ADVERTISEMENT

ADVERTISEMENT

‘എന്‍റെ ബാപ്പുജി’ കിസ് മത്സരം നടത്തി

ഉളിക്കൽ : നെല്ലിക്കാംപൊയിൽ സെന്‍റ് സെബാസ്റ്റ്യൻസ് എൽപി സ്കൂളിന്‍റെ 75-ാമത് വാർഷികത്തോടനുബന്ധിച്ച് ഇരിക്കൂർ ഉപജില്ലയിലെ എൽപി സ്കൂളുകളെ പങ്കെടുപ്പിച്ച് "എന്‍റെ ബാപ്പുജി' ഗാന്ധി ക്വിസ് മത്സരം നടത്തി.

നെല്ലിക്കംപൊയിൽ സ്കൂൾ ഓഡിറ്റോറിയത്തിൽ നടന്ന മത്സരം സ്കൂൾ മാനേജർ ഫാ. ജോസഫ് കാവനാടിയിൽ ഉദ്ഘാടനം ചെയ്തു. സ്കൂൾ മുഖ്യഅധ്യാപിക സിസ്റ്റർ ലിറ്റിൽ ഫ്ലവർ പ്രസംഗിച്ചു.

അധ്യാപകൻ റോബിൻ ജോസഫ് ക്വിസ് മത്സരത്തിന് നേതൃത്വം നൽകി. ആറു റൗണ്ടുകളിലായി നടന്ന മത്സരത്തിൽ ഗാന്ധിയുടെ ജീവിതം, സമരങ്ങൾ, ആനുകാലിക വിഷയങ്ങൾ ഉൾപ്പെടുത്തി ആയിരുന്നു മത്സരം.

വയത്തൂർ യുപി സ്കൂൾ ഉളിക്കൽ ഒന്നാം സ്ഥാനവും ശാരദ വിലാസം യുപി സ്കൂൾ പരിക്കളം രണ്ടാം സ്ഥാനവും ഊരത്തൂർ യുപി സ്കൂൾ മൂന്നാം സ്ഥാനവും കരസ്ഥമാക്കി. അധ്യാപകരും പിടിഎ അംഗങ്ങളുംനേതൃത്വം വഹിച്ചു.

ADVERTISEMENT

ഇവിടെ തെളിഞ്ഞത് കാർലോയിസം; പങ്കെടുത്തത് രണ്ടായിരം യുവജനങ്ങൾ

നടുവിൽ: കത്തോലിക്ക സഭ വിശുദ്ധനായി പ്രഖ്യാപിച്ച കാർലോ അക്വിറ്റിസിന്‍റെ തിരുശേഷിപ്പ് സംവഹിച്ച് തലശേരി അതിരൂപത കെസിവൈഎമ്മിന്‍റെ നേതൃത്വത്തിൽ വിളക്കന്നൂർ തീർഥാടന ദേവാലയത്തിലേക്ക് നടത്തിയ യുവജന തീർഥാടനം ചരിത്രസാക്ഷ്യമായി. അതിരൂപതയുടെ 19 ഫൊറോനകളുടെ ബാനറുകൾക്ക് പിന്നിൽ രണ്ടായിരത്തിലധികം കെസിവൈഎം പ്രവർത്തകർ വിശുദ്ധ കാർലോ അക്വിറ്റിസിന്‍റെ വസ്ത്രധാരണ രീതി അനുസ്മരിപ്പിക്കുന്ന തരത്തിൽ വെള്ള ടീഷർട്ടും നീല ജീൻസും അണിഞ്ഞെത്തിയത് കൗതുക്കാഴ്ചയായി. റോമിലെ അസീസിയിൽ നിന്നെത്തിച്ച വിശുദ്ധന്‍റെ തിരുശേഷിപ്പ് സംവഹിച്ച് മൂന്ന് കിലോമീറ്ററിലധികമാണ് നഗരപ്രദക്ഷിണം നടത്തിയത്. കേരളത്തിൽ ആദ്യമായാണ് ഇത്രയധികം യുവജനങ്ങൾ പങ്കെടുത്ത കാർലോ അക്വിറ്റസ് യുവജന തീർഥാടനം നടക്കുന്നത്. മാർ ജോസഫ് പാംപ്ലാനി മൂന്ന് കിലോമീറ്ററിലധികം ദൂരം തീർഥാടനത്തെ അനുഗമിച്ചു. വിശുദ്ധന്‍റെ ജീവിതത്തിന്‍റെ വിവിധ ഭാഗങ്ങൾ ഉൾപ്പെടുത്തിയ പത്തു നിശ്ചല ചിത്രങ്ങളും റാലിയുടെ ഭാഗമായി. റാലിയുടെ സമാപനമായി വിളക്കന്നൂർ തീർഥാടന ദേവാലയത്തിൽ നടന്ന വിശുദ്ധ കുർബാനയ്ക്ക് മാർ ജോസഫ് പാംപ്ലാനി മുഖ്യകാർമികത്വം വഹിച്ചു.

നിർമാണം പൂർത്തിയായിട്ട് രണ്ടു വർഷം; ഉദ്ഘാടനം നീളുന്നു

ജിജേഷ് ചാവശേരി മട്ടന്നൂർ: കണ്ണൂർ രാജ്യാന്തര വിമാനത്താവളത്തിൽ നിർമാണം പൂർത്തിയായ കാർഗോ കോംപ്ലക്സിന്‍റെയും കിയാൽ ഓഫീസ് അഡ്മിനിസ്‌ട്രേഷൻ ബ്ലോക്കിന്‍റെയും ഉദ്ഘാടനം നീളുന്നു. രണ്ടു വർഷം മുമ്പ് പ്രവൃത്തി പൂർത്തീകരിച്ചിട്ടും ഉദ്ഘാടനം നടത്താനുള്ള തയാറെടുപ്പില്ല. കിയാൽ ഓഫീസ് അഡ്മിനിസ്‌ട്രേഷൻ ബ്ലോക്ക് പരിസരം കാടുകയറി കിടക്കുകയാണ്. എയർ ട്രാഫിക് കൺട്രോൾ കെട്ടിടത്തിന് സമീപത്ത് 5800 ചതുരശ്ര മീറ്റർ വിസ്തീർണത്തിലാണ് കാർഗോ കോംപ്ലക്സ് നിർമിച്ചത്. പാസഞ്ചർ ടെർമിനൽ കെട്ടിടത്തിന് മുന്നിലായാണ് 3085 ചതുരശ്ര മീറ്ററിൽ കിയാൽ ഓഫീസിനായി നാലുനില കെട്ടിടം നിർമിക്കുന്നത്. കഴിഞ്ഞ മന്ത്രിസഭയിലെ ആരോഗ്യ മന്ത്രി കെ. കെ. ശൈലജ കാർഗോ കോംപ്ലക്സിന്‍റെയും വ്യവസായ വകുപ്പ് മന്ത്രി ഇ.പി. ജയരാജൻ അഡ്മിനിസ്‌ട്രേഷൻ ബ്ലോക്കിന്‍റെയും നിർമാണ പ്രവൃത്തി ഉദ്ഘാടനം ചെയ്തത്. ദീർഘകാല വികസന സാധ്യത കണക്കിലെടുത്താണ് 63,000 ടൺ ശേഷിയുള്ള കാർഗോ കോംപ്ലക്‌സ് നിർമിച്ചത്. കണ്ണൂർ, കാസർഗോഡ്, കുടക് ജില്ലകളിൽ നിന്നും വടകര മേഖലയിൽ നിന്നുമാണ് കാർഗോ വഴി കാർഷികോത്പന്നങ്ങൾ കയറ്റുമതിക്ക് സാധ്യതയുള്ളത്. പഴം, പച്ചക്കറി ഉൾപ്പെടെയാണ് കയറ്റിറക്കുണ്ടാകുക. ഭക്ഷ്യവസ്തുക്കൾ ഉൾപ്പടെയുള്ളവ കേടുകൂടാതെ സൂക്ഷിക്കാനും കയറ്റി അയക്കാനും കോൾഡ് സ്‌റ്റോറേജ് ഉൾപ്പടെ അത്യാധുനിക സൗകര്യങ്ങളോടെയാണ് കാർഗോ കോംപ്ലക്‌സ് നിർമിച്ചത്. വിശാലമായ അന്താരാഷ്ട്ര കാർഗോ സോണിനു പുറമെ ആഭ്യന്തര കയറ്റുമതി-ഇറക്കുമതിക്കായുള്ള പ്രത്യേക വിഭാഗവും കോംപ്ലക്‌സിലുണ്ട്. കാർഗോ കോംപ്ലക്സ് പ്രവർത്തനം ആരംഭിച്ചാലും വിദേശ വിമാനങ്ങൾ സർവീസ് തുടങ്ങിയാലാണ് കൂടുതൽ കയറ്റുമതിക്ക് സാധ്യതയുണ്ടാകുക. കാർഗോ കൈകാര്യം ചെയ്യുന്നതിന് താത്ക്കാലിക സജീകരണങ്ങളുണ്ട്. കാർഗോ കോംപ്ലക്‌സിന്‍റെ ആദ്യഘട്ടമെന്ന നിലയിൽ 1200 ചതുരശ്ര മീറ്റർ വിസ്തൃതിയുള്ള കെട്ടിടമാണ് നിർമിച്ചത്. ഇവിടെ നിന്നാണ് നിലവിൽ അന്താരാഷ്ട്ര, ആഭ്യന്തര ചരക്കുകൾ ഒന്നിച്ച് കൈകാര്യം ചെയ്യുന്നത്. അന്താരാഷ്ട്ര കാർഗോ കോംപ്ലക്‌സ് പ്രവർത്തനം ആരംഭിക്കുന്നതോടെ ഇത് ആഭ്യന്തര കാർഗോ കോംപ്ലക്‌സാക്കി നിലനിർത്തും. 5800 ചതുരശ്ര മീറ്റർ വിസ്തൃതിയിൽ നിർമിച്ച കാർഗോ കോംപ്ലക്‌സ് പ്രവർത്തനക്ഷമമായാൽ മലബാറിലെ വാണിജ്യകേന്ദ്രമെന്ന നിലയിൽ ഉയരാൻ കണ്ണൂരിന് കഴിയുമെന്നാണ് പ്രതീക്ഷ. കിയാലിന്‍റെ ആസ്ഥാന മന്ദിരം, സിഐഎസ്എഫ് ബാരക്ക്, കാർഗോ കോംപ്ലക്‌സ് എന്നിവ ഉൾപ്പടെ 117 കോടി രൂപയ്ക്കാണ് ടെൻഡർ നൽകിയിരുന്നത്. മോണ്ടി കാർലോ കമ്പനിയാണ് പ്രവൃത്തി ഏറ്റെടുത്തത്. കഴിഞ്ഞ ജനുവരിയിൽ കാർഗോ കോംപ്ലക്‌സ് ഉദ്ഘാടനം നടത്താൻ തീരുമാനിച്ചിരുന്നുവെങ്കിലും നീളുകയാണ്. നിലവിൽ ടെർമിനൽ കെട്ടിടത്തിൽ പ്രവർത്തിക്കുന്ന കിയാൽ ഓഫീസ് അഡ്മിനിസ്‌ട്രേഷൻ ബ്ലോക്ക് പ്രവർത്തനം ആരംഭിക്കുന്നതോടെ ഇവിടേക്ക് മാറ്റും. വിവിധ ഏജൻസികൾക്കുള്ള ഓഫീസ് സൗകര്യവും ഇവിടെയുണ്ടാകും.

‌പാർ‌ട്ടിയിൽ താൻ ഇളയവൻ; സദാനന്ദനെ മന്ത്രിയാക്കിയാൽ ചരിത്രം മാറും-സുരേഷ്‌ഗോപി

മട്ടന്നൂർ: കേരളത്തിന് ഉയർന്ന പരിഗണനയാണ് പ്രധാനമന്ത്രി നരേന്ദ്രമോദി നല്കുന്നതെന്ന് കേന്ദ്ര സഹ മന്ത്രി സുരേഷ്‌ഗോപി. രാജ്യസഭ എംപി സി. സദാനന്ദന്‍റെ ഓഫീസ് ഉദ്ഘാടനവും മട്ടന്നൂർ പൗരാവലിയുടെ നേതൃത്വത്തിൽ എംപിക്ക് നല്കുന്ന സ്വീകരണവും ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം. രാജ്യസഭാ എംപിയെന്ന നിലയിൽ വലിയ വികസന പദ്ധതികൾ കണ്ണൂരിലേക്ക് കൊണ്ടുവരാൻ സി. സദാനന്ദന് കഴിയും. കണ്ണൂർ എന്നത് തങ്ങൾക്ക് മനസെത്താത്ത ഇടമല്ല. ഇതിന്‍റെ ഖ്യാതി സദാനന്ദന് ലഭിക്കുമെന്ന അങ്കലാപ്പാണ് ജയരാജ സഹോദരന്മാർ ഉൾപ്പടെയുള്ളവരുടെ പരാമർശങ്ങളിൽ കണ്ടതെന്നും സുരേഷ്‌ഗോപി പറഞ്ഞു. മന്ത്രിയാകണമെന്ന് ഒരിക്കലും താൻ ആഗ്രഹിച്ചിട്ടില്ല. സിനിമാഭിനയം തുടരണമെന്നായിരുന്നു ആഗ്രഹം. ഇപ്പോൾ വരുമാനം വലിയ തോതിൽ നിലച്ചു. പാർട്ടിയിലെ ഏറ്റവും ഇളയ അംഗമാണ് താൻ. തന്നെ ഒഴിവാക്കി സദാനന്ദനെ മന്ത്രിയാക്കിയാൽ പുതിയ രാഷ്‌‌ട്രീയ ചരിത്രമാകും. മനസിലുള്ളത് മറച്ചുവച്ച് ചിരിച്ചുകാണിക്കുന്ന രാഷ്‌‌ട്രീയക്കാരനാകാൻ തനിക്ക് ഒരിക്കലും കഴിയില്ലെന്നും അദ്ദേഹം പറഞ്ഞു. തന്‍റെ കലുങ്ക് ചര്‍ച്ചക്കെതിരായ പ്രചാരണത്തിനെതിരേ പൂച്ചാണ്ടി കാണിച്ച് പേടിപ്പിക്കേണ്ടെന്നായിരുന്നു സുരേഷ്ഗോപിയുടെ മറുപടി. തനിക്ക് പറയാനുള്ളത് പറഞ്ഞുതന്നെ മുന്നോട്ടുപോകും. പ്രജ എന്ന് പറഞ്ഞാൽ എന്താണ് പ്രശ്നമെന്നും, പ്രജ എന്താണെന്ന് ആദ്യം പഠിക്കണമെന്നും കേന്ദ്രമന്ത്രി പറഞ്ഞു. താൻ എല്ലാകാര്യവും തുറന്നു പറയുന്നയാളാണ്. കേരളത്തിൽ എല്ലാം വളച്ചൊടിക്കുന്ന താണ് ഇപ്പോഴത്തെ പുതിയ രീതിയെന്നും സുരേഷ് ഗോപി ചൂണ്ടിക്കാട്ടി. ഇപ്പോഴത്തെ കേരളത്തിന്‍റെ കടം എത്രയാണെന്ന് നോക്കണം. എന്ത് ജനങ്ങൾക്ക് കൊടുത്തില്ലെങ്കിലും അത് കേന്ദ്രം തരാത്തത് കൊണ്ടാണെന്ന തുടുന്യായം മറ്റാരും രാജ്യത്ത് പറയുന്നില്ല. നവംബറിലെയും വരുന്ന ഏപ്രിൽ, മേയ് മാസങ്ങളിലെയും തെരഞ്ഞെടുപ്പ് സമയത്ത് ഇത് ഓർമ വേണമെന്നും അദ്ദേഹം പറഞ്ഞു. മട്ടന്നൂർ- ശിവപുരം റോഡിൽ ഇല്ലംമൂലയിൽ ഓഫീസ് ഉദ്ഘാടനം ചെയ്ത ശേഷം മട്ടന്നൂർ ശ്രീശങ്കര വിദ്യാപീഠം സീനിയർ സെക്കൻഡറി സ്കൂൾ അങ്കണത്തിൽ നടന്ന പൗരസ്വീകരണത്തിൽ സ്വാഗത സംഘം ചെയർമാൻ ഡോ. കൂമുള്ളി ശിവരാമൻ അധ്യക്ഷത വഹിച്ചു. നേതാക്കളായ വത്സൻ തില്ലങ്കേരി, ബിജു ഏളക്കുഴി, മട്ടന്നൂർ നഗരസഭ കൗൺസിലർ എ. മധുസൂദനൻ, ഡോ. ടി.പി. രവീന്ദ്രൻ, കൃഷ്ണകുമാർ കണ്ണോത്ത്, സി.എച്ച്. മോഹൻദാസ്, പ്രഫ. കെ.കെ. കുഞ്ഞി കൃഷ്ണൻ തുടങ്ങിയവർ പ്രസംഗിച്ചു.

പുര കത്തുന്പോൾ കഴുക്കോൽ മോഷണം !

തളിപ്പറമ്പ്: തളിപ്പറന്പിൽ തീപിടിത്തമുണ്ടായ സമയത്ത് സൂപ്പർ മാർക്കറ്റിൽനിന്ന് സാധനങ്ങൾ മോഷ്ടിച്ചതായി പരാതി. അന്നു വൈകുന്നേരം അഞ്ചോടെ നബ്രാസ് സൂപ്പർ മാർക്കറ്റിൽ നിന്നാണ് സാധനങ്ങൾ മോഷണം പോയത്. പർദ ധരിച്ച ഒരു സ്ത്രീ സാധനങ്ങൾ ഒരു സഞ്ചിയിൽ എടുത്ത് വയ്ക്കുന്ന ദൃശ്യങ്ങൾ ഷോപ്പിലെ സിസി ടിവിയിൽനിന്നു ലഭിച്ചു. പതിനായിരം രൂപയുടെ സാധനങ്ങൾ മോഷ്ടിച്ചതായാണ് പരാതി. വൈകുന്നേരം അഞ്ചോടെയായിരുന്നു തീപിടിത്തമുണ്ടായത്.

ഭിന്നശേഷി പ്രതിഭാ സംഗമം സമാപിച്ചു

കണ്ണൂർ: സംഗീതം മനസിനെ മാത്രമല്ല, ശാരീരിക വൈകല്യത്തെ പോലും തരണം ചെയ്യുന്ന മരുന്നായി പലപ്പോഴും മാറിയിട്ടുണ്ടെന്ന് പ്രമുഖ ഗാനരചതിയാവ് കൈതപ്രം ദാമോദരൻ നമ്പൂതിരി. വർത്തിക്കുന്നു തിരമാല -സിനാൻ ഡിഫറന്‍റ്‌ലി ഏബിൾഡ് ചിൽഡ്രൻസ്‌ ചാരിറ്റബിൾ ട്രസ്റ്റിന്‍റെ ആഭിമുഖ്യത്തിൽ കണ്ണൂർ ടൗൺ സ്ക്വയറിൽ നടന്ന ഭിന്നശേഷി പ്രതിഭാ സംഗമത്തിൽ മുഖ്യാതിഥിയായി സംസാരിക്കുകയായിരുന്നു കൈതപ്രം. പ്രതികൂലമായ സാഹചര്യത്തിൽ പടവെട്ടിയാണ് ജീവിതത്തിൽ വിജയിക്കേണ്ടത്. അതാണ് മഹത്തരം. അതിനു തെളിവാണ് ഇവിടെ വിവിധ പരിപാടികളിൽ പങ്കെടുക്കുന്ന കലാകാരന്മാരെന്നും കൈതപ്രം പറഞ്ഞു. 600 ഓളം ഭിന്നശേഷി പ്രതിഭകളും അവരുടെ രക്ഷിതാക്കളും രണ്ടുദിവസമായി നടന്ന പരിപാടിയിൽ പങ്കെടുത്തു. ചിത്രശലഭം രണ്ടാം ദിവസം കലാപരിപാടിയുടെ ഔപചാരികമായ ഉദ്ഘാടനം അഴീക്കോട് എംഎൽഎ കെ.വി. സുമേഷ് നിർവഹിച്ചു. വർണശലഭം രക്ഷാകൃത സംഗമവും ട്രസ്റ്റിന്‍റെ ഔപചാരിക ഉദ്ഘാടനവും സ്പീക്കർ എ.എൻ. ഷംസീർ ഉദ്ഘാടനം ചെയ്തു. റഷീദ് കവ്വായി അധ്യക്ഷത വഹിച്ചു. സജീവൻ ചെല്ലൂർ, ഡോ. അമർ രാമചന്ദ്രൻ, മനോജ്കുമാർ, ഡോ. സുരേഷ് ഗുപ്തൻ തുടങ്ങിയവർ പ്രസംഗിച്ചു.

സിബിഎസ്ഇ കണ്ണൂർ ജില്ലാ കലോത്സവ വിജയികൾ

ട്രിപ്പിൾ നേട്ടവുമായി മെർലിൻ സോജൻ ശ്രീകണ്ഠപുരം: സിബിഎസ്ഇ കണ്ണൂർജില്ലാ കലോത്സവത്തിൽ പങ്കെടുത്ത മൂന്നിനങ്ങളിലും ഒന്നാംസ്ഥാനം കരസ്ഥമാക്കി ശ്രീകണ്ഠപുരം മേരിഗിരി ഇംഗ്ലീഷ് മീഡിയം സ്കൂളിലെ 12ാം ക്ലാസ് വിദ്യാർഥിനി മെർലിൻ സോജൻ. മോണോ ആക്ട്, ആങ്കറിംഗ് ഇംഗ്ലീഷ് പ്രസംഗം എന്നിവയിലാണ് ഒന്നാം സ്ഥാനം നേടിയത്. തുടർച്ചയായി മൂന്നാം തവണയാണ് ജില്ലാതലത്തിൽ മോണോആക്ടിൽ ഒന്നാംസ്ഥാനം നേടുന്നത്. കഴിഞ്ഞവർഷം സിബിഎസ്ഇ സംസ്ഥാനതല കലോത്സവത്തിൽ മോണോആക്ടിന് ഒന്നാം സ്ഥാനം നേടിയിരുന്നു. സിനിമതാരം കൂടിയാണ് മെർലിൻ സോജൻ. 2024 ജനുവരിയിൽ റിലീസ് ആയ 1098 എന്ന സിനിമയിൽ പ്രധാനവേഷം ചെയ്തിട്ടുണ്ട്. ഷെരീഫ് ഈസ സംവിധാനം ചെയ്യുന്ന ഇപ്പോൾ ചിത്രീകരണം നടന്നുകൊണ്ടിരിക്കുന്ന വിശുദ്ധവാര എന്ന സിനിമയിലും വേഷമിടുന്നുണ്ട്. പുലിക്കുരുമ്പയിലെ മനാട്ട് സോജൻ- സിമോണി ദമ്പതികളുടെ മകളാണ്. സഹോദരൻ മിലൻ.

മുനമ്പം ജനതയുടെ റവന്യു അവകാശങ്ങൾ പുനഃസ്ഥാപിക്കണം: പാസ്റ്ററൽ കൗൺ‌സിൽ

കണ്ണൂർ: മുനമ്പത്തേത് വഖഫ് ഭൂമിയല്ലെന്ന ഹൈക്കോടതി ഡിവിഷൻ ബെഞ്ച് ഉത്തരവ് കണ്ണൂർ രൂപത പാസ്റ്ററൽ കൗൺസിൽ യോഗം സ്വാഗതം ചെയ്തു. പുതിയ ഉത്തരവിന്‍റെ അടിസ്ഥാനത്തിൽ മുനമ്പം ജനതയുടെ റവന്യു അവകാശങ്ങൾ പുനഃസ്ഥാപിക്കാൻ സർക്കാർ നടപടി സ്വീകരിക്കണമെന്ന് പ്രമേയത്തിലൂടെ കൗൺസിൽ ആവശ്യപ്പെട്ടു. മനുഷ്യനന്മയിൽ ഊന്നിയ ദൈവ വിശ്വാസത്തിലൂടെയാണ് വെല്ലുവിളികൾ നിറഞ്ഞ കാലഘട്ടത്തിൽ ലോകത്തിനു ദൈവാത്മാവിനെ പകരേണ്ടതെന്ന് പാസ്റ്ററൽ കൗൺസിൽ ഉദ്ഘാടന യോഗത്തിൽ അധ്യക്ഷത വഹിച്ച കണ്ണൂർ ബിഷപ് ഡോ. അലക്സ് വടക്കുംതല പറഞ്ഞു. സഭയുടെ ശബ്ദമായി മാറാൻ കൗൺസിൽ അംഗങ്ങൾക്ക് സാധിക്കണമെന്നും ക്രിസ്തുവിന്‍റെ സ്വരം സഭാംഗങ്ങളിലൂടെ കേൾക്കണമെന്നും രൂപത സഹായമെത്രാൻ ഡോ. ഡെന്നിസ് കുറുപ്പശേരി ആഹ്വാനം ചെയ്തു. ലോഗോസ് ക്വിസിൽ ഉന്നത വിജയം കരസ്ഥമാക്കിയ ഷിബു ഫെർണാണ്ടസിനെ ചടങ്ങിൽ ആദരിച്ചു. രൂപത വികാരി ജനറാൾ മോൺ. ക്ലാരൻസ് പാലിയത്ത്, പാസ്റ്ററൽ കൗൺസിൽ സെക്രട്ടറി ഫാ. ഷിറോൺ ആന്‍റണി, രൂപത പ്രൊക്കുറേറ്റർ ഫാ. ജോർജ് പൈനാടത്ത്, ഫാ. ബെന്നി പുത്തറയിൽ, ഫാ. റോയ് നെടുന്താനം, ഫാ. തോംസൺ കൊറ്റിയാത്ത്, ഫാ. ഷോബി ജോർജ്, ഫാ. ജോമോൻ ചെമ്പകശേരി, ഫാ. ജോയ് പൈനാടത്ത്, ഫാ. രാജൻ ഫൗസ്ത, ഫാ. മാർട്ടിൻ രായപ്പൻ, ആന്‍റണി നൊറോണ, കെ.എച്ച്. ജോൺ, അനീഷ് സ്റ്റീഫൻ, ബൈജു, ബിനു തുടങ്ങിയവർ പ്രസംഗിച്ചു.

ബോംബിനും ആയുധങ്ങൾക്കുമായി പോലീസ് റെയ്ഡ്

കണ്ണൂർ: കൂത്തുപറന്പ് മേഖലയിൽ ആയുധങ്ങളും ബോംബിന്‍റെ അവശിഷ്ടങ്ങളും കണ്ടെത്തിയതും ജില്ലയിലെ വിവിധ ഭാഗങ്ങളിൽനിന്ന് ചില സ്ഫോടന സംഭവങ്ങൾ റിപ്പോർട്ട് ചെയ്തതിന്‍റേയും അടിസ്ഥാനത്തിൽ പോലീസ് പരിശോധന കർശനമാക്കി. അക്രമ സംഭവങ്ങൾ അമർച്ച ചെയ്യുന്നതിന്‍റെ ഭാഗമായാണ് കണ്ണൂർ പോലീസ് ഡിവഷനു കീഴിലുള്ള സ്റ്റേഷൻ പരിധിയിൽ ഇന്നലെ റെയ്ഡ് നടത്തിയത്. കൂത്തുപറന്പ് മേഖലയിൽ നടത്തിയ പരിശോധനയ്ക്ക് പുറമെ കണ്ണൂർ ടൗൺ എസിപി പ്രദീപൻ കണ്ണിപൊയിലിന്‍റെ നേതൃത്വത്തിൽ വളപട്ടണം, മയ്യിൽ പോലീസ് സ്റ്റേഷൻ പരിധിയിലെ അഴീക്കൽ, അഴീക്കോട് ഭാഗങ്ങളിലും ചക്കരക്കൽ പോലീസ് സ്റ്റേഷൻ പരിധിയിലെ വിവിധ പ്രദേശങ്ങളിലും പോലീസും ബോംബ് സ്ക്വാഡും സംയുക്ത പരിശോധന നടത്തി. ഇന്നലെ രാവിലെ ഒന്പതിന് ആരംഭിച്ച പരിശോധന ഉച്ചയ്ക്ക് 12.30 വരെ തുടർന്നെങ്കിലും കാര്യമായി ഒന്നും കണ്ടെത്താനായില്ല. തദ്ദേശ തെരഞ്ഞെടുപ്പുകൂടി പ്രഖ്യാപിച്ച സാഹചര്യത്തിൽ വരും ദിവസങ്ങളിൽ കൂടുതൽ പരിശോധന നടത്താനാണ് പോലീസ് നീക്കം. സംഘർഷ സാധ്യത പ്രദേശങ്ങളിൽ ബോംബുവേട്ടയ്ക്കായി പ്രത്യേക പോലീസ് സംഘത്തെ തന്നെ ഇറക്കാനാണ് തീരുമാനം.

