പൂ​ർ​ണ​തോ​തി​ൽ ല​ക്ഷ്യം നേ​ടാ​നാ​കാ​തെ പാ​ലാ​യി റ​ഗു​ലേ​റ്റ​ർ കം ​ബ്രി​ഡ്ജ് പ​ദ്ധ​തി
Tuesday, March 26, 2024 7:38 AM IST
നീ​ലേ​ശ്വ​രം: 65 കോ​ടി രൂ​പ ചെ​ല​വി​ൽ പൂ​ർ​ത്തി​യാ​ക്കി​യ പാ​ലാ​യി റ​ഗു​ലേ​റ്റ​ർ കം ​ബ്രി​ഡ്ജ് 2021 ഡി​സം​ബ​ർ 26 നാ​ണ് മു​ഖ്യ​മ​ന്ത്രി പി​ണ​റാ​യി വി​ജ​യ​ൻ ഉ​ദ്ഘാ​ട​നം ചെ​യ്ത​ത്.

വേ​ലി​യേ​റ്റ​സ​മ​യ​ത്ത് തേ​ജ​സ്വി​നി പു​ഴ​യി​ൽ കാ​ക്ക​ട​വ് വ​രെ​യു​ള്ള ഭാ​ഗ​ത്തേ​ക്ക് ഉ​പ്പു​വെ​ള്ളം ക​യ​റു​ന്ന​തി​നെ പ്ര​തി​രോ​ധി​ക്കു​ക​യും നീ​ലേ​ശ്വ​രം ന​ഗ​ര​സ​ഭ​യ്ക്കും സ​മീ​പ പ​ഞ്ചാ​യ​ത്തു​ക​ൾ​ക്കു​മാ​യി വി​പു​ല​മാ​യ ജ​ല​സേ​ച​ന, കു​ടി​വെ​ള്ള പ​ദ്ധ​തി​ക​ൾ പ്രാ​വ​ർ​ത്തി​ക​മാ​ക്കു​ക​യു​മാ​യി​രു​ന്നു പ​ദ്ധ​തി​യു​ടെ പ്രാ​ഥ​മി​ക ല​ക്ഷ്യം. ഇ​തോ​ടൊ​പ്പം ക​യ്യൂ​ർ-​ചീ​മേ​നി പ​ഞ്ചാ​യ​ത്തി​ലെ ഉ​ൾ​പ്ര​ദേ​ശ​ങ്ങ​ളെ നീ​ലേ​ശ്വ​രം ന​ഗ​ര​സ​ഭ​യു​മാ​യി എ​ളു​പ്പ​ത്തി​ൽ ബ​ന്ധി​പ്പി​ക്കു​ന്ന പാ​ല​വും വി​നോ​ദ​സ​ഞ്ചാ​ര വി​ക​സ​ന​വും ല​ക്ഷ്യ​മി​ട്ടി​രു​ന്നു.

എ​ന്നാ​ൽ ഉ​ദ്ഘാ​ട​നം ക​ഴി​ഞ്ഞ് ര​ണ്ടു​വ​ർ​ഷ​മാ​യി​ട്ടും പാ​ല​മെ​ന്ന നി​ല​യി​ല​ല്ലാ​തെ കാ​ര്യ​മാ​യ മ​റ്റു പ്ര​യോ​ജ​ന​ങ്ങ​ളൊ​ന്നും പ​ദ്ധ​തി കൊ​ണ്ട് ഉ​ണ്ടാ​യി​ട്ടി​ല്ല. ബ​സ് സ​ർ​വീ​സു​ക​ൾ ആ​രം​ഭി​ക്കാ​ത്ത​തി​നാ​ൽ പാ​ല​വും സ്വ​കാ​ര്യ വാ​ഹ​ന​ങ്ങ​ൾ​ക്കു മാ​ത്ര​മാ​ണ് പ്ര​യോ​ജ​ന​പ്പെ​ടു​ന്ന​ത്. റ​ഗു​ലേ​റ്റ​റി​ന്‍റെ ഷ​ട്ട​റു​ക​ൾ അ​ട​യ്ക്കു​മ്പോ​ൾ ബ്രി​ഡ്ജി​ന്‍റെ പ​ടി​ഞ്ഞാ​റു​വ​ശ​ത്ത് കി​ലോ​മീ​റ്റ​റു​ക​ളോ​ളം ദൂ​രം പ​റ​മ്പു​ക​ളി​ലും കൃ​ഷി​യി​ട​ങ്ങ​ളി​ലും ഉ​പ്പു​വെ​ള്ളം ക​യ​റി ഉ​പ​യോ​ഗ​ശൂ​ന്യ​മാ​കു​ന്ന​താ​ണ് പ്ര​ശ്ന​മാ​യ​ത്. പ്രാ​യോ​ഗി​ക വ​ശ​ങ്ങ​ൾ പ​രി​ഗ​ണി​ക്കാ​തെ​യാ​ണ് പ​ദ്ധ​തി ന​ട​പ്പാ​ക്കി​യ​തെ​ന്ന ആ​രോ​പ​ണം തു​ട​ക്കം​മു​ത​ൽ ഉ​യ​ർ​ന്നു​കേ​ൾ​ക്കു​ന്ന​താ​ണ്.

