എം.ടിയുടെ ആരോഗ്യനിലയില്‍ മാറ്റമില്ല
Monday, December 23, 2024 5:21 AM IST
കോഴിക്കോട്: പ്രശസ്ത സാഹിത്യകാരന്‍ എം.ടി. വാസുദേവന്‍ നായരുടെ ആരോഗ്യനിലയില്‍ കാര്യമായ മാറ്റമില്ല. മരുന്നുകളോടു നേരിയ രീതിയില്‍ കഴിഞ്ഞ ദിവസം മുതല്‍ പ്രതികരിക്കുന്നുണ്ടെങ്കിലും വലിയ മാറ്റമില്ലെന്ന് അദ്ദേഹത്തെ ചികിത്സിക്കുന്ന ഡോ. രഘുറാം പറഞ്ഞു.
വിദഗ്ധരടങ്ങുന്ന മെഡിക്കല്‍ സംഘം ആരോഗ്യനില നിരീക്ഷിച്ചു വരികയാണ്. ഓക്‌സിജന്‍ മാസ്‌കിന്‍റെയും മറ്റും സഹായത്തോടെ ഐസിയുവില്‍ തുടരുകയാണ് എം.ടി. ശ്വാസതടസത്തെത്തുടര്‍ന്ന് കഴിഞ്ഞ ഞായറാഴ്ച രാത്രിയാണ് എം.ടിയെ കോഴിക്കോട്ടെ സ്വകാര്യ ആശുപത്രിയില്‍ പ്രവേശിപ്പിച്ചത്.