ശബരിമല വിശ്വാസ സംരക്ഷണയാത്ര 14ന് ജില്ലയില്‍; കണ്ണൂരിലും ഇരിട്ടിയിലും സ്വീകരണസമ്മേളനങ്ങള്‍

കണ്ണൂര്‍: ശബരിമലയുടെ ആചാരവും വിശ്വാസവും സംരക്ഷിക്കണമെന്നും ദേവസ്വം സ്വത്തുവകകള്‍ മോഷ്ടിച്ചവരെ കണ്ടെത്തി ശിക്ഷിക്കണമെന്നും ആവശ്യപ്പെട്ടുള്ള കെപിസിസിയുടെ മേഖലാ ജാഥയ്ക്ക് 14ന് കണ്ണൂര്‍ ജില്ലയില്‍ നല്‍കുന്ന സ്വീകരണങ്ങളുടെ ഒരുക്കങ്ങള്‍ പൂര്‍ത്തിയായതായി ഡിസിസി പ്രസിഡന്‍റ് മാര്‍ട്ടിന്‍ ജോര്‍ജ് അറിയിച്ചു. കെപിസിസി മുന്‍ പ്രസിഡന്‍റ് കെ. മുരളീധരന്‍ നയിക്കുന്ന ജാഥയെ 14 ന് ഉച്ചകഴിഞ്ഞ് 1.30 ന് ജില്ലാ അതിര്‍ത്തിയായ കാലിക്കടവ് ആണൂരില്‍ നിന്നും ജില്ലയിലേക്ക് സ്വീകരിക്കും. നിരവധി വാഹനങ്ങളുടെ അകമ്പടിയോടെ ജില്ലയിലെ ആദ്യസ്വീകരണകേന്ദ്രമായ കണ്ണൂര്‍ ടൗണ്‍ സ്‌ക്വയറിലേക്ക് ആനയിക്കും. ഉച്ചകഴിഞ്ഞ് മൂന്നിനു നടക്കുന്ന സ്വീകരണസമ്മേളനം കോണ്‍ഗ്രസ് പ്രവര്‍ത്തക സമിതിയംഗം കെ. സുധാകരന്‍ എംപി ഉദ്ഘാടനം ചെയ്യും. വൈകുന്നേരം അഞ്ചിന് ഇരിട്ടിയില്‍ നടക്കുന്ന സ്വീകരണസമ്മേളനം കെപിസിസി പ്രസിഡന്‍റ് സണ്ണി ജോസഫ് എംഎല്‍എ ഉദ്ഘാടനം ചെയ്യും. തുടര്‍ന്ന് ജാഥ വയനാട് ജില്ലയിലേക്ക് പ്രവേശിക്കും. രാഷ്ട്രീയകാര്യ സമിതി അംഗം ടി. സിദ്ദിഖ് ജാഥാ വൈസ് ക്യാപ്റ്റനും കെപിസിസി ജനറല്‍ സെക്രട്ടറി പി.എം. നിയാസ് ജാഥാ മാനേജരുമാണ്.

കോൺഗ്രസ് തില്ലങ്കേരി മണ്ഡലം കമ്മിറ്റി എക്സിക്യുട്ടീവ് ക്യാമ്പ് സംഘടിപ്പിച്ചു

ഇരിട്ടി: വിശ്വാസികളുടെ വിശ്വാസം സംരക്ഷിക്കാൻ കോൺഗ്രസ് മുന്നണി പോരാളിയായി നിൽക്കുമെന്നും കപട ഭക്തിയുമായി വോട്ട് തട്ടാൻ എത്തുന്നവരെ തിരിച്ചറിയണമെന്നും കെപിസിസി സെക്രട്ടറി ചന്ദ്രൻ തില്ലങ്കേരി. കോൺഗ്രസ് തില്ലങ്കേരി മണ്ഡലം കമ്മിറ്റിയുടെ നേതൃത്വത്തിൽ ത്രിതല പഞ്ചായത്ത് തെരഞ്ഞെടുപ്പിന്‍റെ മുന്നൊരുക്കത്തിന്‍റെ ഭാഗമായി നടന്ന എക്സിക്യുട്ടീവ് ക്യാമ്പ് ഉദ്ഘാടനം ചെയ്തു പ്രസംഗിക്കുകയിരുന്നു അദ്ദേഹം. മണ്ഡലം പ്രസിഡന്‍റ് രാഗേഷ് തില്ലങ്കേരി അധ്യക്ഷത വഹിച്ചു. സുരേഷ് മാവില, കെ.പി. പത്മനാഭൻ, വി. മോഹനൻ, എം. മോഹനൻ, പി.വി. സുരേന്ദ്രൻ, എം.സി. വേണു, മൂർക്കോത്ത് കുഞ്ഞിരാമൻ, ടി. കൃഷ്ണൻ മാസ്റ്റർ, സി.പി. കമലാക്ഷി, ഡോളിദാസ്, എം. റയീസ്, പി.എം. ജയപ്രകാശ്, നെല്ലിക്ക രാജൻ, രജനി രാധാകൃഷ്ണൻ, പി. ജിജീഷ് തുടങ്ങിയവർ പ്രസംഗിച്ചു. സമാപന സമ്മേളനം കെപിസിസി മെമ്പർ രാജീവൻ എളയവൂർ ഉദ്ഘാടനം ചെയ്തു.

പൾസ്‌ പോളിയോ: ജില്ലയിൽ 2087 ബൂത്തുകൾ വഴി കുട്ടികൾക്ക് തുള്ളിമരുന്ന് നൽകി

കണ്ണൂർ: പൾസ് പോളിയോ ഇമ്യൂണൈസേഷൻ പരിപാടിയുടെ ഭാഗമായി ജില്ലയിലെ അഞ്ചു വയസിൽ താഴെയുള്ള കുട്ടികൾക്ക് 2087 ബൂത്തുകളിലൂടെ തുള്ളിമരുന്ന് നൽകി. ജില്ലാതല ഉദ്ഘാടനം മുഴപ്പാല സ്വദേശിനി നിഖിഷയുടെ മകൻ രണ്ടുവയസുകാരൻ നിർവികിന് പോളിയോ മരുന്ന് നൽകി കെ.വി. സുമേഷ് എംഎൽഎ നിർവഹിച്ചു. കണ്ണൂർ ജില്ലാ ആശുപത്രിയിൽ നടന്ന പരിപാടിയിൽ ഡിഎംഒ ഡോ. പിയൂഷ് എം. നമ്പൂതിരിപ്പാട് അധ്യക്ഷത വഹിച്ചു. ആരോഗ്യ വകുപ്പ് അഡീഷണൽ ഡയറക്ടർ ഡോ.എ.പി. ദിനേശ്, നാഷണൽ ഹെൽത്ത്‌ മിഷൻ കണ്ണൂർ ജില്ലാ പ്രോഗ്രാം മാനേജർ ഡോ.പി.കെ. അനിൽകുമാർ, ജില്ലാ ആശുപത്രി ഡെപ്യുട്ടി സൂപ്രണ്ട് ഡോ. ഗ്രിഫിൻ സുരേന്ദ്രൻ, ജില്ലാ ആർസിഎച്ച് ഓഫീസർ ഡോ.ജി. അശ്വിൻ തുടങ്ങിയവർ പ്രസംഗിച്ചു. ജില്ലയിലാകെ 2087 ബൂത്തുകൾ വഴിയാണ് തുള്ളിമരുന്ന് നല്കിയത്. ആരോഗ്യ കേന്ദ്രങ്ങൾ, അങ്കണവാടികൾ, സ്കൂളുകൾ, ബസ്‌സ്റ്റാൻഡുകൾ, റെയിൽവേ സ്റ്റേഷനുകൾ തുടങ്ങി കുട്ടികൾ വരാൻ സാധ്യതയുള്ള ഇടങ്ങളിൽ ആണ് ബൂത്തുകൾ ക്രമീകരിച്ചിരുന്നത്. പൾസ് പോളിയോ ദിനത്തിൽ വാക്സിൻ ലഭിക്കാത്ത അഞ്ചു വയസിനു താഴെയുള്ള കുട്ടികളെ കണ്ടെത്തി തുടർന്നുള്ള രണ്ട് ദിവസങ്ങളിൽ വോളന്‍റിയർമാർ/ആരോഗ്യ പ്രവർത്തകർ വീടുകളിൽ എത്തി പോളിയോ തുള്ളിമരുന്ന് നല്കും. തദ്ദേശസ്വയംഭരണ സ്ഥാപനങ്ങൾ, വിവിധ വകുപ്പുകൾ,റോട്ടറി ഇന്‍റർനാഷണൽ, സന്നദ്ധ സംഘടനകൾ എന്നിവരുടെ സഹകരണത്തോടെയാണ് പൾസ് പോളിയോ ഇമ്യൂണൈസേഷൻ പരിപാടി സംഘടിപ്പിക്കുന്നത്.

ആറളം ഫാമിലെ റബർ ടാപ്പിംഗ് തൊഴിലാളികൾക്ക് ഭീഷണിയായി ആനക്കൂട്ടം

ഇരിട്ടി: ആറളം ഫാമിലെ പാട്ടത്തിന് നൽകിയ റബർ തോട്ടം മേഖലയിൽ കാട്ടാനകൾ തമ്പടിക്കുന്നത് ടാപ്പിംഗ് തൊഴിളികൾക്ക് ഭീഷണിയാകുന്നു. മേഖലയിൽ നാലിൽ അധികം വരുന്ന ആനകൂട്ടം ചുറ്റിത്തിരിയുന്നത് പുലർച്ചെ ടാപ്പിംഗിനെത്തുന്ന തൊഴിലാളികളുടെ ജീവന് ഭീഷണിയായിരിക്കുകയാണ്. തൊഴിലാളികൾ പലരും അത്ഭുതകരമായാണ് ആനയുടെ പിടിയിൽ നിന്നും രക്ഷപ്പെടുന്നത്. ടാപ്പിംഗിനിടയിൽ ആനവരുന്നത് ശ്രദ്ധിക്കാൻ പറ്റാതെ വരുന്നതാണ് ആനയ്ക്ക് മുന്നിൽ പെടാൻ കാരണം. കഴിഞ്ഞ ദിവസം ബ്ലോക്ക് 10 ലെ നന്ദുവിനെ കാട്ടാന ഓടിച്ചിരുന്നു. ഓടി രക്ഷപ്പെടുന്നതിനിടയിൽ മുൾപടർപ്പിൽ പെട്ട് നന്ദുവിന്‍റെ കഴുത്തിന് പരിക്കേ റ്റിരുന്നു. അദ്ഭുതകരമായാണ് നന്ദു അന്ന് രക്ഷപെട്ടത്. കഴിഞ്ഞ ഒരാഴ്ചയിലധികമായി ആനകൾ സ്ഥിരമായി റബർ തോട്ടത്തിനുള്ളിൽ ഉണ്ടെന്നാണ് ടാപ്പിംഗ് തൊഴിലാളികൾ പറയുന്നത്. കഴിഞ്ഞ ദിവസം മൊട്ടുകൊമ്പൻ അടക്കം നാലിൽ അധികം ആനകളെ ഇവിടെ കണ്ടെന്നാണ് തൊഴിലാളികൾ പറയുന്നത്. റബർ തോട്ടത്തിൽ പാൽ നിറച്ചു വെച്ചിരുന്ന ബാരലുകളും പാത്രങ്ങളും ആന ചവിട്ടി നശിപ്പിച്ചിരിന്നു. ആനകൾ നാശം വിതയ്ക്കുന്നത് തോട്ടം കരാർ എടുത്തിരിക്കുന്നവർക്ക് വലിയ നഷ്ടമാണ് വരുത്തിവയ്ക്കുന്നത്. വനം വകുപ്പിനെ വിവരം അറിയിച്ചാലും ഇവിടേക്ക് എത്തിച്ചേരാൻ വഴി ഇല്ലാത്തത് ആനകളെ തുരത്തുന്നതിന് തടസമാകുന്നു. കാട് വെട്ടിത്തെളിക്കാത്തത് ഭീഷണിയാകുന്നു ആറളം ഫാമിലെ എംആർഎസിനോട് ചേർന്ന വട്ടകാട് മേഖലയിലും പുനരധിവാസ മേഖലയിലും അടിക്കാടുകൾ വെട്ടിത്തെളിക്കാത്തത് ജനങ്ങളുടെ ജീവന് ഭീഷണിയാകുന്നു. നിലവിൽ പലസ്ഥലങ്ങളിലും കാടുവെട്ടിതെളിക്കൽ നടക്കുന്നുണ്ടെങ്കിലും വേണ്ടത്ര വേഗത്തിൽ നടക്കുന്നില്ല എന്ന ആക്ഷേപം ഉയരുന്നുണ്ട്. റോഡുകളുടെ ഇരുവശവും കാടുകേറി കിടക്കുന്നതുമൂലം ആന ഉൾപ്പെടെയുള്ളവയുടെ സാന്നിധ്യം തിരിച്ചറിയാൻ കഴിയില്ല. റബർ തോട്ടത്തോട് ചേർന്ന കാടുപിടിപ്പിച്ചു പ്രദേശമാണ് ആനകളുടെ പ്രധാന കേന്ദ്രം. കാടുകൾ വെട്ടിമാറ്റി ആനകളെ ഇവിടെ നിന്നും തുരത്തണമെന്നാണ് പ്രദേശവാസികളുടെയും തൊഴിലാളികളുടെയും ആവശ്യം. വനം വകുപ്പിന്‍റെ ഓപ്പറേഷൻ ഗജമുക്തിയിൽ റബർ തോട്ടത്തിൽ നിലയുറപ്പിച്ചിരിക്കുന്ന ആനകളെ തുരത്താനുള്ള നടപടി സ്വീകരിക്കണമെന്നും ഫാമിന്‍റെ ഉടമസ്ഥതയിലുള്ള പ്രദേശത്തെ കാട് വെട്ടിത്തെളിക്കാൻ ഫാം അധികൃതർ നടപടി സ്വീകരിക്കാൻ തയാറാകണമെന്നുമാണ് ടാപ്പിംഗ് തൊഴിലാളികൾ ആവശ്യപ്പെടുന്നത്.

കളഞ്ഞു കിട്ടിയ പണം ഉടമസ്ഥന് തിരിച്ച് നൽകി പോലീസ്

തളിപ്പറമ്പ്: കഴിഞ്ഞ ദിവസം തളിപ്പറമ്പിലുണ്ടായ തീപിടിത്ത സ്ഥലത്തു നിന്നു ലഭിച്ച പണം ഉടമസ്ഥന് തിരിച്ചു നല്‍കി തളിപ്പറമ്പ് പോലീസ്. തളിപ്പറമ്പ് ചെത്തുതൊഴിലാളി സഹകരണ സംഘത്തിലെ ജീവനക്കാരന്‍ കൂവോട്ടെ പ്രശാന്ത്കുമാറിന്‍റെ പണമാണ് നഷ്ടപ്പെട്ടത്. തീപിടിത്ത വിവരം അറിഞ്ഞ് സ്ഥലത്തെത്തിയ പ്രശാന്ത് കുമാര്‍ സ്ഥലത്തുവച്ച് ഫയര്‍ഫോഴ്‌സ് വെള്ളം ചീറ്റുമ്പോള്‍ നനഞ്ഞതിനാല്‍ പോക്കറ്റില്‍ നിന്നും അരയില്‍ തിരുകിവച്ച പണവും കടലാസുകളും നഷ്ടപ്പെടുകയായിരുന്നു. രാത്രി പതിനൊന്നരവരെ അന്വേഷണം നടത്തിയെങ്കിലും പണം കിട്ടിയില്ല. ഇതിനിടെ പണം ലഭിച്ച എഎസ്ഐ പ്രീത പണം സ്റ്റേഷനില്‍ ഏല്പിച്ചിരുന്നു. പിന്നീട് സ്റ്റേഷനില്‍ വച്ച് എഎസ്ഐ പ്രീത പണം പ്രശാന്തിന് തിരിച്ചു നല്‍കി.

പോളിയോ തുള്ളിമരുന്ന് കൊടുക്കാൻ എത്തിയ ആരോഗ്യപ്രവർത്തകർക്ക് ലഭിച്ചത് മദ്യക്കുപ്പികൾ

ചെറുപുഴ: ആരോഗ്യപ്രവർത്തകർ പൾസ് പോളിയോ തുള്ളിമരുന്ന് കൊടുക്കാൻ എത്തിയപ്പോൾ ലഭിച്ചത് മദ്യക്കുപ്പികൾ. ഇന്നലെ രാവിലെ തിരുമേനിയിലാണ് സംഭവം. തിരുമേനി വ്യാപാര ഭവനിൽ പോളിയോ തുള്ളി മരുന്ന് നൽകാൻ എത്തിയതായിരുന്നു പുളിങ്ങോം കുടുംബാരോഗ്യ കേന്ദ്രത്തിലെ ഹെൽത്ത് ഇൻസ്പെക്ടർമാരും നഴ്സുമാരും. കൗണ്ടർ ഒരുക്കുമ്പോൾ പൊതിഞ്ഞ പാഴ്സൽ കണ്ടത്. പരിശോധിച്ചപ്പോൾ ആറ് മദ്യക്കുപ്പികൾ. അനധികൃത മദ്യവിൽപ്പനക്കാർ കൊണ്ടുവന്ന് വച്ചതായിരുന്നു. ഹെൽത്ത് ഇൻസ്പെക്ടർ ജോബിന്‍റെ നേതൃത്വത്തിൽ മദ്യക്കുപ്പികൾ പൊട്ടിച്ച് മദ്യം ഒഴുക്കിക്കളഞ്ഞു. തിരുമേനി ടൗണും പരിസവും അനധികൃത മദ്യവിൽപനക്കാരുടെ താവളമാണ്. ധാരാളം പേർ ഇവിടെ നിന്നും മദ്യം വാങ്ങുന്നുണ്ട്. ആലക്കോട് നിന്നുമാണ് മദ്യം വാങ്ങിക്കൊണ്ടു വന്ന് വില കൂട്ടി വിൽക്കുന്നത്.

"ചാലിലച്ചൻ മലബാറിന്‍റെ കർമയോഗി' പുസ്തക ചർച്ച നടത്തി

ചെമ്പേരി: ലൈബ്രറി കൗൺസിൽ ഏരുവേശി പഞ്ചായത്ത് നേതൃസമിതിയുടെയും ചെമ്പേരി ദേശീയ വായനശാല ആൻഡ് ഗ്രന്ഥാലയത്തിന്‍റേയും സംയുക്താഭിമുഖ്യത്തിൽ സംഘടിപ്പിച്ച പുസ്തക ചർച്ച ചെമ്പേരി ദേശീയ വായനശാല ഹാളിൽ നടന്നു. ഡോ. സെബാസ്റ്റ്യൻ ഐക്കര രചിച്ച "ചാലിലച്ചൻ മലബാറിന്‍റെ കർമയോഗി' എന്ന ജീവചരിത്ര ഗ്രന്ഥമാണ് ചർച്ച ചെയ്തത്. ചെമ്പേരി ലൂർദ് മാതാ ബസിലിക്ക റെക്ടർ റവ.ഡോ.ജോർജ് കാഞ്ഞിരക്കാട്ട് ഉദ്ഘാടനം ചെയ്തു. ലൈബ്രറി കൗൺസിൽ ഏരുവേശി പഞ്ചായത്ത് നേതൃസമിതി ചെയർമാൻ ജോഷി കുന്നത്ത് അധ്യക്ഷത വഹിച്ചു. നേതൃസമിതി കൺവീനർ ടി. രാജു ആമുഖ പ്രഭാഷണവും പയ്യാവൂർ പഞ്ചായത്ത് പ്രസിഡന്‍റ് സാജു സേവ്യർ പുസ്തകാവതരണവും നടത്തി. എഴുത്തുകൂട്ടം അഖിലേന്ത്യ ഓർഗനൈസിംഗ് സെക്രട്ടറി അജിത് കൂവോട് മുഖ്യാതിഥിയായിരുന്നു. എഴുത്തുകാരായ ഷിനോജ് കെ. ആചാരി, അനീഷ് ജോസഫ്, ജോൺസൺ തുടിയൻ, ലിജു ജേക്കബ്, ടോമി ചാമക്കാലായിൽ, ജോമി ചാലിൽ എന്നിവർ ചർച്ചയിൽ പങ്കെടുത്തു.

ശ്രീകണ്ഠപുരത്ത് പാലിയേറ്റീവ് സന്ദേശ റാലി സംഘടിപ്പിച്ചു

ശ്രീകണ്ഠപുരം: സമരിറ്റൻ പാലിയേറ്റീവിന്‍റെ നേതൃത്വത്തിൽ ലോക പാലിയേറ്റീവ് ദിനത്തിന് മുന്നോടിയായി ശ്രീകണ്ഠപുരത്തും പരിസരപ്രദേശങ്ങളിലും ഉള്ള വിദ്യാഭ്യാസ സ്ഥാപനങ്ങളുടെയും സന്നദ്ധ സംഘടനകളുടെയും സഹകരണത്തോടെ പാലിയേറ്റീവ് സന്ദേശ റാലി സംഘടിപ്പിച്ചു. ശ്രീകണ്ഠപുരം എസ്ഐ പി.പി. പ്രകാശൻ ഫ്ലാഗ് ഓഫ് ചെയ്തു. വോളണ്ടിയർമാർ, ശ്രീകണ്ഠപുരം യൂണിറ്റ് എക്സ് സർവീസ് മെൻസ് ലീഗ്, ശ്രീകണ്ഠപുരത്തെയും ചെങ്ങളായിയിലെയും ആശാവർക്കർമാർ, ആരോഗ്യപ്രവർത്തകർ,സന്നദ്ധ സംഘടന പ്രതിനിധികൾ എന്നിവരും ശ്രീകണ്ഠപുരം എസ്ഇഎസ് കോളജ്, കോട്ടൂർ ഐടിഐ, ലിറ്റിൽ ഫ്ലവർ സ്കൂൾ കോട്ടൂർ, ശ്രീകണ്ഠപുരം ഗവ. ഹയർ സെക്കൻഡറി സ്കൂൾ, ഗവ. ഹൈസ്കൂൾ, ചെമ്പന്തൊട്ടി സെന്‍റ് ജോർജ് ഹൈസ്കൂൾ എന്നീ സ്കൂളുകളിൽ നിന്നുള്ള വിദ്യാർഥികളും സന്ദേശറാലിയിൽ പങ്കെടുത്തു. ശ്രീകണ്ഠപുരം ബസ് സ്റ്റാൻഡിൽ നടന്ന പൊതുസമ്മേളനത്തിൽ ഡോ. ലില്ലി അധ്യക്ഷത വഹിച്ചു. സമരിറ്റൻ ഒപ്പം കൂട്ടായ്മയുടെ മുൻ ചെയർമാൻ പ്രഫ.വി.ഡി. ജോസഫിന്‍റെ സ്മരണാർഥം കുടുംബാംഗങ്ങൾ ഏർപ്പെടുത്തിയ സ്കോളർഷിപ്പ് തുക എർവിൻ സന്തോഷിന് കൈമാറി. ഫാ. അനൂപ് നരിമറ്റത്തിൽ, ഫാ. ഷെബിൻ പന്തക്കൽ, ഫാ. അനന്ദു വില്ലിടുംപാറ, ഫാ. ബിനു പൈമ്പിള്ളിൽ സമരിറ്റൻ, ഒപ്പം പാലിയേറ്റീവ് കൂട്ടായ്മ ചെയർമാൻ കെ.വി. ശശിധരൻ സോയി ജോസഫ്, സൈജോ ജോസഫ്, ജോസ് കൊല്ലിയിൽ, പുരുഷോത്തമൻ, രാജേഷ് എന്നിവർ പ്രസംഗിച്ചു.

ഷാജിക്ക് നാടിന്‍റെ യാത്രാമൊഴി

വയനാട്ടുപറമ്പ്: സൗമ്യനും നാട്ടുകാരുടെ പ്രിയങ്കരനുമായ മണ്ണൂർ ഷാജി ജോസഫിന് ആയിരങ്ങളുടെ യാത്രാമൊഴി. ശനിയാഴ്ച വിദേശത്തുനിന്നും വന്ന തന്‍റെ സുഹൃത്തായ രതീഷിനെ കോഴിക്കോട് എയർപോർട്ടിൽനിന്നു കൂട്ടിക്കൊണ്ടുവരുമ്പോൾ തലശേരിക്കും മാഹിക്കുമിടയിൽ ഇവർ സഞ്ചരിച്ചിരുന്ന ഇന്നോവ കാർ ബസുമായി കൂട്ടിയിടിച്ചാണ് ഷാജി ജോസഫ് മണ്ണൂർ (63)മരിച്ചത്. കരുവഞ്ചാലിൽനിന്ന് എയർപോർട്ട് വരെയും തിരിച്ച് മാഹി വരെയും കാർ ഓടിച്ചിരുന്നത് ഷാജി ജോസഫായിരുന്നു. തുടർന്ന് മാഹിയിൽനിന്നു സുഹൃത്ത് രതീഷ് കാർ ഓടിക്കുകയായിരുന്നു. മൂന്ന് നാലു കിലോമീറ്റർ പിന്നിട്ടപ്പോൾ തന്നെ കാർ നിയന്ത്രണംവിട്ട് തലശേരിയിൽനിന്നു കോഴിക്കോട്ടേക്ക് പോകുകയായിരുന്ന ബസിൽ ഇടിക്കുകയായിരുന്നു. പോസ്റ്റ്മോർട്ടം നടപടികൾ പൂർത്തിയാക്കി ശനിയാഴ്ച രാത്രി തന്നെ വീട്ടിലെത്തിച്ച മൃതദേഹം ഒരു നോക്കു കാണാനായി ആയിരക്കണക്കിന് സുഹൃത്തുക്കളാണ് എത്തിയിരുന്നത്. നേരത്തെ കുടിയാന്മലയിൽ താമസിച്ചിരുന്ന ഷാജി വായാട്ടുപറമ്പ് താവുകുന്നിൽ താമസം തുടങ്ങിയിട്ട് കുറച്ചു വർഷങ്ങളെ ആയിട്ടുള്ളൂ. കരുവഞ്ചാലിൽ പിക്കപ്പ് വാഹനം ഓടിച്ച് ഉപജീവനം നടത്തി വരികയായിരുന്നു. വായാട്ടുപറമ്പ് സെന്‍റ് ജോസഫ് പള്ളിയിൽ നടന്ന സംസ്കാര ശുശ്രൂഷകൾക്ക് ഇടവക വികാരി റവ. ഡോ. തോമസ് തെങ്ങുംപള്ളിൽ മുഖ്യകാർമികത്വം വഹിച്ചു.

ശ്രീകണ്ഠപുരം ബ്ലോക്ക് കോൺഗ്രസ് കമ്മിറ്റി റോഡ് ഉപരോധിച്ചു

പയ്യാവൂർ: കോൺഗ്രസ്‌ വർക്കിംഗ്‌ പ്രസിഡന്‍റ് ഷാഫി പറമ്പിൽ എംപിയെ പേരാമ്പ്രയിലെ പോലീസ് ലാത്തിച്ചാർജിൽ പരിക്കേൽപ്പിച്ചതിൽ പ്രതിഷേധിച്ച് ശ്രീകണ്ഠപുരം ബ്ലോക്ക് കോൺഗ്രസ് കമ്മിറ്റിയുടെ ആഭിമുഖ്യത്തിൽ ശ്രീകണ്ഠപുരം ടൗണിൽ പ്രകടനവും റോഡ് ഉപരോധവും സംഘടിപ്പിച്ചു. ഉപരോധ സമരം യൂത്ത് കോൺഗ്രസ് കണ്ണൂർ ജില്ലാ പ്രസിഡന്‍റ് വിജിൽ മോഹനൻ ഉദ്ഘാടനം ചെയ്തു. കോൺഗ്രസ് ബ്ലോക്ക് പ്രസിഡന്‍റ് ഇ.വി. രാമകൃഷ്ണൻ അധ്യക്ഷത വഹിച്ചു. കണ്ണൂർ ഡിസിസി ജനറൽ സെക്രട്ടറിമാരായ ജോഷി കണ്ടത്തിൽ, കെ.പി. ഗംഗാധരൻ, ശ്രീകണ്ഠപുരം നഗരസഭ ചെയർപേഴ്സൺ ഡോ.കെ.വി. ഫിലോമിന, കോൺഗ്രസ് നേതാക്കളായ എം.ഒ. മാധവൻ, എൻ.ജെ. സ്റ്റീഫൻ, ജോസ് പരത്തനാല്‍, ബാലകൃഷ്ണൻ ചുഴലി, രാജകുമാർ ചെങ്ങളായി, നസീമ ഖാദർ എന്നിവർ പ്രസംഗിച്ചു.

