കാസര്ഗോഡ്: സ്വാന്തന പരിപാലരംഗത്തെ വയോജപരിപാലനം, രോഗിപരിപാലനം, ബേബി സിറ്റിംഗ്, പാലിയേറ്റ് കെയര് എന്നീ മേഖലയില് സേവനം നല്കുന്നതിനായി കൂടുംബശ്രീ ആരംഭിച്ച കെ ഫോര് കെയര് പദ്ധതിക്ക് ജില്ലയില് തുടക്കമായി. സംരംഭ മാതൃകയിലാണ് പദ്ധതി പ്രവര്ത്തനം.
2018ല് ഹര്ഷം എന്ന പേരില് ജെറിയാട്രിക് കെയര് എക്സിക്യൂട്ടീവുകള്ക്ക് പരിശീലനം നല്കി തൊഴില് ലഭ്യമാക്കുന്നതിനുള്ള പദ്ധതി ആരംഭിച്ചിരുന്നു. അതിന്റെ രണ്ടാംഘട്ടം എന്ന നിലയ്ക്കാണ് കെ ഫോര് കെയര് പദ്ധതി ആരംഭിച്ചത്.
വിവിധ വയോജന സേവനങ്ങള്, വീടുകളില് നിശ്ചിത ദിവസം നിന്ന് പരിപാലനം നല്കല്, രോഗികള്ക്ക് കൂട്ടായി ഹോസ്പിറ്റലില് പരിചരണം, ഒറ്റപ്പെട്ടു കഴിയുന്ന ഗുണഭോക്താക്കള്ക്ക് വിവിധ ഗാര്ഹിക സേവനങ്ങള് നല്കല്, ആവശ്യ മരുന്നുകള്, ആഹാരം എന്നിവ വീടുകളില് എത്തിക്കല്, ഓണ്ലൈന് സേവനങ്ങള് നല്കല്, ബ്ലഡ് ഷുഗര്, കൊളസ്ട്രോള് തുടങ്ങിയ മെഡിക്കല് ചെക്കപ്പ്, പകല് വീടുകളുടെ നടത്തിപ്പ്, ഭിന്നശേഷിക്കാരുടെ പരിചരണം തുടങ്ങിയ സേവനങ്ങള് കെര് ഫോര് കെയറിലൂടെ നല്കും.
കെ ഫോര് കെയര് പദ്ധതിയുടെ ജില്ലാതല പരിശീലന ഉദ്ഘാടനം നടത്തി. കുമ്പള ഡോക്ടേഴ്സ് ഹോസ്പിറ്റലില് നടന്ന പരിപാടി കുടുംബശ്രീ എക്സിക്യൂട്ടീവ് ഡയറക്ടര് ജാഫര് മാലിക് ഉദ്ഘാടനം ചെയ്തു.
ജില്ലയില് മൂന്നു ബാച്ചുകളിലായി 90 പരിശീലനാര്ഥികള്ക്ക് പരിശീലനം പൂര്ത്തിയാക്കും. ആദ്യഘട്ട പരിശീനത്തിന്റെ ഭാഗമായി യൂണിഫോം ടൂള് കിറ്റും വിതരണം ചെയ്തു. ജില്ലാ മിഷന് കോ-ഓര്ഡിനേറ്റര് ടി.ടി. സുരേന്ദ്രന് അധ്യക്ഷത വഹിച്ചു.
അസി. ജില്ലാ കോ-ഓര്ഡിനേറ്റര് പി. ഹരിദാസ്, ജില്ലാ പ്രോഗ്രാം മാനേജര് ടി.പി. ആതിര, ലേണിംഗ് അക്കാദമി മാനേജിംഗ് ഡയറക്ടര് മുഹമ്മദ് ഷെരീഫ് എന്നിവര് പങ്കെടുത്തു.