പ്രസിഡന്റ് ബൈഡൻ ഞായറാഴ്ച സ്ഥാനാർഥിത്വം പിൻവലിക്കുകയും കമലയെ ആ സ്ഥാനത്തേക്കു പിന്തുണയ്ക്കുന്നുവെന്ന് പ്രഖ്യാപിക്കുകയുമായിരുന്നു.
കമലയ്ക്കു പാർട്ടിക്കുള്ളിൽ പിന്തുണ വർധിച്ചതല്ലാതെ എതിർപ്പുമായി ഒരാൾപോലും പരസ്യമായി രംഗത്തു വന്നിട്ടില്ല. കമലയുടെ പ്രചാരണ പരിപാടികൾക്കായി റിക്കാർഡ് തുക സംഭാവന ലഭിക്കുകയും ചെയ്തു.
പാർട്ടി സമ്മർദത്തിനൊടുവിലാണു ബൈഡൻ സ്ഥാനാർഥിയാകാനില്ലെന്നു പ്രഖ്യാപിച്ചത്. റിപ്പബ്ലിക്കൻ സ്ഥാനാർഥി ഡോണൾഡ് ട്രംപുമായുള്ള സംവാദത്തിൽ പരാജയപ്പെട്ടതോടെയാണു ബൈഡന്റെ കഴിവിൽ ഡെമോക്രാറ്റിക് നേതൃത്വം ആശങ്ക പ്രകടിപ്പിച്ചത്.