മൂ​വാ​റ്റു​പു​ഴ: ഫി​സി​യോ തെ​റാ​പ്പി​ക്ക് എ​ത്തി​യ പ്ല​സ് ടു ​വി​ദ്യാ​ർ​ഥി​നി​യെ ലൈം​ഗി​ക അ​തി​ക്ര​മ​ത്തി​ന് ഇ​ര​യാ​ക്കി​യ യു​വാ​വി​ന് 30 വർഷം ത​ട​വും 40,000 രൂ​പ പി​ഴ​യും ശി​ക്ഷ വി​ധി​ച്ച് പോ​ക്സോ കോ​ട​തി. പു​ത്ത​ൻ​കു​രി​ശ് രാ​മ​ല്ലൂ​ർ കാ​ണി​നാ​ട് കൊ​ടി​യാ​ട്ട് വീ​ട്ടി​ൽ ര​ഞ്ജു കു​ര്യാ​ക്കോ​സി​നെ (31) യാ​ണ് മൂ​വാ​റ്റു​പു​ഴ പോ​ക്സോ കോ​ട​തി ജ​ഡ്ജി ജി. ​മ​ഹേ​ഷ് ശി​ക്ഷി​ച്ച​ത്. 2021 ഡി​സം​ബ​ർ 20നാ​ണ് കേ​സി​നാ​സ്പ​ദ​മാ​യ സം​ഭ​വം ന​ട​ന്ന​ത്.

വി​ദ്യാ​ർ​ഥി​നി​ക്ക് നി​ര​ന്ത​രം ന​ടു​വേ​ദ​ന അ​നു​ഭ​വ​പ്പെ​ട്ട​തി​നെ​തു​ട​ർ​ന്ന് ഡോ​ക്ട​റെ കാ​ണു​ക​യും എ​ക്സ്-​റേ പ​രി​ശോ​ധ​ന​യ്ക്കു​ശേ​ഷം ഫി​സി​യോ തെ​റാ​പ്പി ന​ട​ത്താ​ൻ ഡോ​ക്ട​ർ നി​ർ​ദേ​ശി​ച്ചി​രു​ന്നു. തു​ട​ർ​ന്ന് പു​ത്ത​ൻ​കു​രി​ശി​ൽ പ്ര​വ​ർ​ത്തി​ച്ചു​വ​ന്ന സ്വ​കാ​ര്യ പാ​ലി​യേ​റ്റീ​വ് കെ​യ​ർ സെ​ന്‍റ​റി​ൽ പെ​ൺ​കു​ട്ടി മാ​താ​വു​മാ​യി ഫി​സി​യോ തെ​റാ​പ്പി​ക്ക് എ​ത്തി.

പ​രി​ശോ​ധ​ന​യ്ക്കെ​ന്ന പേ​ര​ൽ പ്ര​തി പെ​ൺ​കു​ട്ടി​യു​ടെ ശ​രീ​ര ഭാ​ഗ​ങ്ങ​ളി​ൽ സ്പ​ർ​ശി​ക്കു​ക​യും തു​ട​ർ​ന്ന് ഫി​സി​യോ തെ​റാ​പ്പി​യു​ടെ മ​റ​വി​ൽ ലൈം​ഗി​ക​മാ​യി പീ​ഡി​പ്പി​ക്കു​ക​യു​മാ​യി​രു​ന്നു. ചി​കി​ത്സ ക​ഴി​ഞ്ഞ് പു​റ​ത്തി​റ​ങ്ങി​യ കു​ട്ടി​ക്ക് ശാ​രീ​രി​ക അ​സ്വ​സ്ഥ​ത​ക​ൾ ഉ​ണ്ടാ​യ​തി​നെ​തു​ട​ർ​ന്ന് മ​റ്റൊ​രു തെ​റാ​പ്പി​സ്റ്റ് സ​മീ​പി​ച്ച​പ്പോ​ഴാ​ണ് ലൈം​ഗി​ക അ​തി​ക്ര​മം ന​ട​ന്ന​താ​യി ക​ണ്ടെ​ത്തി​യ​ത്. ഇ​തോ​ടെ മാ​താ​പി​താ​ക്ക​ളോ​ടൊ​പ്പം പു​ത്ത​ൻ​കു​രി​ശ് പോ​ലീ​സ് സ്റ്റേ​ഷ​നി​ൽ എ​ത്തി പെ​ൺ​കു​ട്ടി മൊ​ഴി​ന​ൽ​കി.

തു​ട​ർ​ന്ന് വ​നി​ത പോ​ലീ​സ് ഉ​ദ്യോ​ഗ​സ്ഥ മി​നി അ​ഗ​സ്റ്റി​ൻ, എ​സ്ഐ ഏ​ലി​യാ​സ് പോ​ൾ എ​ന്നി​വ​രു​ടെ നേ​തൃ​ത്വ​ത്തി​ൽ അ​ന്വേ​ഷ​ണം ന​ട​ത്തി പ്ര​തി​യെ അ​റ​സ്റ്റ് ചെ​യ്തു. സ്റ്റേ​ഷ​ൻ ഹൗ​സ് ഓ​ഫീ​സ​ർ ആ​യി​രു​ന്ന ടി. ​ദി​ലീ​ഷാ​ണ് കോ​ട​തി​യി​ൽ കു​റ്റ​പ​ത്രം സ​മ​ർ​പ്പി​ച്ച​ത്.