കാപ്പിമലയെ ജനവാസ ടൂറിസം കേന്ദ്രമാക്കുക ലക്ഷ്യം: സജീവ് ജോസഫ് എംഎൽഎ

ആലക്കോട്: ആലക്കോട് -കാപ്പിമല റോഡ് നിർമാണ പ്രവൃത്തി ഉടൻ തുടങ്ങുമെന്ന് സജീവ് ജോസഫ് എംഎൽഎ. വന്യമൃഗശല്യവും യാത്രാദുരിതം കൊണ്ടും പ്രതിസന്ധിയിലായി നാടുവിട്ടു പോകേണ്ടി വന്ന ജനങ്ങളുടെ ശക്തമായ തിരിച്ചുവരവിനുള്ള സാധ്യതയാണ് മെക്കാഡം ടാറിംഗ് പൂർത്തിയാകുമ്പോൾ ഉണ്ടാവാൻ പോകുന്നതെന്നും, കാപ്പിമലയെ ജനവാസ ടൂറിസം കേന്ദ്രമാക്കി മാറ്റുകയാണ് ലക്ഷ്യംമെന്നും എംഎൽഎ പറഞ്ഞു. ഒറ്റത്തൈ സെന്‍റ് ആന്‍റണീസ് പാരീഷ് ഹാളിൽ റോഡ് നിർമാണത്തിന് മേൽനോട്ടം വഹിക്കാൻ വിളിച്ചുചേർത്ത ജനകീയ കമ്മിറ്റി രൂപീകരണ യോഗം ഉദ്ഘാടനം ചെയ്ത് പ്രസംഗിക്കുകയായിരുന്നു അദ്ദേഹം. കിഫ്ബിയിൽ സമ്മർദ്ദം ചെലുത്തിയാണ് ഫണ്ട് നേടാനായതെന്നും സമയബന്ധിതമായി ടാറിംഗ് പൂർത്തീകരിക്കുമെന്നും എംഎൽഎ പറഞ്ഞു. 7.79 കിലോമീറ്റർ റോഡ് പത്തു മീറ്റർ വീതിയുള്ളതിൽ ഏഴു മീറ്റർ ടാറിംഗ് നടത്തുന്നതിനാണ് അനുമതി ലഭിച്ചത്. 40 കൾവർട്ട്, 8800 മീറ്റർ ഡ്രെയിനേജ് ഉൾപ്പെടെയുള്ള പ്രവർത്തിക്ക് 49.86 കോടി രൂപയാണ് അനുവദിച്ചത്. ഇരിക്കൂർ കൺസ്ട്രക്ഷൻ കമ്പനിയാണ് റോഡിന്‍റെ പ്രവർത്തി ഏറ്റെടുത്തിരിക്കുന്നത്. ആലക്കോട് ഗ്രാമപഞ്ചായത്ത് പ്രസിഡന്‍റ് ജോജി കന്നിക്കാട്ട് അധ്യക്ഷത വഹിച്ചു. ഫാ. ജിബിൻ വട്ടംകാട്ടേൽ, ഫാ. നിധിൻ തകിടിയേൽ, സാജൻ ജോസഫ്, ബാബു പള്ളിപ്പുറം, കെ.പി. സാബു, തുളസീധരൻ, വി.ജി. സോമൻ, ടെന്നീസ് വാഴപ്പള്ളി, എസ്.ആർ. ശ്രീക്കുട്ടൻ, കവിത ഗോവിന്ദൻ, വത്സല പ്രകാശ്, മാത്യു പുതിയേടം എന്നിവർ പ്രസംഗിച്ചു. ജോജി കന്നിക്കാട്ട് -ചെയർമാൻ, കെ.പി. സാബു -കൺവീനർ എന്നിവരുടെ നേതൃത്വത്തിൽ ജനകീയ കമ്മിറ്റി രൂപീകരിച്ചു.

മാതൃവേദി അതിരൂപത കലോത്സവം ; പേരാവൂർ മേഖലയ്ക്ക് കിരീടം

ചെമ്പേരി: സീറോ മലബാർ മാതൃവേദി തലശേരി അതിരൂപത കലോത്സവത്തിൽ- "നസ്രാണി ഫെസ്റ്റ് 2025' പേരാവൂർ മേഖല ജേതാക്കൾ. ചെമ്പേരി നിർമല സ്കൂൾ ഓഡിറ്റോറിയത്തിൽ നടന്ന ആവേശകരമായ കലാപോരാട്ടത്തിൽ നൂറ് പോയിന്‍റുകളോടെയാണ് പേരാവൂർ എവർറോളിംഗ് ട്രോഫി കരസ്ഥമാക്കിയത്. 93 പോയിന്‍റുകൾ വീതം നേടിയ പൈസക്കരി, തോമാപുരം മേഖലകൾ രണ്ടാം സ്ഥാനം പങ്കിട്ടു. 78 പോയിന്‍റുമായി എടൂർ മേഖലയ്ക്കാണ് മൂന്നാം സ്ഥാനം. യൂണിറ്റുകളിൽ മണ്ഡപം (46 പോയിന്‍റ്) ഒന്നാം സ്ഥാനവും പൈസക്കരി (28 പോയിന്‍റ്) രണ്ടാം സ്ഥാനവും ചുണ്ടപ്പറമ്പ് (27 പോയിന്‍റ്) മൂന്നാം സ്ഥാനവും സ്വന്തമാക്കി. ഇന്നലെ രാവിലെ കലോത്സവത്തിന് തുടക്കം കുറിച്ച് മാതൃവേദി അതിരൂപത പ്രസിഡന്‍റ് സിസി ആന്‍റണി പതാക ഉയർത്തി. തലശേരി അതിരൂപത പ്രോട്ടോ സിഞ്ചെല്ലൂസ് മോൺ. ആന്‍റണി മുതുകുന്നേൽ ഉദ്ഘാടനം ചെയ്തു. ചെമ്പേരി ലൂർദ് മാതാ ബസിലിക്ക റെക്ടർ റവ. ഡോ. ജോർജ് കാഞ്ഞിരക്കാട്ട്, മാതൃവേദി അതിരൂപത ഡയറക്ടർ ഫാ. ജോബി കോവാട്ട് എന്നിവർ പ്രസംഗിച്ചു. അതിരൂപതയിലെ 19 മേഖലകളിൽ നിന്നെത്തിയ ആയിരത്തിലേറെ അമ്മമാർ ഒമ്പത് വേദികളിലായി പത്ത് മത്സരയിനങ്ങളിൽ മാറ്റുരച്ചു. സുന്ദരമായ നൃത്തച്ചുവടുകളും അതിശയിപ്പിക്കുന്ന ദൃശ്യാവിഷ്കാരങ്ങളും പ്രതിഭ തെളിയിക്കുന്ന അവതരണങ്ങളും കലോത്സവത്തെ ഉജ്വലമാക്കി. വിജയികൾക്കുള്ള ട്രോഫികളും സമ്മാനങ്ങളും അതിരൂപത ചാൻസലർ റവ. ഡോ. ജോസഫ് മുട്ടത്തുകുന്നേൽ വിതരണം ചെയ്തു. മാതൃവേദി അതിരൂപത ഡയറക്ടർ ഫാ. ജോബി കോവാട്ട്, ആനിമേറ്റർ സിസ്റ്റർ ലിന്‍റ സിഎച്ച്എഫ്, ബ്രദർ ജോയൽ, കലോത്സവ കോ-ഓർഡിനേറ്റർ ലിൻസി, ജോയിന്‍റ് കോ-ഓർഡിനേറ്റർ ജിജി. അതിരൂപത പ്രസിഡന്‍റ് സിസി ആന്‍റണി, ഭാരവാഹികളായ മേഴ്‌സി വാതപ്പള്ളിൽ, വത്സമ്മ മുണ്ടിയാനിയ്ക്കൽ, റെജീന തെക്കേപ്പറമ്പിൽ, ബീന പുത്തൂർ എന്നിവർ നേതൃത്വം നൽകി. ചെമ്പേരി മേഖല പ്രസിഡന്‍റ് ശ്രീമതി ഷീബ തെക്കേടത്തിന്‍റെ നേതൃത്വത്തിലുള്ള മാതൃവേദി പ്രവർത്തകർ മത്സരാർഥികൾക്കായി വിഭവസമൃദ്ധമായ ഭക്ഷണവും മറ്റ് സൗകര്യങ്ങളും ഒരുക്കി.

എടൂർ കാരാപറന്പ് ആവിലാ പള്ളിയിൽ വിശുദ്ധ അമ്മത്രേസ്യയുടെ തിരുനാളിന് തുടക്കമായി

എടൂർ: കാരാപറമ്പ് ആവിലാപള്ളിയിൽ വിശുദ്ധ അമ്മത്രേസ്യായുടെ തിരുനാളിന് തുടക്കമായി. ആശ്രമശ്രേഷ്ഠൻ ഫാ. റാഫ്സൺ പീറ്റർ ഒസിഡി കൊടി‍യേറ്റി. തുടർന്ന് നടന്ന ആഘോഷമായ തിരുനാൾ കുർബാനയ്ക്ക് ഫാ.ജോസഫ് ഷെൽട്ടൻ മുഖ്യകാർമികത്വം വഹിച്ചു. ഇന്നും നാളെയും രാവിലെ 10 ന് തിരുനാൾ കുർബാന ഉണ്ടായിരിക്കും. ഫാ.മൈക്കിൾ പുന്നക്കൽ, ഫാ. നെൽസൺ ജോബ് എന്നിവർ കാർമികത്വം വഹിക്കും. 14 ന് ഉരുൾനേർച്ച ദിനം. അന്നേദിവസം തിരുനാൾ കുർബാനയ്ക്ക് ഫാ.പോൾ നടുവിലെതയ്യിൽ മുഖ്യകാർമികത്വം വഹിക്കും. ഫാ.സെബാസ്റ്റ്യൻ പള്ളിപ്പറമ്പിൽ വചനപ്രഘോഷണം നടത്തും. തിരുനാൾ ദിവ്യബലിക്കു ശേഷം ആയിരക്കണക്കിന് അമ്മത്രേസ്യാ ഭക്തർ പങ്കെടുക്കുന്ന ഉരുൾനേർച്ച നടക്കും. പ്രധാന തിരുനാൾ ദിനമായ 15 ന് രാവിലെ 8.30 ന് ശുശ്രൂഷകൾ ആരംഭിക്കും.ആഘോഷമായ തിരുനാൾ ദിവ്യബലിക്ക് ഫാ.റാഫ്സൺ പീറ്റർ കാർമികത്വം വഹിക്കും ഫാ.ബാബു പോൾ വചനപ്രഘോഷണം നടത്തും. തിരുസ്വരൂപ പ്രദക്ഷിണവും പതിനായിരക്കണക്കിന് ഭക്തർ പങ്കെടുക്കുന്ന ആഘോഷമായ ഊട്ടു നേർച്ചയുമുണ്ടാകും. തിരുനാൾ കൊടിയിക്കദിവസമായ 19ന് വിശുദ്ധ കുർബനയ്ക്ക് ഫാ.ജോജോ ആന്‍റണി കാർമികത്വം വഹിക്കും. വിശുദ്ധ അമ്മത്രേസ്യയുടെ യാത്രാദണ്ഡ് വന്ദനത്തിനുള്ള സൗകര്യവും അന്ന് ഉണ്ടായിരിക്കും. തിരുനാൾ ശുശൂഷകൾക്ക് ഫാ.റാഫ്സൺ പീറ്റർ, ഫാ.സെബാസ്റ്റ്യൻ ബേബി കാക്കരി, ഫാ.ജോസഫ് ഇളയിടത്ത് എന്നിവർ നേതൃത്വം നല്കും.

ആൽഫാ ഇൻസ്റ്റിറ്റ്യൂട്ടിൽ ബിരുദദാന ചടങ്ങ് നടത്തി

തലശേരി: ആൽഫാ ഇൻസ്റ്റിറ്റ്യൂട്ട് ഓഫ് റിലിജിയസ് സയൻസസിലെ ബിരുദദാന ചടങ്ങ് തലശേരി സാൻജോസ് മെട്രോപോളിറ്റൻ സ്കൂൾ ഓഡിറ്റോറിയത്തിൽ ആർച്ച് ബിഷപ് മാർ ജോസഫ് പാംപ്ലാനി ഉദ്ഘാടനം ചെയ്തു. തിയോളജി എന്നാൽ ദൈവം മനുഷ്യനു വേണ്ടി ചെയ്തവയെ കുറിച്ചുള്ള ഓർമയാണെന്നുആൽഫാ ഇൻസ്റ്റിറ്റ്യൂട്ട് ചാൻസിലർ കൂടിയായ മാർ ജോസഫ് പാംപ്ലാനി പറഞ്ഞു. കണ്ണൂർ രൂപത സഹായമെത്രാൻ ഡോ. ഡെന്നിസ് കുറുപ്പശേരി മുഖ്യാതിഥിയായിരുന്നു. ദൈവശാസ്ത്ര പഠനത്തിൽ അല്മായർ കാണിക്കുന്ന താത്പര്യം അഭിനന്ദനാർഹമാണെന്ന് ബിഷപ് ഡോ. ഡെന്നിസ് കുറുപ്പശേരി പറഞ്ഞു. ഡിപ്ലോമ, ബിരുദം, ബിരുദാനന്തര ബിരുദം എന്നീ വിഭാഗങ്ങളിലായി വിവിധ സംസ്ഥാനങ്ങളിൽ നിന്നുള്ള 98 പേരാണ് കോഴ്സ് പൂർത്തിയാക്കി സർട്ടിഫിക്കറ്റുകൾ സ്വീകരിച്ചത്. ഇൻസ്റ്റിറ്റ്യൂട്ട് ഡയറക്ടർ റവ. ഡോ. മാത്യു കൊട്ടുകാപ്പള്ളി, പ്രസിഡന്‍റ് റവ. ഡോ. ഫിലിപ്പ് കവിയിൽ, ഡീൻ ഓഫ് സ്റ്റഡീസ് റവ. ഡോ. ജോജി കാക്കരമറ്റത്തിൽ, എക്സാമിനേഷൻ കൺട്രോളർ സിസ്റ്റർ ഡോ. ജിൻസി വള്ളിപ്പറമ്പിൽ എസ്എബിഎസ്, അതിരൂപത ചാൻസലർ റവ. ഡോ ബിജു മുട്ടത്തൂകുന്നേൽ എന്നിവർ പ്രസംഗിച്ചു.

വീർപ്പാടും ചെടിക്കുളത്തും കാട്ടുപോത്ത്

ഇരിട്ടി: ആറളം പഞ്ചായത്തിലെ വീർപ്പാട്, ചെടിക്കുളം ഭാഗങ്ങളിലെ ജനവാസ മേഖലയിൽ കാട്ടുപോത്തിറങ്ങി. ശനിയാഴ്ച രാവിലെ വീർപ്പാട് ഉരുപ്പുംകുണ്ടിൽ പോണാട്ട് തോമസിന്‍റെ പറമ്പിലാണ് ആദ്യം കാട്ടുപോത്തിനെ കണ്ടത്. തുടർന്ന് നാട്ടുകാരും വനപാലക സംഘവും ചേർന്ന് പോത്തിനെ തുരത്തി ആറളം ഫാമിലേക്ക് കയറ്റിവിട്ടു. ഇവിടെനിന്ന് ഇതിനെ വനത്തിലേക്ക് തുരത്തിയതായി വനംവകുപ്പധികൃതരും അറിയിച്ചു. കഴിഞ്ഞദിവസം ആറളം ഫാം പുനരധിവാസ മേഖലയിൽ കാട്ടുപോത്തിനെ കണ്ടിരുന്നു. ഈ കാട്ടുപോത്ത് പുഴകടന്ന് വീർപ്പാട് ഉരുപ്പുംകുണ്ട് മേഖലയിൽ എത്തിയതാകാമെന്നാണ് വനംവകുപ്പിന്‍റെ നിഗമനം. ഏതാനും ദിവസങ്ങൾക്കു മുന്പ് മട്ടന്നൂർ മരുതായിയിൽ നിന്ന് കാട്ടുപോത്തിനെ മയക്കുവെടിവച്ച് പിടികൂടി വനത്തിൽ വിട്ടിരുന്നു. ഈ കാട്ടുപോത്തിനെ ആറളം ഭാഗത്താണ് വിട്ടതെന്ന് നാട്ടുകാർ ആരോപിച്ചിരുന്നു. ഇതാണ് കഴിഞ്ഞ ദിവസം ആറളത്ത് എത്തിയതെന്ന പരാതി നിലനില്‌ക്കെയാണ് ഇപ്പോൾ വീർപ്പാട്, ചെടിക്കുളം ഭാഗങ്ങളിലും കാട്ടുപോത്ത് എത്തിയത്. കാട്ടുപോത്തിനെ കണ്ടതോടെ പ്രദേശവാസികൾ ഭീതിയിലാണ്.

കണ്ണൂർ ചിന്മയ ജേതാക്കൾ; ശ്രീകണ്ഠപുരം മേരിഗിരി റണ്ണറപ്പ്

ശ്രീകണ്ഠപുരം: സിബിഎസ്ഇ ജില്ലാ കലോത്സവത്തിൽ 786 പോയിന്‍റോടെ കണ്ണൂർ ചിന്മയ വിദ്യാലയ ജേതാക്കളായി. ആതിഥേയരായ ശ്രീകണ്ഠപുരം മേരിഗിരി ഇംഗ്ലീഷ് മീഡിയം സ്കൂളാണ് 747 പോയിന്‍റോടെ റണ്ണറപ്പ്. 683 പോയിന്‍റുമായി കണ്ണൂർ ഭാരതീയ വിദ്യാഭവൻ മൂന്നാം സ്ഥാനം കരസ്ഥമാക്കി. കാറ്റഗറി രണ്ടിൽ (യുപി) 118 പോയിന്‍റോടെ കണ്ണൂർ ചിന്മയ വിദ്യാലയം ഒന്നാം സ്ഥാനവും 117 പോയിന്‍റോടെ ശ്രീനാരായണ വിദ്യാമന്ദിറും ഭാരതീയ വിദ്യാഭവനും രണ്ടാം സ്ഥാനവും കരസ്ഥമാക്കി. 107 പോയിന്‍റോടെ കണ്ണൂർ ഉർസുലൈൻ സീനിയർ സെക്കൻഡറി സ്കൂളാണ് മൂന്നാം സ്ഥാനത്ത്. കാറ്റഗറി ഒന്നിൽ (എൽപി ) 66 പോയിന്‍റോടെ മേരിഗിരി ഇംഗ്ലീഷ് മീഡിയം സ്കൂൾ ഒന്നാം സ്ഥാനത്തെത്തി. 59 പോയിന്‍റോടെ കണ്ണൂർ ചിന്മയ വിദ്യാലയയും 58 പോയിന്‍റോടെ പരിയാരം ഉർസുലൈൻ ഇംഗ്ലീഷ് മീഡിയം സ്കൂളും രണ്ടും മൂന്നും സ്ഥാനം നേടി. കാറ്റഗറി മൂന്നിൽ (ഹൈസ്കൂൾ) 234 പോയിന്‍റോടെ കണ്ണൂർ ചിന്മയ വിദ്യാലയ ഒന്നാം സ്ഥാനം നേടി. 228 പോയിന്‍റുമായി കണ്ണൂർ ഉർസുലൈൻ സീനിയർ സെക്കൻഡറി സ്കൂൾ രണ്ടും 213 പോയിന്‍റുമായി മട്ടന്നൂർ ശ്രീശങ്കര വിദ്യാപീഠം സീനിയർ സെക്കൻഡറി സ്കൂൾ മൂന്നും സ്ഥാനം നേടി. കാറ്റഗറി നാലിൽ (ഹയർ സെക്കൻഡറി) 257 പോയിന്‍റുമായി മേരിഗിരി ഇംഗ്ലീഷ് മീഡിയം സ്കൂളാണ് മുന്നിൽ. 230 പോയിന്‍റുമായി ഇന്ദിരാഗാന്ധി പബ്ലിക് സ്കൂളും 227 പോയിന്‍റുമായി കണ്ണൂർ ചിന്മയ വിദ്യാലയവും രണ്ടും മൂന്നും സ്ഥാനം നേടി. 16 വേദികളിൽ മൂന്നു ദിനങ്ങളിലായി നടന്ന കലാമാമാങ്കത്തിന്‍റെ സമാപന സമ്മേളനം ശ്രീകണ്ഠപുരം നഗരസഭാധ്യക്ഷ ഡോ. കെ.വി. ഫിലോമിന ഉദ്ഘാടനം ചെയ്തു. കണ്ണൂർ സഹോദയ സ്കൂൾ കോംപ്ലക്സ് ട്രഷറർ സിസ്റ്റർ അർച്ചന പോൾ അധ്യക്ഷത വഹിച്ചു. ജനറൽ സെക്രട്ടറി ടി.പി. സുരേഷ് പൊതുവാൾ, പ്രസിഡന്‍റ് കെ.പി. സുബൈർ, സ്കൂൾ അക്കാദമി സെക്രട്ടറി പി. റിനി, മേരിഗിരി സ്കൂൾ പ്രിൻസിപ്പൽ ബ്രദർ റെജി സ്കറിയ സിഎസ്ടി, മാനേജർ ബ്രദർ ജോണി വെട്ടംതടത്തിൽ സിഎസ്ടി, ഫാ. സിനോജ്, പിടിഎ പ്രസിഡന്‍റ് ഡോ. മനു ജോസഫ്, സഹോദയ എക്സിക്യൂട്ടീവ് അംഗങ്ങൾ എന്നിവർ പ്രസംഗിച്ചു. കലോത്സവ പ്രതിഭകൾ കാറ്റഗറി ഒന്ന്: നക്ഷത്ര സൂരജ് (ഭാരതീയ വിദ്യാഭവൻ കണ്ണൂർ), മനുശങ്കർ ലോഹി (കസ്തൂർബാ പബ്ലിക് സ്കൂൾ), കാറ്റഗറി രണ്ട്: സമൃദ്ധി സിംഗ് (ഉർസുലൈൻ സീനിയർ സെക്കൻഡറി സ്കൂൾ കണ്ണൂർ), കാറ്റഗറി മൂന്ന്: ധ്രുവ ദയാനന്ദ് (ഉർസുലൈൻ സീനിയർ സെക്കൻഡറി സ്കൂൾ കണ്ണൂർ), ആലാപ് വിനോദൻ (അമൃത വിദ്യാലയം തലശേരി). കാറ്റഗറി നാല്: യു.കെ. മുഹമ്മദ് അംജദ് (മേരിഗിരി ഇംഗ്ലീഷ് മീഡിയം സ്കൂൾ), ഐഷ ധൻഹ ( ഇന്ദിരാഗാന്ധി പബ്ലിക് സ്കൂൾ).

വികസന മുരടിപ്പിനും അഴിമതിക്കും എതിരെ കോൺഗ്രസ് കുറ്റവിചാരണ സദസ് സംഘടിപ്പിച്ചു

മണക്കടവ്: ഉദയഗിരി പഞ്ചായത്ത് ഭരണസമിതിയുടെ വികസന മുരടിപ്പിനും അഴിമതിക്കും കെടുകാര്യസ്ഥതക്കുമെതിരെ ഉദയഗിരി മണ്ഡലം കോൺഗ്രസ് കമ്മിറ്റി കുറ്റവിചാരണ സദസ് സംഘടിപ്പിച്ചു. മണക്കടവിൽ നടത്തിയ സദസ് സജീവ് ജോസഫ് എംഎൽഎ ഉദ്ഘാടനം ചെയ്തു. മണ്ഡലം പ്രസിഡന്‍റ് ജോയിച്ചൻ പള്ളിയാലിൽ അധ്യക്ഷത വഹിച്ചു. കെപിസിസി സെക്രട്ടറി ചന്ദ്രൻ തില്ലങ്കേരി മുഖ്യപ്രഭാഷണം നടത്തി. മോഹനൻ പറപ്പള്ളി കുറ്റപത്രം തെളിവുകളുടെയും ഓഡിറ്റ് റിപ്പോർട്ടിന്‍റെയും അടിസ്ഥാനത്തിൽ അവതരിപ്പിച്ചു. ഡിസിസി സെക്രട്ടറി തോമസ് വക്കത്താനം, ബെന്നി പീടികയ്ക്കൻ, ജോസ് പറയൻകുഴി, സോജൻ ഒഴുകയിൽ, സ്റ്റെനി മാപ്രക്കാവിൽ , അജിത് വരിക്കമാക്കൽ, ജോസി സഖറിയാസ്, ബേബി കോയിക്കൽ, അജയൻ പാറയിൽ , സിബിച്ചൻ പുലിയുറുമ്പിൽ , ഐസക് വെള്ളമറ്റം, സരിത ജോസ്, ടെസി ആലുംമൂട്ടിൽ, ഷൈലജ സുനിൽ, സിന്ധു തോമസ് എന്നിവർ പ്രസംഗിച്ചു.

തളിപ്പറമ്പിൽ യുഡിഎഫ് ജനകീയ സദസ് 13 ന്

തളിപ്പറമ്പ്: തളിപ്പറമ്പ് വ്യാപാര സമുച്ചയത്തിലെ ഒരു സ്ഥാപനത്തിൽ ഉണ്ടായ തീ മറ്റു സ്ഥാപനങ്ങളിലേക്ക് വ്യാപിച്ച് കോടികളുടെ നഷ്ടം ഉണ്ടാകാൻ ഇട‍യാക്കിയത് അഗ്നിശമന സേനയുടെയും പൊലീസിന്‍റേയും സമീപനത്തിലെ പോരായ്മ കാരണമാണെന്ന് യുഡിഎഫ് തളിപ്പറമ്പ് മുനിസിപ്പൽ കമ്മിറ്റി ഭാരവാഹികൾ പത്രസമ്മേളനത്തിൽ ആരോപിച്ചു. ചടുലമായ രക്ഷാപ്രവർത്തനം നടത്തുന്നതിൽ അഗ്നിശമന സേനയ്ക്ക് വീഴ്ച്ചയുണ്ടായി. ആദ്യ ഒരു മണിക്കൂർ വേണ്ട രീതിയിൽ ഉപയോഗപ്പെടുത്താൻ സാധിച്ചില്ല. വിലപ്പെട്ട സമയം പാഴാക്കിയതാണ് തീപിടിത്തം വ്യാപിക്കാൻ ഇടയായത്. ആദ്യം എത്തിയ തളിപ്പറമ്പ് അഗ്നിശമന യൂണിറ്റിന്‍റെ വാഹനങ്ങളിൽ ശക്തിയായി വെള്ളം പമ്പ് ചെയ്യുന്നതിനുള്ള സൗകര്യം ഉണ്ടായിരുന്നില്ല. മറ്റു സ്ഥലങ്ങളിൽ നിന്നെത്തിയ അഗ്നി ശമന യൂണിറ്റുകൾ ചേർന്നാണ് തീ നിയന്ത്രണ വിധേയമാക്കിയത്. വർഷങ്ങളായി പ്രവർത്തിക്കുന്ന തളിപ്പറമ്പ് യൂണിറ്റിന് മതിയായ അഗ്നി ശമന സംവിധാനങ്ങൾ ഇല്ലാത്തത് ഗൗരവകരമായ വിഷയമാണ്. പൊലീസിന്‍റെ ഭാഗത്ത് നിന്ന് ഗതാഗത തടസം ഒഴിവാക്കാനുള്ള ഇടപെടൽ ഉണ്ടായില്ല. ഗതാഗത തടസം കാരണം അഗ്നിശമന സേനയുടെ വാഹനങ്ങൾ തളിപ്പറമ്പിൽ എത്താൻ വൈകി. ഇത് ഗതാഗത നിയന്ത്രണത്തിലുള്ള അപാകതയാണ്. നിരുത്തരവാദ പരമായ നടപടിയാണ് തളിപ്പറമ്പിലെ അഗ്നിബാധ രൂക്ഷമാക്കിയതെന്ന് അവർ ആരോപിച്ചു. പ്രതിഷേധ സൂചകമായി ടൗൺ സ്ക്വയറിൽ തിങ്കളാഴ്ച്ച ഉച്ചയ്ക്ക് ശേഷം 3.30 ന് യുഡിഎഫ് തളിപ്പറമ്പ് മുനിസിപ്പൽ കമ്മറ്റി ജനകീയ സദസ് സംഘടിപ്പിക്കുമെന്നും നേതാക്കൾ പറഞ്ഞു. പത്രസമ്മേളനത്തിൽ യുഡിഎഫ് തളിപ്പറമ്പ് മുനിസിപ്പൽ കമ്മറ്റി നേതാക്കളായ പി. മുഹമ്മദ് ഇക്ബാൽ, കെ.വി. മുഹമ്മദ് കുഞ്ഞി, കെ. മുഹമ്മദ് ബഷീർ, രജനി രമാനന്ദ്, ടി.ആർ. മോഹൻദാസ്, എം.എൻ. പൂമംഗലം, സി.സി. ശ്രീധരൻ എന്നിവർ പങ്കെടുത്തു.

സ്വർണപ്പാളി മോഷണം: കോൺഗ്രസ് പ്രതിഷേധ പ്രകടനം നടത്തി

തേർത്തല്ലി: ശബരിമല ദ്വാരപാലക ശില്‌പങ്ങളിലെ സ്വർണപ്പാളി കാണാതായ സംഭവത്തിൽ ഉത്തരവാദികളായ ദേവസ്വം മന്ത്രിയും ദേവസ്വം ബോർഡ് ചെയർമാനും രാജിവയ്ക്കണമെന്നാവശ്യപ്പെട്ട് തേർത്തല്ലി മണ്ഡലം കോൺഗ്രസ് കമ്മിറ്റി തേർത്തല്ലി ടൗണിൽ പ്രതിഷേധ പ്രകടനം നടത്തി. മണ്ഡലം കോൺഗ്രസ് പ്രസിഡന്‍റ് റോയി ചക്കാനിക്കുന്നേൽ, ഐസക് മുണ്ടിയാങ്കൽ, വത്സമ്മ വാണിശേരിൽ, ബിനേഷ് പച്ചാണി, എലിസബത്ത് നെല്ലുവേലിൽ, മൃദുല രാജഗോപാൽ, ബിനി കൊല്ലംകുന്നേൽ, സി.സി. രാജു, ബിനു സ്രാമ്പിക്കൽ, ബെന്നി തോമസ്, ജമാൽ, ഷാജി പാലയ്ക്കൽ, കെ.വി. കുഞ്ഞമ്പു, ബെന്നി നല്ലിവീട്ടിൽ, ബിജു മുളന്താനം എന്നിവർ നേതൃത്വം നല്കി.

