പൊ​ള്ളു​ന്ന ചൂ​ടി​ൽ പാ​ത​യോ​ര​ങ്ങളിൽ പ​ഴ​ക്കച്ചവടം തകൃതി
Friday, March 15, 2024 1:11 AM IST
കാ​സ​ർ​ഗോ​ഡ്: പൊ​ള്ളു​ന്ന ചൂ​ടും ‌റം​സാ​ൻ നോ​മ്പു​കാ​ല​വും പ​ഴ​വി​പ​ണി​ക്ക് ചാ​ക​ര​യാ​കു​ന്നു. ക​ട​ക​ൾ​ക്കൊ​പ്പം പാ​ത​യോ​ര​ങ്ങ​ളി​ൽ പോ​ലും സ്വ​ദേ​ശി​യും വി​ദേ​ശി​യു​മാ​യ പ​ഴ​ങ്ങ​ൾ നി​ര​ന്നു​നി​ല്ക്കു​ക​യാ​ണ്. റോ​ഡ​രി​കി​ൽ നി​ർ​ത്തി​യി​ട്ട വാ​ഹ​ന​ങ്ങ​ളി​ൽ വ​ച്ച് വി​ല്പ​ന ന​ട​ത്തു​ന്ന​വ​രു​മു​ണ്ട്. മു​ന്തി​രി, ഓ​റ​ഞ്ച്, ത​ണ്ണി​മ​ത്ത​ൻ, ഷ​മാം, പൈ​നാ​പ്പി​ൾ തു​ട​ങ്ങി​യ​വ​യാ​ണ് ഏ​റ്റ​വും കൂ​ടു​ത​ലു​ള്ള​ത്. ജ​ലാം​ശം കൂ​ടു​ത​ലു​ള്ള ഈ ​പ​ഴ​ങ്ങ​ൾ​ക്കു ത​ന്നെ​യാ​ണ് ആ​വ​ശ്യ​ക്കാ​രും ഏ​റെ​യു​ള്ള​ത്.

ക​ർ​ണാ​ട​ക, ത​മി​ഴ്നാ​ട്, ആ​ന്ധ്ര, മ​ഹാ​രാ​ഷ്ട്ര എ​ന്നി​വി​ട​ങ്ങ​ളി​ൽ നി​ന്നാ​ണ് ഇ​വ​യി​ലേ​റെ​യും എ​ത്തു​ന്ന​ത്. സീ​സ​ൺ അ​നു​സ​രി​ച്ച് മു​ന്തി​രി​യാ​ണ് ഇ​പ്പോ​ൾ ഏ​റ്റ​വും കൂ​ടു​ത​ൽ ല​ഭ്യ​മാ​യി​ട്ടു​ള്ള​ത്. കു​രു​വി​ല്ലാ​ത്ത മു​ന്തി​രി ത​ര​മ​നു​സ​രി​ച്ച് കി​ലോ​യ്ക്ക് 70 രൂ​പ മു​ത​ൽ ല​ഭ്യ​മാ​ണ്. പാ​ത​യോ​ര​ങ്ങ​ളി​ൽ വി​ല​പേ​ശു​മ്പോ​ൾ ചി​ല​പ്പോ​ൾ അ​തി​ലും കു​റ​ഞ്ഞ നി​ര​ക്കി​ൽ ല​ഭി​ക്കു​ന്നു​ണ്ട്. ഒ​ന്ന​ര​ക്കി​ലോ​യ്ക്ക് നൂ​റു രൂ​പ എ​ന്ന നി​ര​ക്കി​ലും വി​ല്പ​ന ന​ട​ക്കു​ന്നു​ണ്ട്. ഓ​റ​ഞ്ച് കി​ലോ​യ്ക്ക് 50 മു​ത​ൽ 60 വ​രെ​യും ത​ണ്ണി​മ​ത്ത​ന് 20 മു​ത​ൽ 25 രൂ​പ വ​രെ​യും ഷ​മാ​മി​ന് 33 മു​ത​ൽ 50 രൂ​പ വ​രെ​യു​മാ​ണ് വി​ല.

ക​ടു​ത്ത വേ​ന​ലി​ലു​ണ്ടാ​കു​ന്ന ക്ഷീ​ണ​വും ആ​രോ​ഗ്യ​പ്ര​ശ്ന​ങ്ങ​ളും പ​രി​ഹ​രി​ക്കാ​ൻ ജ​ലാം​ശം കൂ​ടു​ത​ലു​ള്ള പ​ഴ​ങ്ങ​ൾ ക​ഴി​ക്കു​ന്ന​ത് എ​ല്ലാ പ്രാ​യ​ത്തി​ലു​ള്ള​വ​ർ​ക്കും ന​ല്ല​താ​ണെ​ന്ന് ഡോ​ക്ട​ർ​മാ​രും ശു​പാ​ർ​ശ ചെ​യ്യു​ന്നു​ണ്ട്. അ​തേ​സ​മ​യം മു​ന്തി​രി പോ​ലു​ള്ള പ​ഴ​ങ്ങ​ൾ ന​ന്നാ​യി ക​ഴു​കി മാ​ത്ര​മേ ഉ​പ​യോ​ഗി​ക്കാ​വൂ. തോ​ട്ട​ങ്ങ​ളി​ലെ കീ​ട​നാ​ശി​നി പ്ര​യോ​ഗം മു​ത​ൽ പാ​ത​യോ​ര​ത്തെ പൊ​ടി വ​രെ​യു​ള്ള ദോ​ഷ​ങ്ങ​ൾ ഒ​രു പ​രി​ധി വ​രെ​യെ​ങ്കി​ലും ക​ഴു​കി​ക്ക​ള​യാ​ൻ അ​തു​വ​ഴി സാ​ധി​ക്കും. ക​ഴു​കി വൃ​ത്തി​യാ​ക്കി​യ പ​ഴ​ങ്ങ​ൾ നേ​രി​ട്ട് ഫ്രി​ഡ്ജി​ൽ വെ​ക്ക​രു​ത്. പാ​ത്ര​ത്തി​നു​ള്ളി​ലോ ക​വ​റി​ലോ മൂ​ടി​വ​ച്ചു മാ​ത്ര​മേ ഫ്രി​ഡ്ജി​ൽ വ​യ്ക്കാ​വൂ.

Copyright @ 2022 , Rashtra Deepika Ltd.