തലശേരി: സ്കൂൾ മുറ്റത്ത് വച്ച് വിദ്യാർഥിയെ പുറത്തുനിന്നെത്തിയ ആൾ മർദിച്ചു പരിക്കേൽപ്പിച്ചു. കാവുംഭാഗം ഗവ. ഹയർസെക്കൻഡറി സ്കൂൾ പ്ലസ് ടു വിദ്യാർഥി കൂത്തുപറന്പ് നരവൂർ സ്വദേശി ആൽവിനാണ് മർദനമേറ്റത്. തിങ്കളാഴ്ച വൈകുന്നേരം നാലോടെ കാവുംഭാഗം സ്വദേശി കെ. ഷൈജു സ്കൂൾ കോന്പൗണ്ടിൽ കയറി മർദിച്ചെന്നാണ് പരാതി.
വയറിനും വാരിയെല്ലിനും പരിക്കേറ്റ ആൽവിൻ തലശേരി ജനറൽ ആശുപത്രിയിൽ ചികിത്സ തേടി. തലശേരി പോലീസ് കേസെടുത്തു.