മംഗ​ലം​ഡാം കു​ടി​വെ​ള്ളപ​ദ്ധ​തി​യു​ടെ പൈ​പ്പി​ട​ൽ: റോ​ഡു​ക​ൾ ത​ക​ർ​ന്നു, വെള്ളവുമില്ല
Saturday, May 25, 2024 1:31 AM IST
വ​ട​ക്ക​ഞ്ചേ​രി: മം​ഗ​ലം​ഡാം കു​ടി​വെ​ള്ള പ​ദ്ധ​തി​യു​ടെ പൈ​പ്പി​ടാ​നാ​യി ത​ല​ങ്ങും വി​ല​ങ്ങും റോ​ഡു​ക​ൾ വെ​ട്ടി​പ്പൊളി​ച്ച​ത് മ​ഴ തു​ട​ങ്ങി​യ​തോ​ടെ അ​പ​ക​ട​ക്കെണി​ക​ളാ​യി മാ​റി.

പൈ​പ്പു​ക​ളി​ട്ട നാ​ലു പ​ഞ്ചാ​യ​ത്തു​ക​ളിലെ​യും ഗ്രാ​മീ​ണ റോ​ഡു​ക​ൾ ഉ​ൾ​പ്പെ​ടെ എ​ല്ലാ റോ​ഡു​ക​ളും വ​ഴിന​ട​ക്കാ​ൻ പോ​ലും​പ​റ്റാ​ത്ത സ്ഥി​തി​യി​ലാ​യി. മ​ഴ​യ്ക്കു​മു​മ്പ് പ​ഞ്ചാ​യ​ത്ത് റോ​ഡു​ക​ളെ​ല്ലാം ടാ​റിം​ഗ്‌ ന​ട​ത്തു​മെ​ന്നു പ​റ​ഞ്ഞ​തും വെ​റു​തെ​യാ​യി.

ഫ​ണ്ടി​ല്ലെ​ന്നാ​ണ് കാ​ര​ണ​മാ​യി പ​റ​യു​ന്ന​ത്. ഈ ​മ​ഴ​ക്കാ​ലം എ​വി​ടെയും ദു​രി​ത​യാ​ത്ര​യാ​കും. കു​ടി​വെ​ള്ളപ​ദ്ധ​തി​യു​ടെ പൈ​പ്പി​ട​ൽ മാ​ത്ര​മേ ന​ട​ന്നു​ള്ളു. പ​ദ്ധ​തി ന​ട​പ്പി​ലാ​കു​മോ എ​ന്നു പോ​ലും ഉ​റ​പ്പി​ല്ല.

എ​ന്നാ​ൽ റോ​ഡു​ക​ളെ​ല്ലാം വെ​ട്ടി​പ്പൊ​ളി​ച്ചി​ട്ട​തു പ​ഞ്ചാ​യ​ത്തു​ക​ൾ​ക്കും പൊ​തു​മ​രാ​മ​ത്ത് വ​കു​പ്പി​നും വ​ലി​യ ബാ​ധ്യ​ത​യാ​യി മാ​റി.

ഇ​നി അ​ടു​ത്തൊ​ന്നും പൊ​തു തെ​ര​ഞ്ഞെ​ടു​പ്പി​ല്ലാ​ത്ത​തി​നാ​ൽ റോ​ഡ് ന​ന്നാ​ക്ക​ലും വൈ​കും. അ​ടു​ത്ത കാ​ല​ത്താ​യി ടാ​റിം​ഗ് ന​ട​ത്തി​യ റോ​ഡു​ക​ൾ ഉ​ൾ​പ്പെ​ടെ മി​ക്ക​വാ​റും റോ​ഡു​ക​ളും വെ​ട്ടി​പ്പൊ​ളി​ച്ചാ​ണ് പൈ​പ്പി​ട​ൽ ന​ട​ത്തി​യ​ത്.

