കൊ​ടും​ചൂ​ടി​ൽ വൈ​ദ്യു​തി ഉ​പ​യോ​ഗം കൂ​ടി; പ​ല​യി​ട​ങ്ങ​ളി​ലും വോ​ൾ​ട്ടേ​ജ് ക്ഷാ​മം
Tuesday, March 26, 2024 7:38 AM IST
കാ​ഞ്ഞ​ങ്ങാ​ട്: കൊ​ടും​ചൂ​ടി​ൽ വൈ​ദ്യു​തി ഉ​പ​യോ​ഗം കു​ത്ത​നെ കൂ​ടി​യ​തോ​ടെ ജി​ല്ല​യി​ൽ പ​ല​യി​ട​ങ്ങ​ളി​ലും വോ​ൾ​ട്ടേ​ജ് ക്ഷാ​മ​വും രൂ​ക്ഷ​മാ​യി.

മ​ല​യോ​ര​മേ​ഖ​ല​ക​ളി​ലാ​ണ് ഇ​ത് കൂ​ടു​ത​ലും പ്ര​ക​ട​മാ​കു​ന്ന​ത്. പ​ല​പ്പോ​ഴും പ​ക​ൽ​സ​മ​യ​ത്ത് ജ​ല​സേ​ച​ന ആ​വ​ശ്യ​ത്തി​നു​ള്ള മോ​ട്ടോ​റു​ക​ൾ പ്ര​വ​ർ​ത്തി​പ്പി​ക്കാ​നു​ള്ള വൈ​ദ്യു​തി ല​ഭി​ക്കാ​ത്ത അ​വ​സ്ഥ​യാ​ണ്. പ​ല​യി​ട​ങ്ങ​ളി​ലും ക​ർ​ഷ​ക​ർ പു​ല​ർ​ച്ചെ നാ​ലു​മ​ണി​ക്കും മ​റ്റും എ​ഴു​ന്നേ​റ്റാ​ണ് ക​മു​കി​നും തെ​ങ്ങി​നും ജ​ല​സേ​ച​നം ന​ട​ത്തു​ന്ന​ത്. മ​ല​യോ​ര​മേ​ഖ​ല​യി​ൽ പ​ല പ്ര​ദേ​ശ​ങ്ങ​ളി​ലും ആ​വ​ശ്യ​ത്തി​ന് ട്രാ​ൻ​സ്ഫോ​ർ​മ​റു​ക​ൾ ഇ​ല്ലാ​ത്ത​തും വോ​ൾ​ട്ടേ​ജ് ക്ഷാ​മം രൂ​ക്ഷ​മാ​ക്കു​ന്നു. ഫാ​നു​ക​ളു​ടെ​യും എ​സി​യു​ടെ​യും ഉ​പ​യോ​ഗം കു​ത്ത​നെ കൂ​ടി​യ​തോ​ടെ വൈ​ദ്യു​തി ലൈ​നു​ക​ളി​ൽ വ​ലി​യ ലോ​ഡാ​ണ് അ​നു​ഭ​വ​പ്പെ​ടു​ന്ന​ത്.

അ​തു​കൊ​ണ്ടു​ത​ന്നെ വീ​ടു​ക​ളി​ലെ​ത്തു​ന്ന സിം​ഗി​ൾ ഫേ​സ് ലൈ​നു​ക​ളി​ൽ 230 വോ​ൾ​ട്ടി​ന്‍റെ സ്ഥാ​ന​ത്ത് 170 മു​ത​ൽ 190 വോ​ൾ​ട്ട് മാ​ത്ര​മേ എ​ത്തു​ന്നു​ള്ളൂ. മാ​ർ​ച്ചി​ലെ ക​ണ​ക്കു പ്ര​കാ​രം രാ​ത്രി​യു​ടെ ആ​ദ്യ മ​ണി​ക്കൂ​റു​ക​ളി​ൽ 5150 മെ​ഗാ​വാ​ട്ട് വ​രെ വൈ​ദ്യു​തി ഉ​പ​ഭോ​ഗം റി​പ്പോ​ർ​ട്ട് ചെ​യ്യ​പ്പെ​ടു​ന്നു​ണ്ട്. പ​ക​ൽ​നേ​ര​ങ്ങ​ളി​ൽ ഇ​ത് 4000 മെ​ഗാ​വാ​ട്ട് വ​രെ​യാ​കു​ന്നു. ക​ഴി​ഞ്ഞ ഏ​താ​നും വ​ർ​ഷ​ങ്ങ​ളി​ലെ ഏ​റ്റ​വും കൂ​ടി​യ നി​ര​ക്കാ​ണ് ഇ​ത്.

വോ​ൾ​ട്ടേ​ജ് ക്ഷാ​മം മോ​ട്ടോ​റു​ക​ള​ട​ക്ക​മു​ള്ള ഉ​പ​ക​ര​ണ​ങ്ങ​ളെ ത​ക​രാ​റി​ലാ​ക്കാ​നും ഇ​ട​യാ​ക്കും. വോ​ൾ​ട്ടേ​ജ് കു​റ​യു​മ്പോ​ൾ എ​സി​യും ഫ്രി​ഡ്ജു​മ​ട​ക്ക​മു​ള്ള ഉ​പ​ക​ര​ണ​ങ്ങ​ൾ​ക്ക് നി​ശ്ചി​ത താ​പ​നി​ല കൈ​വ​രി​ക്കാ​ൻ കൂ​ടു​ത​ൽ വൈ​ദ്യു​തി വേ​ണ്ടി​വ​രും. ഇ​ത് വൈ​ദ്യു​തി ബി​ൽ കൂ​ടാ​നും വ​ഴി​യൊ​രു​ക്കു​ന്നു. അ​മി​ത ലോ​ഡ് കാ​ര​ണം ഇ​ട​യ്ക്ക് ഫീ​ഡ​റു​ക​ളി​ലെ വൈ​ദ്യു​തി വി​ത​ര​ണം ത​ന്നെ നി​ല​ച്ചാ​ൽ ചൂ​ടു​കാ​ര​ണം രാ​ത്രി​കാ​ല​ങ്ങ​ളി​ൽ ഉ​റ​ങ്ങാ​ൻ പോ​ലു​മാ​കാ​ത്ത അ​വ​സ്ഥ​യു​മാ​ണ്.

Copyright @ 2022 , Rashtra Deepika Ltd.