എന്നാൽ, ബ്രിട്ടനിലെ നാഷണൽ ഹെൽത്ത് സർവീസിൽ കടുത്ത ആൾക്ഷാമം അനുഭവപ്പെടുന്നതിനാൽ എൻഎച്ച്എസ് ജോലിക്കായി എത്തുന്ന ആളുകളെ ഈ മിനിമം ശമ്പളപരിധിയിൽനിന്ന് ഒഴിവാക്കിയിട്ടുണ്ട്.
സ്വകാര്യ കെയര് ഹോമുകളില് ജോലിക്കെത്തുന്ന കെയര് വീസക്കാരെയാണ് പുതിയ ഈ ഭേദഗതികൾ കൂടുതൽ ബാധിക്കുക.
ബ്രിട്ടനിൽ മിക്ക ജോലികള്ക്കും തുടക്ക ശമ്പളം വർഷം 35,000 പൗണ്ടില് താഴെയാണ് എന്നതിനാല് ഇനിയാരും ഈ വീസ റൂട്ട് ചൂഷണം ചെയ്യരുത് എന്ന ധാരണയില് തന്നെയാണ് സര്ക്കാര് നിയന്ത്രണം പ്രഖ്യാപിക്കുകയും വിസ ലഭിക്കാനുള്ള അടിസ്ഥാന ശമ്പളം വർധിപ്പിക്കുകയും ചെയ്തിരിക്കുന്നത്.