പാരീസ് ഒളിമ്പിക്സിന് ഇനി ഒരു നാള്‍
Thursday, July 25, 2024 7:37 AM IST
ജോസ് കുമ്പിളുവേലില്‍
പാ​രീ​സ്: പാ​രീ​സി​ല്‍ ലോ​ക കാ​യി​ക മാ​മാ​ങ്ക​ത്തി​ന് കേ​ളീ​കൊ​ട്ടു​യ​രാ​ന്‍ ഇ​നി ഒ​രു ദി​നം മാ​ത്രം. ച​രി​ത്ര​ത്തി​ല്‍ ഇ​തു​വ​രെ​യും ഒ​രു ഒ​ളി​മ്പി​ക്സ് കാ​യി​ക മാ​മാ​ങ്ക​ത്തി​ന്‍റെ​യും ഉ​ദ്ഘാ​ട​ന​ച്ച​ട​ങ്ങ് മു​ഖ്യ​സ്റ്റേ​ഡി​യ​ത്തി​നു പു​റ​ത്തെ​ത്തി​ച്ചു ന​ട​ത്തി​യി​ട്ടി​ല്ല.

എ​ന്നാ​ല്‍ ഈ ​ച​രി​ത്രം വ​ഴി മാ​റു​ക​യാ​ണ് പാ​രീ​സി​ല്‍. പാ​രീ​സി​നെ മ​നോ​ഹ​ര​മാ​ക്കു​ന്ന ന​ഗ​ര​ത്തി​ന്‍റെ ജീ​വ​നാ​ഢി​യാ​യ സെ​യ്ന്‍ ന​ദി​യി​ലാ​ണ് ഇ​ത്ത​വ​ണ​ത്തെ ഒ​ളി​മ്പി​ക്സി​ന്‍റെ ഉ​ദ്ഘാ​ട​ന​ച്ച​ട​ങ്ങ് അ​ര​ങ്ങേ​റു​ന്ന​ത്.

സെ​യ്ന്‍ ന​ദി​യി​ലൂ​ടെ ബോ​ട്ടി​ല്‍ ആ​റു കി​ലോ മീ​റ്റ​റാ​ണ് പ​രേ​ഡ് ന​ട​ക്കു​ക. വെ​ള്ളി​യാ​ഴ്ച പ്രാ​ദേ​ശി​ക സ​മ​യം രാ​ത്രി 7.30 നാ​ണ് ഉ​ദ്ഘാ​ട​ന​ച്ച​ട​ങ്ങ് ന​ട​ക്കു​ന്ന​ത്. ഗെ​യിം​സി​ന്‍റെ ഉ​ദ്ഘാ​ട​ന​ച്ച​ട​ങ്ങു​ക​ളു​ടെ ക​ലാ​സം​വി​ധാ​യ​ക​നാ​യി തോ​മ​സ് ജോ​ളി എ​ന്ന 42 കാ​ര​നാ​യ പു​തു​മു​ഖ​ക്കാ​ര​നെ​യാ​ണ് നി​യോ​ഗി​ച്ചി​രി​ക്കു​ന്ന​ത്.

2022‌ല്‍ 24 ​മ​ണി​ക്കൂ​ര്‍ ദൈ​ര്‍​ഘ്യ​മു​ള്ള ഷേ​ക്സ്പി​യ​ര്‍ ടെ​ട്രോ​ള​ജി നി​ര്‍​മ്മി​ക്കു​ക​യും പ്രി​യ​പ്പെ​ട്ട സം​ഗീ​ത​മാ​യ സ്റ​റാ​ര്‍​മാ​നി​യ പു​ന​രു​ജ്ജീ​വി​പ്പി​ക്കു​ക​യും ചെ​യ്ത ജോ​ളി ഫ്രാ​ന്‍​സി​ലെ ബൃ​ഹ​ത്താ​യ പ്രോ​ജ​ക്ടു​ക​ളി​ല്‍ അ​പ​രി​ചി​ത​ന​ല്ല.

ഫ്രാ​ന്‍​സി​ന്‍റെ പ​ര​മോ​ന്ന​ത നാ​ട​ക പു​ര​സ്കാ​ര​മാ​യ മൂ​ന്ന് മോ​ളി​യ​ര്‍ സ​മ്മാ​ന​ങ്ങ​ള്‍ അ​ദ്ദേ​ഹം നേ​ടി​യി​ട്ടു​ണ്ട്. അ​തേ​സ​മ​യം ച​ട​ങ്ങ് നേ​രി​ല്‍​ക്കാ​ണാ​ന്‍ മൂ​ന്നു ല​ക്ഷ​ത്തി​ല​ധി​കം പേ​ര്‍ സെ​യ്ന്‍ ന​ദി​ക്ക​ര​യി​ല്‍ എ​ത്തു​മെ​ന്നും സം​ഘാ​ട​ക​ര്‍ ക​രു​തു​ന്നു.


