ഒ​റ്റ​പ്പാ​ലം: ബ​സി​നു​ള്ളി​ൽ കു​ഴ​ഞ്ഞു​വീ​ണ യാ​ത്ര​ക്കാ​ര​ന്‍റെ ജീ​വ​ൻ​ര​ക്ഷി​ച്ച സ്വ​കാ​ര്യ ബ​സ് ജീ​വ​ന​ക്കാ​ർ​ക്ക് അ​ഭി​ന​ന്ദ​ന പ്ര​വാ​ഹം.

കു​ഴ​ഞ്ഞു​വീ​ണ യാ​ത്ര​ക്കാ​ര​നെ ഒ​രു​നി​മി​ഷം​പോ​ലും പാ​ഴാ​ക്കാ​തെ നേ​രെ ആ​ശു​പ​ത്രി​യി​ലേ​ക്കു കു​തി​ച്ച നി​നു സ്റ്റാ​ർ ബ​സ് ജീ​വ​ന​ക്കാ​ർ​ക്കാ​ണ് നാ​ടാ​കെ അ​ഭി​ന​ന്ദ​നം ചൊ​രി​യു​ന്ന​ത്.

വ​ളാ​ഞ്ചേ​രി- പാ​ല​ക്കാ​ട് റൂ​ട്ടി​ൽ സ​ർ​വീ​സ് ന​ട​ത്തു​ന്ന നി​നു സ്റ്റാ​ർ (സ​ബി​നാ​സ്) ബ​സ് ജീ​വ​ന​ക്കാ​രാ​ണ് യാ​ത്ര​ക്കാ​ര​നെ വാ​ണി​യം​കു​ളം പി.​കെ. ദാ​സ് ആ​ശു​പ​ത്രി​യി​ലെ​ത്തി​ച്ച് ര​ക്ഷ​ക​രാ​യ​ത്.
ബ​സ് ഡ്രൈ​വ​ർ ചാ​ത്ത​നൂ​ർ സ്വ​ദേ​ശി മ​നാ​ഫ്, ക​ണ്ട​ക്ട​ർ കൊ​ടു​മു​ണ്ട സ്വ​ദേ​ശി ഷ​റ​ഫു​ദ്ദീ​ൻ അ​ലി​മോ​ൻ, വ​ളാ​ഞ്ചേ​രി സ്വ​ദേ​ശി അ​ഭി​ന​വ് എ​ന്നി​വ​രു​ടെ അ​വ​സ​രോ​ചി​ത ഇ​ട​പെ​ട​ലാ​ണ് വാ​ണി​യം​കു​ളം സ്വ​ദേ​ശി മ​ണി​ക​ണ്ഠ​ന്‍റെ (23) ജീ​വ​നു ര​ക്ഷ​യാ​യ​ത്.

ക​ഴി​ഞ്ഞ ദി​വ​സം വൈ​കു​ന്നേ​രം നാ​ലി​നാ​യി​രു​ന്നു സം​ഭ​വം. വ​ളാ​ഞ്ചേ​രി​യി​ൽ​നി​ന്ന് പാ​ല​ക്കാ​ട്ടേ​ക്ക് പോ​കു​ക​യാ​യി​രു​ന്ന ബ​സി​ൽ പ​ട്ടാ​മ്പി​യി​ൽ​നി​ന്ന് വാ​ണി​യം​കു​ള​ത്തേ​ക്ക് യാ​ത്ര ചെ​യ്യു​ക​യാ​യി​രു​ന്നു യു​വാ​വ്.

ഇ​തി​നി​ടെ ദേ​ഹാ​സ്വാ​സ്ഥ്യം അ​നു​ഭ​വ​പ്പെ​ട്ട യു​വാ​വ് ഓ​ങ്ങ​ല്ലൂ​രി​ൽ​വെ​ച്ച് ബ​സി​ന​ക​ത്ത് കു​ഴ​ഞ്ഞു​വീ​ഴു​ക​യാ​യി​രു​ന്നു. തു​ട​ർ​ന്ന് ബോ​ധ​മി​ല്ലാ​താ​യ യു​വാ​വു​മാ​യി ബ​സ് 16 കി​ലോ​മീ​റ്റ​റോ​ളം ദൂ​രം വേ​ഗ​ത്തി​ൽ സ​ഞ്ച​രി​ച്ച് ആ​ശു​പ​ത്രി​യി​ൽ എ​ത്തി​ക്കു​ക​യാ​യി​രു​ന്നു.

യാ​ത്ര​ക്കാ​രു​ടെ​കൂ​ടെ സ​മ്മ​ത​ത്തോ​ടെ ബ​സ് എ​വി​ടെ​യും നി​ർ​ത്താ​തെ​യാ​യി​രു​ന്നു ആ​ശു​പ​ത്രി ല​ക്ഷ്യ​മാ​ക്കി​യു​ള്ള പാ​ച്ചി​ൽ.

ആ​ശു​പ​ത്രി​യി​ൽ എ​ത്തി​ച്ച യു​വാ​വി​നെ അ​ത്യാ​ഹി​ത​വി​ഭാ​ഗ​ത്തി​ൽ പ്ര​വേ​ശി​പ്പി​ച്ച് ആ​വ​ശ്യ​മാ​യ ചി​കി​ത്സ ന​ൽ​കി.

ത​ക്ക​സ​മ​യ​ത്ത് ആ​ശു​പ​ത്രി​യി​ൽ എ​ത്തി​ക്കു​ക എ​ന്ന​താ​യി​രു​ന്നു ല​ക്ഷ്യ​മെ​ന്ന് ബ​സ് ജീ​വ​ന​ക്കാ​ർ പ​റ​ഞ്ഞു.

ആ​ശു​പ​ത്രി ജീ​വ​ന​ക്കാ​ർ ഇ​യാ​ളു​ടെ പോ​ക്ക​റ്റി​ൽ​നി​ന്നു​ല​ഭി​ച്ച ഫോ​ൺ ന​മ്പ​റി​ൽ ബ​ന്ധ​പ്പെ​ട്ടാ​ണ് ബ​ന്ധു​ക്ക​ളെ വി​വ​ര​മ​റി​യി​ച്ച​ത്.

ആ​രോ​ഗ്യ​നി​ല മെ​ച്ച​പ്പെ​ട്ട​താ​യി ആ​ശു​പ​ത്രി അ​ധി​കൃ​ത​ർ അ​റി​യി​ച്ചു. ഡ്രൈ​വ​ർ മ​നാ​ഫ് ഓ​ൾ കേ​ര​ള പ്രൈ​വ​റ്റ് ബ​സ് മെം​ബേ​ഴ്സ് (എ​കെ​പി​ബി​എം) ജി​ല്ലാ​ക​മ്മി​റ്റി അം​ഗ​മാ​ണ്. മ​ല​പ്പു​റം പ​ട​പ​റ​മ്പ് ക​രീ​മി​ന്‍റെ ഉ​ട​മ​സ്ഥ​ത​യി​ലു​ള്ള ബ​സാ​ണ് സ​ബി​നാ​സ് എ​ന്ന നി​നു സ്റ്റാ​ർ.

ബ​സ് ജീ​വ​ന​ക്കാ​രെ ഒ​റ്റ​പ്പാ​ലം ന​ഗ​ര​സ​ഭാ ചെ​യ​ർ​പേ​ഴ്സ​ൺ കെ. ​ജാ​ന​കീ​ദേ​വി​യും മോ​ട്ടോ​ർ വാ​ഹ​ന​വ​കു​പ്പും അ​നു​മോ​ദി​ച്ചു.