ഗാസയിലെ 24 ലക്ഷം ജനങ്ങളിൽ 19 ലക്ഷവും അഭയാർഥികളായി മാറി. ഗാസയിൽനിന്നു പുറത്തുകടക്കാൻ വഴിയില്ലാത്ത ഇവർ ഈജിപ്ഷ്യൻ അതിർത്തിയോടു ചേർന്ന റാഫാ മേഖലയിലാണ് അഭയം തേടിയിരിക്കുന്നത്.
ഇതിനിടെ ഗാസയിൽ ആക്രമണം വർധിപ്പിക്കാൻ ഇസ്രേലി സേനാ തലവൻ ഹെർസി ഹാലേവി നിർദേശം നല്കി. കൂടുതൽ കൂടുതൽ ഭീകരവാദികൾ കൊല്ലപ്പെടുകയും പരിക്കേൽക്കുകയും ചെയ്യുന്നതായി അദ്ദേഹം അവകാശപ്പെട്ടു.
ഇതുവരെ 7,000 ഭീകരർ കൊല്ലപ്പെട്ടതായി ഇസ്രേലി ദേശീയ സുരക്ഷാ ഉപദേഷ്ടാവ് സാച്ചി ഹനേഗ്ബി പറഞ്ഞു. ഇതിനിടെ, ടെൽ അവീവിൽ കുറച്ച് ഇസ്രേലികൾ സമാധാനത്തെ അനുകൂലിച്ച് പ്രകടനം നടത്തുകയുണ്ടായി.