനായി.
816 കോടിയിൽപ്പരം രൂപയുടെ ബിസിനസും 95,000 മെന്പർമാർക്കു സേവനവും നൽകിവരുന്ന സൊസൈറ്റിയാണ് ബോചെ (ബോബി ചെമ്മണ്ണൂർ) പ്രമോട്ടറായിട്ടുള്ള മലങ്കര ക്രെഡിറ്റ് സൊസൈറ്റി. 2022-2023 സാന്പത്തികവർഷത്തിൽ മുപ്പത്തയ്യായിരം മെന്പർമാർക്കു ലാഭവിഹിതം നൽകിയ സൊസൈറ്റിക്കു നിരവധി തൊഴിലവസരങ്ങൾ സൃഷ്ടിക്കാനും സാധിച്ചു.