വിദ്യാശ്രേഷ്ഠ പുരസ്കാര വിതരണം
1431161
Sunday, June 23, 2024 10:54 PM IST
കായംകുളം: നഗരസഭയുടെ നേതൃത്വത്തിൽ നഗരസഭ അതിർത്തിയിൽ എസ്എസ്എൽസി, പ്ലസ്ടു പരീക്ഷകളിൽ മുഴുവൻ വിഷയങ്ങൾക്കും എ പ്ലസ് നേടിയ വിദ്യാർഥികളെയും മറ്റു മേഖലകളിൽ ഉന്നത വിജയം കരസ്ഥമാക്കിയവരെയും വിദ്യാശ്രേഷ്ഠ പുരസ്കാരം നൽകി ആദരിച്ചു.
കൃഷിവകുപ്പു മന്ത്രി പി. പ്രസാദ് പുരസ്കാര വിതരണം ഉദ്ഘാടനം ചെയ്തു. യു. പ്രതിഭ എംഎൽഎ അധ്യക്ഷയായി.
നഗരസഭ ചെയർപേഴ്സൺ പി. ശശികല, വൈസ് ചെയര്മാൻ ജെ.ആദർശ്, സ്റ്റാൻഡിംഗ് കമ്മിറ്റി ചെയർമാന്മാരായ ഷാമില അനിമോൻ, മായാദേവി, എസ്. കേശുനാഥ് തുടങ്ങിയവർ പ്രസംഗിച്ചു.