പ്രവാസി കോൺഗ്രസ് പ്രതിഷേധ ധർണ നടത്തി

തളിപ്പറമ്പ്: നോർക്ക കെയർ ആരോഗ്യ ഇൻഷുറൻസ് പദ്ധതിയിൽ മടങ്ങിയെത്തിയ പ്രവാസികളെ ഉൾപ്പെടുത്താത്തതിൽ പ്രതിഷേധിച്ച് കേരള പ്രദേശ് പ്രവാസി കോൺഗ്രസ് തളിപ്പറമ്പ് ബ്ലോക്ക് കമ്മറ്റിയുടെ നേതൃത്വത്തിൽ ധർണ നടത്തി. കണ്ണൂർ എയർപോർട്ടിന് പോയിന്‍റ് ഓഫ് കോൾ അനുവദിച്ച് പ്രവാസികളുടെ യാത്രാദുരിതം പരിഹരിക്കണമെന്നും, നിത്യോപയോഗ സാധനങ്ങളുടെ വിലക്കയറ്റം തടയണമെന്നും നേതാക്കൾ ആവശ്യപ്പെട്ടു. ബ്ലോക്ക് പ്രസിഡന്‍റ് ക്ലീറ്റസ് ജോസിന്‍റെ അധ്യക്ഷതയിൽ നടന്ന പ്രതിഷേധ ധർണ കെപിസിസി അംഗം വി.പി. അബ്ദുൽ റഷീദ് ഉദ്ഘാടനം ചെയ്തു. ടി. ജനാർദനൻ മുഖ്യ പ്രഭാഷണം നടത്തി. നൗഷാദ് ബ്ലാത്തൂർ, ഇ.ടി. രാജീവൻ, മുഹമ്മദലി കൂടാളി, എം.എൻ. പൂമംഗലം, പി.പി. മോഹനാംഗൻ, രഘുനാഥ് തളിയിൽ, ടി. ബാലകൃഷ്ണൻ, അമൽ കുറ്റ്യാട്ടൂർ, കെ. ആലിക്കുഞ്ഞി, സജി ഓതറ, പ്രമീള രാജൻ, പി. ആദംകുട്ടി, വൽസൻ കടമ്പേരി , പ്രജോഷ് ആന്തൂർ, ജയ്സൺ ജോർജ്, അഷ്റഫ്, സുജാത, എ.കെ. ബാലകൃഷ്ണൻ എന്നിവർ പ്രസംഗിച്ചു. നൗഷാദ്, രവീന്ദ്രൻ,രാജു സിറിയക്, അജയകുമാർ, സതീഷ് , ഷബീർ കുറ്റിക്കോൽ, മുസ്തഫ, വി.വി. നാരായണൻ, മധു അമ്മൻ കോവിൽ എന്നിവർ നേതൃത്വം നല്കി.

തലശേരിയിൽ നിന്നും ബംഗളൂരുവിലേക്ക് കെഎസ്ആർടിസിയുടെ എസി ബസ്

തലശേരി: തലശേരി-ബംഗളൂരു റൂട്ടിൽ കെഎസ്ആർടിസി പുതിയ എസി ബസ് സർവീസ് നടത്തും. തലശേരി ഡിപ്പോവിന് അനുവദിച്ച ബസിന്‍റെ ഫ്ലാഗ് ഓഫ് സ്പീക്കർ എ.എൻ. ഷംസീർ നിർവഹിച്ചു. എല്ലാ ദിവസവും രാത്രി 9.30 ന് തലശേരിയിൽ നിന്നും ബംഗളൂരുവിലേക്കും ബംഗളൂരുവിൽ നിന്ന് രാത്രി 9.45ന് തലശേരിയിലേക്കും സർവീസ് നടത്തുന്നതിനായി രണ്ടു ബസുകളാണ് അനുവദിച്ചത്. ഒരാൾക്ക് 1060 രൂപയാണ് ടിക്കറ്റ് നിരക്ക്. ഓൺലൈനായി എന്‍റെ കെഎസ്ആർടിസി ആപ്പ് വഴിയും ബുക്ക് ചെയ്യാം. 50 സീറ്റോട് കൂടിയുള്ള ബസിൽ എല്ലാ സീറ്റിലും മൊബൈൽ ചാർജിംഗ് പോയിന്‍റ്, വൈഫൈ സംവിധാനം, വീഡിയോ, ഓഡിയോ സിസ്റ്റം എന്നീ ആധുനിക സൗകര്യങ്ങളുമുണ്ട്. ഫ്ലാഗ് ഓഫ് ചടങ്ങിൽ അസി. ട്രാൻസ്പോർട്ട് ഓഫീസർ മുഹമ്മദ് റഷീദും പങ്കെടുത്തു.

ഇരിട്ടി ഉപജില്ലാ ശാസ്ത്ര-ഗണിത ശാസ്ത്രമേള കൊട്ടിയൂരിൽ

കേളകം: ഇരിട്ടി ഉപജില്ലാ ശാസ്ത്ര-ഗണിതശാസ്ത്ര-സാമൂഹ്യശാസ്ത്ര - പ്രവൃത്തിപരിചയ- ഐടി മേള 13, 14 തീയതികളിൽ കൊട്ടിയൂർ ഐജെഎം ഹയർ സെക്കൻഡറി സ്കൂളിൽ നടക്കുമെന്ന് കൊട്ടിയൂർ ഐജെഎം ഹയർ സെക്കൻഡറി സ്കൂൾ പ്രിൻസിപ്പൽ എം.യു. തോമസ്, മുഖ്യാധ്യാപകൻ തോമസ് കുരുവിള, സ്കൂൾ പിപിടിഎ പ്രസിഡന്‍റ് ബോജോ തോമസ്, പ്രോഗ്രാം കമ്മിറ്റി കൺവീനർ എം.ജെ. ലിസി തുടങ്ങിയവർ കേളകത്ത് പത്രസമ്മേളനത്തിൽ അറിയിച്ചു. ഉപജില്ലയിലെ നൂറിലധികം യുപി, എച്ച്എസ്, വിദ്യാലയങ്ങളിൽ നിന്നും 6000 ത്തോളം വിദ്യാർഥികൾ പങ്കെടുക്കും. അഞ്ച് വേദികളിലായാണ് മേള നടക്കുന്നത്. വേദി ഒന്ന് ഐജെഎം ഹയർ സെക്കൻഡറി സ്കൂൾ കൊട്ടിയൂർ, വേദി രണ്ട് സൺഡേ സ്കൂൾ ചുങ്കക്കുന്ന്, വേദി മൂന്ന് ഗവൺമെന്‍റ് യുപി സ്കൂൾ ചുങ്കക്കുന്ന്, വേദി നാല് ഗവൺമെന്‍റ് യുപി സ്കൂൾ തലക്കാണി, വേദി 5 എൻഎസ്എസ്കെയുപി സ്കൂൾ കൊട്ടിയൂർ എന്നിവിടങ്ങളിൽ നടക്കും. മേളയുടെ ഉദ്ഘാടനം രാവിലെ 11 ന് കൊട്ടിയൂർ ഐജെഎം ഹയർ സെക്കൻഡറി സ്കൂളിൽ നടക്കും. സ്കൂൾ മാനേജർ റവ.ഫാ. സജി പുഞ്ചയിൽ അധ്യക്ഷത വഹിക്കും. പേരാവൂർ ബ്ലോക്ക് പഞ്ചായത്ത് പ്രസിഡന്‍റ് കെ. സുധാകരൻ ഉദ്ഘാടനം ചെയ്യും. എഇഒ സി.കെ. സത്യൻ മേള വിശദീകരിക്കും. 14-ന് വൈകുന്നേരം നാലിന് സമാപന സമ്മേളനം കൊട്ടിയൂർ ഹയർ സെക്കൻഡറി സ്കൂളിൽ നടക്കും. കൊട്ടിയൂർ പഞ്ചായത്ത് പ്രസിഡന്‍റ് റോയ് നമ്പുടാകം സമാപന സമ്മേളനത്തിന്‍റെ ഉദ്ഘാടനം നിർവഹിക്കും.

കത്തോലിക്കാ കോൺഗ്രസ് അവകാശ സംരക്ഷണ ജാഥയ്ക്ക് 15ന് ചുങ്കക്കുന്നിൽ സ്വീകരണം

കൊട്ടിയൂർ: കത്തോലിക്കാ കോൺഗ്രസ് കാസർഗോഡ് നിന്നും തിരുവനന്തപുരത്തേക്ക് നടത്തുന്ന അവകാശ സംരക്ഷണയാത്രയ്ക്ക് 15ന് ചുങ്കക്കുന്നിൽ സ്വീകരണം നൽകും. ഭരണഘടന സംരക്ഷിക്കുക, വന്യമൃഗ ആക്രമണങ്ങളിൽ നിന്നും സംരക്ഷിക്കുക, കാർഷികോത്പന്നങ്ങൾക്ക് വിലസ്ഥിരത ഉറപ്പാക്കുക, വിദ്യാഭ്യാസ ന്യൂനപക്ഷ അവഗണന അവസാനിപ്പിക്കുക തുടങ്ങിയ ആവശ്യങ്ങൾ ഉന്നയിച്ചാണ് ജാഥ നടത്തുന്നത്. 15 ന് രാവിലെ 7.30 ന് ചുങ്കക്കുന്ന് ഫാത്തിമ മാതാ പള്ളി ഫൊറോനയിലെ വിവിധ ഇടവകകളുടെ നേത്യത്വത്തിൽ സ്വീകരണം നൽകുമെന്ന് കത്തോലിക്ക കോൺഗ്രസ് ചുങ്കക്കുന്ന് മേഖലാ കമ്മിറ്റി ഭാരവാഹികൾ പത്രസമ്മേളനത്തിൽ അറിയിച്ചു. ഫൊറോന വികാരി ഫാ. പോൾ കൂട്ടാലയുടെ അധ്യക്ഷതയിൽ ചേർന്ന യോഗത്തിൽ 101 അംഗ സംഘാടകസമിതി രൂപികരിച്ചു. ഫാ. പോൾ കൂട്ടാല -രക്ഷാധികാരി, ഫാ. ടോമി പുത്തൻപുരക്കൽ -ചെയർമാൻ , മാത്യു കൊച്ചുതറയിൽ -കൺവീനർ), ജിൽസ് മേക്കൽ, ജോൺസ് തൊട്ടിയിൽ, പോൾ ചീരം വേലിയിൽ, സാലി കണ്ണന്താനം, ബിജു പൂയ്‌കുന്നേൽ -വൈസ് ചെയർമാൻമാർ, സിസ്റ്റർ ജിൻസി പോൾ എസ്എച്ച് , സിസ്റ്റർ വിമല എസ്‌സി, ജോർജ് കോട്ടൂർ, ജോസ് നമ്പേലിൽ, ത്രേസ്യാകുട്ടി കോടിയാടൻ, മിനി കൊട്ടാരത്തിൽ, ജെയ്‌സൺ നിരപത്ത്, ജോസഫ് കുടാച്ചിറ, ജോസഫ് ആഞ്ഞിലിവേലിൽ, സോണി പൂത്തറ, ജോജി പുന്നാട, ഷാജി തെങ്ങുംപള്ളിൽ, ജിം നമ്പൂടാകം, ഷാജു കുന്നേൽ, വിൻസൻ കണ്ണംപള്ളിൽ, വിൽസൺ വാഹനി, സജി ആനിത്തോട്ടം എന്നിവർ വിവിധ കമ്മിറ്റി അംഗങ്ങളായി 101 അംഗ സംഘാടക സമിതി രൂപികരിച്ചു. പത്രസമ്മേളനത്തിൽ ഫാ. ടോമി പുത്തൻപുര , മാത്യു കൊച്ചുതറയിൽ, ജോൺസ് കുര്യാക്കോസ്, ജിൽ മേക്കൽ, ജോസഫ് ആഞ്ഞിലിവേലിൽ എന്നിവർ പങ്കെടുത്തു.

ഭീമമായ പിഴ ചുമത്തുന്ന ന‌ടപടി അവസാനിപ്പിക്കണം: ബസ് ഓപ്പറേറ്റേഴ്സ് ഓർഗനൈസേഷൻ

കണ്ണൂർ: നിസാര കാര്യങ്ങൾക്കു പോലും പകപോക്കൽ മനോഭാവത്തോടെ പോലീസും മോട്ടോർവാഹന വകുപ്പും സ്വകാര്യ ബസുകൾക്കു മേൽ ഭീമമായ പിഴ ചുമത്തുന്ന നടപടി അവസാനിപ്പിക്കണമെന്നും പൊട്ടിത്തകർന്ന റോഡുകൾ ഗതാഗതയോഗ്യമാക്കാൻ നടപടികൾ സ്വീകരിക്കണമെന്നും കണ്ണൂർ ജില്ലാ ബസ് ഓപ്പറേറ്റേഴ്സ് ഓർഗനൈസേഷൻ വാർഷിക ജനറൽ ബോഡിയോഗം ആവശ്യപ്പെട്ടു. ഇക്കോസ് ഓഡിറ്റോറയത്തിൽ നടന്ന യോഗത്തിന് പ്രസിഡന്‍റ് പി.കെ. പവിത്രൻ അധ്യക്ഷത വഹിച്ചു. ലിമിറ്റഡ് സ്റ്റോപ്പ് ബസുകളുടെ പെർമിറ്റ് പുതുക്കി നൽകുക, വിദ്യാർഥികളുടെ കൺസഷൻ നിരക്ക് വർധിപ്പിക്കുക എന്നീ ആവശ്യങ്ങളിൽ സർക്കാർ കാണിക്കുന്ന നിലപാടിൽ യോഗം പ്രതിഷേധം രേഖപ്പെടുത്തി. കണ്ണൂർ-തലശേരിറൂട്ടിൽ സർവീസ് നടത്തുന്ന ബസുകൾക്ക് നടാൽ ഒ.കെ. യുപി സ്കൂൾ പരിസരത്ത് അണ്ടർ പാസ് നിർമിച്ചു യാത്ര പ്രശ്നത്തിന് പരിഹാരമുണ്ടാക്കാൻ ഒരു നടപടിയും സ്വീകരിക്കാത്തതിൽ യോഗം ആശങ്ക രേഖപ്പെടുത്തി. പുതിയതെരു ട്രാഫിക പരിഷ്കരണത്തോടനുബന്ധിച്ച് ട്രാഫിക് റഗുലേറ്ററി കമ്മിറ്റി തീരുമാനം അടിയന്തിരമായി നടപ്പാക്കണമെന്നും യോഗം ആവശ്യപ്പെട്ടു. 25ന് നടക്കുന്ന ജില്ലാ സമ്മേളനവും കുടുംബ സംഗമവും വിജയിപ്പിക്കുന്നതിനായി പി.കെ. പവിത്രൻ ചെയർമാനും ടി. രാധാകൃഷ്ണൻ ജനറൽ കൺവീനറായും 25 അംഗ സ്വാഗതസംഘം രൂപീകരിച്ചു. ജനറൽ സെക്രട്ടറി ഒ. പ്രദീപൻ, സി. മോഹനൻ, ടി. രാധാകൃഷ്ണൻ, എം. കെ. അസീൽ, എസ്. അഷറഫ് എന്നിവർ പ്രസംഗിച്ചു.

കണ്ണൂർ പൈതൃകോത്സവം: ലോഗോ പ്രകാശനം ചെയ്തു

കണ്ണൂർ: പുരാവസ്തു, പുരാരേഖ, മ്യൂസിയം വകുപ്പുകളുടെ സംയുക്ത ആഭിമുഖ്യത്തിൽ 15 മുതൽ 27 വരെ കണ്ണൂരിൽ സംഘടിപ്പിക്കുന്ന പൈതൃകോത്സവത്തിന്‍റെ ലോഗോ പ്രകാശനം വകുപ്പു മന്ത്രി കടന്നപ്പള്ളി രാമചന്ദ്രൻ തിരുവനന്തപുരത്ത് നിർവഹിച്ചു. കോഴിക്കോട് പഴശിരാജാ മ്യൂസിയം ഓഫീസർ കെ. കൃഷ്ണരാജാണ് ലോഗോ രൂപകല്പന ചെയ്തത്. കേരളം പിന്നിട്ട ഏഴുപതിറ്റാണ്ട് എന്ന വിഷയത്തിൽ അൻപതോളം വരുന്ന ഗ്രന്ഥശാലകളിൽ നടക്കുന്ന പ്രഭാഷണ പരമ്പരയോടെയാണ് പൈതൃകോത്സവ പരിപാടകളുടെ തുടക്കം. 23 മുതൽ 27 വരെ ഗാന്ധിജിയുടെ ജീവിതസന്ദർഭങ്ങളെ അടിസ്ഥാനമാക്കി മുരളി ചീരോത്ത്, പി.എൻ. ഗോപീകൃഷ്ണൻ എന്നിവർ ക്യുറേറ്റ് ചെയ്ത ഗാന്ധി പ്രദർശനം മഹാത്മാമന്ദിരത്തിലും മൂന്നു വകുപ്പുകളുടെ നേതൃത്വത്തിലുള്ള പൈതൃക പ്രദർശനം ടൗൺ സ്ക്വയറിലും നടക്കും. മുഖ്യവേദിയായ ടൗൺ സ്ക്വയറിലെ പരിപാടികളുടെ ഉദ്ഘാടനം 25 ന് നടക്കും. കണ്ണൂരിന്‍റെ പ്രാദേശിക ചരിത്രം വിഷയമാക്കി രണ്ടു ഏകദിന സെമിനാറുകൾ നടക്കും. 19 ന് ചിറക്കലും 24 ന് സഎസ്ഐ ഇംഗ്ലീഷ് ചർച്ച് അങ്കണത്തിലുമാണ് സെമിനാറുകൾ നടക്കുക. ലോഗോ പ്രകാശന ചടങ്ങിൽ മൃഗശാലാ വകുപ്പ് ഡയറക്ടർ പി.എസ്. മഞ്ജുളാദേവി, പുരാരേഖ വകുപ്പ് ഡയറക്ടർ എസ്. പാർവതി, പുരാവസ്തു വകുപ്പ് ഡയറക്ടർ ഇ. ദിനേശൻ, മന്ത്രിയുടെ പ്രൈവറ്റ് സെക്രട്ടറി കെ. കെ. ദിവാകരൻ, രജിസ്ട്രേഷൻ ജോയിന്‍റ് ഇൻസ്പെക്ടർ ജനറൽ സാജൻകുമാർ എന്നിവർ പങ്കെടുത്തു.

ഫ്ലോർമിൽ ജീവനക്കാരിയുടെ മാല കവർന്ന് വിദേശത്തേക്ക് കടന്ന പ്രതി അറസ്റ്റിൽ

ചക്കരക്കൽ: ഫ്ലോർ മില്ലിലെത്തി ജീവനക്കാരിയായ വയോധികയുടെ മൂന്നര പവന്‍റെ മാല പൊട്ടിച്ച ശേഷം വിദേശത്തേക്ക് കടന്ന പ്രതി അറസ്റ്റിൽ. വാരം പുറത്തീലിലെ അസ്‌ലത്തെയാണ് (37)നെ ചക്കരക്കൽ എസ്ഐ അംബുജാക്ഷനും സംഘവും അറസ്റ്റ് ചെയ്തത്. വലിയന്നൂർ കടാങ്കോട് റോഡിലെ ശ്രുതി ഫ്ലോർ മിൽ ജീവനക്കാരി പുത്തൻ വീട്ടിൽ ശ്രീദേവിയുടെ (79) മാലയായിരുന്നു കഴിഞ്ഞ മാസം 17ന് ഉച്ചയോടെ മില്ലിലെത്തിയ പ്രതി പൊട്ടിച്ചു കടന്നു കളഞ്ഞത്. മില്ലിൽ കടന്നു ചെന്ന മോഷ്ടാവ് വയോധികയെ പിടിച്ചു തള്ളി മാല പൊട്ടിച്ചെടുത്ത ശേഷം സ്കൂട്ടറിൽ രക്ഷപ്പെടുകയായിരുന്നു.വീഴ്ചയിൽ പരിക്കേറ്റ വയോധിക ആശുപത്രിയിൽ ചികിത്സയിലായിരുന്നു. ഏതാനും ദിവസം മുന്പ് ഇയാൾ നാട്ടിൽ തിരിച്ചെത്തിയിട്ടുണ്ടെന്ന വിവരത്തെ തുടർന്ന് പോലീസ് വീട്ടിലെത്തി അറസ്റ്റ് ചെയ്യുകയായിരുന്നു. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.

ലോക പാലിയേറ്റീവ് ദിനാചരണവും മാനസികാരോഗ്യ ദിനാചരണവും നടത്തി

കണ്ണൂർ : പാലിയേറ്റീവ് കെയർ ഇനീഷ്യേറ്റീവ് ഇൻ കണ്ണൂരും കൃഷ്ണമേനോൻ സ്മാരക ഗവ. വനിത കോളജ് എൻഎസ്എസ് യൂണിറ്റും സംയുക്തമായി ലോക പാലിയേറ്റീവ് ദിനാചരണവും ലോക മാനസികാരോഗ്യ ദിനാചരണവും നടത്തി. ജില്ലാതല ഉദ്ഘാടനം വനിതാ കോളജിൽ കുടുംബശ്രീ മിഷൻ ജില്ല കോ-ഡിനേറ്റർ എം.വി. ജയൻ ഉദ്ഘാടനം ചെയ്തു. പിക് ചെയർമാൻ കെ.വി. ശശിധരൻ അധ്യക്ഷത വഹിച്ചു. ഇന്ത്യൻ അസോസിയേഷൻ ഓഫ് പാലിയേറ്റീവ് കെയർ സംസ്ഥാന സെക്രട്ടറി സുനിൽ മാങ്ങാട്ടിടം, എൻഎസ്എസ് പ്രോഗ്രാം ഓഫീസർ ഡോ.കെ.പി. നിധീഷ്, പിക് വൈസ് പ്രസിഡന്‍റ് പി. ശോഭന എന്നിവർ പ്രസംഗിച്ചു. എകെജി ആശുപത്രിയിലെ സൈക്യാട്രിസ്റ്റ് ഡോ. നന്ദന മുരളീധരൻ ക്ലാസെടുത്തു.

ഉളിയിൽ കാറും ബൈക്കും കൂട്ടിയിടിച്ച് ബൈക്ക് യാത്രികന് പരിക്ക്

മട്ടന്നൂർ: ഉളിയിൽ കാറും ബൈക്കും കൂട്ടിയിടിച്ച് ബൈക്ക് യാത്രികന് പരിക്ക്. നിയന്ത്രണം വിട്ട ബൈക്ക് താഴ്ചയിലേക്ക് മറിഞ്ഞു. ശനിയാഴ്ച ഉച്ചയ്ക്ക് ഒന്നോടെ മട്ടന്നൂർ - ഇരിട്ടി റൂട്ടിൽ ഉളിയിൽ പാലത്തിന് സമീപമായിരുന്നു അപകടം. മട്ടന്നൂർ ഭാഗത്ത് നിന്നെത്തിയ കാർ ഉളിയിൽ പാലത്തിന് സമീപത്തെ പടിക്കച്ചാൽ റോഡിലേക്ക് കയറുന്നതിനിടെ മട്ടന്നൂർ ഭാഗത്ത് നിന്ന് ഇരിട്ടി ഭാഗത്തേക്ക് പോകുകയായിരുന്ന ബൈക്ക് കാറുമായി കൂട്ടിയിടിക്കുകയായിരുന്നു. നിയന്ത്രണം വിട്ട ബൈക്ക് മരത്തി ൽ ഇടിച്ച് താഴ്ചയിലേക്ക് മറിയുകയായിരുന്നു. അപകടത്തിൽ പരിക്കേറ്റ ബൈക്ക് യാത്രികനെ ആശുപത്രിയിൽ പ്രവേശിപ്പിച്ചു. ഉളിയിൽ പാലത്തിന് സമീപം നിരവധി അപകടങ്ങളാണ് അടുത്തകാലത്തായി നടന്നത്. നിരവധി പേർക്ക് ജീവൻ നഷ്ടമാകുകയും ചെയ്തിരുന്നു.

ഷാഫി പറമ്പിൽ എംപിക്ക് നേരെയുള്ള പോലീസ് മർദനം: പ്രതിഷേധിച്ച് കോൺഗ്രസ്

ഇരിട്ടി: ഷാഫി പറമ്പിൽ എംപിക്കു നേരേയുണ്ടായ പോലീസ് ലാത്തിച്ചാർജിൽ പ്രതിഷേധിച്ച് കോൺഗ്രസ് ബ്ലോക്ക് കമ്മിറ്റിയുടെ നേതൃത്വത്തിൽ ഇരിട്ടിയിൽ പ്രതിഷേധ പ്രകടനം നടത്തി. പി.എ. നസീർ, പി.കെ. ജനാർദ്ദനൻ, സാജു യോമസ്, തോമസ് വർഗീസ്, സി.കെ. ശശിധരൻ, കെ.വി. രാമചന്ദ്രൻ, റയീസ് കണിയറക്കൽ, ജിമ്മി അന്തിനാട്ട്, മിനി പ്രസാദ്, മിനി വിശ്വനാഥൻ, നിധിൻ നടുവനാട് തുടങ്ങിയവർ നേതൃത്വം നൽകി. ഉളിക്കൽ: ഷാഫി പറമ്പിൽ എംപിക്ക് നേരേ നടന്ന പോലീസ് മർദ്ദനത്തിൽ പ്രതിഷേധിച്ച് ഇരിക്കൂർ ബ്ലോക്ക് കോൺഗ്രസ് കമ്മിറ്റിയുടെ നേതൃത്വത്തിൽ ഉളിക്കൽ ടൗണിൽ പ്രതിഷേധ പ്രകടനം നടത്തി. തുടർന്ന് നടന്ന പൊതുയോഗം കെപിസിസി മെംബർ പി.സി. ഷാജി ഉദ്ഘാടനം ചെയ്തു. ബ്ലോക്ക് കോൺഗ്രസ് കമ്മിറ്റി പ്രസിഡന്‍റ് എ.ജെ. ജോസഫ് അധ്യക്ഷത വഹിച്ചു. ഡിസിസി മെംബർ ടി. ജസ്റ്റിൻ, ജോസ് പൂമല, മണ്ഡലം കോൺഗ്രസ് കമ്മിറ്റി പ്രസിഡന്‍റുമാരായ ടോമി ജോസഫ്, കുര്യാക്കോസ് മണിപ്പാടത്ത്, ഇ.കെ. കുര്യൻ, കെ.കെ. ഷഫീഖ്, യൂത്ത് കോൺഗ്രസ് ഭാരവാഹികളായ മുഹസിൻ കാതിയോട്, ദിലീപ് മാത്യു, ടി.പി. അഷ്റഫ്, മഹിളാ കോൺഗ്രസ് ജില്ലാ സെക്രട്ടറിമാരായ ലിസമ്മ ബാബു, ഷെർലി അലക്സാണ്ടർ, മേഴ്സി ജോസ്, യൂത്ത് കോൺഗ്രസ് മണ്ഡലം പ്രസിഡന്‍റുമാരായ ജോജോ പാലാക്കുഴി, ഷബീർ തുടങ്ങിയവർ നേതൃത്വം നൽകി. മട്ടന്നൂർ: ഷാഫി പറമ്പിൽ എംപിയെ പോലീസ് മർദിച്ചതിൽ പ്രതിഷേധിച്ച് കോൺഗ്രസ് മട്ടന്നൂർ ബ്ലോക്ക് കമ്മിറ്റിയുടെ നേതൃത്വത്തിൽ മട്ടന്നൂരിൽപ്രതിഷേധ പ്രകടനം നടത്തി. കോൺഗ്രസ് ഭവൻ പരിസരത്ത് നിന്നാരംഭിച്ച പ്രകടനം നഗരം ചുറ്റി ബസ് സ്റ്റാൻഡ് പരിസരത്ത് സമാപിച്ചു. തുടർന്നു നടന്ന യോഗം കെപിസിസി അംഗം മുഹമ്മദ് ബ്ലാത്തൂർ ഉദ്ഘാടനം ചെയ്തു. ബ്ലോക്ക് പ്രസിഡന്‍റ് സുരേഷ് മാവില അധ്യക്ഷത വഹിച്ചു. ഡിസിസി സെക്രട്ടറി വി.ആർ. ഭാസ്കരൻ, എ.കെ. രാജേഷ്, ടി.വി. രവീന്ദ്രൻ, ഫർസീൻ മജീദ്, കെ.വി. ജയചന്ദ്രൻ, ഒ.കെ. പ്രസാദ്, ടി. സുജിന, ടി. ദിനേശൻ തുടങ്ങിയവർ നേതൃത്വം നൽകി. കൂത്തുപറമ്പ്: ഷാഫി പറമ്പിൽ എംപിയെ അക്രമിച്ചതിൽ പ്രതിഷേധിച്ച് കൂത്തുപറമ്പ് ടൗണിൽ യുഡിഎഫ് പ്രതിഷേധ പ്രകടനം നടത്തി. കൂത്തുപറമ്പ് വില്ലേജ് ഓഫീസ് പരിസരത്ത് ചേർന്ന പ്രതിഷേധ യോഗം ഡിസിസി ജനറൽ സെക്രട്ടറി ഹരിദാസ് മൊകേരി ഉദ്ഘാടനം ചെയ്തു. ബ്ലോക്ക് കോൺഗ്രസ് പ്രസിഡന്‍റ് കെ. ലോഹിതാക്ഷൻ അധ്യക്ഷത വഹിച്ചു. ഡിസിസി ജനറൽ സെക്രട്ടറി പി.കെ. സതീശൻ, രജീഷ് കോട്ടയൻ, സിദ്ധിഖ് പാറാൽ, എൻ. ബാലകൃഷ്ണൻ, വി.ബി. അഷറഫ്, യു.എൻ. സത്യചന്ദ്രൻ, കെ.കെ. ഗീത, നരോത്ത് രവീന്ദ്രൻ, മൊട്ടമ്മൽ അലി, രജിനേഷ് കൊക്കോത്ത് എന്നിവർ പ്രസംഗിച്ചു.

