ഒറ്റ​പ്പാ​ലം:​ വി​മാ​ന ക​മ്പ​നി​ക്കാ​രെ കൊ​ണ്ട് മാ​പ്പും പ​റ​യി​ച്ച് ന​ഷ്ട​പ​രി​ഹാ​ര​വും വാ​ങ്ങി ഒ​റ്റ​പ്പാ​ലം സ്വ​ദേ​ശി രാ​ജ​ൻ. 2015 മെ​യ് മാ​സ​ത്തി​ലാ​ണ് ഇ​ത് സം​ബ​ന്ധി​ച്ച സം​ഭ​വ​ങ്ങ​ളു​ടെ തു​ട​ക്കം. ദു​ബാ​യ് സ​ന്ദ​ർ​ശ​നം ക​ഴി​ഞ്ഞു മ​ട​ങ്ങു​ന്ന​തി​നി​ടെ​യാ​ണ് രാ​ജ​നും കു​ടും​ബ​ത്തി​നും വ​ലി​യ വി​ഷ​മ​മു​ണ്ടാ​ക്കി​യ സം​ഭ​വം ന​ട​ന്ന​ത്.

ചെ​ന്നൈ​യി​ൽ എ​ക്സ്പോ​ർ​ട്ടി​ംഗ് സ്ഥാ​പ​നം ന​ട​ത്തി വ​രു​ന്ന പു​ലാ​പ്പ​റ്റ​ശേരി ക​രി​വീ​ട്ടി​ൽ രാ​ജ​നെ​യും കു​ടും​ബ​ത്തെ​യും സ്വ​കാ​ര്യ വി​മാ​ന ക​മ്പനി ടി​ക്ക​റ്റി​ല്ലെ​ന്ന കാ​ര​ണം നി​ര​ത്തി ബു​ദ്ധി​മു​ട്ടി​ക്കു​ക​യാ​യി​രു​ന്നു.

രാ​ജ​നും കു​ടും​ബാം​ഗ​ങ്ങ​ളും ഉ​ൾ​പ്പെ​ട്ട സം​ഘം അ​ഞ്ചു ദി​വ​സ​ത്തെ ഹോ​ളി​ഡേ ട്രി​പ്പി​നു പോ​യ​താ​യി​രു​ന്നു. ദു​ബാ​യി​യും അ​ബു​ദാ​ബി​യും സ​ന്ദ​ർ​ശി​ച്ച് മേ​യ് 30നു ​ചെ​ന്നൈ​യി​ലേ​ക്കു മ​ട​ക്ക​യാ​ത്ര​യ്ക്ക് ദു​ബാ​യ് എ​യ​ർ​പോ​ർ​ട്ടി​ൽ എ​ത്തി​യ​പ്പോ​ൾ, രാ​ജ​ന്‍റേ​യും മ​ക​ൻ ര​ഞ്ജി​ത്തിന്‍റേ​യും പേ​രു​ക​ൾ കന്പ്യൂട്ട​ർ സം​വി​ധാ​ന​ത്തി​ലും എ​മി​ഗ്രേ​ഷ​ൻ സി​സ്റ്റ​ത്തി​ലും കാ​ണു​ന്നി​ല്ലെ​ന്നും ഇ​വ​രു​ടെ പേ​രി​ൽ ടി​ക്ക​റ്റി​ല്ലെ​ന്നും പ​റ​ഞ്ഞ് 4 മ​ണി​ക്കൂ​റോ​ള​മാ​ണ് ഇ​വ​രെ മാ​ന​സി​ക​മാ​യി പ്ര​യാ​സ​പ്പെ​ടു​ത്തി​യ​ത്. മ​ല​യാ​ളി​യാ​യ ക​സ്റ്റം​സ് ഓ​ഫീസ​ർ ഇ​ട​പെ​ട്ടാ​ണു വി​മാ​നം പ​റ​ന്നു​യ​രാ​ൻ നി​മി​ഷ​ങ്ങ​ൾ മാ​ത്രം ശേ​ഷി​ക്കെ ഇ​വ​ർ​ക്കു ബോ​ർ​ഡി​ംഗ് പാ​സ് ല​ഭി​ച്ച​ത്. ചെ​ന്നൈ​യി​ലെ ട്രാ​വ​ൽ ഏ​ജ​ൻ​സി മു​ഖേ​ന​യാ​ണ് ദു​ബാ​യ്ക്കും തി​രി​ച്ചു​മു​ള്ള ടി​ക്ക​റ്റു​ക​ൾ എ​ടു​ത്തി​രു​ന്ന​ത്.

ചെ​ന്നൈ​യി​ൽ തി​രി​ച്ചെ​ത്തി​യ രാ​ജ​ൻ അ​ഭി​ഭാ​ഷ​ക​ൻ മു​ഖേ​ന വി​മാ​ന​ക്ക​മ്പ​നി​ക്കു പ​രാ​തി അ​യ​ച്ചു. മ​റു​പ​ടി​യാ​യി സ്വ​കാ​ര്യ വി​മാ​ന സ​ർ​വീ​സ് ക​മ്പ​നി മാ​പ്പു പ​റ​ഞ്ഞു ക​ത്ത​യ​ച്ചു. ഇ​നി യാ​ത്ര ചെ​യ്യു​ന്നു​ണ്ടെ​ങ്കി​ൽ വി​ൻ​ഡോ സീ​റ്റും സൗ​ജ​ന്യ ഭ​ക്ഷ​ണ​വും അ​നു​വ​ദി​ക്കാ​മെ​ന്ന വാ​ഗ്ദാ​ന​വും ന​ൽ​കി.​ ചെ​ന്നൈ​യി​ലെ ഉ​പ​ഭോ​ക്തൃ കോ​ട​തി​യെ സ​മീ​പി​ച്ചി​രു​ന്ന രാ​ജ​ന് 21,500 രൂ​പ ന​ഷ്ട​പ​രി​ഹാ​രം വി​മാ​ന ക​മ്പ​നി​ക്ക് ന​ൽ​കേ​ണ്ടി​വ​ന്നു.