ഒ​ടു​വി​ൽ അ​ധി​കൃ​ത​ർ ക​ണ്ണുതു​റ​ന്നു; ആ​ൽ​മ​ര​ത്തി​ൽ ക​ത്തിവീ​ണു
Tuesday, June 25, 2024 10:46 PM IST
മാ​ങ്കാം​കു​ഴി: റോ​ഡ​രു​കി​ൽ അ​പ​ക​ട​ഭീ​ഷ​ണി ഉ​യ​ർ​ത്തി​യ ആ​ൽ​മ​ര​ത്തി​ന്‍റെ ശി​ഖ​ര​ങ്ങ​ൾ ഒ​ടു​വി​ൽ മു​റി​ച്ചു​മാ​റ്റി. വെ​ട്ടി​യാ​ർ വി​ല്ലേ​ജ് ഓ​ഫീ​സി​നു സ​മീ​പം മാ​ങ്കാം​കു​ഴി കോ​ട്ട​മു​ക്ക് ജം​ഗ്‌​ഷ​നി​ലെ ആ​ൽ​മ​ര​ത്തി​ന്‍റെ ശി​ഖ​ര​ങ്ങ​ളാ​ണ് കൊ​ല്ലം -തേ​നി ദേ​ശീ​യ​പാ​ത അ​ഥോ​റി​റ്റി​യു​ടെ നി​ർ​ദ്ദേ​ശ​ത്തെത്തുട​ർ​ന്ന് മു​റി​ച്ചു​മാ​റ്റി​യ​ത്. നാ​ട്ടു​കാ​രു​ടെ പ്ര​തി​ഷേ​ധ​വും സ​മീ​പവാ​സി​ക​ൾ ദേ​ശീ​യ​പാ​ത അ​ഥോ​റി​റ്റി​ക്ക് ന​ൽ​കി​യ പ​രാ​തി​യും ക​ണ​ക്കി​ലെ​ടു​ത്താ​ണ് ന​ട​പ​ടി. ക​ഴി​ഞ്ഞദി​വ​സം ശ​ക്ത​മാ​യ കാ​റ്റി​ൽ ആ​ൽ​മ​രം ഒ​ടി​ഞ്ഞു വീ​ഴാ​റാ​യ നി​ല​യി​ൽ ശി​ഖ​ര​ങ്ങ​ൾ റോ​ഡി​ലേ​ക്ക് ചാ​ഞ്ഞി​രു​ന്നു.

ഉ​ട​ൻത​ന്നെ നാ​ട്ടു​കാ​രും സ​മീ​പ​വാ​സി​ക​ളും മാ​വേ​ലി​ക്ക​ര അ​ഗ്നി​ര​ക്ഷാ​സേ​ന​യെ വി​വ​രം അ​റി​യി​ച്ചെ​ങ്കി​ലും വീ​ഴാ​ത്ത മ​രം വെ​ട്ടി​മാ​റ്റാ​ൻ അ​ഗ്നി​ര​ക്ഷാ​സേ​ന​യ്ക്ക് അ​ധി​കാ​ര​മി​ല്ല​ന്ന് ചൂ​ണ്ടി​ക്കാ​ട്ടി അ​വ​ർ മ​ട​ങ്ങി. സ​മീ​പ വാ​സി​ക​ൾ പ​ഞ്ചാ​യ​ത്തി​ൽ പ​രാ​തി ന​ൽ​കി​യെ​ങ്കി​ലും ന​ട​പ​ടി സ്വീ​ക​രി​ക്കേ​ണ്ട​ത് കൊ​ല്ലം -തേ​നി ദേ​ശീ​യ​പാ​ത അ​ഥോ​റി​റ്റി​യാ​ണെ​ന്ന് പ​ഞ്ചാ​യ​ത്തും മ​റു​പ​ടി ന​ൽ​കി. ഇ​തേതു​ട​ർ​ന്ന് അ​പ​ക​ട ഭീ​ഷ​ണി​യാ​യി മാ​റി​യ മ​രം വെ​ട്ടി​മാ​റ്റാ​ൻ ന​ട​പ​ടി സ്വീ​ക​രി​ക്ക​ണ​മെ​ന്ന ആ​വ​ശ്യ​വു​മാ​യി സ​മീ​പവാ​സി​ക​ൾ കൊ​ല്ലം -തേ​നി ദേ​ശീ​യ​പാ​ത അ​ഥോ​റി​റ്റി​യെ സ​മീ​പി​ക്കു​ക​യാ​യി​രു​ന്നു.