മാ​ന്നാ​ര്‍: തു​ട​ര്‍​ച്ച​യാ​യി പെ​യ്ത മ​ഴ മൂ​ലം ചെ​ന്നി​ത്ത​ല നേ​ന്ത്ര​വേ​ലി പാ​ട​ശേ​ഖ​ര​ത്തി​ലെ 110 ഏ​ക്ക​റി​ലെ കൊ​യ്യാ​നി​രു​ന്ന നെ​ല്ലുമു​ങ്ങി, കൊ​യ്ത്ത് ഉ​പേ​ക്ഷി​ച്ച് ക​ര്‍​ഷ​ക​ര്‍. ക​ഴി​ഞ്ഞ പത്തു ദി​വ​സ​മാ​യി പെ​യ്ത മ​ഴ കാ​ര​ണ​മാ​ണ് നൂ​റു​മേ​നി വി​ള​വ് ല​ഭി​ച്ച നെ​ല്ലു പൂ​ര്‍​ണ​മാ​യും മു​ങ്ങി​യ​ത്. ഇ​വി​ട​ത്തെ 29 ക​ര്‍​ഷ​ക​രാ​ണ് ഇ​ക്കു​റി നേ​ന്ത്ര​വേ​ലി പാ​ട​ശേ​ഖ​ര​ത്തി​ല്‍ കൃ​ഷി​യി​റ​ക്കി​യ​ത്.

ചെ​ന്നി​ത്ത​ല തൃ​പ്പെ​രു​ന്തു​റ കൃ​ഷി​ഭ​വ​ന്‍റെ പ​രി​ധി​യി​ല്‍ വ​രു​ന്ന ചെ​ന്നി​ത്ത​ല 14 ാം ബ്ലോ​ക്ക് (നേ​ന്ത്ര​വേ​ലി) പാ​ട​ശേ​ഖ​ര​ത്തി​ലെ ബ​ണ്ടി​ന്‍റെ ബ​ല​ക്ഷ​യ​വും ത​ണ്ണീ​ര്‍​മു​ക്കം ബ​ണ്ട് തു​റ​ന്ന​തും പാ​ട​ത്തി​ല്‍ വെ​ള്ളം ക​യ​റാ​ന്‍ കാ​ര​ണ​മാ​യെ​ന്നു ക​ര്‍​ഷ​ക​ര്‍ പ​റ​ഞ്ഞു. പു​റം ബ​ണ്ടി​ന്‍റെ ബ​ല​ക്ഷ​യം കാ​ര​ണം നേ​രി​യ തോ​തി​ല്‍ ആ​ദ്യം വെ​ള്ളം ക​യ​റി.

സ്ഥി​തി രൂ​ക്ഷ​മാ​യ​പ്പോ​ള്‍ പാ​ട​ശേ​ഖ​ര​സ​മി​തി​യു​ടെ നേ​തൃ​ത്വ​ത്തി​ല്‍ പ​മ്പി​ംഗ് ന​ട​ത്തി​യെ​ങ്കി​ലും ശ​ക്ത​മാ​യ മ​ഴ കാ​ര​ണം പ​മ്പിംഗ് വി​ജ​യം ക​ണ്ടി​ല്ല. ഇ​ത്ര​യും വെ​ള്ളം പൂ​ര്‍​ണ​മാ​യി വ​റ്റി​യാ​ല്‍ പോ​ലും കൊ​യ്ത്ത് യ​ന്ത്രം ഇ​റ​ക്കാ​ന്‍ ക​ഴി​യി​ല്ലെ​ന്നും അ​തി​നാ​ല്‍ കൊ​യ്ത്ത് ഉ​പേ​ക്ഷി​ക്കു​ക​യാ​ണെ​ന്നും പാ​ട​ശേ​ഖ​ര സ​മി​തി അ​റി​യി​ച്ചു.