കെഎന്‍എം സമാധാനസമ്മേളനം 12ന് കോഴിക്കോട്ട്
Saturday, November 9, 2024 2:10 AM IST
കോഴിക്കോട്: ഇസ്‌ലാം മാനവികതയുടെയും സമാധാനത്തിന്‍റെയും മതം എന്ന പ്രമേയത്തില്‍ കെഎന്‍എം സംസ്ഥാന കമ്മിറ്റി സംഘടിപ്പിക്കുന്ന സമാധാന സമ്മേളനം 12ന് കോഴിക്കോട് കടപ്പുറത്തു നടക്കും.
മദീന ഇമാം ഷെയ്ഖ് ഡോ. അബ്ദുള്ള അബ്ദുറഹ്മാന്‍ അല്‍ ബുഅയ്ജാന്‍ ഉദ്ഘാടനം ചെയ്യും. കടപ്പുറത്ത് നടക്കുന്ന മഗ്‌രിബ് നമസ്‌കാരത്തിന് ഇമാം നേതൃത്വം നല്‍കും. മന്ത്രി വി. അബ്ദുറഹിമാന്‍, പി.കെ. കുഞ്ഞാലിക്കുട്ടി, എം.കെ. രാഘവന്‍ എംപി, ഇ.ടി. മുഹമ്മദ് ബഷീര്‍ എംപി, പി.വി. അബ്ദുള്‍ വഹാബ് എംപി തുടങ്ങിയവര്‍ പ്രസംഗിക്കുമെന്ന് കെഎന്‍എം സംസ്ഥാന പ്രസിഡന്‍റ് ടി.പി. അബ്ദുള്ളക്കോയ മദനി വാര്‍ത്താസമ്മേളനത്തില്‍ അറിയിച്ചു.
സെക്രട്ടറിമാരായ എ. അസ്ഗര്‍ അലി, ഡോ. എ.ഐ. അബ്ദുള്‍ മജീദ് എന്നിവരും വാര്‍ത്താസമ്മേളനത്തില്‍ സംബന്ധിച്ചു.