തൊ​ഴി​ലാ​ളി ക്ഷാ​മം പ​രി​ഹ​രി​ക്കാ​ൻ പു​തി​യ പദ്ധതിയുമാ​യി ജ​ർ​മ​നി; ഇ​ന്ത്യ​ക്കാ​ർ​ക്ക് അ​വ​സ​രം
Monday, July 22, 2024 4:05 PM IST
ജോ​സ് കു​മ്പി​ളു​വേ​ലി​ൽ
ബ​ര്‍​ലി​ന്‍: രാ​ജ്യ​ത്തെ തൊ​ഴി​ലാ​ളി ക്ഷാ​മം പ​രി​ഹ​രി​ക്കു​ന്ന​തി​ന് പു​തി​യ പദ്ധതിയുമാ​യി ജ​ർ​മ​നി. ഇ​തി​ന്‍റെ ഭാ​ഗ​മാ​യി രാ​ജ്യം ഇ​ന്ത്യ​യി​ൽ നി​ന്നു​ള്ള വി​ദ​ഗ്ധ തൊ​ഴി​ലാ​ളി​ക​ളെ ആ​ക​ർ​ഷി​ക്കാ​നാ​ണ് നോ​ക്കു​ന്ന​ത്.

2035 ഓ​ടെ ജ​ർ​മ​നി​ക്ക് ഏ​ഴ് ദ​ശ​ല​ക്ഷം തൊ​ഴി​ലാ​ളി​ക​ളു​ടെ ആ​വ​ശ്യ​മു​ണ്ട്. ഇ​ത​ര തൊ​ഴി​ലാ​ളി​ക​ൾ​ക്കു​ള്ള യൂ​റോ​പ്യ​ൻ യൂ​ണി​യ​ൻ നി​യ​മ​ങ്ങ​ളി​ലും ജ​ർ​മ​നി ഇ​ള​വ് വ​രു​ത്തി​യി​ട്ടു​ണ്ട്. ഉ​യ​ർ​ന്ന വി​ദ്യാ​ഭ്യാ​സം നേ​ടി​യ ഇ​ന്ത്യ​ക്കാർക്ക് ജ​ർ​മ​നി​യി​ലേ​ക്ക് കു​ടി​യേ​റാ​ൻ ഇ​ത് വ​ഴി​യൊ​രു​ക്കും എ​ന്ന് ജ​ർ​മ​ൻ തൊ​ഴി​ൽ മ​ന്ത്രി ഹു​ബെ​ർ​ട്ട​സ് ഹെ​യ്ൽ പ​റ​ഞ്ഞു.

ഇ​തു​മാ​യി ബ​ന്ധ​പ്പെ​ട്ട്, ഇ​നി ന​ട​ക്കാ​ൻ പോ​കു​ന്ന ജ​ർ​മൻ -​ ഇ​ന്ത്യ​ൻ ഗ​വ​ൺ​മെന്‍റ് ക​ൺ​സ​ൾ​ട്ടേ​ഷ​നി​ൽ ഇ​ന്ത്യ​ൻ സ്കി​ൽ​ഡ് വ​ർ​ക്ക​ർ സ്ട്രാ​റ്റ​ജി അ​വ​ത​രി​പ്പി​ക്കു​മെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു.


ബ​ർ​ലി​ൻ സ​ർ​വ​ക​ലാ​ശാ​ല ഇ​ന്ത്യ​ൻ പ​ങ്കാ​ളി സ​ഹ​ക​ര​ണം

ബ​ർ​ലി​നി​ലെ ഫ്രീ ​യൂ​ണി​വേ​ഴ്സി​റ്റി​ക്ക് ഇ​ന്ത്യ​യു​മാ​യി ദീ​ർ​ഘ​കാ​ല ഗ​വേ​ഷ​ണ​വും അ​ധ്യാ​പ​ന സ​ഹ​ക​ര​ണ​വുമുണ്ട്. 2008 മു​ത​ൽ ന്യൂ​ഡ​ൽ​ഹി​യി​ലെ അ​വ​രു​ടെ ലെ​യ്‌​സ​ൺ ഓ​ഫീ​സ് ഈ ​സ​ഹ​ക​ര​ണ​ങ്ങ​ൾ​ക്ക് പി​ന്തു​ണ ന​ൽ​കു​ന്നു.

സ​മീ​പ വ​ർ​ഷ​ങ്ങ​ളി​ൽ, യൂ​ണി​വേ​ഴ്സി​റ്റി​യി​ലെ ഇ​ന്ത്യ​ൻ വി​ദ്യാ​ർ​ഥിക​ളു​ടെ എ​ണ്ണം ഗ​ണ്യ​മാ​യി വ​ർ​ധി​ച്ചു. പ​ല​രും ജ​ർ​മ​നി​യി​ൽ പ​ഠി​ക്കു​ക മാ​ത്ര​മ​ല്ല, പ​ഠ​നം പൂ​ർ​ത്തി​യാ​ക്കി​യ ശേ​ഷം ജോ​ലി നേ​ടു​ക‌യെ​ന്ന ല​ക്ഷ്യ​ത്തോ​ടെ​യാ​ണ് എ​ത്തു​ന്ന​തെ​ന്ന് യൂ​ണി​വേ​ഴ്സി​റ്റി പ്ര​സി​ഡ​ന്‍റ് പ​റ​ഞ്ഞു.