പഴയങ്ങാടിയിൽ പോലീസും യൂത്ത് കോൺഗ്രസ് പ്രവർത്തകരും തമ്മിൽ സംഘർഷം

പഴയങ്ങാടി: യൂത്ത് കോൺഗ്രസ് പ്രവർത്തകരും പോലീസും തമ്മിൽ പഴയങ്ങാടിയിൽ സംഘർഷം. കഴിഞ്ഞ ദിവസം സമരത്തിനിടയിൽ ഷാഫി പറന്പിലിനെ പോലീസ് അടിച്ചു പരിക്കേല്പിച്ച സംഭവത്തിൽ പ്രതിഷേധിച്ച് പഴയങ്ങാടിയിൽ യൂത്ത് കോൺഗ്രസ് നടത്തിയ റോഡ് ഉപരോധത്തിൽ ആണ് സംഘർഷം ഉണ്ടായത്. കല്യാശേരി മണ്ഡലം യൂത്ത് കോൺഗ്രസിന്‍റെ നേതൃത്വത്തിൽ പഴയങ്ങാടി കെഎസ്ടിപി റോഡിൽ നടത്തിയ ഉപരോധത്തിന് നേരെ രണ്ട് ചെറുപ്പക്കാർ ഇരുചക്ര വാഹനം കയറ്റാനുള്ള ശ്രമത്തിനിടെ യുവാക്കളെ യൂത്ത് കോൺഗ്രസ് പ്രവർത്തകർ മർദിക്കുകയും തടയാൻ ശ്രമിച്ച പോലീസിന് നേരെ തിരിഞ്ഞ് സംഘർഷം ഉണ്ടാവുകയുമായിരുന്നു. മണിക്കൂറുകളോളം പ്രവർത്തകർ പോലീസുമായി തർക്കത്തിൽ ഏർപ്പെടുകയും ഉന്തും തള്ളും ഉണ്ടാവുകയും ചെയ്തു. കോൺഗ്രസ് നേതാക്കൾ ഇടപെട്ടാണ് രംഗം ശാന്തമാക്കിയത്. റോഡിൽ ഉണ്ടായ സംഘർഷത്തെ തുടർന്ന് മണിക്കൂറുകളോളം ഗതാഗതം തടസപ്പെട്ടു.

ഗ്രേറ്റ് ബോംബെ സർക്കസിന് ജനം ഒഴുകുന്നു

കണ്ണൂർ: ഏത്യോപ്യൻ കലാകാരൻമാരുടെ മാസ്മരിക പ്രകടനങ്ങളുമായി പോലീസ് മൈതാനിയിൽ നടക്കുന്ന ഗ്രേറ്റ് ബോംബ സർക്കസ് തന്പിലേക്ക് സർക്കസ് ആസ്വാദകരുടെ ഒഴുക്ക്. അബ്ദുറഹ്മാന്‍ നുര്‍ഹുസെന്‍ അബ്ദുളള (35), തഡെസ് എറിമിയാസ് ഗിര്‍മെ (22), മെകോനെന്‍ ഹബ്തമു ഫിക്കാഡു (27), യിഗ്രെം മെക്‌ഡെലവിറ്റ് ഡെസലേഗ് (23), ടെഫെറ യീംലക്‌നേഷ് ഡെഗിഫ് (26), അയ്‌ലെ ടിനുന്‍സെര്‍ അബ്രിഹേന്‍ (22), എന്നീ ആറ് ഏത്യോപ്യന്‍ കലാകാരന്‍മാരും ചെകോല്‍ ഡെബാസു അമിലാക് (31), അഗിമാസ് ഗെറ്റ്‌നെറ്റ് മൊല്ല (30), കിഫ്‌ലെ അബെല്‍ ഗിര്‍മ (22) എന്നീ മൂന്ന് പുതിയ ഏത്യോപ്യന്‍ കലാകാരന്‍മാരും ഉള്‍പ്പെടുന്ന ഒന്പതംഗ സംഘത്തിന്‍റെ കലാപ്രകടനമാണ് സർക്കസിന്‍റെ പ്രധാന ആകർഷണം. ഇവര്‍ അവതരിപ്പിക്കുന്ന ഇനങ്ങളായ ട്രക്കോ ബാലന്‍സ് ആക്രോബാറ്റിക്, ക്ലബ് ജഗ്ലിങ്, ഇക്കരംഗ ആക്ട്, കൊണ്ടോര്‍ഷന്‍ ആക്ട്, ഫുട്ട് ജഗ്ലിങ്, റോളര്‍ സ് കേറ്റിങ്, ക്യൂ ബ് ജഗ്ലിങ്, ആന്റിപോഡ് കൊണ്ടോര്‍ഷന്‍ എന്നിവ മെയ്യഭ്യാസത്തിന്‍റെ മികവുകളായി കാണികളിൽ അദ്ഭുതം പടർത്തുകയാണ്. ഏത്യോപ്യയുടെ തലസ്ഥാനമായ എഡിസബാബയിലുളള സര്‍ക്കസ് അക്കാഡമിയില്‍നിന്ന് നാലു വര്‍ഷത്തെ കോഴ്‌സ് പൂര്‍ത്തിയാക്കിയവരാണ് ഈ കലാകാരൻമാർ. ഇതിനു മുമ്പ് പല വിദേശരാജ്യങ്ങളിലും സര്‍ക്കസിലും സ്റ്റേജ് ഇവന്‍റിലും മികച്ച പ്രകടനങ്ങള്‍ നടത്തിയ പരിചയ സന്പന്നതോടെയാണ് ഇവർ തന്പിൽ വിസ്മയം തീർക്കുന്നത്. മണിപ്പുരി കലാകാരൻമാരുടെ പ്രകടനങ്ങളാണ് സർക്കസിന്‍റെ മറ്റൊരു ആകർഷണം. സോഡ് ആക്ട്, ഗ്രൂപ്പ് ആക്രോബാറ്റിക്‌സ്,അമേരിക്കന്‍ ലിംബിംഗ് ബോര്‍ഡ്, റഷ്യന്‍ സ്‌പൈഡ് റിംഗ്, റഷ്യന്‍ ഡവിള്‍ ക്ലൗണ്‍ ഐറ്റം, റഷ്യന്‍ വെര്‍ട്ടിക്കല്‍ സ്വിംഗിംഗ് ആക്രോബാറ്റ്, റഷ്യന്‍ ക്ലൗണ്‍ സ്‌കിപിംഗ്, റഷ്യന്‍ കാന്‍ഡില്‍ ബോണ്‍ലെസ് ഐറ്റം എന്നിവ ഇതില്‍ ചിലതു മാത്രമാണ്. റഷ്യന്‍ ബാലെയുടെ ചുവട് പിടിച്ച് അവര്‍ അവതരിപ്പിക്കുന്ന അതിസാഹസിക അഭ്യാസപ്രകടനങ്ങളും അദ്ഭുതപ്പെടുത്തും. ഉച്ചയ്ക്ക് ഒന്നിനും വൈകുന്നേരം നാലിനും രാത്രി ഏഴിനുമാണ് പ്രദർശനം. 150, 200, 250, 350 എന്നിങ്ങനെയാണ് ടിക്കറ്റ് നിരക്ക്. 350 രൂപയുടെ സീറ്റിന് അഡ്വാൻസ് ബുക്കിംഗ് സൗകര്യവുമുണ്ട്. രാവിലെ ഒന്പത് മുതൽ വൈകുന്നേരം ആറുവരെയാണ് ബുക്കിംഗ് സമയം. ഫോൺ: 8075 966829, 8921628262, 8893606308.

സഹകരണ മേഖലയെ കൈപ്പിടിയിലാക്കാൻ സർക്കാർ ശ്രമം: കെ.സി. വേണുഗോപാൽ

കണ്ണൂർ: സഹകരണ മേഖലയെ കൈപ്പിടിയിലൊതുക്കാനുള്ള കേന്ദ്ര സർക്കാർ നീക്കങ്ങൾക്ക് സംസ്ഥാന സർക്കാർ കുടപിടിക്കുകയാണെന്ന് കെ.സി. വേണുഗോപാൽ എംപി. കേരള ബാങ്ക് എംപ്ലോയീസ് കോൺഗ്രസ് (കെബിഇസി) രണ്ടാം സംസ്ഥാന സമ്മേളനം കണ്ണൂർ ദിനേശ് ഓഡിറ്റോറിയത്തിൽ ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം. കേരള ബാങ്ക് കൊണ്ട് കേരളത്തിന് എന്തു നേട്ടമാണുണ്ടായതെന്ന് ഇനിയെങ്കിലും പരിശോധിക്കപ്പെടേണ്ടതാണെന്നും കെ.സി. വേണുഗോപാൽ പറഞ്ഞു. സഹകരണ മേഖലയിൽ വൻ പ്രതീക്ഷയാണ് കേരള ബാങ്ക് രൂപികരിക്കുമ്പോൾ ഉണ്ടായത്. എന്നാൽ മേഖലയെ ദുർബലപ്പെടുത്തുന്ന അവസ്ഥയാണ് ഭരണാധികാരികളിൽ നിന്നുണ്ടാവുന്നതെന്നും അദ്ദേഹം കുറ്റപ്പെടുത്തി. കെബിഇസി സംസ്ഥാന പ്രസിഡന്‍റ് വി.എസ്. ശിവകുമാർ അധ്യക്ഷത വഹിച്ചു. സ്വാഗത സംഘം ചെയർമാൻ മാർട്ടിൻ ജോർജ് പ്രസംഗിച്ചു. പ്രതിനിധി സമ്മേളനം ബി. രാംപ്രകാശ് ഉദ്ഘാടനം ചെയ്തു. സഹകരണ സെമിനാർ മാർക്കറ്റ് ഫെഡ് ചെയർമാൻ സോണി സെബാസ്റ്റ്യനും സാംസ്കാരിക സമ്മേളനം നടൻ സന്തോഷ് കീഴാറ്റൂരും ഉദ്ഘാടനം ചെയ്തു. ഇന്ന് നടക്കുന്ന വനിതാ സമ്മേളനം മുൻ എംപി രമ്യാ ഹരിദാസും ട്രേഡ് യൂണിയൻ സമ്മേളനം കെ.സുധാകരൻ എംപിയും സമാപന സമ്മേളനം കണ്ണൂർ മേയർ മുസ്‌ലിഹ് മഠത്തിലും ഉദ്ഘാടനം ചെയ്യും.

തളിപ്പറമ്പ് സൂ സഫാരി പാര്‍ക്ക്: വിദഗ്ധസമിതി രൂപീകരിച്ചു

കണ്ണൂർ: തളിപ്പറമ്പ് നാടുകാണിയിൽ സൂ സഫാരി പാർക്ക് നിർമിക്കുന്നതിനായി റിട്ട. ഐഎഫ്എസ് ഉദ്യോഗസ്ഥൻ ജയിംസ് വർഗീസിന്‍റെ നേതൃത്വത്തിൽ അഞ്ചംഗ വിദഗ്ധസമിതി രൂപീകരിച്ചു. മൃഗസംരക്ഷണ മന്ത്രി ജെ. ചിഞ്ചുറാണിയും എം.വി. ഗോവിന്ദൻ എംഎൽഎയും ബന്ധപ്പെട്ട ഉദ്യോഗസ്ഥരും ചേർന്ന് നടത്തിയ യോഗത്തിലാണ് ഇക്കാര്യം തീരുമാനിച്ചത്. സന്തോഷ് ജോർജ് കുളങ്ങര, വനം വകുപ്പ് ചീഫ് വൈൽഡ് ലൈഫ് വാർഡൻ പ്രമോദ് ജി. കൃഷ്ണൻ, മൃഗശാല വകുപ്പ് ഡയറക്ടർ മഞ്ജുള ദേവി, മൃഗശാല വകുപ്പ് മുൻ ഡയറക്ടർ അബു ഏബ്രഹാം എന്നിവരാണ് മറ്റ് അംഗങ്ങൾ. ജനുവരി അവസാനത്തോടെ വിശദ ഡിപിആർ സമർപ്പിക്കും. സർക്കാർ അംഗീകാരം ലഭിക്കുന്നതോടെ ടെൻഡർ നടപടികളിലേക്ക് കടക്കും. തളിപ്പറമ്പ് -ആലക്കോട് സംസ്ഥാന പാതയോടുചേർന്ന് നാടുകാണിയിൽ 252.8 ഏക്കർ ഭൂമിയിലാണ് പാർക്ക് സ്ഥാപിക്കുക. ഡിപിആർ തയാറാക്കുന്നതിന് രണ്ടുകോടി രൂപ സർക്കാർ നേരത്തെ ബജറ്റിൽ അനുവദിച്ചിരുന്നു. കേരളത്തിന്‍റെ വിനോദസഞ്ചാര മേഖലയ്ക്ക് പുത്തനുണർവേകുന്നതായിരിക്കും സൂ സഫാരി പാർക്ക്. മൃഗങ്ങളെ കണ്ടുകൊണ്ടുള്ള സഫാരിയാകും പ്രധാന ആകർഷണം. ഇതിനൊപ്പം മ്യൂസിയവും ബയോളജിക്കൽ പ്ലാന്‍റേഷനുമുണ്ടാകും. പ്രകൃതിയെ അതേപടി നിലനിർത്തി സ്വാഭാവിക വനവത്കരണം നടത്തിയാകും രൂപകല്പന. മൃഗശാലകൾ ഇല്ലാത്ത കണ്ണൂർ ജില്ലയിലാണു സംസ്ഥാനത്ത് പ്രഥമ സൂ സഫാരി പാർക്ക് പണിയുന്നതെന്ന പ്രത്യേകതയുമുണ്ട്. സൂ സഫാരി പാർക്കിലേക്കുള്ള മൃഗങ്ങളെയും അപൂർവ ജീവികളെയും തിരുവനന്തപുരം, തൃശൂർ മൃഗശാലകളിൽനിന്ന് കൊണ്ടുവരാൻ പദ്ധതിയിടുന്നുണ്ട്. മൃഗങ്ങളെയും പക്ഷികളെയും കൈമാറ്റ സംവിധാനത്തിലൂടെ രാജ്യത്തെ ഇതര മൃഗശാലകളിൽ നിന്ന് എത്തിക്കും. സ്വാഭാവികമായ പ്രകൃതിദത്ത പശ്ചാത്തലത്തിലും അന്തരീക്ഷത്തിലും പക്ഷിമൃഗാദികൾക്കും ഇഴജന്തുക്കൾക്കും സ്വൈര്യവിഹാരം നടത്താനാവും വിധമായിരിക്കും പാർക്കിന്‍റെ പ്രവർത്തനം.

ഭക്തിസാന്ദ്രമായി യുവജന തീർഥാടനം

നടുവിൽ: കെസിവൈഎം-എസ്എംവൈഎം തലശേരി അതിരൂപതയുടെ നേതൃത്വത്തിൽ വിളക്കന്നൂർ തീർഥാടന ദേവാലയത്തിലേക്ക് യുവജന തീർഥാടനം നടത്തി. വിശുദ്ധ കാർലോ അക്വിറ്റിസിന്‍റെ തിരുശേഷിപ്പ് സംവഹിച്ച് നടുവിൽ ടൗണിൽ നിന്ന് ആരംഭിച്ച തീർഥാടന റാലിയിൽ ആയിരത്തിലധികം കെസിവൈഎം പ്രവർത്തകർ പങ്കെടുത്തു. വിശുദ്‌ധ കാർലോ അക്വിറ്റിസിന്‍റെ വേഷം ധരിച്ച യുവജനങ്ങൾ, വിവിധ ഫൊറോനകൾ തയാറാക്കിയ നിശ്ചല ദൃശ്യങ്ങൾ എന്നിവ കൗതുക കാഴ്ചകളായി. വിളക്കന്നൂർ പള്ളിയിൽ നടന്ന വിശുദ്ധ കുർബാനയ്ക്ക് തലശേരി ആർച്ച്ബിഷപ് മാർ ജോസഫ് പാംപ്ലാനി മുഖ്യകാർമികത്വം വഹിച്ചു. അതിരൂപത പ്രസിഡന്‍റ് അബിൻ വടക്കേക്കര, ഡയറക്‌ടർ ഫാ. അഖിൽ മുക്കുഴി, വിളക്കന്നൂർ ഇടവക വികാരി ഫാ. തോമസ് കീഴാരത്തിൽ, സംസ്ഥാന സെക്രട്ടറി വിപിൻ ജോസഫ്, ജനറൽ സെക്രട്ടറി അമൽ പേഴുംകാട്ടിൽ, ബിബിൻ പീടിയേക്കൽ, അഖിൽ നെല്ലിക്കൽ, ശ്രേയ ശ്രുതിനിലയം, സാൻജോസ് കളരിമുറിയിൽ, സോന ചവണിയാങ്കൽ, ജനറൽ എഡ്വിൻ, അഞ്ജലി, അപർണ, സിസ്റ്റർ ജോസ്‌ന എസ്എച്ച്, വിളക്കന്നൂർ ഇടവക കോ ഓർഡിനേറ്റർ സണ്ണി, എബിൻ കാഞ്ഞിരത്തിങ്കൽ, ജിബിൻ എന്നിവർ നേതൃത്വം നൽകി.

അധ്യാപക നിയമനം: മുഖ‍്യമന്ത്രി നാളെ ചർച്ച നടത്തുമെന്ന് മന്ത്രി ശിവന്‍കുട്ടി

ചങ്ങനാശേരി: ഭിന്നശേഷി സംവരണം മൂലം പ്രതിസന്ധിയിലായ അധ്യാപക നിയമന വിഷയത്തില്‍ ഉടന്‍ തീരുമാനമുണ്ടാകുമെന്ന് വിദ്യാഭ്യാസമന്ത്രി വി. ശിവന്‍കുട്ടി. ചങ്ങനാശേരി ആര്‍ച്ച്ബിഷപ്‌സ് ഹൗസിലെത്തി ആര്‍ച്ച്ബിഷപ് മാര്‍ തോമസ് തറയിലുമായി സംഭാഷണം നടത്തിയ ശേഷമാണ് മന്ത്രി ഇങ്ങനെ പ്രതികരിച്ചത്. ഈ വിഷയത്തില്‍ മുഖ്യമന്ത്രി നാളെ വിവിധ വകുപ്പ് മേധാവികളുമായി ചര്‍ച്ച നടത്താന്‍ തീരുമാനിച്ചിട്ടുണ്ട്. ഈ ചർച്ചയ്ക്കു ശേഷം വിവരം മാനേജ്മെന്‍റുകളെ അറിയിക്കും. പ്രശ്‌നം നാളത്തെ ചര്‍ച്ചയില്‍ പരിഹരിക്കാന്‍ കഴിയുമെന്ന് പ്രതീക്ഷിക്കുന്നതായും മന്ത്രി കൂട്ടിച്ചേര്‍ത്തു. ചര്‍ച്ച സൗഹാര്‍ദപരവും സ്‌നേഹനിര്‍ഭരവുമായിരുന്നു. സന്ദര്‍ശനത്തെ മറ്റു രീതിയില്‍ ചിത്രീകരിക്കേണ്ടതില്ല. തനിക്കു ബിഷപ്പുമാരുമായി നല്ല ബന്ധമാണുള്ളതെന്നു നിയമസഭയില്‍ പറഞ്ഞിരുന്നു. കേരള കോണ്‍ഗ്രസ് -എം ചെയര്‍മാന്‍ ജോസ് കെ. മാണി എംപി, ജോബ് മൈക്കിള്‍ എംഎല്‍എ എന്നിവരും മന്ത്രിക്കൊപ്പം ചര്‍ച്ചയില്‍ പങ്കെടുത്തു. ഭിന്നശേഷി നിയമന വിഷയം സംബന്ധിച്ച് മാര്‍ തോമസ് തറയില്‍ തന്നെ നേരില്‍കണ്ട് സംസാരിച്ചിരുന്നതായും മന്ത്രി പറഞ്ഞു. ശുഭപ്രതീക്ഷ: മാർ തോമസ് തറയിൽ ഭിന്നശേഷി സംവരണ വിഷ യത്തിൽ പോസിറ്റീവായ നീക്കം സര്‍ക്കാരിന്‍റെ ഭാഗത്തു നിന്നുണ്ടാകുന്നുവെന്നതും മുഖ്യമന്ത്രിയുടെ നേതൃത്വത്തില്‍ ഉന്നതതല യോഗം ചേര്‍ന്നു പ്രശ്‌നം പരിഹരിക്കുമെന്നുള്ളതും ഏറെ ശുഭപ്രതീക്ഷ നല്‍കുന്നുവെന്ന് ആര്‍ച്ച്ബിഷപ് മാര്‍ തോമസ് തറയില്‍ പ്രതികരിച്ചു. ആയിരക്കണക്കിന് അധ്യാപകര്‍ ശമ്പളമില്ലാതെ ദിവസവേതനത്തിനു ജോലി ചെയ്യുന്നുവെന്നത് ക്രൈസ്തവ സമൂഹത്തിന്‍റെ മാത്രം പ്രശ്‌നമല്ല. പൊതുസമൂഹത്തിന്‍റെ മുഴുവന്‍ പ്രശ്‌നമായാണ് ഈ വിഷയം കത്തോലിക്ക സഭ മുഖ്യമന്ത്രിയുടെ ശ്രദ്ധയില്‍പെടുത്തിയിട്ടുള്ളതെന്നും മാർ തോമസ് തറയിൽ പറഞ്ഞു. വിഷയം ചര്‍ച്ചയിലൂടെ രമ്യമായി പരിഹരിക്കാൻ മുഖ്യമന്ത്രിയുമായും വിദ്യാഭ്യാസ മന്ത്രിയുമായും ചര്‍ച്ച നടത്തിവരികയായിരുന്നുവെന്നും പ്രശ്‌നം പരിഹരിക്കപ്പെടുമെന്നും ജോസ് കെ. മാണി എംപിയും പറഞ്ഞു.

ആറളം മോഡൽ റസിഡൻഷ്യൽ സ്കൂൾ മതിൽ കാട്ടാന തകർത്തു

ഇരിട്ടി: ഗജമുക്തി പദ്ധതിയിലൂടെ ആറളം ഫാം മേഖലയിലെ കാട്ടാനകളെ തുരുത്തുന്നുണ്ടെന്ന് വനംവകുപ്പ് അവകാശപ്പെടുന്പോഴും കാട്ടാനയാക്രമണം തുടരുന്നു. ആറളം മോഡൽ റസിഡൻഷ്യൽ സ്കൂളിന്‍റെ മതിൽ കാട്ടാന തകർത്തു. വെള്ളിയാഴ്ച രാത്രിയായിരുന്നു സംഭവം. പുനരധിവാസ മേഖലയിലെ ബ്ലോക്ക് ഏഴിൽ അത്യാധുനിക സൗകര്യങ്ങളോടെ 17.5 കോടിയോളം രൂപ ചെലവഴിച്ചു നിർമിച്ച മോഡൽ റസിഡൻഷ്യൽ സ്കൂളിന്‍റെ പ്രധാന ഗേറ്റിനോടു ചേർന്ന ഭാഗമാണ് തകർത്തത്. രാവിലെ ജോലിക്ക് പോയ തൊഴിലാളികളാണു മതിൽ പൊളിഞ്ഞുകിടക്കുന്നത് കണ്ടത്. നിർമാണം പൂർത്തിയാക്കി വർഷങ്ങളായി പൂട്ടിക്കിടക്കുന്ന കെട്ടിടത്തിന്‍റെ ചുറ്റുമതിൽ പത്തിലധികം തവണ കാട്ടാനകൾ തകർത്തിരുന്നു. ആനക്കൂട്ടം ഏറ്റവുമധികം തമ്പടിക്കുന്ന ബ്ലോക്ക് 7/2 ലെ വയനാടൻ മേഖലയുടെ സമീപത്തായാണ് സ്കൂൾ സ്ഥിതി ചെയ്യുന്നത്. തിരുനെല്ലി എംആർഎസ് ഇവിടേക്ക് മാറ്റി സ്ഥാപിക്കാനും തീരുമാനിച്ചിട്ടുണ്ട്. ഏതുനിമിഷവും ആനകൾ മതിൽ തകർത്ത് ഉള്ളിൽ പ്രവേശിക്കുന്ന അപകടാവസ്ഥ നിലനിൽക്കുന്ന സ്ഥലത്തേക്ക് സ്കൂൾ മാറ്റിസ്ഥാപിക്കുന്നത് ആശങ്കയ്ക്കിടയാക്കുന്നുണ്ട്. മൂന്ന് ആനകൾ ഇതുവഴി ചുറ്റിത്തിരിയുന്നുവെന്നാണു പ്രദേശവാസികൾ പറയുന്നത്. ആറളം ഫാം മേഖലയിൽ കുരങ്ങും വ്യാപകമായി കൃഷി നശിപ്പിക്കുന്നുമുണ്ട്. തെങ്ങുകളിൽ കരിക്കു പോലും അവശേഷിക്കാത്ത രീതിയിൽ കുരങ്ങുകൾ പൂർണമായും നശിപ്പിക്കുകയാണ്. കഴിഞ്ഞ ദിവസം മേഖലയിൽ കൃഷി ചെയ്തിരുന്ന മഞ്ഞൾ കുരങ്ങുകൾ നശിപ്പിച്ചിരുന്നു. വീടിനുള്ളിൽ കയറിയ കുരങ്ങ് ഭക്ഷണസാധനങ്ങൾ ഉൾപ്പെടെ നശിപ്പിക്കുന്നതും പതിവാണ്. ബ്ലോക്ക് ഒന്പതിലെ താമസക്കാരി ലതയുടെ പുരയിടത്തിലെ അവശേഷിക്കുന്ന തെങ്ങുകളിൽ കുരങ്ങുകൾ വ്യാപകമായി നാശം വിതച്ചു.

വീട്ടുമുറ്റത്ത് ഭർതൃമതി തീപൊള്ളലേറ്റു മരിച്ച നിലയിൽ

പയ്യന്നൂർ: ഭർതൃമതിയായ യുവതിയെ തീപൊള്ളലേറ്റു മരിച്ച നിലയിൽ കണ്ടെത്തി. കരിവെള്ളൂർ പെരളം കട്ടച്ചേരിയിലെ നിർമാണ തൊഴിലാളി സി. ജയന്‍റെ ഭാര്യ നീതു (35) വാണ് മരിച്ചത്. ഇന്നലെ രാവിലെ പത്തോടെയാണ് കരിവെള്ളൂർ കട്ടച്ചേരിയിലെ വീട്ടുമുറ്റത്ത് പൊള്ളലേറ്റു മരിച്ച നിലയിൽ കാണപ്പെട്ടത്. ചെറുവത്തൂർ മുഴക്കോം സ്വദേശിനിയാണ് നീതു. മക്കൾ: അതുൽ, ആരാധ്യ.

സിബിഎസ്ഇ സഹോദയ കലോത്സവം : ഇന്ന് കൊടിയിറക്കം; കണ്ണൂർ ചിന്മയ മുന്നിൽ

ശ്രീകണ്ഠപുരം: മേരിഗിരി ഇംഗ്ലീഷ് മീഡിയം സ്കൂളിൽ നടന്നുവരുന്ന സിബിഎസ് ഇ സഹോദയ കണ്ണൂർ ജില്ലാ കലോത്സവം ഇന്ന് സമാപിക്കും. കലാമേളയിൽ സ്റ്റേജ് ഇതര മത്സരങ്ങൾ പുരോഗമിക്കുമ്പോൾ 606 പോയിന്‍റുമായി കണ്ണൂർ ചിന്മയ വിദ്യാലയ ഒന്നാംസ്ഥാനത്ത് മുന്നേറുന്നു. 572 പോയിന്‍റുമായി ശ്രീകണ്ഠപുരം മേരിഗിരി ഇംഗ്ലീഷ് മീഡിയം സ്കൂളും 513 പോയിന്‍റുമായി കണ്ണൂർ ഉർസുലൈൻ സീനിയർ സെക്കൻഡറി സ്കൂളും രണ്ടും മൂന്നും സ്ഥാനങ്ങളിലുണ്ട്. മൂന്ന് ദിവസങ്ങളിലായി നടക്കുന്ന കലോത്സവം ഇന്ന് രാത്രിയോടെ സമാപിക്കും ‌മാർഗംകളിയിൽ മേരിഗിരി ശ്രീകണ്ഠാപുരം: പൊതുവിഭാഗം മാർഗംകളി മത്സരത്തിൽ ആധിപത്യം വിട്ടുകൊടുക്കാതെ മേരിഗിരി സ്കൂൾ ഒന്നാംസ്ഥാനവും സംസ്ഥാന തലത്തിൽ മത്സരിക്കാനും യോഗ്യതയും നേടി. മിഷേൽ മോഹൻ, ചെൽസിയ ജോസഫ്, അലീന മനോജ്, അമിഷ അന്ന സുനിൽ, അദീന എലിസബത്ത്, ദിയാ ഷനോജ്, ജീവ തെരേസാ ജയ്സൺ എന്നിവരാണ് മാർഗംകളി സംഘത്തിൽ ഉണ്ടായിരുന്നത്. പയ്യാമ്പലം സ്വദേശിയായ മിഷേൽ മോഹൻ നേരത്തെ സെന്‍റ് തെരേസാസിലെ വിദ്യാർഥിയിരുന്നപ്പോഴും മാർഗംകളിയിൽ വിജയം കരസ്ഥമാക്കിയിരുന്നു. ദിവസവും ചിട്ടയോടെയുളള പരിശീലനം തുടരുകയാണ്. സംസ്ഥാനമത്സരത്തിൽ മിന്നുന്ന പ്രകടനം കാഴ്ചവയ്ക്കാനുള്ള തയാറെടുപ്പിലാണ് വിദ്യാർഥികൾ. അധ്യാപകരായ അർപ്പിത ബിജുവാണ് മാർഗംകളിയുടെ പരിശീലക. കൂടാതെ സോണില തോമസ്, ജയ്മി എലിസബത്ത് എന്നീ അധ്യാപകരും സഹായത്തിനുണ്ടായിരുന്നു. ലളിതഗാനത്തിൽ തിളങ്ങി റിയാലിറ്റി ഷോയിലെ സാനിദ്യ ശ്രീകണ്ഠപുരം: ഹൈസ്കൂൾ വിഭാഗം ലളിതഗാനത്തിൽ ഒന്നാംസ്ഥാനം ലഭിച്ചത് റിയാലിറ്റി ഷോ താരമായ സാനിദ്യക്ക്. പയ്യന്നൂർ ഐഎസ്ഡി സീനിയർ സെക്കൻഡറി സ്കൂൾ ഒന്പതാം ക്ലാസ് വിദ്യാർഥിനിയാണ്. കണ്ടോത്തെ സന്തോഷ്‌ -രഞ്ചിത ദമ്പതികളുടെ രണ്ടാമത്തെ മകൾ. മഴവിൽ മനോരമ സൂപ്പർ 4, അമൃത ടിവി സൂപ്പർസ്റ്റാർ എന്നീ മ്യൂസിക് റിയാലിറ്റി ഷോ ഫെയിം ആണ്. കഴിഞ്ഞ സഹോദയ ശാസ്ത്രീയ സംഗീത മത്സരങ്ങളിൽ ഹാട്രിക്കോടെ ഒന്നാംസ്ഥാനം കരസ്ഥമാക്കി. ബ്ലഡ് ഡോണേർസ് കേരളാ മികച്ച ബാലികാ പുരസ്കാരം, ബാലസംഗീത പ്രതിഭാ പുരസ്കാരം, കലാഭാരതം കലാസാഹിത്യ കേരളം വയലാർ പാരിജാതം രാഗശ്രീ പുരസ്കാരം തുടങ്ങിയ ലഭിച്ചിട്ടുണ്ട്.