റ​ഗു​ലേ​റ്റ​ർ പ​രീ​ക്ഷ​ണാ​ടി​സ്ഥാ​ന​ത്തി​ൽ പ്ര​വ​ര്‍​ത്ത​ന​ക്ഷ​മ​മാ​ക്കി​യ​പ്പോ​ൾ ത​ന്നെ പു​ഴ​യോ​ര ഗ്രാ​മ​ങ്ങ​ളാ​യ മു​ണ്ടേ​മ്മാ​ട്, മ​യി​ച്ച, പൊ​ടോ​തു​രു​ത്തി, കൊ​യാ​മ്പു​റം, പു​റ​ത്തേ​ക്കൈ, അ​ച്ചാം​തു​രു​ത്തി, ക​ടി​ഞ്ഞി​മൂ​ല, നെ​ടും​ക​ണ്ട പ്ര​ദേ​ശ​ങ്ങ​ളി​ലെ വീ​ടു​ക​ളി​ലും കൃ​ഷി​യി​ട​ങ്ങ​ളി​ലും ക്ര​മാ​തീ​ത​മാ​യി ഉ​പ്പു​വെ​ള്ളം ക​യ​റാ​ന്‍ തു​ട​ങ്ങി​യി​രു​ന്നു. മു​ൻ​കാ​ല​ങ്ങ​ളി​ൽ വേ​ലി​യേ​റ്റ​സ​മ​യ​ത്ത് ക​ട​ലി​ല്‍​നി​ന്നും പു​ഴ​യി​ലേ​ക്ക് ക​യ​റു​ന്ന ഉ​പ്പു​വെ​ള്ളം പു​ഴ​യി​ലൂ​ടെ​ത​ന്നെ കി​ഴ​ക്ക് കാ​ക്ക​ട​വ് വ​രെ​യു​ള്ള ഭാ​ഗ​ത്തേ​ക്ക് ഉ​യ​രു​ക​യാ​യി​രു​ന്നു പ​തി​വ്. എ​ന്നാ​ൽ റ​ഗു​ലേ​റ്റ​ര്‍ കം ​ബ്രി​ഡ്ജി​ന്‍റെ ഷ​ട്ട​റു​ക​ള്‍ അ​ട​ച്ച​തോ​ടെ ഈ ​വെ​ള്ളം പാ​ലാ​യി​യി​ല്‍ നി​ന്നും കി​ഴ​ക്കോ​ട്ട് ക​യ​റാ​തെ​യാ​യി.

ഇ​ത് പു​ഴ​യി​ല്‍ നി​ന്ന് തൊ​ട്ട​ടു​ത്തു​ള്ള താ​ഴ്ന്ന പ്ര​ദേ​ശ​ങ്ങ​ളി​ലേ​ക്ക് വ്യാ​പി​ക്കു​ക​യാ​യി​രു​ന്നു. ഇ​തോ​ടെ നേ​ര​ത്തേ മ​ഴ​ക്കാ​ല​ത്തു മാ​ത്രം വെ​ള്ള​പ്പൊ​ക്ക ഭീ​ഷ​ണി​യി​ലാ​യി​രു​ന്ന ഈ ​പ്ര​ദേ​ശ​ങ്ങ​ള്‍ എ​ല്ലാ ദി​വ​സ​വും വെ​ള്ള​പ്പൊ​ക്ക​ത്തെ ഭ​യ​ക്കേ​ണ്ട അ​വ​സ്ഥ​യി​ലാ​യി.

ഉ​പ്പു​വെ​ള്ളം ക​യ​റി കി​ണ​റു​ക​ൾ ഉ​പ​യോ​ഗ​ശൂ​ന്യ​മാ​വു​ക​യും ക​മു​കും പ​ച്ച​ക്ക​റി​ക​ളു​മ​ട​ക്ക​മു​ള്ള കൃ​ഷി​ക​ൾ ന​ശി​ക്കു​ക​യും ചെ​യ്ത​തോ​ടെ ദു​രി​ത​ത്തി​ലാ​യ പ്ര​ദേ​ശ​വാ​സി​ക​ള്‍ ശ​ക്ത​മാ​യ പ്ര​തി​ഷേ​ധ​വു​മാ​യി രം​ഗ​ത്തെ​ത്തി​യ​തോ​ടെ ഷ​ട്ട​റു​ക​ൾ ത​ത്കാ​ലം പൂ​ർ​ണ​തോ​തി​ൽ അ​ട​ച്ചി​ടേ​ണ്ടെ​ന്ന് അ​ധി​കൃ​ത​ർ തീ​രു​മാ​നി​ക്കു​ക​യാ​യി​രു​ന്നു.

താ​ഴ്ന്ന പ്ര​ദേ​ശ​ങ്ങ​ളി​ൽ ഉ​പ്പു​വെ​ള്ളം ക​യ​റു​ന്ന​ത് ത​ട​ഞ്ഞു​കൊ​ണ്ട് റ​ഗു​ലേ​റ്റ​ർ പൂ​ർ​ണ​തോ​തി​ൽ വീ​ണ്ടും പ്ര​വ​ർ​ത്ത​ന​സ​ജ്ജ​മാ​ക്ക​ണ​മെ​ങ്കി​ൽ വീ​ണ്ടും കോ​ടി​ക​ൾ ത​ന്നെ വേ​ണ്ടി​വ​രു​മെ​ന്ന നി​ല​യാ​ണ്. അ​തു​വ​രെ ത​ത്കാ​ലം പാ​ല​മെ​ന്ന നി​ല​യി​ലും പ്രാ​ദേ​ശി​ക വി​നോ​ദ​സ​ഞ്ചാ​രി​ക​ളു​ടെ ഇ​ഷ്ട​കേ​ന്ദ്ര​മെ​ന്ന നി​ല​യി​ലും മാ​ത്ര​മാ​ണ് പ​ദ്ധ​തി പ്ര​യോ​ജ​ന​പ്പെ​ടു​ന്ന​ത്.

Copyright @ 2022 , Rashtra Deepika Ltd.