വ്യാവസായികാവശ്യങ്ങൾക്കുള്ള 15 ലക്ഷം ലിറ്റർ ഇന്ധനം കയറ്റിയ എംടി ടെറാ നോവ എന്ന കപ്പലാണ് ഫിപ്പീൻസിലെ മനില ബേ തുറമുഖത്തിനടുത്ത് തലകീഴായി മറിഞ്ഞ് മുങ്ങിയത്. ഫിലിപ്പീൻസിൽ രജിസ്റ്റർ ചെയ്തിട്ടുള്ള കപ്പലിൽനിന്നുള്ള എണ്ണ കിലോമീറ്ററുകൾ പരന്നിട്ടുണ്ട്.
ഫിലിപ്പീൻസിന്റെ ചരിത്രത്തിലെ ഏറ്റവും വലിയ പരിസ്ഥിതിദുരന്തം സംഭവിച്ചേക്കാമെന്നും എണ്ണച്ചോർച്ച തടയാനുള്ളശ്രമത്തിലാണെന്നും അവിടുത്തെ കോസ്റ്റ്ഗാർഡ് പറഞ്ഞു.
ഫിലിപ്പീനി തലസ്ഥാനമായ മനില അടക്കം പല സ്ഥലങ്ങളിലും പെയ്ത പേമാരി വെള്ളപ്പൊക്കത്തിനിടയാക്കി. രാജ്യത്തൊട്ടാകെ പത്തു ലക്ഷം പേർ കെടുതി നേരിട്ടതായും 13 ലക്ഷം ഹെക്ടർ ഭൂമിയിലെ വിള നശിച്ചതായും ഫിലിപ്പീനി അധികൃതർ അറിയിച്ചു.
തായ്വാനിൽനിന്നു ചൈനയിലേക്കാണ് ചുഴലിക്കൊടുങ്കാറ്റ് നീങ്ങിയിരിക്കുന്നത്. ഫുജിയാൻ പ്രവിശ്യയിലെ ഒന്നര ലക്ഷം പേരെ ഒഴിപ്പിച്ചുമാറ്റി.