ച​ട​ങ്ങി​ന്‍റെ ലൈ​വ് ടെ​ലി​കാ​സ്റ്റും ഉ​ണ്ടാ​വും. ഈ​ഫ​ല്‍ ടൗ​വ​റി​ല്‍ ഇ​പ്പോ​ള്‍​ത​ന്നെ ഒ​ളി​മ്പി​ക് മു​ഖ​രി​ത​മാ​ണ്. ഉ​ദ്ഘാ​ട​ന​ച്ച​ട​ങ്ങി​ല്‍ ഇ​രി​പ്പി​ടം ല​ഭി​ക്ക​ണ​മെ​ങ്കി​ല്‍ 90 മു​ത​ല്‍ 2700 യൂ​റോ വ​രെ​യാ​ണ് ടി​ക്ക​റ്റ്വി​ല. ന​ദി​യു​ടെ ഇ​രു​ക​ര​ക​ളി​ലു​മാ​ണ് ഇ​രി​പ്പി​ടം ഒ​രു​ക്കി​യി​രി​യ്ക്കു​ന്ന​ത്.

ജൂ​ലൈ 26ന് ​ന​ട​ക്കു​ന്ന ഉ​ദ്ഘാ​ട​ന ച​ട​ങ്ങ് ഒ​രു ബി​ല്യ​ണി​ല​ധി​കം ആ​ളു​ക​ള്‍ വീ​ക്ഷി​ക്കു​മെ​ന്നാ​ണ് പ്ര​തീ​ക്ഷി​ക്കു​ന്ന​ത്. ഉ​ദ്ഘാ​ട​ന​ച്ച​ട​ങ്ങ് ന​ട​ക്കു​ന്ന​തി​ന്‍റെ മു​ന്നോ​ടി​യാ​യി സെ​യ​ന്‍ ന​ദി​യി​ലെ ഗ​താ​ഗ​ത​വും ച​ര​ക്കു​നീ​ക്ക​വും താ​ല്‍​ക്കാ​ലി​ക​മാ​യി നി​ര്‍​ത്തി.

ക​ന​ത്ത സു​ര​ക്ഷാ സം​വി​ധാ​ന​ത്തി​ലാ​ണ് ന​ഗ​ര​വും സെ​യ്ന്‍ ന​ദി​യും.​മി​ക്ക​യി​ട​ങ്ങ​ളും റെ​ഡ്, ഗ്രേ, ​ബ്ളൂ സോ​ണു​ക​ളാ​യി തി​രി​ച്ചാ​ണ് സ​ര​ക്ഷ ഒ​രു​ക്കി​യി​രി​യ്ക്കു​ന്ന​ത്. കാ​ല്‍ ന​ട​യാ​ത്ര​ക്കാ​ര്‍​ക്കും നി​യ​ന്ത്ര​ണ​മു​ണ്ട്. സ​ര്‍​ക്കാ​രി​ന്റെ ക്യു​ആ​ര്‍ കോ​ഡ് ഉ​ണ്ടെ​ങ്കി​ലും പ്ര​വേ​ശ​നം അ​നു​വ​ദി​ക്കു.

ജൂ​ലൈ 26ന് ​ആ​രം​ഭി​ക്കു​ന്ന മു​പ്പ​ത്തി​മൂ​ന്നാ​മ​ത് കാ​യി​ക മാ​മാ​ങ്കം ഓ​ഗ​സ്റ്റ് 11 നാ​ണ് സ​മാ​പി​യ്ക്കു​ന്ന​ത്. എ​ന്നാ​ല്‍ ഒ​ളി​മ്പി​ക് ഫു​ട്ബോ​ള്‍ മ​ത്സ​ര​ങ്ങ​ള്‍​ക്ക് ബു​ധ​നാ​ഴ്ച തു​ട​ക്ക​മാ​യി. അ​ര്‍​ജ​ന്റീ​ന​യും മൊ​റോ​ക്കോ​യും ത​മ്മി​ലു​ള്ള പോ​രാ​ട്ട​മാ​ണ് ആ​ദ്യം ന​ട​ക്കു​ക.