പാക്കേജ് പരിഗണിക്കുമെന്ന് എം.വി. ഗോവിന്ദൻ എംഎൽഎ

തളിപ്പറമ്പ്: തളിപ്പറമ്പിലെ വ്യാപാര സമുച്ചയത്തിൽ വ്യാഴാഴ്ചയുണ്ടായ തീപിടിത്തത്തിൽ വലിയ തോതിൽ നാശനഷ്ടം സംഭവിച്ച വ്യാപാരികൾക്കും തൊഴിലാളികൾക്കും സംസ്ഥാനത്തുണ്ടായ സമാന ദുരന്തങ്ങൾക്ക് തുല്യമായ പാക്കേജ് അനുവദിക്കുന്നത് സംസ്ഥാന സർക്കാർ പരിഗണിക്കുമെന്ന് എം.വി. ഗോവിന്ദൻ എംഎൽഎ. അഗ്നിബാധയുണ്ടായ സ്ഥലം സന്ദർശിച്ചശേഷം തളിപ്പറമ്പ് താലൂക്ക് ഓഫീസിൽ ചേർന്ന വിവിധ വകുപ്പ് മേധാവികളുടെയും വ്യാപാരികളുടെയും തൊഴിലാളി പ്രതിനിധികളുടെയും യോഗത്തിൽ സംസാരിക്കുകയായിരുന്നു അദ്ദേഹം. മുഖ്യമന്ത്രി പിണറായി വിജയൻ ഇക്കാര്യം അറിയിച്ചതായും എംഎൽഎ പറഞ്ഞു. കണ്ണൂർ ജില്ലയിൽ സമീപകാലത്തുണ്ടായ ഏറ്റവും വലിയ ദുരന്തമാണ് തളിപ്പറമ്പിൽ സംഭവിച്ചത്. നൂറിലേറെ കടകളാണ് പൂർണമായും അഗ്നിക്കിരയായത്. ഒരാഴ്ചയ്ക്കകം എല്ലാ വ്യാപാരികളിൽ നിന്നും നഷ്ടപരിഹാരത്തിനുള്ള അപേക്ഷ സ്വീകരിക്കാൻ റവന്യൂ വകുപ്പ് അടിയന്തരമായി നടപടി സ്വീകരിക്കും. നഷ്ടപരിഹാരം അനുവദിക്കുന്നതിൽ സങ്കേതികത്വം ഒഴിവാക്കി ദുരന്ത ബാധിതർക്ക് അനൂകൂലമായ നടപടികൾ എടുക്കണമെന്ന് എംഎൽഎ ഉദ്യോഗസ്ഥരോട് നിർദേശിച്ചു. വ്യാപാരികൾ പറയുന്നത് സർക്കാർ മുഖവിലയ്ക്കെടുക്കും. വ്യാപാര സമുച്ചയങ്ങളിലെ നൂറിലേറെ കടകളിൽ ജോലി ചെയ്തിരുന്ന ഭിന്നശേഷിയുള്ളവർ ഉൾപ്പെടെയുള്ള 400 ലേറെ തൊഴിലാളികളുടെ പുനരധിവാസം പരിഗണിക്കേണ്ടതുണ്ട്. ഹൈഡ്രന്‍റുകൾക്ക് 14 ലക്ഷം അനുവദിച്ചു തളിപ്പറമ്പ്: തളിപ്പറമ്പ് അഗ്നിരക്ഷാ നിലയത്തിന്‍റെ പരിധിയിൽ ഹൈഡ്രന്‍റുകൾ സ്ഥാപിക്കാൻ എംഎൽഎ ഫണ്ടിൽ നിന്ന്14 ലക്ഷം രൂപ അനുവദിച്ചതായി എം.വി. ഗോവിന്ദൻ എംഎൽഎ അറിയിച്ചു. തീപിടിത്തമുണ്ടാകുമ്പോൾ പൊതുജല വിതരണ പൈപ്പുകളിൽ നിന്ന് നേരിട്ട് വെള്ളമെടുക്കാൻ കഴിയുന്ന സംവിധാനമാണിത്.

തളിപ്പറന്പ് തീപിടിത്തം : ഷോപ്പിംഗ് കോംപ്ലക്സ് അസ്ഥിപഞ്ജരം

തളിപ്പറമ്പ്: തളിപ്പറന്പിനെ കണ്ണീരിലാഴ്ത്തിയ തീപിടിത്തത്തില്‍ 40 കോടിയുടെ നഷ്ടം സംഭവിച്ചതായി വ്യാപാരികൾ. കെട്ടിട ഭാഗങ്ങളും സാധനങ്ങളും കത്തിനശിച്ച് അസ്ഥിപഞ്ജരം പോലെയായ ദേശീയപാതയിലെ കെ.വി. ഷോപ്പിംഗ് കോംപ്ലക്‌സിന്‍റെ ദൃശ്യം കരളലിയിപ്പിക്കും. വ്യാഴാഴ്ച വൈകുന്നേരം 4.55ഓടെയാണ് കോംപ്ലക്‌സിലെ കടകളില്‍ അഗ്നിബാധയുണ്ടായത്. മാക്‌സ്‌ട്രോ ഫൂട്‌വെയറിന്‍റെ നെയിം ബോര്‍ഡിലാണ് ആദ്യം തീ കണ്ടത്. നിമിഷങ്ങള്‍ക്കുള്ളില്‍ കോംപ്ലക്‌സിലെ ബഹുഭൂരിപക്ഷം കടകളിലേക്കും പടർന്ന തീ രാത്രി 11 ഓടെയാണ് നിയന്ത്രണവിധേയമാക്കാൻ കഴിഞ്ഞത്. 112 മുറികളാണ് ഷോപ്പിംഗ് കോംപ്ലക്‌സിലുള്ളത്. അതില്‍ 101 മുറികള്‍ക്കും നാശനഷ്ടം സംഭവിച്ചു. 33 ഉടമസ്ഥരുടെ കടകള്‍ക്കാണ് ഒന്നും അവശേഷിക്കാത്തവിധം നാശനഷ്ടമുണ്ടായത്. ഭൂരിപക്ഷം കടകള്‍ക്കും തീപിടിച്ചാണ് നഷ്ടം സംഭവിച്ചത്. രക്ഷാപ്രവര്‍ത്തനത്തിന് വെള്ളം ചീറ്റിച്ചത് ഒഴുകിയെത്തിയും ചില കടകളിലെ സാധനങ്ങൾ മുഴുവന്‍ നശിച്ചു. ഗൃഹോപകരണ സാധനങ്ങള്‍ വിൽക്കുന്ന ഷാലിമാര്‍ സ്റ്റോറിനാണ് ഏറ്റവുമധികം നഷ്ടം സംഭവിച്ചത്. ഷാലിമാര്‍ സ്റ്റോറിന് ഗോഡൗണുകള്‍ ഉള്‍പ്പെടെ കോംപ്ലക്‌സില്‍ 22 മുറികളാണുള്ളത്. അവ മുഴുവന്‍ എരിഞ്ഞടങ്ങി. രണ്ട് കോടിയിലധികം രൂപയുടെ നഷ്ടം കണക്കാക്കുന്നു മാക്‌സ്‌ട്രോ ഫൂട‌്‌വെയര്‍ (നാല് മുറി), ഫണ്‍സിറ്റി ടോയ്‌സ് (രണ്ട് മുറി), മില്‍മ ബൂത്ത്, വുമന്‍സ് ഗാലറി, കളേഴ്‌സ് റെഡിമെയ്ഡ്, ടോപ്പ്‌വേള്‍ഡ് റെഡിമെയ്ഡ്, മൊബൈല്‍ സോണ്‍, അല്‍ഫ ഫൂട്‌വെയര്‍, സൂറത്ത് ഗ്രോസറി സ്റ്റോര്‍, ടോപ്പ്‌വേള്‍ഡ് (രണ്ട് മുറി), രാജധാനി സൂപ്പര്‍ മാര്‍ക്കറ്റ് (ആറ് മുറി), ക്ലാസിക്ക് ഫാന്‍സി, മൊബൈല്‍ പാര്‍ക്ക്, ടോയി ഷോപ്പ് (അഞ്ച് മുറി), ടൂള്‍ ആൻഡ് ബോള്‍ട്ട് ഷോപ്പ്, ചിത്രപ്രഭ ജ്വല്ലറി, ദി റോക്ക്, സോപ്പ് കട, ബോയ്‌സോണ്‍ (നാല് കട), സര്‍ഗചിത്ര സ്റ്റുഡിയോ, തയ്യല്‍ കട (രണ്ട് ഷോപ്പ്), അഞ്ജലി ബ്യൂട്ടി, റൊമാന്‍റിക് ലേഡീസ് ഇന്നര്‍വെയര്‍, ജയ ഫാഷന്‍ ജ്വല്ലറി, കെവിഎം ടി സ്റ്റാള്‍, ചൈനീസ് ഹോട്ടല്‍, ബോയ്‌സോണ്‍ ഷോപ്പ് (നാല് മുറി), ജാസ് ബോഡികെയര്‍, കോര്‍ണർ വ്യൂ ഷോപ്പിന്‍റെ ഗോഡൗണ്‍, സാജ്‌ മെഡിക്കല്‍സ് ഗോഡൗണ്‍ തുടങ്ങിയ സ്ഥാപനങ്ങളാണ് പൂര്‍ണമായും കത്തിനശിച്ചത്. വകുപ്പുകൾ സംയുക്ത പരിശോധന നടത്തി തളിപ്പറമ്പ്: അഗ്‌നിബാധയില്‍ നശിച്ച വ്യാപാര സ്ഥാപനങ്ങള്‍ വിവിധ വകുപ്പ് മേധാവികളുടെ നേതൃത്വത്തില്‍ പരിശോധന നടത്തി. റവന്യൂ, പോലീസ്, ഫോറന്‍സിക്, ഇലക്‌ട്രിക്കല്‍ ഇന്‍സ്‌പെക്ടറേറ്റ്, ഫയര്‍ഫോഴ്‌സ് എന്നീ വകുപ്പുകള്‍ സംയുക്തമായാണ് പരിശോധന നടത്തിയത്. രാവിലെ 9.30 ന് ആരംഭിച്ച പരിശോധനയില്‍ അഗ്‌നിബാധയുടെ കാരണം, നാശനഷ്ടം തുടങ്ങിയ കാര്യങ്ങളും വിലയിരുത്തി. അഗ്‌നിബാധയില്‍ നശിച്ച കടകള്‍ ഉടമകളുടെ സാന്നിധ്യത്തില്‍ പോലീസ് പരിശോധിച്ച് മഹസര്‍ തയാറാക്കി. ഫോറന്‍സിക് വിദഗ്ധര്‍ ദുരന്ത സ്ഥലത്തുനിന്ന് സാന്പിളുകള്‍ ശേഖരിച്ചു. വിവിധ വകുപ്പുകളുടെ റിപ്പോര്‍ട്ടുകള്‍ വിലയിരുത്തി സർക്കാരിലേക്ക് സമർപ്പിക്കും. വ്യാഴാഴ്ച രാത്രി തളിപ്പറമ്പ് ഡിവൈഎസ്പി കെ.ഇ. പ്രേമചന്ദ്രന്‍, സിഐ പി ബാബുമോന്‍, പ്രിന്‍സിപ്പല്‍ എസ്ഐ ദിനേശന്‍ കൊതേരി, എസ്ഐ കെ.വി സതീശന്‍ എന്നിവരുടെ നേതൃത്വത്തില്‍ പോലീസ് സംഘവും ഒരു ഫയർഫോഴ്സ് യൂണിറ്റും സ്ഥലത്ത് ഉണ്ടായിരുന്നു.

"ചാലിലച്ചൻ മലബാറിന്‍റെ കർമയോഗി' പുസ്തക ചർച്ച നാളെ ചെമ്പേരിയിൽ

ചെമ്പേരി: ലൈബ്രറി കൗൺസിൽ ഏരുവേശി പഞ്ചായത്ത് നേതൃസമിതിയുടെയും ചെമ്പേരി ദേശീയ വായനശാല ആൻഡ് ഗ്രന്ഥാലയത്തിന്‍റെയും സംയുക്താഭിമുഖ്യത്തിൽ സംഘടിപ്പിക്കുന്ന പുസ്തക ചർച്ച നാളെ ഉച്ചകഴിഞ്ഞ് മൂന്നിന് ചെമ്പേരി ദേശീയ വായനശാല ഹാളിൽ നടക്കും. ഡോ. സെബാസ്റ്റ്യൻ ഐക്കര രചിച്ച 'ചാലിലച്ചൻ മലബാറിന്‍റെ കർമയോഗി' എന്ന ജീവചരിത്ര ഗ്രന്ഥമാണ് ചർച്ച ചെയ്യപ്പെടുന്നത്. ചെമ്പേരി ലൂർദ് മാതാ ബസിലിക്ക റെക്ടർ റവ. ഡോ. ജോർജ് കാഞ്ഞിരക്കാട്ട് ഉദ്ഘാടനം ചെയ്യും. ലൈബ്രറി കൗൺസിൽ ഏരുവേശി പഞ്ചായത്ത് നേതൃസമിതി ചെയർമാൻ ജോഷി കുന്നത്ത് അധ്യക്ഷത വഹിക്കും. പയ്യാവൂർ ഗ്രാമപഞ്ചായത്ത് പ്രസിഡന്‍റ് സാജു സേവ്യർ പുസ്തകാവതരണം നടത്തും. സംസ്ഥാന ലൈബ്രറി കൗൺസിൽ പ്രതിനിധി പി. ജനാർദ്ദനൻ മുഖ്യാതിഥിയായിരിക്കും. പ്രമുഖരായ എഴുത്തുകാരും സാംസ്കാരിക പ്രവർത്തകരും ചർച്ചയിൽ പങ്കെടുക്കും.

വെള്ളോറയിൽ ഉന്നത വിദ്യാഭ്യാസ പ്രദർശനം തുടങ്ങി

പെരുമ്പടവ് : കേരള പൊതുവിദ്യാഭ്യാസവകുപ്പ് ഹയർസെക്കൻഡറി വിഭാഗം കരിയർ ഗൈഡൻസ് ആൻഡ് അഡോളസെന്‍റ് കൗൺസിലിംഗ് സെല്ലിന്‍റെ നേതൃത്വത്തിലുള്ള തളിപ്പറമ്പ വിദ്യാഭ്യസ ജില്ല ഉന്നത വിദ്യാഭ്യാസ പ്രദർശനം -മിനിദിശയ്ക്ക് തുടക്കമായി. വെള്ളോറ ടാഗോർ മെമ്മോറിയൽ ഹയർസെക്കൻഡറി സ്കൂളിൽ കണ്ണൂർ ആർഡിഡിഎ കെ. വിനോദ്കുമാർ ഉദ്ഘാടനം ചെയ്തു. സംഘാടക സമിതി ചെയർമാൻ കെ.സി. രാജൻ അധ്യക്ഷത വഹിച്ചു. പ്രേമ സുരേഷ്, എം. രാധാകൃഷ്ണൻ, സി.എ. ഗീത, എം.കെ. ശിവപ്രകാശ്, ആർ. റീജ, റഷീദ അബൂബക്കർ, പ്രിൻസിപ്പൽ പി. ദാമോദരൻ എന്നിവർ പ്രസംഗിച്ചു. രണ്ടു ദിവസങ്ങളിലായി സംഘടിപ്പിക്കുന്ന പ്രദർശനത്തിൽ 25 വിവിധ സ്റ്റാളുകൾ ഒരുക്കിയിട്ടുണ്ട്. വിവിധ വിദ്യാലയങ്ങളിൽ നിന്നായി അയ്യായിരത്തോളം വിദ്യാർഥികൾ പങ്കെടുക്കും. വിവിധ വിഷയങ്ങളിൽ സെമിനാറുകൾ സംഘടിപ്പിച്ചു. അൻവർ മുട്ടാഞ്ചേരി, ഡോ. രാജേഷ് ബാബു, വി. രാധാകൃഷ്ണൻ എന്നിവർ വിഷയം അവതരിപ്പിച്ചു. ഇന്ന് റമീസ് പാറാൽ, അഭിലാഷ് നാരായണൻ, ഡോ.എ.കെ. നവീന എന്നിവർ സെമിനാറിൽ സംബന്ധിക്കും. സമാപന സമ്മേളനം ഗ്രാമപഞ്ചായത്ത് പ്രസിഡന്‍റ് ടി.ആർ. രാമചന്ദ്രൻ ഉദ്ഘാടനം ചെയ്യും.

ജില്ലാ ക്ഷീര സംഗമം; വിഭവ സമാഹരണം നടത്തി

ചെറുപുഴ: പയ്യന്നൂർ വെള്ളൂരിൽ നടക്കുന്ന ജില്ലാ ക്ഷീര സംഗമത്തോടനുബന്ധിച്ച് ചെറുപുഴ മേഖലയിലെ ക്ഷീര സംഘങ്ങളിൽ നിന്നും വിഭവസമാഹരണം നടത്തി. ചെറുപുഴ ബസ്‌സ്റ്റാൻഡ് പരിസരത്ത് നടന്ന യോഗത്തിൽ തിരുമേനി ക്ഷീരോല്പാദക സഹകരണ സംഘം പ്രസിഡന്‍റ് ജോർജ് ചെമ്പരത്തിക്കൽ അധ്യക്ഷത വഹിച്ചു. ചെറുപുഴ പഞ്ചായത്ത് വൈസ് പ്രസിഡന്‍റ് റെജി പുളിക്കൽ ഉദ്ഘാടനം ചെയ്തു. വിഭവങ്ങളുമായി വെള്ളൂരിലേക്ക് പോകുന്ന വാഹനം വൈസ് പ്രസിഡന്‍റ് റെജി പുളിക്കൽ ഫ്ലാഗ് ഓഫ് ചെയ്തു. ചെറുപുഴ പഞ്ചായത്ത് വികസനകാര്യ സ്റ്റാൻഡിംഗ് കമ്മിറ്റി ചെയർമാൻ കെ.കെ. ജോയി, ഗിരീഷ് കുമാർ, പയ്യന്നൂർ ബ്ലോക്ക് ക്ഷീര വികസന ഓഫീസർ സ്മിതാ മാരാർ, കലാധരൻ, ഗിൽബിച്ചൻ, സി.പി. അബ്രാഹം, ബിജു ജോസഫ്, പി.ജെ. മണി, സി.ഡി. മാത്യു എന്നിവർ പ്രസംഗിച്ചു. ഓഗസ്റ്റ് 27 ന് ആരംഭിച്ച ജില്ലാ ക്ഷീര സംഗമം 13 ന് സമാപിക്കും. പൊതുസമ്മേളനം മൃഗസംരക്ഷണ ക്ഷീര വികസന വകുപ്പ് മന്ത്രി ജെ. ചിഞ്ചുറാണി ഉദ്ഘാടനം ചെയ്യും. ടി.ഐ. മധുസൂദനൻ എംഎൽഎ അധ്യക്ഷത വഹിക്കും.

വിമൽജ്യോതിയുടെ സ്കിൻ ഓറ

ശ്രീകണ്ഠാപുരം: സിബിഎസ്ഇ കലോത്സവ നഗരിയിൽ എറെ ചർച്ചയായത് വിമൽജ്യോതി എൻജിനിയറിംഗ് കോളജ് വിദ്യാർഥികളുടെ നൂതന മിനി പ്രോജക്ടായ സ്കിൻ ഓറ. സിഇ ബിഎസ് ഡിപ്പാർട്ട്മെന്‍റ് നാലാംവർഷ വിദ്യാർഥി പി.എസ്. ശീതൾ, ടീമംഗങ്ങളായ സ്നേഹ,ലെന, സാനിയ എന്നിവർ ചേർന്ന് "സ്കിൻ ഓറ എന്ന പേരിൽ ഒരു നൂതന മിനി പ്രോജക്റ്റ് വികസിപ്പിച്ചെടുത്തിരുന്നു. വ്യത്യസ്ത ചർമ തരങ്ങൾ വിശകലനം ചെയ്യുന്നതിനും അനുയോജ്യമായ ചർമസംരക്ഷണ, ഭക്ഷണക്രമ ശുപാർശകൾ നൽകുന്നതിനും സഹായകമായ പ്രൊജക്ട് ഇമേജ് പ്രോസസിംഗും മെഷീൻ ലേണിംഗ് ടെക്നിക്കുകളും ഉപയോഗിക്കുന്നു. മേരിഗിരി സ്കൂളിൽ അക്കാദമിക് മിനി പ്രോജക്ട് എക്സിബിഷന്‍റെ ഭാഗമായാണ് ടീം ഈ പ്രോജക്ട് പ്രദർശിപ്പിച്ചത്. വിവിധ സ്കൂൾ അധ്യാപകരും കുട്ടികളും പരീക്ഷിച്ചു.

തീപിടിത്തം അത്യന്തം വേദനാജനകം, സർക്കാർ സാമ്പത്തിക സഹായം അനുവദിക്കണം: വ്യാപാരി വ്യവസായി സമിതി

കണ്ണൂർ: തളിപ്പറമ്പിലെ എൻപതിലധികം വ്യാപാര സ്ഥാപനങ്ങളാണ് തീപ്പിടുത്തത്തിൽ ഇല്ലാതായത്.ജില്ലയിൽ തന്നെ ഏറ്റവും വലിയ ഒരു അഗ്നിബാധയാണ്‌ തളിപ്പറമ്പിൽ ഉണ്ടായതെന്ന് വ്യാപാരി വ്യവസായി സമിതി നേതാക്കൾ പറഞ്ഞു. നിരവധി സ്ഥപനങ്ങൾ പൂർണമായും കത്തിയമർന്നു. നഷ്ടപ്പെട്ട വ്യാപാരികൾക്ക് പ്രത്യേക പാക്കേജ് നടപ്പിലാക്കി സംരക്ഷിക്കാൻ സർക്കാർ അടിയന്തര മായി ഇടപെടണമെന്നും സമിതി നേതാക്കൾ ആവശ്യപ്പെട്ടു. സംഭവസ്ഥലം സമിതി നേതാക്കളായ വി. ഗോപിനാഥ് പി.എം. സുഗുണൻ, പി. വിജയൻ, കെ.വി. ഉണ്ണികൃഷ്ണൻ, കെ.എം. അബ്ദുൾ ലത്തീഫ്, ഇ. സജീവൻ, ടി.സി. വിത്സൻ, കെ. പങ്കജവല്ലി, ജയശ്രീ കണ്ണൻ, കെ.വി. മനോഹരൻ തുടങ്ങിയവർ സന്ദർശിച്ചു. വ്യാപാരി വ്യവസായി ഏകോപന സമിതി രണ്ടു കോടി രൂപ നൽകും തളിപ്പറമ്പ്: തീപിടിത്തത്തിൽ ദുരിതത്തിലായ വ്യാപാരികളെ നേഞ്ചോട് ചേർത്ത് വ്യാപാരി വ്യവസായി ഏകോപന സമിതി. ജില്ലാ കമ്മറ്റിയുടെ നേതൃത്വത്തിൽ രണ്ടുകോടി രൂപ സ്വരൂപിച്ച് നഷ്ടപരിഹാരമായി വ്യാപാരികൾക്ക് വിതരണം ചെയ്യും. ആദ്യഘട്ടം അമ്പത് ലക്ഷം രൂപ നൽകുമെന്ന് സംസ്ഥാന ജനറൽ സെക്രട്ടറി ദേവസ്യ മേച്ചേരി പത്രസമ്മേളനത്തിൽ അറിയിച്ചു. ഞങ്ങളുടേതല്ലാത്ത കാരണം കൊണ്ട് സംഭവിച്ച അപകടത്തിൽ 40 കോടിയുടെ നഷ്ടം ഉണ്ടായതായാണ് വിലയിരുത്തുന്നത്. സർക്കാർ പ്രത്യേക പാക്കേജ് അനുവദിച്ച് വ്യാപാരികളെ സഹായിക്കണം. ഇതുമായി ബന്ധപ്പെട്ട് മുഖ്യമന്ത്രി, വൈദ്യുതി മന്ത്രി, തളിപ്പറമ്പ് എംഎൽഎ എന്നിവർക്ക് നിവേദനം നൽകും. വ്യാപാരികളെ സഹായിക്കണമെന്നും ദേവസ്യ മേച്ചേരി പറഞ്ഞു. പി. ബാഷിത്, എം.പി തിലകൻ, ജോജിൻ ടി. ജോയ്, കെ. വിജയകുമാർ, ഉസ്മാൻ, കെ.എസ്. റിയാസ് തുടങ്ങിയവർ പങ്കെടുത്തു.

വന്യജീവികളെ അകറ്റാൻ തരിശിടങ്ങളിൽ കാപ്പി കൃഷി വ്യാപന പദ്ധതിയുമായി ചെറുപുഴ പഞ്ചായത്ത്

ചെറുപുഴ: വന്യജീവികളെ അകറ്റാൻ തരിശിടങ്ങളിൽ കാപ്പി കൃഷി വ്യാപന പദ്ധതിയുമായി ചെറുപുഴ പഞ്ചായത്ത്. പദ്ധതിയുടെ ചെറുപുഴ പഞ്ചായത്തുതല ഉദ്ഘാടനം ജോസ്ഗിരിയിൽ നടന്നു. പഞ്ചായത്ത് വൈസ് പ്രസിഡന്‍റ് റെജി പുളിക്കൽ കാപ്പി തൈ വിതരണ ഉദ്ഘാടനം നിർവഹിച്ചു. വികസനകാര്യ സ്റ്റാൻഡിംഗ് കമ്മിറ്റി ചെയർമാൻ കെ.കെ. ജോയി അധ്യക്ഷത വഹിച്ചു. ക്ഷേമകാര്യ സ്റ്റാൻഡിംഗ് കമ്മിറ്റി ചെയർമാൻ ഷാന്‍റി കലാധരൻ, പഞ്ചായത്തംഗങ്ങളായ സിബി എം. തോമസ്, മാത്യു കാരിത്താങ്കൽ, രജിത സജി, കൃഷി ഓഫീസർ പി. അഞ്ജു, അസിസ്റ്റന്‍റ് കൃഷി ഓഫീസർ പി. ഗീത, കെ.ജെ. ജോൺ കല്ലിട്ടാംകുഴി എന്നിവർ പ്രസംഗിച്ചു.

യൂറിയ കിട്ടാനില്ല: നാളികേര കർഷകർ ദുരിതത്തിൽ

പയ്യാവൂർ: തെങ്ങ്, റബർ, കശുമാവ്, മറ്റ് കൃഷികൾ എന്നിവക്ക് അത്യാവശ്യമായ രാസവളങ്ങൾ നൽകേണ്ട ഈ മാസങ്ങളിൽ പ്രധാന വളമായ യൂറിയ കിട്ടാക്കനിയായി മാറിയിരിക്കുകയാണ്. കുറേ നാളുകളായി യൂറിയക്ക് ക്ഷാമം നിലവിലുണ്ട്. മിക്ക പഞ്ചായത്തുകളിലേയും കർഷകർ വളം ഡിപ്പോകളിൽ കയറിയിറങ്ങി അന്വേഷിച്ചു നടന്നു മടുത്തു. വളം കച്ചവടക്കാർക്ക് യൂറിയ എത്തിക്കാൻ കഴിഞ്ഞിട്ടില്ല. മികച്ച ഉത്പാദനം ലഭിക്കാൻ യുറിയ ഉൾക്കൊള്ളുന്ന വളങ്ങൾ അത്യാവശ്യമാണ്. എത്രയും വേഗത്തിൽ ഇത് ലഭ്യമാക്കാൻ ബന്ധപ്പട്ട അധികൃതർ അടിയന്തര നടപടി സ്വീകരിക്കണമെന്ന് പയ്യാവൂർ നാളീകേര ഫെഡറേഷൻ യോഗം ആവശ്യപ്പെട്ടു. യോഗത്തിൽ ഫെഡറേഷൻ പ്രസിഡന്‍റ് കുഞ്ഞുമോൻ കുഴിവേലിൽ അധ്യക്ഷത വഹിച്ചു. സെക്രട്ടറി ജോൺ പൗവത്തേൽ ആമുഖ പ്രഭാഷണം നടത്തി. റോബിൻ സ്കറിയ തുടിയംപ്ലാക്കൽ, ബിനോ ജോസ് വെട്ടിക്കുഴ, ജോസ് തോമസ്, ബാലകൃഷ്ണൻ പുതിയപുരയിൽ, തോമസ് കുമ്പിടിയാങ്കൽ എന്നിവർ പ്രസംഗിച്ചു.

