ഇനിയും നെ​ല്ല് സം​ഭ​ര​ണം തുടങ്ങാതെ സപ്ലൈകോ
Tuesday, February 27, 2024 6:10 AM IST
നെ​ന്മാ​റ: അ​യി​ലൂ​ർ, ക​യ്‌​പ്പ​ഞ്ചേ​രി, തി​രു​വ​ഴി​യാ​ട് പാ​ട​ശേ​ഖ​ര​ങ്ങ​ളി​ൽ കൊ​യ്ത്ത് തു​ട​ങ്ങി​യെ​ങ്കി​ലും സ​പ്ലൈ​കോ നെ​ല്ല് സം​ഭ​ര​ണം തു​ട​ങ്ങാ​നാ​കാ​ത്ത​ത് ക​ർ​ഷ​ക​രെ ഏ​റെ വ​ല​ച്ചി​രി​ക്കു​ക​യാ​ണ്. അ​ന്യ​സം​സ്ഥാ​ന​ങ്ങ​ളി​ൽ നി​ന്നും വ​ന്നെ​ത്തി​യ കൊ​യ്ത്തു​ യ​ന്ത്ര​മു​പ​യോ​ഗി​ച്ച് കൊ​യ്തെ​ടു​ക്കു​ന്ന തി​ര​ക്കി​ലാ​ണ് ക​ർ​ഷ​ക​ർ. കൊ​യ്ത്ത് യ​ന്ത്ര​ങ്ങ​ളു​ടെ വാ​ട​ക​യി​ൽ ഏ​കീ​ക​ര​ണ​മാ​യാ​ണ് ന​ട​ക്കു​ന്ന​തി​ൽ ക​ർ​ഷ​ക​ർ​ക്ക് ആ​ശ്വാ​സ​മാ​യി. ഇ​ത്ത​വ​ണ ചെ​ളി​യി​ൽ ഇ​റ​ങ്ങു​ന്ന ചെ​യിൻ ഘ​ടി​പ്പി​ച്ച കൊ​യ്ത്ത് യ​ന്ത്ര​ത്തി​ന് 2400 രൂ​പ​യും ട​യ​റു​ള്ള കൊ​യ​്ത്ത് യ​ന്ത്ര​ത്തി​ന് 1800 രൂ​പ​യു​മാ​ണ് വാ​ങ്ങു​ന്ന​ത്. പോ​ത്തു​ണ്ടി ക​നാ​ലി​ലൂ​ടെ​യു​ള്ള വെ​ള്ള​ത്തി​ന്‍റെ ഒ​ഴു​ക്കു ദി​വ​സ​ങ്ങ​ൾ​ക്കു മു​മ്പു നി​ർ​ത്തി​യെ​ങ്കി​ലും പാ​ട​ശേ​ഖ​ര​ങ്ങ​ളി​ൽ വെ​ള്ള​മു​ള്ള​തി​നാ​ൽ ചെ​യി​ൻ ഘ​ടി​പ്പി​ച്ച കൊ​യ​ത്ത് യ​ന്ത്ര​മാ​ണ് ഉ​പ​യോ​ഗി​യ്ക്കു​ന്ന​ത്. വ​യ്ക്കോ​ൽ ചെ​ളി​യി​ൽ താ​ഴ്ന്ന് നാ​ശ​മാ​കു​ന്ന​തി​ൽ വ​യ്ക്കോ​ലി​നു വി​ല കി​ട്ടി​ല്ലെ​ന്ന​തും ക​ർ​ഷ​ക​രെ നി​രാ​ശ​രാ​ക്കി.


ചെ​ളി​യി​ല്ലാ​ത്ത കൊ​യ്തെ​ടു​ത്ത പാ​ട​ശേ​ഖ​ര​ങ്ങ​ളി​ൽ വ​യ്ക്കോ​ൽ യ​ന്ത്ര​മു​പ​യോ​ഗി​ച്ച് റോ​ളു​ക​ളാ​യി കെ​ട്ടി​യെ​ടു​ക്കു​ന്ന ക​ർ​ഷ​ക​രും ഉ​ണ്ട്. വ​യ്ക്കോ​ലി​ന് ഇ​ത്ത​വ​ണ ആ​വ​ശ്യ​ക്കാ​ർ കു​റ​വാ​ണെ​ന്നും ആ​യ​തി​നാ​ൽ ന​ല്ല വി​ല ല​ഭി​ക്കു​ന്നി​ല്ലാ​യെ​ന്നും ക​ർ​ഷ​ക​ർ പ​രാ​തി​പ്പെ​ട്ടു. വ​യ്ക്കോ​ൽ വി​ല കൊ​യ്ത്തി​ന്‍റെ ചി​ല​വി​ന​ത്തി​ന് സ​ഹാ​യ​മാ​കു​മാ​യി​രു​ന്നെ​ങ്കി​ലും ആ​വ​ശ്യ​ക്കാ​ർ കു​റ​വാ​യ​തി​നാ​ൽ ക​ർ​ഷ​ക​ർ ആ​ശ​ങ്ക​യി​ലാ​ണ്. സ​ർ​ക്കാ​ർ നെ​ല്ല് സം​ഭ​ര​ണം വേ​ഗ​ത്തി​ലാ​ക്കു​മെ​ന്ന പ്ര​തീ​ക്ഷ​യി​ലാ​ണ് ക​ർ​ഷ​ക​ർ.

ഇ​ന്നേ​വ​രെ സം​ഭ​ര​ണ​ത്തെ സം​ബ​ന്ധി​ച്ച് വ്യ​ക്ത​ത​ക​ളൊ​ന്നു​മാ​യി​ല്ല. കൊ​യ്ത നെ​ല്ല് ക​ള​പ്പു​ര​ക​ളി​ൽ ശേ​ഖ​രി​ച്ചെ​ങ്കി​ലും സ്വ​കാ​ര്യ മി​ല്ലു​കാ​ർ​ക്ക് നെ​ല്ല​ള​ക്കു​ന്ന​തി​നും ക​ർ​ഷ​ക​ർ ത​യ്യാ​റാ​കു​ക​യാ​ണ്. ചെ​റു​കി​ട ക​ർ​ഷ​ക​ർ​ക്ക് നെ​ല്ല് സൂ​ക്ഷി​ക്കു​വാ​നു​ള്ള സൗ​ക​ര്യ​ങ്ങ​ളി​ല്ലാ​ത്ത​തി​നാ​ൽ ഈ ​അ​വ​സ​രം സ്വ​കാ​ര്യ മി​ല്ലു​കാ​ർ മു​ത​ലെ​ടു​ക്കു​ന്ന​താ​യും ക​ർ​ഷ​ക​ർ പ​റ​യു​ന്നു.

Copyright @ 2022 , Rashtra Deepika Ltd.