വ​ട​ക്ക​ഞ്ചേ​രി: പാ​ല​ക്കു​ഴി മ​ല​യോ​ര​വാ​സി​ക​ളു​ടെ സ്വ​പ്ന പ​ദ്ധ​തി​യാ​യ തി​ണ്ടി​ല്ലം മി​നി ജ​ല​വൈ​ദ്യു​ത പ​ദ്ധ​തി​യു​ടെ ശേ​ഷി​ച്ച നി​ർ​മാ​ണ പ്ര​വൃ​ത്തി​ക​ൾ​ക്ക് ഇ​ന്ന​ലെ തു​ട​ക്കം കു​റി​ച്ചു. ജി​ല്ലാ പ​ഞ്ചാ​യ​ത്ത് മെ​ംബർ അ​നി​ത പോ​ൾ​സ​ൺ പ​വ​ർ​ഹൗ​സ് കെ​ട്ടി​ട​ത്തി​നു​ള്ള പി​ല്ല​റി​ന്‍റെ ശി​ലാ​സ്ഥാ​പ​നം ന​ട​ത്തി ഉ​ദ്ഘാ​ട​നം ചെ​യ്തു.​

പ​ഞ്ചാ​യ​ത്ത് വൈ​സ് പ്ര​സി​ഡന്‍റ് രാ​ധാ​കൃ​ഷ്ണ​ൻ, മെ​ംബർ പോ​പ്പി ജോ​ൺ, പ​ദ്ധ​തി ന​ട​പ്പി​ലാ​ക്കു​ന്ന ജി​ല്ലാ പ​ഞ്ചാ​യ​ത്തി​ന്‍റെ പാ​ല​ക്കാ​ട് സ്മോ​ൾ ഹൈ​ഡ്രോ ക​മ്പ​നി ചീ​ഫ് എ​ൻ​ജി​നീ​യ​റും കെ​എ​സ്ഇ​ബി റി​ട്ട. ചീ​ഫ് എ​ൻ​ജി​നീ​യ​റു​മാ​യ പ്ര​സാ​ദ് മാ​ത്യു, സ്റ്റേ​ഷ​ൻ എ​ൻ​ജി​നീ​യ​ർ ഷാ​രോ​ൺ സാം, ​സി​വി​ൽ എ​ൻ​ജി​നീ​യ​ർ ബേ​സി​ൽ ബേ​ബി, ക​രാ​ർ ക​മ്പ​നി പ്ര​തി​നി​ധി​ക​ൾ തു​ട​ങ്ങി​യ​വ​ർ പ​ങ്കെ​ടു​ത്തു. പ​വ​ർ​ഹൗ​സി​നാ​യു​ള്ള കെ​ട്ടി​ട നി​ർ​മാ​ണ​വും മ​റ്റു സി​വി​ൽ വ​ർ​ക്കു​ക​ളും പെ​ൻ​സ്റ്റോ​ക്ക് പൈ​പ്പു​ക​ൾ സ്ഥാ​പി​ക്ക​ലു​മാ​ണ് പു​തി​യ ക​രാ​ർ ക​മ്പ​നി​യാ​യ എ​റ​ണാ​കു​ളം ഇ​ട​പ്പ​ള്ളി​യി​ലെ പാ​ൻ പ​സ​ഫി​ക് എ​ന്ന ക​മ്പ​നി​ക്ക് ചെ​യ്യാ​നു​ള്ള​ത്.

ഒ​രു വ​ർ​ഷ​ത്തി​നു​ള്ളി​ൽ ഈ ​വ​ർ​ക്കു​ക​ൾ പൂ​ർ​ത്തി​യാ​കു​മെ​ന്ന് ചീ​ഫ് എ​ൻ​ജി​നീ​യ​ർ പ്ര​സാ​ദ് മാ​ത്യു, സ്റ്റേ​ഷ​ൻ എ​ൻ​ജി​നീ​യ​ർ ഷാ​രോ​ൺ സാം ​എ​ന്നി​വ​ർ പ​റ​ഞ്ഞു. 4. 48 കോ​ടി രൂ​പ​യാ​ണ് ഇ​തി​നാ​യി ക​രാ​ർ ക​മ്പ​നി​ക്ക് അ​നു​വ​ദി​ക്കു​ക.​ പാ​ല​ക്കു​ഴി അ​ഞ്ചു​മു​ക്കി​ലെ ത​ട​യ​ണ​യി​ൽ നി​ന്നും 294 മീ​റ്റ​ർ ദൂ​ര​ത്തി​ൽ ലൊ ​പ്ര​ഷ​ർ പൈ​പ്പും തു​ട​ർ​ന്ന് പ​വ​ർ​ഹൗ​സ് വ​രെ​യു​ള്ള 438 മീ​റ്റ​ർ ദൂ​ര​ത്തി​ൽ ഹൈ ​പ്ര​ഷ​ർ പെ​ൻ​സ്റ്റോ​ക്ക് പൈ​പ്പു​ക​ളു​മാ​ണ് സ്ഥാ​പി​ക്കു​ന്ന​ത്. 60 സെ​ന്‍റീമീ​റ്റ​ർ വ്യാ​സം വ​രു​ന്ന​താ​ണ് ഈ ​പൈ​പ്പു​ക​ൾ. പെ​ൻ​സ്റ്റോ​ക്ക് പൈ​പ്പ് പ​വ​ർ​ഹൗ​സി​ന​ടു​ത്തെ​ത്തു​മ്പോ​ൾ ര​ണ്ടാ​യി തി​രി​ച്ച് 500 കി​ലോ​വാ​ട്ടി​ന്‍റെ ര​ണ്ട് ജ​ന​റേ​റ്റ​റു​ക​ൾ പ്ര​വ​ർ​ത്തി​പ്പി​ച്ചാ​ണ് വൈ​ദ്യു​തി ഉ​ല്പാ​ദ​നം ന​ട​ത്തു​ക.

