കാഞ്ഞങ്ങാട്: ജലക്ഷാമം അതിരൂക്ഷമായ മേലാങ്കോട്ട് എ.സി. കണ്ണന് സ്മാരക ഗവ.യുപി സ്കൂളില് ജൈവ പച്ചക്കറിക്കൃഷിയ്ക്കായി വിദ്യാലയത്തിന് കിഴക്കുഭാഗത്തുള്ള വയലിനെയാണ് ആശ്രയിച്ചത്. കഴിഞ്ഞ മൂന്നു മാസക്കാലമായി ഉച്ചഭക്ഷണത്തിന് വിദ്യാലയത്തിലെ പച്ചക്കറി ഉപയോഗിക്കുന്നു. സോഷ്യല് സര്വീസ് സ്കീം, പരിസ്ഥിതി ക്ലബ്, മദര് പിടിഎ അംഗങ്ങള് എന്നിവരുടെ നേതൃത്വത്തിലാണ് പച്ചക്കറി കൃഷി ചെയ്തത്.
ചീര, വെണ്ട, വഴുതിന, മത്തന്, വെള്ളരി, കുമ്പളം, പയര്, പാവല്, പടവലം തുടങ്ങി പതിനഞ്ചിലധികം വിഭവങ്ങളാണ് കൃഷി ചെയ്തുവന്നത്. വിഷരഹിത ജൈവ പച്ചക്കറിക്കൃഷിയുടെ അവസാന വിളവെടുപ്പ് പൂര്ത്തിയയി. 80 കിലോ പച്ചക്കറിയാണ് ഇന്നലെ വിളവെടുത്തത്. മുഖ്യാധ്യാപകന് കെ. അനില്കുമാര്, പിടിഎ പ്രസിഡന്റ് ജി. ജയന്, എംപിടിഎ പ്രസിഡന്റ് ഇ. മഞ്ജു, പി. സ്വപ്ന, കെ.വി. വനജ, പി. ശ്രീകല എന്നിവര് നേതൃത്വം നല്കി.