ഇക്കാര്യത്തിൽ കഴിഞ്ഞ ആഴ്ച ആരോഗ്യപ്രിൻസിപ്പൽ സെക്രട്ടറി മാനേജ്മെന്റ് പ്രതിനിധികളുമായി ചർച്ച നടത്തിയപ്പോൾ ആശാവഹമായ പുരോഗതി ഉണ്ടാവുമെന്ന പ്രതീക്ഷയിലായിരുന്നു മാനേജ്മെന്റുകൾ. വീണ്ടും ചർച്ചയ്ക്കു വിളിക്കുമെന്ന ഉറപ്പിലായിരുന്നു അന്ന് യോഗം അവസാനിച്ചത്.
എന്നാൽ, ദിവസങ്ങൾ കഴിഞ്ഞപ്പോൾ 18 ശതമാനം ജിഎസ്ടി അയ്ക്കണമെന്ന നിർദേശം സംബന്ധിച്ച ഉത്തരവ് സർക്കാർ ഇറക്കി. ഇതോടെ സർക്കാരും മാനേജ്മെന്റും തമ്മിലുള്ള ഭിന്നത കൂടുതൽ രൂക്ഷമായി. കേരളത്തിൽ പ്രവേശനനടപടികൾ വൈകുകയും അന്യ സംസ്ഥാനങ്ങളിൽ നടപടികൾ ആരംഭിക്കുകയും ചെയ്തതോടെ വിദ്യാർഥികൾ അന്യ സംസ്ഥാനങ്ങളിൽ പ്രവേശനം നേടിയാലും അദ്ഭുതപ്പെടേണ്ടതില്ല.
മന്ത്രിയുമായി ചർച്ച ഇന്ന്
നഴ്സിംഗ് പ്രവേശനം സംബന്ധിച്ച അനിശ്ചിതത്വം തുടരുന്നതിനിടെ ആരോഗ്യമന്ത്രി വീണാ ജോർജ് സ്വകാര്യ നഴ്സിംഗ് കോളജ് പ്രതിനിധികളെ ചർച്ചയ്ക്കു വിളിച്ചു. മന്ത്രിയുടെ ചേംബറിലാണ് ചർച്ച.