വ​ർ​ഷ​ത്തി​ൽ 3.78 മി​ല്ല്യ​ൺ യൂ​ണി​റ്റ് വൈ​ദ്യു​തി ഉ​ത്പാ​ദ​ന​മാ​ണ് ല​ക്ഷ്യം വ​ച്ചി​ട്ടു​ള്ള​ത്. ത​ട​യ​ണ​യി​ൽ നി​ന്നും പ​വ​ർ​ഹൗ​സി​ലേ​ക്ക് പെ​ൻ​സ്റ്റോ​ക്ക് പൈ​പ്പു​ക​ൾ സ്ഥാ​പി​ക്കു​ന്ന ഭാ​ഗ​ത്തെ എ​ഴു​പ​തോ​ളം മ​ര​ങ്ങ​ൾ മു​റി​ച്ചു മാ​റ്റേ​ണ്ട​തു​ണ്ട്. വ​ന പ്ര​ദേ​ശ​മാ​യ​തി​നാ​ൽ വ​നം വകു​പ്പാ​ണ് ഇ​ത് ചെ​യ്യേ​ണ്ട​ത്. ഇ​വി​ടെ മ​ര​ങ്ങ​ൾ മു​റി​ക്കു​ന്ന​തി​ന് പ​ക​ര​മാ​യി മ​റ്റൊ​രി​ട​ത്ത് മ​ര​ങ്ങ​ൾ വ​ച്ചു​പി​ടി​പ്പി​ക്കു​ന്ന​തി​ന് 37 ല​ക്ഷം രൂ​പ​യും ജി​ല്ലാ പ​ഞ്ചാ​യ​ത്തി​ന്‍റെ ഹൈ​ഡ്രോ ക​മ്പ​നി കെ​ട്ടി​വ​ച്ചി​ട്ടു​ണ്ടെ​ന്നും അ​ധി​കൃ​ത​ർ പ​റ​ഞ്ഞു.

വെ​ള്ള​ച്ചാ​ട്ട​ത്തി​നു താ​ഴെ കൊ​ന്ന​ക്ക​ൽ​ക​ട​വി​ലാ​ണ് പ​വ​ർ​ഹൗ​സി​ന്‍റെ നി​ർ​മാ​ണം ന​ട​ക്കു​ന്ന​ത്. ഉ​ത്പാ​ദി​പ്പി​ക്കു​ന്ന വൈ​ദ്യു​തി കെ​എ​സ്ഇ​ബി ക്ക് ​കൈ​മാ​റും. ജൂ​ൺ​മാ​സം മു​ത​ൽ ഏ​ഴു​മാ​സ കാ​ല​മാ​ണ് വൈ​ദ്യു​തി ഉ​ത്പാ​ദ​നം ന​ട​ക്കു​ക. തു​ട​ർ​ന്നു​ള്ള മാ​സ​ങ്ങ​ളി​ൽ ജ​ല ല​ഭ്യ​ത​ക്ക​നു​സ​രി​ച്ചാ​കും ഉ​ത്പാ​ദ​നം.

അ​തേ സ​മ​യം, ജി​ല്ലാ പ​ഞ്ചാ​യ​ത്തി​ന്‍റെ മൂ​ന്നാ​മ​ത്തെ മി​നി ജ​ല​വൈ​ദ്യു​ത പ​ദ്ധ​തി​യാ​യി പാ​ല​ക്ക​യം വട്ടപ്പാറ വെ​ള്ള​ച്ചാ​ട്ടം പ്ര​യോ​ജ​ന​പ്പെ​ടു​ത്തു​മെ​ന്ന് ചീ​ഫ് എ​ൻ​ജി​നീ​യ​ർ പ്ര​സാ​ദ് മാ​ത്യു പ​റ​ഞ്ഞു.