ലോക മാനസികാരോഗ്യ ദിനാചരണം

കണ്ണൂർ: ലോക മാനസികാരോഗ്യ ദിനാചരണത്തിന്‍റെ ജില്ലാതല ഉദ്‌ഘാടനം ജില്ലാ പഞ്ചായത്ത് പ്രസിഡന്‍റ് കെ.കെ. രത്നകുമാരി നിർവഹിച്ചു. ജില്ലാ പഞ്ചായത്ത് കോൺഫറൻസ് ഹാളിൽ നടന്ന പരിപാടിയിൽ ഡെപ്യുട്ടി ഡിഎംഒ ഡോ.സി.പി. ബിജോയ് അധ്യക്ഷത വഹിച്ചു. ജില്ലാ മെഡിക്കൽ ഓഫീസർ ഡോ. പിയൂഷ് എം. നമ്പൂതിരിപ്പാട് മുഖ്യ പ്രഭാഷണം നടത്തി. ദുരന്ത അടിയന്തര സാഹചര്യങ്ങളിലെ സേവന ലഭ്യതയും മാനസികാരോഗ്യവും എന്നതാണ് ഈ വർഷത്തെ പ്രമേയം. പരിപാടിയുടെ ഭാഗമായി ഫ്ലാഷ്മോബ്, വിദ്യാർഥികൾക്ക് ക്വിസ്, ഫോട്ടോഗ്രാഫി മത്സരം, മാനസികാരോഗ്യ ബോധവത്കരണ ക്ലാസ് എന്നിവ നടന്നു. ജില്ലയിലെ വിവിധ കോളജുകളിലെ സോഷ്യൽ വർക്ക്, സൈക്കോളജി, നഴ്സിംഗ് വിദ്യാർഥികൾ പങ്കെടുത്തു. കണ്ണൂർ: ലോക മാനസികാരോഗ്യ ദിനവുമായി ബന്ധപ്പെട്ട് എംഎസ്എംഐ നവദർശൻ കൗൺസലിംഗ് കോളജിന്‍റെ അഭിമുഖ്യത്തിൽ നെടുങ്ങോം ഗവൺമെന്‍റ് ഹൈസ്കൂളിലെ 8, 9, 10 ക്ലാസുകളിലെ കുട്ടികൾക്ക് കൗൺസിലിംഗ് ക്യാമ്പ് നടത്തി. 20 ഓളം കൗൺസിലർമാർ ക്യാമ്പിൽ പങ്കെടുത്തു. 100 ഓളം കുട്ടികൾക്ക് കൗൺസിലിംഗ് നൽകി. പ്രിസിപ്പൽ ജോബി മാത്യു ഉദ്ഘാടനം ചെയ്തു. പിടിഎ പ്രസിഡന്‍റ് കെ. ഭാസ്കരൻ അധ്യക്ഷനായി. നവദർശൻ കോളജ് പ്രിൻസിപ്പൽ സിസ്റ്റർ ഡോ. ഡിവിന ജോസഫ് ക്യാമ്പ് വിശദീകരണം നടത്തി. അധ്യാപകരായ സിബി സെബാസ്റ്റ്യൻ, ജയിസൾ അഗസ്റ്റിൻ എന്നിവർ ക്ലാസ് നയിച്ചു. മുഖ്യാധ്യാപിക പി.എൻ. ഗീത സ്വാഗതവും കെ.പി. അശോക് കുമാർ നന്ദിയും പറഞ്ഞു. ഇരിട്ടി: അന്താരാഷ്ട്ര മാനസികാരോഗ്യ ദിനത്തോടനുബന്ധിച്ച് "മാനസിക ആരോഗ്യവും ക്ഷേമവും" എന്ന വിഷയത്തിൽ ലയൻസ് ക്ലബ് ഇരിട്ടിയുടെ നേതൃത്വത്തിൽ സെമിനാർ സംഘടിപ്പിച്ചു. ഇടത്തൊട്ടി നവജ്യോതി ഇംഗ്ലീഷ് ഹൈസ്കൂളിൽ നടത്തിയ സെമിനാർ ക്ലബ്‌ പ്രസിഡന്‍റ് അർച്ചന റെജി ഉദ്ഘാടനം ചെയ്തു. സിഡബ്ല്യുയുസി അംഗം ഗവ. ഓഫ് കേരള കണ്ണൂർ ഡിസ്ട്രിക്ട് ഫാ. ഡോ. സ്കറിയ തോമസ് നിരപ്പേൽ "മാനസിക ആരോഗ്യം - പ്രശനങ്ങളും പ്രതിവിധിയും' എന്ന വിഷയത്തിൽ ക്ലാസെടുത്തു. ഹൈസ്കൂൾ പ്രിൻസിപ്പൽ സിസ്റ്റർ അനിജോ ജോസ് എസ്എച്ച്, ടി.ഡി. ജോസ്, അഡീഷണൽ ക്യാബിനറ്റ് സെക്രട്ടറി ജോസഫ് സ്കറിയ, റെജി തോമസ്, വി.പി. സതീശൻ, വി.ജി. സുനിൽ, മിലൻ സുരേഷ്, സെക്രട്ടറി ജോളി അഗസ്റ്റിൻ എന്നിവർ പ്രസംഗിച്ചു. നിർമലഗിരി: കൂത്തുപറമ്പ് നിർമലഗിരി കോളജ് (ഓട്ടോണമസ്) വനിതാ സെല്ലും ജീവനി പ്രോജക്ടും സംയുക്തമായി ലോക മാനസികാരോഗ്യ ദിനം ആചരിച്ചു. പ്രിൻസിപ്പൽ ഡോ. സിസ്റ്റർ സെലിൻ മാത്യു അധ്യക്ഷത വഹിച്ചു. കൺസൾട്ടന്‍റും സൈക്കോളജിസ്റ്റും റിസർച്ച് സ്കോളറുമായ പി. നിമിഷ "യുവാക്കളുടെ മാനസികാരോഗ്യം: നേരിടുന്ന വെല്ലുവിളികളും നേടേണ്ട നൈപുണികളും" എന്ന വിഷയത്തിൽ ക്ലാസെടുത്തു. വനിതാ സെൽ കൺവീനർ ഡോ. സിസ്റ്റർ സുജ മോൾ ജോസഫ്, ജീവനി പ്രോജക്ടിലെ സൈക്കോളജിസ്റ്റ് പരിമള ഭാസ്കരൻ, വിദ്യാർഥി പ്രതിനിധി ലിയ അഫ്സൽ എന്നിവർ പ്രസംഗിച്ചു. കണ്ണൂർ: തലശേരി കോളജ് ഓഫ് നഴ്സിംഗ് എൻഎസ്എസ് യൂണിറ്റിന്‍റെയും മെന്‍റൽ ഹെൽത്ത് ഡിപ്പാർട്ട്മെന്‍റിന്‍റെയും സംയുക്താഭിമുഖ്യത്തിൽ ആറാം സെമെസ്റ്റർ നഴ്സിംഗ് വിദ്യാർഥികളും അധ്യാപകരും മേലെ ചൊവ്വ അമലാഭവനിൽ സന്ദർശനം നടത്തി. ലോക മാനസികാരോഗ്യ ദിനാചരണത്തിന്‍റെ ഭാഗമായി വിവിധ തരം കലാപരിപാടികളും ഹെൽത്ത് ചെക്കപ്പും സംഘടിപ്പിച്ചു. തലശേരി നഴ്സിംഗ് ഓഫ് കോളജ് പ്രിൻസിപ്പൽ ഡോ. സ്വപ്ന ജോസ് ഉദ്ഘാടനം ചെയ്തു. മെന്‍റൽ ഹെൽത്ത് ഡിപ്പാർട്ട്മെന്‍റ് എച്ച്ഒഡി എ.കെ. പ്രീത അധ്യക്ഷത വഹിച്ചു. എൻഎസ്എസ് കോ-ഓർഡിനേറ്റർ കെ. ലതിക, കെ.കെ. റജിന എന്നിവർ പ്രസംഗിച്ചു.

മട്ടന്നൂരിൽ യൂത്ത് കോൺഗ്രസ് പ്രവർത്തകർ റോഡ് ഉപരോധിച്ചു

മട്ടന്നൂർ: ഷാഫി പറമ്പിൽ എംപിക്കു നേരെയുണ്ടായ ആക്രമണത്തിൽ പ്രതിഷേധിച്ച് മട്ടന്നൂരിൽ യൂത്ത് കോൺഗ്രസ് പ്രവർത്തകർ റോഡ് ഉപരോധിച്ചു. പ്രകടനം നടത്തിയപ്പോൾ പ്രവർത്തകരെ പോലീസ് അറസ്‌റ്റു ചെയ്യാൻ ശ്രമിച്ചത് സംഘർഷത്തിനിടയാക്കി. പോലീസും യൂത്ത് കോൺഗ്രസ് പ്രവർത്തകരും തമ്മിൽ പിടിവലിയുണ്ടായി. ഇന്നലെ രാത്രി 9.30 നാണ് വഴി തടഞ്ഞ് പ്രതിഷേധ സമരം നടത്തിയത്. സംസ്‌ഥാന വൈസ് പ്രസിഡന്‍റ് ഒ.ജെ. ജനീഷ് സമരം ഉദ്ഘാടനം ചെയ്തു‌. യൂത്ത് ലീഗ് മണ്ഡലം സെക്രട്ടറി ഷബീർ എടയന്നൂർ, ഫർസീൻ മജീദ് എന്നിവർ പ്രസംഗിച്ചു. വാഹനങ്ങൾ കടത്തിവിടാനുള്ള ശ്രമത്തിന്‍റെ ഭാഗമായി സമരക്കാരെ പോലീസ് പിടിച്ചു വാഹനത്തിൽ കയറ്റുമ്പോഴാണ് ബഹളമുണ്ടായത്. അറസ്റ്റു ചെയ്യാൻ അനുവദിക്കില്ലെന്നു പറഞ്ഞ് യൂത്ത് കോൺഗ്രസ് നേതാക്കളും പോലീസും തമ്മിൽ വാക്കേറ്റമുണ്ടായി. പത്ത് മിനുട്ടിനകം സമരം അവസാനിപ്പിക്കുമെന്നും അറസ്‌റ്റുചെയ്‌താൽ കൂടുതൽ പ്രകോപനം ഉണ്ടാകുമെന്നും നേതാക്കൾ പറഞ്ഞതോടെ പോലീസ് അറസ്റ്റു നീക്കത്തിൽ നിന്നു പിന്മാറി. യൂത്ത് കോൺഗ്രസ് ജില്ലാ പ്രസിഡന്‍റ് വിജിൽ മോഹൻ, വൈസ് പ്രസിഡന്‍റ് ഫർസീൻ മജീദ്, ഹരികൃഷ്‌ണൻ പാളാട്, വിനീത് കുമ്മാനം, ജിഷ്ണു പെരിയച്ചൂർ, ഹരികൃഷ്‌ണൻ പൊറോറ, എ.കെ. രാജേഷ് എന്നവിർ നേതൃത്വം നൽകി.

ആറളം വൈൽഡ്‌ലൈഫ് ഡിവിഷനിലെ വന്യജീവി വാരാഘോഷ പരിപാടികൾ സമാപിച്ചു

ഇരിട്ടി: വന്യജീവി വാരാഘോഷത്തോടനുബന്ധിച്ച് ആറളം വൈൽഡ്‌ലൈഫ് ഡിവിഷനിൽ നടത്തിയ വിവിധ പരിപാടികൾ സമാപിച്ചു. സമാപനത്തോടനുബന്ധിച്ച് ആറളം വന്യജീവി സങ്കേതത്തിൽ അധിനിവേശ സസ്യ-ജന്തുജാലങ്ങളെപ്പറ്റിയുള്ള ദ്വിദിന ശില്പശാല സംഘടിപ്പിച്ചു. വനം വകുപ്പും മലബാർ അവെയർനെസ് ആൻഡ് റെസ്ക്യൂ സെന്‍റർ ഫോർ വൈൽഡ്‌ലൈഫ് (മാർക്) എന്ന സംഘടനയും സംയുക്തമായി നടത്തിയ പരിപാടിയിൽ വിവിധ കോളജുകളിൽ നിന്നുള്ള വിദ്യാർഥികളും ആറളം വൈൽഡ്‌ലൈഫ് ഡിവിഷന് കീഴിലെ ജീവനക്കാരും പങ്കെടുത്തു. ആദ്യ ദിനത്തിൽ സീക്ക് എക്‌സിക്യൂട്ടീവ് അംഗവും പരിസ്ഥിതി പ്രവർത്തകനുമായ വി.സി. ബാലകൃഷ്‌ൻ "ഇൻവാസിവ് അലൈൻ സ്പെസിസ് ഇൻ കണ്ണുർ, ഡെക്കഡെസ് ഓഫ് ഒബ്സെർവേഷൻ' എന്ന വിഷയത്തിൽ ക്ലാസ് നടത്തി. രണ്ടാം ദിനം കേരള ഫോറസ്റ്റ് റിസർച്ച് ഇൻസ്റ്റിറ്റ്യൂട്ടിലെ സീനിയർ ശാസ്ത്രജ്ഞൻ ഡോ.ടി.വി. സജീവ്, ഡോ. സ്മൃതി രാജ് എന്നിവർ ക്ലാസെടുത്തു. സമാപന സമ്മേളനം ഉത്തരമേഖലാ വനം കൺസർവേറ്റർ ബി. അഞ്ചൻകുമാർ ഉദ്ഘാടനം ചെയ്‌തു. ആറളം വൈൽഡ്‌ലൈഫ് വാർഡൻ വി. രതീശൻ അധ്യക്ഷത വഹിച്ചു. അസിസ്റ്റന്‍റ് വൈൽഡ്‌ലൈഫ് വാർഡൻ രമ്യ രാഘവൻ, ആറളം ഫാം അഡ്‌മിനിസ്ട്രേറ്റീവ് ഓഫീസർ ഡോ. നിതീഷ്‌കുമാർ, കേരള സ്റ്റേറ്റ് ബയോഡൈവേഴ്‌സിറ്റി ബോർഡ് മെംബർ സെക്രട്ടറി ഡോ. വി. ബാലകൃഷ്ണൻ, മാർക്ക് സെക്രട്ടറി ഡോ. റോഷ്‌നാഥ് രമേശ് തുടങ്ങിയവർ പ്രസംഗിച്ചു.

സിപിഎമ്മിന്‍റെ പുതിയ ജില്ലാ കമ്മിറ്റി ഓഫീസ് ഉദ്ഘാടനം 20ന്

കണ്ണൂർ: സിപിഎമ്മിന്‍റെ പുതിയ ജില്ലാ കമ്മിറ്റി ഓഫീസായ അഴീക്കോടൻ മന്ദിരം 20ന് വൈകുന്നേരം അഞ്ചിന് കണ്ണൂർ കളക്‌ടറേറ്റ് മൈതാനിയിൽ നടക്കുന്ന ചടങ്ങിൽ മുഖ്യമന്ത്രി പിണറായി വിജയൻ ഉദ്ഘാടനം ചെയ്യുമെന്ന് ജില്ലാ സെക്രട്ടറി കെ.കെ. രാഗേഷ് അറിയിച്ചു. സംസ്ഥാന സെക്രട്ടറി എം.വി. ഗോവിന്ദൻ അധ്യക്ഷത വഹിക്കും. 2024 ഫെബ്രുവരി 24നാണ് പുതിയ കെട്ടിടത്തിന്‍റെ ശിലസ്ഥാപനം മുഖ്യമന്ത്രി പിണറായി വിജയൻ നിർവ്വഹിച്ചത്. 20 മാസം കൊണ്ടാണ് നിർമാണം പൂർത്തീകരിച്ചത്. പഴയ കെട്ടിടത്തിന്‍റെ മാതൃകയിൽ പഴയ കെട്ടിടത്തിലുണ്ടായിരുന്ന തടി ഉപയോഗിച്ച് നിർമിച്ച അഞ്ചുനില കെട്ടിടത്തിൽ 500 പേർക്ക് ഇരിക്കാവുന്ന എ.കെ.ജി ഹാൾ, വിവിധ യോഗങ്ങൾക്കുള്ള കോൺഫറൻസ് ഹാൾ, ജില്ലാ കമ്മിറ്റി യോഗ മീറ്റിംഗ്-സെക്രട്ടേറിയറ്റ് മീറ്റിംഗ് ഹാൾ, പാട്യം പഠന ഗവേഷണ കേന്ദ്രം, ലൈബ്രറി, പ്രസ് കോൺഫറൻസ് ഹാൾ, സോഷ്യൽ മീഡിയ റൂം എന്നിവയാണ് സജ്ജീകരിച്ചിരിക്കുന്നത്. പുതിയ കെട്ടിടത്തിനുള്ള നിർമാണഫണ്ട് പാർട്ടി അംഗങ്ങളിൽ നിന്നും തൊഴിലാളികളിൽ നിന്നുമാണ് ശേഖരിച്ചത്. ഇന്ത്യയിലെ ഏറ്റവും കരുത്തുറ്റ പാർട്ടി സംവിധാനമാണ് കണ്ണൂരിലുള്ളത്. 18 ഏരിയാ കമ്മിറ്റികൾ, 249 ലോക്കൽ കമ്മിറ്റികൾ, 4421 ബ്രാഞ്ചുകൾ എന്നിവയിലായി 65,466 അംഗങ്ങളുണ്ട്. 26,322 അനുഭാവി ഗ്രൂപ്പ് അംഗങ്ങളുമുണ്ട്. ഈ അംഗങ്ങൾ സ്വമേധയാ നൽകിയ സംഭാവന 500 രൂപ മുതൽ ഉയർന്ന തുകകൾ സ്വീകരിച്ചാണ് കെട്ടിട നിർമാണം നടത്തിയത്. കമ്യൂണിസ്റ്റുകാർ ഉണ്ടാക്കിയ ഓഫീസാണ് കണ്ണൂരിലെ പുതിയ ജില്ലാ കമ്മിറ്റി ഓഫീസെന്ന് കെ.കെ.രാഗേഷ് പറഞ്ഞു. പഴയകാല നേതാക്കൾ, കുടുംബാംഗങ്ങൾ, ഏരിയ കമ്മിറ്റി അംഗങ്ങൾ, അടിയന്തിരാവസ്ഥ പീഡിതർ, പോലീസിൽ നിന്നും രാഷ്‌ട്രീയ എതിരാളികളിൽനിന്ന് കൊടിയ മർദനവും ആക്രമണവും ഏറ്റുവാങ്ങേണ്ടി വന്നവർ രക്തസാക്ഷി കുടുംബങ്ങൾ, കള്ളക്കേസിൽ ജയിലിൽ കിടക്കുന്നവരുടെ ബന്ധുക്കൾ എന്നിവരുൾപ്പെടെ വൻ ജനാവലി ഉദ്ഘാടന പരിപാടിയിൽ പങ്കെടുക്കുമെന്ന് കെ.കെ. രാഗേഷ് അറിയിച്ചു. സംസ്ഥാന കമ്മിറ്റി അംഗങ്ങളായ ടി.വി. രാജേഷ്, എം. പ്രകാശൻ, ജില്ലാ സെക്രട്ടേറിയറ്റ് അംഗം ടി.കെ. ഗോവിന്ദൻ എന്നിവരും വാർത്താസമ്മേളനത്തിൽ പങ്കെടുത്തു.

പിണറായി സർക്കാർ അവിശ്വാസികളെ ആരാധനാലയ ഭരണം ഏല്പിച്ച് മോഷണത്തിന് കൂട്ടുനിൽക്കുന്നു: സണ്ണി ജോസഫ്

ഇരിട്ടി: പിണറായി സർക്കാർ അധികാരത്തിൽ വന്നതിന് ശേഷം വിശ്വാസികളല്ലാത്ത സിപിഎമ്മുകാരെ ആരാധനാലയങ്ങളുടെ ഭരണം ഏല്പിച്ച് വ്യാപകമായ വിശ്വാസ ധ്വംസനവും മോഷണവും നടത്തുകയാണെന്നും ഇതിനെതിരെ പൊതു സമൂഹം ജാഗ്രത പാലിക്കണമെന്നും കെപിസിസി പ്രസിഡന്‍റ് സണ്ണി ജോസഫ് എംഎൽഎ. കെപിസിസിയുടെ നേതൃത്വത്തിൽ കെ. മുരളീധരൻ നയിക്കുന്ന ശബരിമല സംരക്ഷണ ജാഥ വിജയിപ്പിക്കുന്നതിനുള്ള സംഘാടക സമിതി യോഗം ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം. 14 ന് വൈകുന്നേരം നാലിന് ഇരിട്ടിയിലെത്തിച്ചേരുന്ന ജാഥക്ക് സ്വീകരണം നൽകാൻ യോഗം തീരുമാനിച്ചു. ചന്ദ്രൻ തില്ലങ്കേരി അധ്യക്ഷത വഹിച്ചു. കെപിസിസി ജനറൽ സെക്രട്ടറി സോണി സെബാസ്റ്റ്യൻ, യുഡിഎഫ് ജില്ലാ ചെയർമാൻ പി.ടി. മാത്യു,മുഹമ്മദ് ബ്ലാത്തൂർ, പി.സി. ഷാജി , ലിസി ജോസഫ്, കെ. വേലായുധൻ, വി.ടി. തോമസ്, പി.എ. നസീർ, ജൂബിലി ചാക്കോ തുടങ്ങിയവർ പ്രസംഗിച്ചു. ചന്ദ്രൻ തില്ലങ്കേരി ‌- ചെയർമാൻ, പി.കെ. ജനാർദനൻ - ജ :കൺവീനർ, പി.എ. നസീർ, ജൂബിലി ചാക്കോ -വൈസ് ചെയർമാൻമാർ, ജയ്സൺ കാരക്കാട് -ട്രഷറർ എന്നിവർ ഭാരവാഹികളായി 101 അംഗ കമ്മിറ്റി രൂപീകരിച്ചു.

കാട്ടുപന്നിശല്യം: തദ്ദേശ സ്ഥാപനങ്ങൾ നടപടിയെടുക്കണം

കണ്ണൂർ: കാട്ടുപന്നിയുടെ ശല്യം സംബന്ധിച്ച പരാതികളിൽ ബന്ധപ്പെട്ട തദ്ദേശ സ്ഥാപനങ്ങൾ നടപടി എടുക്കണമെന്ന് വന്യജീവി സംഘർഷ ലഘൂകരണ സമിതി യോഗത്തിൽ നിർദേശം. ജില്ലാ കളക്ടർ അരുൺ കെ.വിജയന്‍റെ അധ്യക്ഷതയിൽ കളക്ടറേറ്റ് കോൺഫറൻസ് ഹാളിൽ ചേർന്ന യോഗത്തി ലാണ് തീരുമാനം. വന്യജീവി സംഘർഷവുമായി ബന്ധപ്പെട്ട് ജില്ലയിൽ ഏറ്റവും കൂടുതൽ പരാതികൾ ലഭിച്ചത് കാട്ടുപന്നി ശല്യത്തിനെതിരേ ആണെന്ന് ഡിഎഫ്ഒ എസ്. വൈശാഖ് അറിയിച്ചു. 7401 പരാതികളാണ് ലഭിച്ചത്. കുരങ്ങ്, മയിൽ എന്നിവ കൃഷി നശിപ്പിക്കുന്നതായുള്ള പരാതികളും ലഭിച്ചു. എന്നാൽ നിയമാനുസൃതമായി കാട്ടുപന്നിയെ വെടിവച്ചു കൊല്ലാനുള്ള അനുവാദം മാത്രമേ നല്കാനാവൂ എന്ന് ഡിഎഫ്ഒ അറിയിച്ചു. മറ്റു വന്യജീവികളുടെ ശല്യത്തിന് പരിഹാരം കാണാൻ സംസ്ഥാനതലത്തിൽ തീരുമാനം ഉണ്ടാകണം. വിവിധ തദ്ദേശസ്ഥാപന അധ്യക്ഷന്മാർ, വകുപ്പ് ഉദ്യോഗസ്ഥർ എന്നിവർ യോഗത്തിൽ പങ്കെടുത്തു.

നഷ്ടപരിഹാരം വൈകുന്നതിനെതിരെ ഭൂവുടമകൾ പ്രക്ഷോഭത്തിലേക്ക്

മട്ടന്നൂർ: ഐടി-വ്യവസായ പാർക്കിന് കിൻഫ്ര മുഖേന ഏറ്റെടുക്കുന്ന സ്ഥലത്തിന്‍റെ നഷ്ടപരിഹാരത്തുക വൈകുന്നതിനെതിരെ ഭൂവുടമകൾ സമരത്തിലേക്ക്. പനയത്താംപറമ്പ്, മുടക്കണ്ടി, കീഴല്ലൂർ പ്രദേശങ്ങളിലായാണ് 500 ഏക്കറോളം സ്ഥലമേറ്റെടുക്കുന്നത്. 2019ൽ വിഞ്ജാപനം പുറപ്പെടുവിക്കുകയും മൂല്യനിർണയം ഉൾപ്പടെയുള്ള നടപടികൾ പൂർത്തിയാക്കുകയും ചെയ്തിരുന്നു. സ്ഥലമെടുപ്പിന്‍റെ ഒന്നും രണ്ടും ഘട്ടങ്ങളിൽ നഷ്ടപരിഹാരം നൽകുകയും ചെയ്തു. മൂന്നാംഘട്ടത്തിൽ പണം അനുവദിക്കുന്നതാണ് അനിശ്ചിതമായി വൈകുന്നത്. സ്ഥലത്തിന്‍റെ രേഖകൾ ഭൂവുടമകളിൽ നിന്ന് വാങ്ങി എട്ടു മാസം കഴിഞ്ഞിട്ടും പണം നൽകുന്നില്ലെന്നാണ് പരാതി. ഇതിനെതിരെ കഴിഞ്ഞ ദിവസം ഭൂവുടമകളുടെ നേതൃത്വത്തിൽ പ്രതിഷേധ കൂട്ടായ്മ രൂപവൽക്കരിച്ചിരുന്നു. അഞ്ചരക്കണ്ടി, പടുവിലായി, കീഴല്ലൂർ വില്ലേജുകളിലായി 841 പേരുടെ സ്ഥലമാണ് പദ്ധതിക്കായി ഏറ്റെടുക്കുന്നത്. ഭൂരിഭാഗവും കീഴല്ലൂർ വില്ലേജ് പരിധിയിലാണ്. കിടപ്പുരോഗികളും കുട്ടികളുടെ വിദ്യാഭ്യാസത്തിനും വിവാഹത്തിനുമായി വായ്പയെടുത്തവരും ഇക്കൂട്ടത്തിലുണ്ട്. പലരും ജപ്തിഭീഷണിയും നേരിടുന്നു. എത്രയും വേഗം ഏറ്റെടുക്കുന്ന സ്ഥലത്തിന്‍റെ നഷ്ടപരിഹാരത്തുക ലഭ്യമാക്കണമെന്നാണ് ഇവരുടെ ആവശ്യം. അതേ സമയം സ്ഥലമേറ്റെടുക്കൽ നടപടികൾ പുരോഗമിക്കുകയാണെന്നാണ് കിൻഫ്ര അധികൃതർ പറയുന്നത്. ഭൂമിയുടെ വിലനിർണയത്തിൽ അപാകത ആരോപിച്ച് കഴിഞ്ഞ വർഷവും ഭൂവുടമകൾ പ്രതിഷേധിച്ചിരുന്നു. ചെങ്കൽ ഖനനം മൂലം മൂല്യശോഷണം വന്ന ഭൂമിയെന്ന് വിലയിരുത്തി ന്യായമായ തുക അനുവദിച്ചില്ലെന്നായിരുന്നു പരാതി. പനയത്താംപറമ്പ്, തറമ്മൽ ഭാഗങ്ങളിൽ ചെങ്കൽ ഖനനം നടന്ന സ്ഥലങ്ങൾ ചൂണ്ടിക്കാട്ടിയാണ് മൂല്യശോഷണം വന്ന ഭൂമിയെന്ന് പറഞ്ഞ് കുറഞ്ഞവില നിശ്ചയിച്ചത്. എന്നാൽ, 25 വർഷം മുമ്പ് നടന്ന ഖനനത്തിന് ശേഷം സാധാരണ നിലയിലേക്ക് സ്ഥലങ്ങൾ മാറിയെന്നും 200 ഓളം കുടുംബങ്ങൾ കൃഷി ചെയ്ത് താമസിച്ചുവരുന്ന സ്ഥലമാണെന്നും ഭൂവുടമകൾ പറയുന്നു. പ്രശ്‌നത്തിൽ മുഖ്യമന്ത്രിക്ക് ഉൾപ്പടെ പരാതി നൽകിയിരുന്നു.

