ബൈക്കിനെക്കുറിച്ചുള്ള കൂടുതൽ വിവരങ്ങൾ കന്പനി പുറത്തുവിട്ടിട്ടില്ല. അതേസമയം ബൈക്കിന്റെ ഡിസൈൻ പേറ്റന്റുകൾ നേരത്തേ ചോർന്നിരുന്നു. നിലവിലെ റിപ്പോർട്ടുകൾ പ്രകാരം ഇലക്ട്രിക്01 (Electrik01) എന്നാകും ബൈക്കിന്റെ പേരെന്നാണ് വാർത്തകൾ. മോഡൽ പുറത്തുവിട്ട് ദിവസങ്ങൾക്കുള്ളിൽ ഇഐസിഐഎ മോട്ടോർ ഷോയിൽ ബൈക്ക് പ്രദർശിപ്പിക്കും.
അടുത്തവർഷം പകുതിയോടെയോ അല്ലെങ്കിൽ 2026ലോ ആയിരിക്കും ഈ വാഹനം വിപണിയിൽ എത്തുക എന്നാണ് റിപ്പോർട്ട്. ചെന്നൈ ആസ്ഥാനമായുള്ള റോയൽ എൻഫീൽഡിന്റെ പുതിയ ചെയ്യാറിലെ നിർമാണ പ്ലാന്റായിരിക്കും വാഹനത്തിന്റെ നിർമാണ കേന്ദ്രമായി പ്രവർത്തിക്കുക. പ്രതിവർഷം 1.5 ലക്ഷം യൂണിറ്റ് ഉത്പാദന ശേഷി കൈവരിക്കാനാണ് കന്പനി ലക്ഷ്യമിടുന്നത്.