മതസ്വാതന്ത്ര്യത്തിനെതിരായ കടന്നുകയറ്റമെന്നാണ് ഈസ്താംബൂളിലെ ബർത്തലോമ്യോ പാത്രിയർക്കീസിന്റെ വക്താവ് പ്രതികരിച്ചത്. ഗ്രീസ് പ്രസിഡന്റ് കിറിയാക്കോസ് മിത് സോതാക്കിസ് പറഞ്ഞത് ഈ നടപടി ഈസ്താംബൂളിന്റെ ചരിത്രത്തോടുള്ള അവഹേളനമെന്നാണ്. ശക്തിപ്രകടനത്തിന്റെ ഭാഗമെന്ന് ഗ്രീക്ക് ഓർത്തഡോക്സ് സഭ കുറ്റപ്പെടുത്തി.
യുനെസ്കോയുടെ വിശ്വപൈതൃക പട്ടികയിൽപ്പെടുന്ന ഖോറാ പള്ളിയിൽ ലോകപ്രസിദ്ധമായ മൊസെയ്ക് ചിത്രങ്ങളും ചുമർചിത്രങ്ങളും ധാരാളമുണ്ട്. അവ മറച്ചുവയ്ക്കുകയാണോ നശിപ്പിക്കുകയാണോ എന്നു വ്യക്തമല്ല. 1945 മുതൽ പള്ളി ഒരു മ്യൂസിയമായി പ്രവർത്തിച്ചുവരികയായിരുന്നു.
നഗരമതിലുകൾക്കു വെളിയിലെ വയലുകളിൽ (ഖോറാ) ഒരു ആശ്രമസമുച്ചയത്തിന്റെ ഭാഗമായാണ് ഈ പള്ളി പണിയപ്പെട്ടത്. അതുകൊണ്ടാണ് ഖോറാ പള്ളി എന്ന പേര്.