ന​ന്നേ വീ​തികു​റ​ഞ്ഞ ഗ്രാ​മീ​ണറോ​ഡു​ക​ളു​ടെ സ്ഥി​തി​യാ​ണ് ഏ​റെ പ​രി​താ​പ​ക​ര​മാ​യി​ട്ടു​ള്ള​ത്. വ​ഴിന​ട​ക്കാ​നാ​കാ​ത്ത ദു​ര​വ​സ്ഥ​യി​ലാ​ണ് റോ​ഡു​ക​ൾ. ജെ​സി​ബിയു​ടെ സ​ഹാ​യ​ത്തോ​ടെ ചാ​ല് എ​ടു​ത്ത​പ്പോ​ൾ ബ​ല​ക്കു​റ​വു​ള്ള ടാ​റിം​ഗി​ൽ വി​ള്ള​ൽ രൂ​പ​പ്പെ​ട്ട് ശേ​ഷി​ച്ച ടാ​റിം​ഗും അ​ട​ർ​ന്നുനീ​ങ്ങി. പാ​ത​യോ​ര​ത്ത് ആ​ഴ​ത്തി​ലു​ള്ള ചാ​ല് നി​ർ​മി​ച്ച​തുമൂ​ലം പ​ല​യി​ട​ത്തും വാ​ഹ​ന​ങ്ങ​ൾ ക​ട​ന്നു​പോ​കാ​ൻ ക​ഴി​യാ​ത്ത സ്ഥി​തി​യി​ലാ​ണി​പ്പോ​ൾ. മ​ഴ​യി​ൽ ചാ​ലി​ൽ കു​ടു​ങ്ങി അ​പ​ക​ട​ങ്ങ​ളും പെ​രു​കു​ക​യാ​ണ്.

പൊ​തു​വെ മാ​ർ​ച്ച് മാ​സ​ത്തി​നുമു​മ്പ് പ​ഞ്ചാ​യ​ത്ത് റോ​ഡു​ക​ളെ​ല്ലാം റീ​ടാ​റിം​ഗ് ന​ട​ത്തി​യും റി​പ്പ​യ​ർ ചെ​യ്തും ഗ​താ​ഗ​ത യോ​ഗ്യ​മാ​ക്കാ​റു​ണ്ട്.

എ​ന്നാ​ൽ ക​ഴി​ഞ്ഞ ര​ണ്ടുവ​ർ​ഷ​മാ​യി എ​വി​ടെയും കാ​ര്യ​മാ​യ വ​ർ​ക്കു​ക​ൾ ന​ട​ന്നി​ല്ല. കി​ഴ​ക്ക​ഞ്ചേ​രി, വ​ട​ക്ക​ഞ്ചേ​രി, വ​ണ്ടാ​ഴി, ക​ണ്ണ​മ്പ്ര എ​ന്നീ നാ​ലു പ​ഞ്ചാ​യ​ത്തു​ക​ൾ​ക്കു കു​ടി​വെ​ള്ളം എ​ത്തി​ക്കു​ന്ന​താ​ണ് മം​ഗ​ലം​ഡാം കു​ടി​വെ​ള്ള പ​ദ്ധ​തി. മം​ഗ​ലം​ഡാ​മി​ലെ മ​ണ്ണുനീ​ക്കു​ന്ന പ്ര​വൃ​ത്തി​ക​ൾ നി​ല​ച്ചി​ട്ട് ര​ണ്ട് വ​ർ​ഷം ക​ഴി​ഞ്ഞു. മ​ണ്ണ് നീ​ക്കം ചെ​യ്ത് വെ​ള്ളം സം​ഭ​രി​ക്കാ​നാ​യാ​ൽമാ​ത്ര​മെ കു​ടി​വെ​ള്ള പ​ദ്ധ​തി​ക്കും വെ​ള്ള​മു​ണ്ടാ​കൂ.

അ​ത​ല്ലെ​ങ്കി​ൽ മ​ഴ​ക്കാ​ലമാ​സ​ങ്ങ​ളി​ൽമാ​ത്രം ജ​ലവി​ത​ര​ണം ന​ട​ത്തി വെ​ള്ള​ത്തി​നു കൂ​ടു​ത​ൽ ആ​വ​ശ്യം വ​രു​ന്ന വേ​ന​ൽമാ​സ​ങ്ങ​ളി​ൽ മ​റ്റു വ​ഴി​ക​ൾ തേ​ടേ​ണ്ട ഗ​തി​കേ​ട് വ​രും. പൈ​പ്പ് ചാ​ലു​ക​ൾ അ​പ​ക​ട​ക്കെ​ണി​യാ​കാ​തി​രി​ക്കാ​ൻ അ​ടി​യ​ന്ത​ര ന​ട​പ​ടി സ്വീ​ക​രി​ക്ക​ണ​മെ​ന്ന് വ​ണ്ടാ​ഴി പ​ഞ്ചാ​യ​ത്ത് ഭ​ര​ണ​സ​മി​തി യോ​ഗ​ത്തി​ൽ കോ​ൺ​ഗ്ര​സ് മെം​ബ​ർ ഡി​നോ​യ് കോ​മ്പാ​റ ആ​വ​ശ്യ​പ്പെ​ട്ടു.