കാസർഗോഡ്: ചെർക്കള മാർത്തോമ്മാ ബധിര വിദ്യാലയത്തിന്‍റെ ആഭിമുഖ്യത്തിലുള്ള അന്താരാഷ്ട്ര ബധിര ദിനാചരണം 25ന് ഉച്ചകഴിഞ്ഞ് മൂന്നിന് ഉപ്പള വ്യാപാരഭവനിൽ എ.കെ.എം.അഷ്‌റഫ് എംഎൽഎ ഉദ്‌ഘാടനം ചെയ്യും. മാർത്തോമ്മാ ബധിര വിദ്യാലയം അഡ്മിനിസ്ട്രേറ്റർ ഫാ. മാത്യു ബേബി അധ്യക്ഷതവഹിക്കും.
അധ്യാപക ഒഴിവ്
പെരിയ: ഗവ.പോളിടെക്നിക്ക് കോളജിൽ മാത്തമാറ്റിക്സ്, ഫിസിക്സ്, കെമിസ്ട്രി വിഷയങ്ങളിൽ ദിവസ വേതനാടിസ്ഥാനത്തിൽ താത്കാലിക അധ്യാപകരെ നിയമിക്കുന്നു. ബന്ധപ്പെട്ട വിഷയത്തിൽ 55 ശതമാനം മാർക്കിൽ കുറയാതെ നേടിയ ബിരുദാനന്തര ബിരുദമാണ് യോഗ്യത. മാത്തമാറ്റിക്സ്, ഫിസിക്സ് വിഭാഗങ്ങൾക്ക് 28നും കെമിസ്ട്രി വിഭാഗത്തിന് 30നുമാണ്‌ കൂടിക്കാഴ്ച. താൽപര്യമുളള ഉദ്യോഗാർഥികൾ നിശ്ചിത ദിവസങ്ങളിൽ രാവിലെ 10നു മുമ്പായി സർട്ടിഫിക്കറ്റുകളും ബയോഡാറ്റയും സഹിതം ഹാജരാകണം. ഫോൺ: 0467 2234020, 9995681711.
പട്ള: ജിഎച്ച്എസ്എസിൽ ഹയർ സെക്കൻഡറി വിഭാഗത്തിൽ കെമിസ്ട്രി വിഷയത്തിൽ ഒഴിവുണ്ട്. അഭിമുഖം 24നു രാവിലെ പത്തിന്.
ചെമ്മനാട്: ജമാഅത്ത് ഹയര്‍ സെക്കൻഡറി സ്‌കൂളില്‍ ഹൈസ്‌കൂള്‍ വിഭാഗത്തില്‍ ദിവസ വേതനാടിസ്ഥാനത്തില്‍ എച്ച്എസ്ടി ഹിന്ദി അധ്യാപക ഒഴിവ്. അഭിമുഖം 26നു രാവിലെ 10ന് സ്‌കൂള്‍ ഓഫീസില്‍. താത്പര്യമുള്ള ഉദ്യോഗാര്ത്ഥികള് അസല്‍ സര്‍ട്ടിഫിക്കറ്റുകളുമായി എത്തണം. ഫോണ്‍: 04994237172, 235128.
കാസർഗോഡ്: കണ്ണൂർ സർവകലാശാല കാസർഗോഡ് കാമ്പസിലെ ടീച്ചർ എഡ്യൂക്കേഷൻ സെന്റ്ററിൽ, ഇംഗ്ലീഷ്(യോഗ്യത-എംഎ, എംഎഡ്, നെറ്റ്/പിഎച്ച്ഡി), മാത്തമാറ്റിക്സ് (എംഎസ് സി, എംഎഡ്, നെറ്റ്/പിഎച്ച്ഡി), അറബിക്(എംഎ, എംഎഡ്, നെറ്റ്/പിഎച്ച്ഡി) വിഷയങ്ങളിൽ ദിവസ വേതനാടിസ്ഥാനത്തിൽ അസി.പ്രഫസർമാരെ നിയമിക്കുന്നതിന് വേണ്ടിയുള്ള കൂടിക്കാഴ്ച 29നു രാവിലെ 10.30ന്.
സീറ്റൊഴിവ്
ഉദുമ: ഗവ.ആര്‍ട്സ് ആൻഡ് സയന്‍സ് കോളജില്‍ എംഎ സോഷ്യല്‍ സയന്‍സ് കോഴ്സിന് എസ്‌സി, എസ്ടി, ഇഡബ്ലുഎസ് വിഭാഗങ്ങളില്‍ ഏതാനും സീറ്റുകള്‍ ഒഴിവുണ്ട്. താത്പര്യമുള്ള വിദ്യാര്‍ഥികള്‍ അസല്‍ രേഖകള്‍ സഹിതം ഇന്നു രാവിലെ 10ന് കോളേജ് ഓഫീസില്‍ എത്തണം.
കയ്യൂര്‍: ഗവ.ഐടിഐയില്‍ വിവിധ കോഴ്സില്‍ ഒഴിവുള്ള സീറ്റുകളിലേക്ക് പ്രവേശനത്തിന് അപേക്ഷ ക്ഷണിച്ചു. ഇതുവരെയും അപേക്ഷ നല്‍കാത്തവര്‍ക്കും അപേക്ഷിക്കാം. അപേക്ഷ ഫോറം ഐടിഐയില്‍ ലഭിക്കും. അപേക്ഷാ ഫീസ് 100രൂപ. അവസാന തിയതി 27ന്. ഫോണ്‍: 0467 2230980.
കെയര്‍ഗിവർ ഒഴിവ്
പിലിക്കോട്: പഞ്ചായത്തിലെ സായംപ്രഭ ഹോമിലേക്ക് കരാര്‍ അടിസ്ഥാനത്തില്‍ കെയര്‍ഗിവറുടെ(പരിചാരക) ഒഴിവ്. യോഗ്യത പ്ലസ്ടു, തുല്യത. ജീറിയാട്രിക്ക് കെയറില്‍ കുറഞ്ഞത് മൂന്നു മാസത്തെ പരിശീലനം നേടിയിരിക്കണം. ഉദ്യോഗാര്ഥികള് രേഖകള്‍ സഹിതം 26നു രാവിലെ 11ന് പഞ്ചായത്ത് ഓഫീസില്‍ നടക്കുന്ന അഭിമുഖത്തിന് എത്തണം.