പെരുന്നാളിന് കൊടിയേറി
1431158
Sunday, June 23, 2024 10:54 PM IST
മാന്നാർ: പരുമല സെമിനാരിയുടെ കാവൽ പിതാക്കന്മാരായ പരിശുദ്ധ പത്രോസ് പൗലോസ് ശ്ലീഹന്മാരുടെ ഓർമപ്പെരുനാളിനു കൊടിയേറി. പരുമല സെമിനാരി മാനേജർ കെ.വി. പോൾ റമ്പാൻ കൊടിയേറ്റുകർമം നിർവഹിച്ചു. പരുമല ആശുപത്രി സിഇഒ ഫാ. എം.സി. പൗലോസ്, പരുമല സെമിനാരി അസി. മാനേജർ ജെ. മാത്തുക്കുട്ടി ഫാ. എൽദോസ് ഏലിയാസ്, പരുമല സെമിനാരി കൗൺസിൽ അംഗങ്ങൾ എന്നിവർ കൊടിയേറ്റുചടങ്ങിൽ പങ്കെടുത്തു.
28ന് വൈകുന്നേരം ആറിനു സന്ധ്യനമസ്കാരം, ഏഴിനു വചനശുശ്രൂഷ റവ. ഡോ. നൈനാൻ വി. ജോർജ്, എട്ടിന് റാസ, 8.30ന് ശ്ലൈഹീക വാഴ്വ്. 29ന് രാവിലെ എട്ടിന് മലങ്കര സഭ പരമാധ്യക്ഷൻ പരിശുദ്ധ ബസേലിയോസ് മാർത്തോമാ മാത്യൂസ് തൃതീയൻ കാതോലിക്കാ ബാവ വിശുദ്ധ കുർബാനയ്ക്ക് പ്രധാന കാർമികത്വം വഹിക്കും. തുടർന്ന് പ്രദക്ഷിണം, ധൂപപ്രാർഥന, ആശീർവാദം, നേർച്ചവിളമ്പ് എന്നിവയോടെ പെരുന്നാൾ ചടങ്ങുകൾ സമാപിക്കും.