മംഗര പാ​ല​ത്തി​ന്‍റെ പ്ര​വൃ​ത്തി മ​ന്ദ​ഗ​തി​യി​ൽ; മ​ഴ​ക്കാ​ലം ആ​ശ​ങ്ക​യി​ൽ
Friday, May 24, 2024 1:28 AM IST
ച​പ്പാ​ര​പ്പ​ട​വ്: ഒ​രു പ്ര​ദേ​ശ​ത്തി​ന്‍റെ സ്വ​പ്ന​മാ​യ മംഗര പാ​ല​ത്തി​ന്‍റെ പ്ര​വൃ​ത്തി മ​ന്ദ​ഗ​തി​യിലാ​യ​ത് സ്വ​പ്ന​ത്തേ​ക്കാ​ൾ കൂ​ടു​ത​ൽ ആ​ശ​ങ്ക ഉ​യ​ർ​ത്തു​ന്നു. 11 കോ​ടി​യി​ൽ​പ​രം രൂ​പ ചി​ല​വ​ഴി​ച്ച് 175 മീ​റ്റ​ർ നീ​ള​ത്തി​ലും പ​തി​നൊ​ന്ന​ര മീ​റ്റ​ർ വീ​തി​യി​ലും ആ​ണ് പാ​ലം നി​ർ​മി​ക്കു​ന്ന​ത്. ച​പ്പാ​ര​പ്പ​ട​വ് പു​ഴ​യി​ൽ മംഗരയി​ൽ പു​ഴ​യ്ക്ക് കു​റു​കെ 2022 ന​വം​ബ​റി​ൽ പ​ണി തു​ട​ങ്ങി​യ പാ​ല​ത്തി​ന്‍റെ പ്ര​വൃ​ത്തി ഇ​തു​വ​രെ​യും പൂ​ർ​ത്തീ​ക​രി​ക്കാ​ത്ത​താ​ണ് പ്ര​ദേ​ശ​വാ​സി​ക​ളു​ടെ ആ​ശ​ങ്ക​യ്ക്ക് കാ​ര​ണ​മാ​യി​രി​ക്കു​ന്ന​ത്.

2024 മാ​ർ​ച്ചി​ൽ പ​ണി പൂ​ർ​ത്തീ​ക​രി​ക്ക​ണം എ​ന്ന ഉ​റ​പ്പോ​ടു​കൂ​ടി പാ​ല​ത്തി​ന്‍റെ നി​ർ​മാ​ണ ഉ​ദ്ഘാ​ട​ന വേ​ള​യി​ൽ സ്ഥ​ലം എം​എ​ൽ​എ എം.​വി.​ ഗോ​വി​ന്ദ​ൻ ക​രാ​റു​കാ​ര​നോ​ട് പ​റ​ഞ്ഞി​രു​ന്ന​ത്. യാ​തൊ​രു കാ​ര​ണ​വ​ശാ​ലും ഇ​ത് തെ​റ്റി​ക്കാ​ൻ പാ​ടി​ല്ല എ​ന്നും പ​റ​ഞ്ഞി​രു​ന്ന​ത് ജ​ല​രേ​ഖ​യാ​യി മാ​റി. ക​രാ​റു​കാ​ര​ൻ പ​ണി വൈ​കി​പ്പി​ക്കു​ക​യും ഇ​പ്പോ​ൾ സ​മ​യം നീ​ട്ടി മേ​ടി​ച്ച​താ​യും ക​രാ​റു​കാ​ര​ൻ പ​റ​യു​ന്നു.
പാ​ല​ത്തി​ന് ആ​വ​ശ്യ​മാ​യ ബീ​മു​ക​ൾ പു​ഴ​യി​ലാ​ണ് നി​ർ​മി​ച്ചു വ​ച്ചി​രി​ക്കു​ന്ന​ത്. ഇ​തു പു​ഴ​യ്ക്ക് കു​റു​കെ ആ​യ​തി​നാ​ൽ വെ​ള്ള​ത്തി​ന്‍റെ ഒ​ഴു​ക്കി​നും ത​ട​സ​മാ​യി​രി​ക്കു​ക​യാ​ണ്.

ഇ​പ്പോ​ൾ പു​ഴ​യു​ടെ മ​ധ്യ ഭാ​ഗ​ത്ത് കൂ​ടി വെ​ള്ളം ഒ​ഴു​കു​ന്ന​തി​നാ​ൽ അ​വി​ടം കു​ത്തി ഒ​ഴു​കു​ക​യാ​ണ്. മ​ഴ ശ​ക്ത​മാ​യാ​ൽ പു​ഴ​യി​ൽ മ​ണ്ണി​ടി​ച്ചി​ലി​നും ചി​ല​പ്പോ​ൾ നി​ർ​മാ​ണം പൂ​ർ​ത്തീ​ക​രി​ച്ചി​രി​ക്കു​ന്ന ഫി​ല്ല​റി​നും ഉ​ൾ​പ്പെ​ടെ കേ​ടു​പാ​ടു​ക​ൾ സം​ഭ​വി​ക്കാ​ൻ സാ​ധ്യ​ത​യു​ണ്ട്. പു​ഴ​യു​ടെ ഇ​പ്പോ​ഴ​ത്തെ അ​വ​സ്ഥ​യ്ക്കും മാ​റ്റം വ​രാം. പു​ഴ​യോ​ര​ത്തു​ള്ള കാ​ർ​ഷി​ക വി​ള​ക​ളും ന​ശി​ച്ചു പോ​കാ​ൻ കാ​ര​ണ​മാ​കാം. ബീ​മു​ക​ൾ എ​ത്ര​യും വേ​ഗം എ​ടു​ത്തു മാ​റ്റി പാ​ലം പ​ണി പൂ​ർ​ത്തീ​ക​രി​ക്ക​ണം എ​ന്നാ​ണ് നാ​ട്ടു​കാ​ർ ആ​വ​ശ്യ​പ്പെ​ടു​ന്ന​ത്.​ ബീ​മു​ക​ൾ ഉ​യ​ർ​ത്താ​നു​ള്ള ക്രെ​യി​നു​ക​ൾ എ​ത്താ​ത്ത​താ​ണ് പ്ര​വൃ​ത്തി പു​രോ​ഗ​മ​ന​ത്തി​ന് ത​ട​സ​മാ​യി​രി​ക്കു​ന്ന​തെ​ന്ന് കോ​ൺ​ട്രാ​ക്ട​ർ പ​റ​യു​ന്നു.