എസ്ഡിആർഎഫ് ഇനത്തിൽ 614. 62 കോടിയുടെ നഷ്ടവും നോണ് എസ്ഡിആർഎഫ് ഇനത്തിൽ 587.50 കോടിയുടെ നഷ്ടവും ഉണ്ടായി. ടൂറിസം മേഖലയിൽ 50 കോടിയുടെ നഷ്ടം, റിയൽ എസ്റ്റേറ്റ് മേഖലയിൽ 36 കോടിയുടെ നഷ്ടം, കൃഷിയെ ആശ്രയിക്കുന്ന മറ്റ് മേഖലകളുടെ നഷ്ടം 15 കോടി, ടൂറിസത്തെ ആശ്രയിക്കുന്ന മേഖലകളുടെ നഷ്ടം 23 കോടി, സർക്കാർ ആസ്തികൾ നഷ്ടപ്പെട്ടത് 56 കോടി അടക്കം 587.50 കോടി രൂപയുടെ നഷ്ടമാണ് നോണ് എസ്ഡിആർഎഫ് ഐറ്റം ആയി പ്രൊപ്പോസലിൽ ഇടം പിടിച്ചിരിക്കുന്നത്.
എന്നാൽ, കർഷകരുടെ നഷ്ടത്തിന്‍റെ കാര്യത്തിൽ തുലോം തുച്ഛമായ തുകയാണ് ഉൾപ്പെടുത്തിയതെന്ന വൈരുധ്യവുമുണ്ട്. കാലിത്തൊഴുത്ത് നഷ്ടമായവർക്കു പുനർനിർമിക്കാൻ 3,000 രൂപ മാത്രമാണ് ലിസ്റ്റിൽ ഉൾപ്പെടുത്തിയിട്ടുള്ളത്. 111 കർഷകർക്ക് കാലിത്തൊഴുത്ത് നഷ്ടമായ ഇനത്തിൽ 3.33 ലക്ഷം രൂപയുടെ നഷ്ടമുണ്ടായെന്നാണ് പ്രൊപ്പോസലിൽ പറയുന്നത്.
മുഖ്യമന്ത്രിയുടെ ഔദ്യോഗിക വസതിയായ ക്ലിഫ് ഹൗസിൽ കാലിത്തൊഴുത്ത് നിർമിക്കാൻ 42.5 ലക്ഷം രൂപയാണ് നേരത്തേ അനുവദിച്ചിരുന്നത്. ജനങ്ങൾ സ്പോണ്സർ ചെയ്ത ഭക്ഷണത്തിനും വസ്ത്രത്തിനും കോടികൾ പ്രൊപ്പോസലിൽ ഉൾപ്പെടുത്തിയത്തപ്പോൾ കർഷകരുടെ യഥാർഥ നഷ്ടമായ കാലിത്തൊഴുത്തിന് 3,000 രൂപ മാത്രം ഉൾപ്പെടുത്തിയത് സർക്കാരിന്‍റെയും ഉദ്യോഗസ്ഥരുടെയും കർഷകവിരുദ്ധ സമീപനംകൂടി വ്യക്തമാക്കുന്നതായി.