കൊ​ല്ല​ങ്കോ​ട്: പു​ലി​യടെ കണ്ട സാഹചര്യത്തിൽ കാ​ളി​കു​ള​മ്പി​ലും പ​രി​സ​ര പ്ര​ദേ​ശ​ങ്ങ​ളി​ലും അ​ണ​ഞ്ഞു കി​ട​ക്കു​ന്ന തെ​രു​വു​വി​ള​ക്കു​ക​ൾ പു​ന​സ്ഥാ​പി​ച്ചു തു​ട​ങ്ങി. കൊ​ല്ല​ങ്കോ​ട് ഗ്രാ​മ​പ​ഞ്ചാ​യ​ത്ത് പ്ര​സി​ഡ​ന്‍റ് കെ. ​സ​ത്യ​പാ​ൽ സ്ഥ​ലം സ​ന്ദ​ർ​ശ​ന വേ​ള​യി​ൽ തെ​രു​വി​ള​ക്കു​ക​ൾ പൂ​ർ​ണ്ണ​മാ​യും ക​ത്തി​ക്ക​ണ​മെ​ന്ന് താ​മ​സ​ക്കാ​ർ ആ​വ​ശ്യ​പ്പെ​ട്ടു.

വൈ​ദ്യു​തി ലൈ​നു​ക​ളി​ല്ലാ​ത്ത കാ​ച്ചാം​കു​റു​ച്ചി‌- വ​രു​ത്തി പാ​ത​യി​ൽ സോ​ള​ർ ലാ​മ്പു​ക​ൾ സ്ഥാ​പി​ക്കണമെന്ന ആ​വ​ശ്യ​വും ഉ​യ​ർ​ന്നി​ട്ടു​ണ്ട്. ചി​ര​ണി, കൊ​ശ​വ​ൻ​കോ​ട്, കാ​ളി​കു​ള​മ്പ് ഉ​ൾ​പ്പെ​ടെ മൂ​ന്നു കി​ലോ​മീ​റ്റ​ർ സ്ഥ​ല​പ​രി​ധി​യി​ലാ​ണ് പു​ലി​പി​ടി കൊ​ടു​ക്കാ​തെ വ​ന​പാ​ല​ക​രെ​യും നാ​ട്ടു​കാ​രെ​യും വ​ന്യ​മൃ​ഗം വ​ട്ടം ക​റ​ക്കു​ന്ന​ത്. ഇ​തു​വ​രെ തെ​രു​വു​നാ​യ​ക​ളെ മാ​ത്ര​മാ​ണ് പു​ലി പി​ടി​ച്ച് ഭ​ക്ഷി​ച്ചി​രി​ക്കു​ന്ന​ന്ന​ത്.

സ്ഥ​ല​ത്ത് വ​നം​വ​കു​പ്പ് സ്ഥാ​പി​ച്ച ക്യാ​മ​റ​ക​ളി​ലൊ​ന്നും പു​ലി​യെ ക​ണ്ടെ​ത്താ​ൻ സാ​ധി​ക്കാ​തി​രു​ന്ന​താ​ണ് കൂ​ട് സ്ഥാ​പി​ക്കു​ന്ന​തി​ന് സാ​ങ്കേ​തി​ക പ്ര​ശ്ന​മാ​യി​ട്ടു​ള്ള​ത്. എ​ന്നാ​ൽ പു​ലി​യെ ക​ണ്ട​തി​നു ദൃ​ക്സാ​ക്ഷി​ക​ളു​ണ്ട്.

ഇ​വ​ർ ന​ൽ​കി​യ മൊ​ഴി​യു​ടെ അ​ടി​സ്ഥാ​ന​ത്തി​ലാ​ണ് പു​ലി ഉ​ണ്ടാ​വു​മെ​ന്ന നി​ഗ​മ​ന​ത്തി​ൽ വ​ന​പാ​ല​ക​ർ വി​ശ്ര​മി​ല്ലാ​തെ തി​ര​ച്ചി​ൽ ന​ട​ത്തു​ന്ന​ത്. എ​ന്നാ​ൽ ഇ​ത്ത​രം ആ​ശ്വാ​സ പ്ര​തി​ക​ര​ണ​ങ്ങ​ളി​ലൊ​ന്നും നാ​ട്ടു​കാ​രു​ടെ ഭ​യം അ​ക​റ്റാ​ൻ ക​ഴി​യാ​ത്ത അ​വ​സ്ഥ​യി​ലാ​ണ്. ഇ​ട​യ്ക്കി​ടെ മ​ഴ ഉ​ണ്ടാ​വു​ന്ന സ​മ​യ​ത്താ​ണ് പു​ലി​യു​ടെ കാ​ൽ​പ്പാ​ടു​ക​ൾ കാ​ണ​പ്പെ​ടു​ന്ന​ത്. തു​ട​ർ​ച്ച​യാ​യി തീ​റ്റ കി​ട്ടാ​തെ വ​ന്നാ​ൽ വൈ​കാ​തെ പു​ലി പ്ര​ദേ​ശ​വാ​സി​ക​ളെ അ​ക്ര​മി​ക്കു​മെ​ന്ന ഭീ​തി​യി​ലാ​ണ് നാ​ട്ടു​കാ​ർ.