കൊന്നക്കാട്: കൊന്നക്കാട് ബസ് സ്റ്റാൻഡിൽ ഇനി രാത്രികാലങ്ങളിൽ ഹൈമാസ്റ്റ് ലൈറ്റിന്‍റെ വെളിച്ചം. ബസ് ജീവനക്കാരുടെയും വ്യാപാരികളുടെയും നാട്ടുകാരുടെയും ഏറെക്കാലത്തെ ആവശ്യമാണ് ഇതോടെ നിറവേറ്റപ്പെടുന്നത്.
എംപിയുടെ ആസ്തിവികസന ഫണ്ടിൽ നിന്നും തുക അനുവദിച്ചുകൊണ്ട് സ്ഥാപിച്ച ഹൈമാസ്റ്റ് ലൈറ്റിന്‍റെ ഉദ്ഘാടനം രാജ്മോഹൻ ഉണ്ണിത്താൻ എംപി നിർവഹിച്ചു. ബളാൽ പഞ്ചായത്ത്‌ പ്രസിഡന്‍റ് രാജു കട്ടക്കയം, ബ്ലോക്ക് പഞ്ചായത്ത്‌ അംഗം അന്നമ്മ മാത്യു, പഞ്ചായത്തംഗങ്ങളായ പി.സി. രഘുനാഥൻ, മോൻസി ജോയ്, ബിൻസി ജെയിൻ, ഡിസിസി ജനറൽ സെക്രട്ടറി ഹരീഷ് പി. നായർ, മണ്ഡലം കോൺഗ്രസ് പ്രസിഡന്‍റ് എം.പി. ജോസഫ്, ഡാർലിൻ ജോർജ് കടവൻ, എ.ടി. ബേബി, ലിബിൻ ആലപ്പാട്ട്, വിനു തോട്ടോൻ, ഷാജി എന്നിവർ സംബന്ധിച്ചു.
പഞ്ചായത്തംഗം പി.സി. രഘുനാഥൻ, പൊതുപ്രവർത്തകരായ ഡാർലിൻ ജോർജ് കടവൻ, വിൻസെന്‍റ് കുന്നോല എന്നിവരുടെ നേതൃത്വത്തിലാണ് ഇവിടെ ഹൈമാസ്റ്റ് ലൈറ്റ് വേണമെന്ന ആവശ്യം എംപിയുടെ ശ്രദ്ധയിൽപ്പെടുത്തിയത്.
ചാവറഗിരിയിലും ആയന്നൂരിലും
ചിറ്റാരിക്കാൽ: ഈസ്റ്റ്‌ എളേരി പഞ്ചായത്തിലെ ചാവറഗിരിയിലും ആയന്നൂരിലും എംപിയുടെ ആസ്തിവികസന ഫണ്ടിൽ നിന്നും അനുവദിച്ച മിനി ഹൈമാസ്റ്റ് ലൈറ്റുകളുടെ സ്വിച്ച് ഓൺ കർമം രാജ്മോഹൻ ഉണ്ണിത്താൻ എംപി നിർവഹിച്ചു.
പഞ്ചായത്ത്‌ പ്രസിഡന്‍റ് ജോസഫ് മുത്തോലി, വൈസ് പ്രസിഡന്‍റ് ഫിലോമിന ജോണി, ഫാ. സുബേഷ്, ബ്ലോക്ക് പഞ്ചായത്തംഗം അന്നമ്മ മാത്യു, പഞ്ചായത്ത്‌ അംഗങ്ങളായ തേജസ്‌ ഷിന്‍റോ, വി.ബി. ബാലചന്ദ്രൻ, സിന്ധു ടോമി, മണ്ഡലം കോൺഗ്രസ് പ്രസിഡന്‍റ് ജോർജ് കരിമഠം, സെബാസ്റ്റ്യൻ പതാലിൽ, ബെന്നി കോഴിക്കോട്ട് എന്നിവർ സംബന്ധിച്ചു.
കുഴിങ്ങാട് കോളനിയിൽ
വെള്ളരിക്കുണ്ട്: എംപിയുടെ ആസ്തിവികസന ഫണ്ടിൽ നിന്നും തുക അനുവദിച്ച് ബളാൽ പഞ്ചായത്തിലെ കല്ലഞ്ചിറ കുഴിങ്ങാട് കോളനിയിൽ സ്ഥാപിച്ച ഹൈമാസ്റ്റ് ലൈറ്റിന്‍റെ ഉദ്ഘാടനം രാജ്മോഹൻ ഉണ്ണിത്താൻ എംപി നിർവഹിച്ചു.
പഞ്ചായത്ത്‌ പ്രസിഡന്‍റ് രാജു കട്ടക്കയം അധ്യക്ഷത വഹിച്ചു. എം. രാധാമണി, വി.എം. അബ്‌ദുൽ ഖാദർ, വി.എം. ഷിഹാബ്, ഹരീഷ് പി. നായർ, എ.സി.എ. ലത്തീഫ്, ബിൻസി ജെയിൻ, പി.സി. രഘുനാഥൻ, ജെയിംസ്, ബേബി കുഞ്ഞിരകാട്ട്, വി.എം. ബഷീർ, സോളി, അവറാച്ചൻ, അനിത, ഭാർഗവി എന്നിവർ പ്രസംഗിച്ചു.