യൂത്ത് കോൺഗ്രസ് യംഗ് ഇന്ത്യ ജില്ലാ പര്യടന പരിപാടിക്ക് തുടക്കം

ഇരിട്ടി: തദ്ദേശ തെരഞ്ഞെടുപ്പിന് മുന്നോടിയായി യൂത്ത് കോൺഗ്രസ് നയരൂപീകരണം നടത്തുക എന്ന ലക്ഷ്യത്തോടെ നടത്തുന്ന യംഗ് ഇന്ത്യ രണ്ടാം ഘട്ടത്തിന് ഇരിട്ടിയിൽ തുടക്കമായി. യൂത്ത് കോൺഗ്രസ് സംസ്ഥാന വൈസ് പ്രസിഡന്‍റ് ഒ.ജെ. ജനീഷ് ഉദ്ഘാടനം ചെയ്തു. പുത്തൻ കാലത്തിനനുസരിച്ച് സമൂഹത്തിൽ രാഷ്ട്രീയ സംവാദം നടത്താൻ യൂത്ത് കോൺഗ്രസ് പ്രവർത്തകർക്ക് സാധിക്കണമെന്ന് അദ്ദേഹം പറഞ്ഞു. യൂത്ത് കെയർ കണ്ണൂർ ജില്ലാ കമ്മിറ്റിയുടെ രക്തദാന സേനയ്ക്ക് ആരംഭം കുറിച്ചു. യൂത്ത് കോൺഗ്രസ് കണ്ണൂർ ജില്ലാ പ്രസിഡന്‍റ് വിജിൽ മോഹനൻ അധ്യക്ഷത വഹിച്ചു. സംസ്ഥാന സെക്രട്ടറി രാഹുൽ വെച്ചിയോട്ട്, യംഗ് ഇന്ത്യ ചുമതല വഹിക്കുന്ന ജില്ലാ ജനറൽ സെക്രട്ടറി വിപിൻ ജോസഫ്, ജില്ലാ വൈസ് പ്രസിഡന്‍റുമാരായ ഫർസിൻ മജീദ്, റിൻസ് മാനുവൽ, മഹിത മോഹനൻ, സുധീഷ് വെള്ളച്ചാൽ, നിയോജക മണ്ഡലം പ്രസിഡന്‍റ് നിധിൻ നടുവനാട്, ജില്ലാ ജനറൽ സെക്രട്ടറിമാരായ മിഥുൻ മാറോളി, വിജിത്ത് നീലാഞ്ചേരി, ജിബിൻ ജെയ്സൺ, സി.സി. അസ്മീർ, നേതാക്കളായ നിവിൽ മാനുവൽ, അബ്ദുൾ റഷീദ്, എബിൻ പുന്നവേലിൽ, അലക്സ് ബെന്നി എന്നിവർ പ്രസംഗിച്ചു.

തളിപ്പറന്പിൽ ഭീതിയുടെ മണിക്കൂറുകൾ

തളിപ്പറന്പ് : നാടിനെ നടുക്കിയ തളിപ്പറന്പ് തീപിടിത്തത്തിൽ 10 കോടിയിലേറെ രൂപയുടെ നഷ്ടമുണ്ടായെന്നാണ് പ്രാഥമിക വിലയിരുത്തൽ. നാല് മണിക്കൂറിലേറെ നീണ്ട പ്രയത്നത്തിലൊടുവിലാണ് തീ നിയന്ത്രണ വിധേയമാക്കിയത്. തീ ആളിപ്പടർന്നതോടെ തളിപ്പറന്പ് ബസ് സ്റ്റാൻഡിൽ നിന്ന് ആളുകളെ ഒഴിപ്പിക്കുകയും ബസുകൾ മാറ്റുകയും ചെയ്തു. റോഡരികിൽ പാർക്ക് ചെയ്ത മുഴുവൻ വാഹനങ്ങളും പോലീസ് ഇടപെട്ട് മാറ്റുകയും അപകട ഭീഷണി ഒഴിവാക്കുകയും ചെയ്തു. ഫയർഫോഴ്സ് , ജാഫർ കുടിവെള്ള വിതരണ വാഹനം, മേഘ കൺസ്ട്ര‌ക്ഷൻസിന്‍റെ വാഹനം എന്നിവയിൽ വെള്ളം എത്തിച്ചാണ് തീയണച്ചത്. മുഖ്യമന്ത്രി പിണറായി വിജയൻ, തളിപ്പറന്പ് എംഎൽഎ എം.വി. ഗോവിന്ദൻ എന്നിവരുടെ നിർദേശാനുസരണം ജില്ലാ കളക്‌ടർ അരുൺ കെ. വിജയൻ, കണ്ണൂർ റൂറൽ പോലീസ് മേധാവി അനൂജ് പലിവാൾ എന്നിവർ സംഭവസ്ഥലത്ത് ക്യാന്പ് ചെയ്ത് സ്ഥിതിഗതികൾ വിലയിരുത്തി. അഗ്നിശമന യൂണിറ്റുകൾക്ക് പുറമെ കുപ്പം ഖലാസികളും വെള്ളം കൊണ്ടുവന്ന് തീയണച്ചിരുന്നു. രാത്രി പത്തോടെയാണ് തീ നിയന്ത്രണവിധേയമാക്കിയത്.

തീപിടിത്തം തുടങ്ങിയ ഉടനെ നഗരസഭ ചെയർപേഴ്സൺ മുർഷിദ കൊങ്ങായി, വൈസ് ചെയർമാൻ കല്ലിങ്കിൽ പത്മനാഭൻ മറ്റു കൗൺസിലർമാർ എന്നിവർ സംഭവസ്ഥലത്തെത്തി നിർദേശങ്ങൾ നൽകുകയും തീ അണയ്ക്കുന്നതിനും മുനിസിപ്പാലിറ്റിയിലെ കണ്ടിജൻസി ജീവനക്കാർ ഉൾപ്പെടെയുള്ളവരെ പങ്കാളികളാക്കുകയും ചെയ്തു. ജില്ലാ കളക്ടർ അരുൺ കെ.വിജയൻ, മുൻ മന്ത്രി ഇ.പി. ജയരാജൻ, സിപിഎം ജില്ലാ സെക്രട്ടറി കെ.കെ. രാഗേഷ്, അബ്ദുൾ കരീം ചേലേരി, ടി.ഒ.മോഹനൻ വി.പി. അബ്ദുൾ റഷീദ്, വ്യാപാരി നേതാക്കളായ കെ.എസ്. റിയാസ്, വി. താജുദീന്‍, സിപിഎം നേതാവ് കെ. സന്തോഷ്, എ.പി. ഗംഗാധന്‍ തുടങ്ങി വിവിധ രാഷ്ട്രീയകക്ഷി നേതാക്കളും തളിപ്പറമ്പ് ഡിവൈഎസ്പി കെ.ഇ. പ്രേമചന്ദ്രന്‍, ഇന്‍സ്‌പെക്ടര്‍ പി. ബാബുമോന്‍, എസ്ഐ ദിനേശന്‍ കൊതേരി എന്നിവരുള്‍പ്പെടെ സ്ഥലത്തെത്തിയിരുന്നു. അവലോകന യോഗം ഇന്ന് തളിപ്പറന്പ്: തീപിടിത്തം സംബന്ധിച്ച് അവലോകനം നടത്താനായി ഇന്ന് രാവിലെ 10 ന് താലൂക്ക് ഓഫീസിൽ യോഗം ചേരും. എം.വി.ഗോവിന്ദൻ എംഎൽഎ, ജില്ലാ കളക്ടർ അരുൺ കെ.വിജയൻ തുടങ്ങിയവർ പങ്കെടുക്കും. ആകെ സന്പാദ്യം എരിഞ്ഞടങ്ങി; നോവായി ഗിരീശൻ തളിപ്പറന്പ്: കിഡ്നി മാറ്റിവച്ച പറപ്പുലിലെ ഗിരീശന്‍റെ സ്റ്റുഡിയോ പൂർണമായും കത്തിയമർന്നു. കാമറ, കംപ്യൂട്ടർ, സ്റ്റുഡിയോ ലൈറ്റ് തുടങ്ങിയവയൊന്നും എടുക്കാനായില്ല. എല്ലാം തീയിൽ കത്തിയമർന്നു. ദുരിതക്കയത്തിലായിരുന്ന ഗിരീശന് തന്‍റെ ആകെ സന്പാദ്യമായ സ്റ്റുഡിയോ കത്തിയമരുന്നത് നോക്കി നിൽക്കാനേ സാധിച്ചുള്ളൂ.

ശബരിമല വിഷയം : ബിജെപി കളക്ടറേറ്റ് മാർച്ചിൽ സംഘർഷം

കണ്ണൂർ: ശബരിമലയിലെ സ്വർണക്കവർച്ച സിബിഐ അന്വേഷിക്കുക, ദേവസ്വം മന്ത്രി രാജിവയ്ക്കുക, ദേവസ്വം ബോർഡ് പിരിച്ചുവിടുക എന്നീ ആവശ്യങ്ങൾ ഉന്നയിച്ച് ബിജെപി കണ്ണൂർ കളക്ടറേറ്റിലേക്ക് നടത്തിയ മാർച്ചിൽ സംഘർഷം. പോലീസ് രണ്ടുതവണ ജലപീരങ്കി പ്രയോഗിച്ചു. കണ്ണൂർ നോർത്ത് ജില്ലാ കമ്മിറ്റി, സൗത്ത് ജില്ലാ കമ്മിറ്റികളുടെ സംയുക്താഭിമുഖ്യത്തിൽ വ്യത്യസ്ത ഇടങ്ങളിൽ നിന്ന് പ്രകടനമായെത്തിയ പ്രവർത്തകർ നഗരത്തിൽ സംഗമിച്ച് പ്രകടനമായി കളക്ടറേറ്റിലേക്ക് നീങ്ങുകയായിരുന്നു. സംഘർഷാവസ്ഥ കണക്കിലെടുത്ത് കളക്ടറേറ്റിനു മുന്നിൽ പോലീസ് ബാരിക്കേഡ് നിരത്തി കനത്ത സുരക്ഷയൊരുക്കിയിരുന്നു. ബാരിക്കേഡ് മറികടക്കാൻ പ്രവർത്തകർ ശ്രമിച്ചത് പോലീസും പ്രവർത്തകരും തമ്മിൽ ഉന്തിലും തള്ളിലും കലാശിക്കുകയും പോലീസ് ജലപീരങ്കി പ്രയോഗിക്കുകയുമായിരുന്നു. പ്രവർത്തകരെ അറസ്റ്റ് ചെയ്ത് നീക്കാനുള്ള പോലീസിന്‍റെ ശ്രമം നേതാക്കൾ ഇടപെട്ട് തടഞ്ഞു. ബിജെപി സംസ്ഥാന വൈസ് പ്രസിഡന്‍റ് വി. ഉണ്ണികൃഷ്ണൻ മാർച്ച് ഉദ്ഘാടനം ചെയ്തു. മുഖ്യമന്ത്രി പിണറായി വിജയന്‍റെയും മന്ത്രിമാരുടെയും ദേവസ്വം ബോർഡിന്‍റെയും മനഃസാക്ഷി സൂക്ഷിപ്പുകാരനാണ് ഉണ്ണികൃഷ്ണൻ പോറ്റിയെന്ന് അദ്ദേഹം പറഞ്ഞു. ശബരിമലയിൽ അന്പലക്കൊള്ളയാണ് നടന്നതെന്ന് കോടതി തന്നെ അഭിപ്രായപ്പെട്ടിരിക്കുന്നു. കേരളത്തിലെന്പാടും അധർമത്തിനെതിരെയുള്ള ധർമസമരമാണ് നടത്തികൊണ്ടിരിക്കുന്നത്. ദേവസ്വം ബോർഡ് പിരിച്ചുവിട്ട് ഭരണം ഭക്തരെ ഏൽപ്പിക്കണമെന്നും വി. ഉണ്ണികൃഷ്ണൻ ആവശ്യപ്പെട്ടു. ബിജെപി കണ്ണൂർ നോർത്ത് ജില്ലാ പ്രസിഡന്‍റ് കെ.കെ. വിനോദ്കുമാർ അധ്യക്ഷത വഹിച്ചു. സൗത്ത് ജില്ലാ പ്രസിഡന്‍റ് ബിജു ഏളക്കുഴി, യുവമോർച്ച സംസ്ഥാന ജനറൽ സെക്രട്ടറി വരുൺ പ്രസാദ് എന്നിവർ പ്രസംഗിച്ചു. എം.ആർ. സുരേഷ്, ടി.സി. മനോജ്, അജികുമാർ കരിയിൽ, എ.പി. ഗംഗാധരൻ, ഷിജിലാൽ എന്നിവർ നേതൃത്വം നൽകി. നേതാക്കുടെ പ്രസംഗം തീർന്ന് പരിപാടി അവസാനിക്കാനിരിക്കെ ഒരു സംഘം പ്രവർത്തകർ മുദ്രാവാക്യം വിളിച്ച് വീണ്ടും ബാരിക്കേഡുകൾ മറികടക്കാൻ ശ്രമിച്ചതോടെ പോലീസ് രണ്ടാമതും ജലപീരങ്കി പ്രയോഗിക്കുകയായിരുന്നു. പ്രകോപിതരായ പ്രവർത്തകരെ നേതാക്കൾ ഇടപെട്ട് ശാന്തരാക്കി മടക്കി അയച്ചാണ് സംഘർഷാവസ്ഥ ഒഴിവാക്കിയത്. കണ്ണൂർ നോർത്ത് ജില്ലാ കമ്മിറ്റിയുടെ മാർച്ച്‌ പള്ളിക്കുന്ന് സുപ്രണ്ട് ഗേറ്റിൽനിന്നും സൗത്ത് ജില്ലാ കമ്മറ്റിയുടെ മാർച്ച് താണ ജംഗ്ഷനിൽ നിന്നുമായിരുന്നു ആരംഭിച്ചത്.

വനംവകുപ്പിന്‍റെ "ഗജമുക്തി'; കാട്ടാനകളുടെ "കൃഷിമുക്തി'

ഇരിട്ടി: വന്യജീവി ആക്രമണം ലഘൂകരിക്കുന്നതിന്‍റെ ഭാഗമായി വനം വകുപ്പിന്‍റെ ഓപ്പറേഷൻ ഗജമുക്തി തുടരുമ്പോഴും മറ്റൊരു ഭാഗത്തുനിന്ന് കാട്ടാനകൾ കൃഷികൾ നശിപ്പിക്കുകയും പ്രദേശവാസികൾക്ക് ഭീഷണി സൃഷ്ടിക്കുന്നതും പതിവാകുന്നു. ഗജമുക്തിയുടെ ഭാഗമായി ബുധനാഴ്ച പകൽ വനം വകുപ്പ് നടത്തിയ ദൗത്യത്തിൽ ചോമാനി ലക്ഷദ്വീപ് ഭാഗത്തുനിന്ന് ഒറ്റയാനെ കാട്ടിലേക്ക് തുരത്തിയിരുന്നു. എന്നാൽ, ആനയെ കാട്ടിലെത്തിച്ച് മണിക്കൂറുകൾക്കുള്ളിൽ രാത്രിയിൽ പുനരധിവാസ മേഖലയിലെ മറ്റൊരു ഭാഗത്ത് ഈ കാട്ടാന വീണ്ടും ഭീതി സൃഷ്ടിച്ചു. ബ്ലോക്ക് ഏഴിൽ റേഷൻ കടയ്ക്ക് സമീപം കാട്ടാന ചവിട്ടി വീഴ്ത്തിയ തെങ്ങ് റോഡിന് കുറുകെ വീണതോടെ ചെറിയ വാഹനങ്ങൾക്ക് പോലും കടന്നുപോകാൻ കഴിയാത്തവിധം ഗതാഗതം തടസപ്പെട്ടു. ആന മറിച്ചിട്ട തെങ്ങ് വൈദ്യുത ലൈനിലേക്ക് വീണ് വൈദ്യുത തൂണും തകർന്നു. ഇന്നലെ രാവിലെ ആർആർടിയും കെഎസ്ഇബിയും എത്തിയാണ് റോഡിലെ തടസങ്ങൾ നീക്കിയത്. ആറളം ഫാമിലും പുനരധിവാസ മേഖലയിലും എത്ര ആനകൾ തമ്പടിച്ചിരുന്നു എന്ന കൃത്യമായ കണക്ക് ആരുടെ പക്കലും ഇല്ലെന്നതാണ് യാഥാർഥ്യം. വനംവകുപ്പ് 40 ആനകൾ ഉണ്ടെന്ന് പറയുന്പോൾ അതിന്‍റെ ഇരട്ടി ആനകൾ ഉണ്ടെന്നാണ് പ്രദേശവാസികൾ പറയുന്നത്. കാട്ടിലേക്ക് തുരത്തുന്ന വേഗത്തിൽ തന്നെ ആനകൾ തിരിച്ച് പുനരധിവാസ മേഖലയിൽ എത്തുന്നത് നിരന്തമായി തുടരുന്ന പ്രക്രിയ ആണ്. നിലവിലെ താത്കാലിക സോളാർ വേലി മരം തള്ളിയിട്ട് തകർത്ത ശേഷമാണ് ആനകൾ ജനവാസ മേഖലയിൽ പ്രവേശിക്കുന്നത്. ആനകളെ നിയന്ത്രിക്കുന്നതിന് താൽക്കാലിക സംവിധാനങ്ങൾക്ക് കഴിയുന്നില്ല. ആനമതിൽ മാത്രമാണ് ആനകളെ നിയന്ത്രിക്കുന്നതിന് ഏക പോംവഴി. എന്നാൽ, പകുതി പോലും എത്താതെ നിലച്ച മതിൽ നിർമാണം പുനരാരംഭിക്കുന്നത് കോടതിയുടെ പരിഗണനക്ക് കാത്തിരിക്കുകയാണ്.

സിബിഎസ്ഇ കലോത്സവത്തിന് മേരിഗിരിയിൽ തിരിതെളിഞ്ഞു

ശ്രീകണ്ഠപുരം: പഠിപ്പിനൊപ്പം കലയെയും സ്നേഹിക്കാനുള്ള നല്ല മനസിന്‍റെ ഉടമകളായി ഓരോ കുട്ടികളും മാറണമെന്ന് സിനിമാ നടൻ ഗിന്നസ് പക്രു. കണ്ണൂർ സഹോദയ സ്കൂൾ കോംപ്ലക്സിന്‍റെ സിബിഎസ്ഇ ജില്ലാ കലോത്സവം പൊടിക്കളം മേരിഗിരി ഇംഗ്ലീഷ് മീഡിയം സീനിയർ സെക്കൻഡറി സ്കൂളിൽ ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം. കലാകാരൻമാർ തങ്ങളുടെ കഴിവുകൾ പ്രകടിപ്പിക്കാൻ കഴിയുന്ന കാര്യങ്ങളാണ് അവതരിപ്പിക്കേണ്ടത്. വിജയിക്കുക എന്നതല്ല, പങ്കെടുക്കുക എന്നതാണ് പ്രധാനം. ഒരോ വേദികളും ജീവിതത്തിലെ പ്രതിസന്ധികൾ മറികടക്കാനുള്ള ഊർജം നൽകുന്നതായിരിക്കണം. സമൂഹത്തിൽ നല്ല ചലനങ്ങൾ സൃഷ്ടിക്കാൻ ഓരോ കലാകാരനും കലാകാരിക്കും കഴിയണമെന്നും അദ്ദേഹം പറഞ്ഞു. ഉദ്ഘാടന ചടങ്ങുകൾക്ക് എത്തുന്പോൾ എട്ടടി ഉയരമുള്ള വിളക്കുകളാണ് കാണാറ്. എന്നാൽ ഇവിടെ ഭാഗ്യത്തിന് തന്‍റെ ഉയരത്തിനനുസരിച്ചുള്ള വിളക്ക് കണ്ടപ്പോൾ തന്നെ ഏറെ ആശ്വാസമായെന്ന് സദസിനെ ചിരിപ്പിച്ചുകൊണ്ടു ഗിന്നസ് പക്രു പറഞ്ഞു. തന്‍റെ ഉയരത്തിനനുസരിച്ചുള്ള വിളക്ക് ക്രമീകരിച്ച സംഘാടകർക്ക് പ്രത്യേകം നന്ദി പറയുന്നുവെന്നും അദ്ദേഹം കൂട്ടിച്ചേർത്തു. കണ്ണൂർ സഹോദയ സ്കൂൾ കോംപ്ലക്സ് പ്രസിഡന്‍റ് കെ.പി. സുബൈർ അധ്യക്ഷത വഹിച്ചു. മേരിഗിരി സ്കൂൾ പ്രിൻസിപ്പൽ ബ്രദർ ഡോ. റജി സ്കറിയ സിഎസ്ടി, ശ്രീകണ്ഠപുരം നഗരസഭാധ്യക്ഷ ഡോ. കെ.വി. ഫിലോമിന, സ്കൂൾ മാനേജർ ബ്രദർ ജോണി ജോസഫ് സിഎസ് ടി, കണ്ണൂർ സഹോദയ ജനറൽ സെക്രട്ടറി ടി.പി. സുരേഷ് പൊതുവാൾ, പയ്യാവൂർ പഞ്ചായത്ത് പ്രസിഡന്‍റ് സാജു സേവ്യർ, പിടിഎ പ്രസിഡന്‍റ് ഡോ. മനു ജോസഫ് വാഴപ്പള്ളി, വാർഡ് കൗൺസിലർ വിജിൽ മോഹൻ, മേരിഗിരി സ്കൂൾ വൈസ് പ്രിൻസിപ്പലും കലോത്സവത്തിന്‍റെ ജോയിന്‍റ് കൺവീനറുമായ പി.പി. പ്രദ്യുമ്നൻ എന്നിവർ പ്രസംഗിച്ചു. വിവിധ സ്കൂളുകളിലെ പ്രിൻസിപ്പൽമാർ, സഹോദയ എക്സിക്യുട്ടീവ് അംഗങ്ങൾ എന്നിവർ പങ്കെടുത്തു. മൂന്നു ദിവസങ്ങളിൽ പതിനാറ് വേദികളിലായി വിവിധ കാറ്റഗറികളിലെ 83 ഇനങ്ങളിലായി കണ്ണൂർ-കാസർഗോഡ് ജില്ലകളിൽ നിന്നുള്ള 3500 ലധികം പ്രതിഭകളാണ് മാറ്റുരയ്ക്കുന്നത്. കലോത്സവം നാളെ സമാപിക്കും. കണ്ണൂർ ചിന്മയ മുന്നിൽ ശ്രീകണ്ഠപുരം: കലോത്സവത്തിന്‍റെ ആദ്യദിനം 411 പോയിന്‍റുമായി കണ്ണൂർ ചിന്മയാ വിദ്യാലയംമുന്നേറുന്നു. 381 പോയിന്‍റുമായി ശ്രീകണ്ഠപുരം മേരിഗിരി ഇംഗ്ലീഷ് മീഡിയം സ്കൂൾ രണ്ടാം സ്ഥാനത്തും 370 പോയിന്‍റുമായി ശ്രീനാരായണ വിദ്യാമന്ദിർ മൂന്നാം സ്ഥാനത്തുമുണ്ട്. ഇന്ന് ചോറ്, നാളെ ബിരിയാണി ശ്രീകണ്ഠപുരം: ചോറും തോരനും അച്ചാറും മോരു കറിയും പൊരിച്ച അയലയും. ആദ്യ ദിവസത്തെ ഉച്ചഭക്ഷണ മെനു ഇതായിരുന്നു. ഇന്നും ചോറും തോരനും അച്ചാറും പൊരിച്ച അയലയും ഉണ്ടാകും. ഒപ്പം സാമ്പാറും.

നാളെ നൽകുന്ന മെനുവിൽ ചിക്കൻ ബിരിയാണിയും വെജിറ്റബിൾ ബിരിയാണിയും ഉൾപ്പെടുത്തിയതായി ഭക്ഷണ കമ്മിറ്റിയുടെ ചുമതല വഹിക്കുന്ന പി.ജെ. ജിജോ പറഞ്ഞു. മേരിഗിരി സ്കൂൾ കലോത്സവത്തിന്‍റെ ഭക്ഷണപുരയിൽ നിന്ന് ഇന്നലെ മനസും വയറും നിറച്ചത് രണ്ടായിരം പേരാണ്. രാവിലെ പ്രഭാതഭക്ഷണവും വിതരണം ചെയ്തിരുന്നു. സ്കൂളിലെ ഭക്ഷണശാലയിൽ തന്നെയാണ് ക്രമീകരിച്ചത്. എട്ട് അധ്യാപകരും 10 അനധ്യാപകരും വിദ്യാർഥികളുമുൾപ്പടെയുള്ളവർ ചേർന്നാണ് ഭക്ഷണം വിളമ്പിയത്.

ഡോക്ടര്‍മാര്‍ അടക്കമുള്ള ആരോഗ്യ പ്രവര്‍ത്തകരുടെ സുരക്ഷ സർക്കാർ ഉറപ്പുവരുത്തണം: കെജിഎംഒഎ

കണ്ണൂർ: താമരശേരി താലൂക്ക് ആശുപത്രിയിൽ ജോലിക്കിടെ ഡോ. വിപിൻ ആക്രമണത്തിന് ഇടയായ സംഭവത്തിൽ പ്രതിഷേധിച്ച് കേരള ഗവ. മെഡിക്കൽ ഓഫീസേഴ്സ് അസോസിയേഷൻ കണ്ണൂർ ജില്ലാ ഘടകം ജില്ലയിലെ മുഴുവൻ ആരോഗ്യ സ്ഥാപനങ്ങളിലും പ്രതിഷേധ ധർണകൾ സംഘടിപ്പിച്ചു. ഒപി യിൽ ഉൾപ്പെടെ രോഗികളുമായി നേരിട്ട് ബന്ധപ്പെടുന്ന സേവനങ്ങൾ ഒഴികെ എല്ലാ ഔദ്യോഗിക കൃത്യങ്ങളിൽ നിന്നും ജില്ലയിലെ ഡോക്ടർമാർ വിട്ടുനിന്നാണ് തങ്ങളുടെ പ്രതിഷേധം രേഖപെടുത്തിയത്. ഡോ. വന്ദനദാസ് കൊലപാതകത്തോട് അനുബന്ധിച്ച് സംസ്ഥാന വ്യാപകമായി നടത്തിയ ആശുപ ത്രി സുരക്ഷ ഓഡിറ്റിംഗ് നിർദേശങ്ങൾ അടിയന്തരമായി നടപ്പിലാക്കണമെന്നും നിലവിൽ അത്യാഹിത വിഭാഗത്തിന്‍റെ സേവനം നടന്നു കൊണ്ടിരിക്കുന്ന സ്ഥാപനങ്ങളിൽ അടിയന്തരമായി പോലീസ് എയ്ഡ് പോസ്റ്റുകൾ പ്രവർത്തനസജ്ജമാക്കണമെന്നും സിസിടിവികൾ സ്ഥാപിക്കണമെന്നും കെജിഎംഒഎ ആവശ്യപ്പെട്ടു. കൂടാതെ അത്യാഹിത വിഭാഗത്തിൽ ജോലി ചെയ്യുന്നതിനായി എല്ലാ ഷിഫ്റ്റുകളിലും ഏറ്റവും കുറഞ്ഞത് രണ്ട് ഡോക്ടർമാരെ എങ്കിലും നിയോഗിക്കുന്നതിനുള്ള തസ്തികകൾ അനുവദിക്കണ മെന്നും ആവശ്യപ്പെട്ടു. കൂടാതെ മണിക്കൂറുകൾ ഒപി ടിക്കറ്റിനായും ഡോക്ടറെ കാണുന്നതിനായും ആശുപത്രികളിൽ ചെലവഴിക്കേണ്ടി വരുന്ന പാവപ്പെട്ട രോഗികൾക്ക് നിലവിലെ സാഹചര്യത്തിൽ ഒരാൾക്ക് ഒരു മിനിറ്റിൽ താഴെ മാത്രമേ അനുവദിക്കാനുള്ള സാഹചര്യം നിലവിലുള്ളൂ. ഇത് പരിഹരിക്കുന്നതിനായി എത്രയും പെട്ടന്ന് ആരോഗ്യ സ്ഥാപനങ്ങളിൽ ഡോക്ടർ രോഗി അനുപാതം നിശ്ചയിക്കപ്പെടണമെന്നും സംഘടന ആവശ്യപ്പെട്ടു. കണ്ണൂർ ജില്ലാ ആശുപത്രിയിൽ നേതാക്കളായ ഡോ. ഒ.ടി. രാജേഷ്, ഡോ. അജിത് കുമാർ എന്നിവരുടെ നേതൃത്വത്തിലും തലശേരി ജനറൽ ആശുപത്രിയിൽ ഇന്ത്യൻ മെഡിക്കൽ അസോസിയേഷനുമായി സഹകരിച്ചുകൊണ്ട് കെജിഎംഒഎ കണ്ണൂർ ജില്ലാ പ്രസിഡന്‍റ് ഡോ. വി.എസ്. ജിതിൻ, ഐഎംഎ സംസ്ഥാന സെക്രട്ടറി ഡോ.കെ. ശശിധരൻ എന്നിവരുടെ നേതൃത്വത്തിലും, മറ്റ് താലൂക്ക് ബ്ലോക്ക്തല സ്ഥാപനങ്ങളിൽ അതാത് യൂണിറ്റ് കോ-ഓർഡിനേറ്റർമാരുടെ നേതൃത്വത്തിലും ഒരു മണിക്കൂർ നീണ്ട പ്രതിഷേധ ധർണ സംഘടിപ്പിച്ചു.

കാട്ടുപന്നികൾ കൃഷി നശിപ്പിച്ചു

ചെറുപുഴ: കർഷകനായ പുതിയറ മാത്യുവിന് കാട്ടുപന്നികൾ വരുത്തിവെച്ച നാശനഷ്ടം ചില്ലറയെല്ല. തിരുമേനി കോറാളിയിലെ മാത്യവിന്‍റെ കൃഷിയിടത്തിൽ നട്ട മൂവായിരത്തിലേറെ കമുകിൻ തൈകളിൽ കാട്ടുപന്നികൾ നിലവിൽ ബാക്കി വച്ചത് 700 എണ്ണം മാത്രമാണ്. കുത്തനെയുള്ള മലയിൽ കൃഷിയിറക്കാനും മറ്റുമായി ലക്ഷക്കണക്കിന് രൂപയാണ് മാത്യു ചെലവഴിച്ചത്. സ്വന്തം അധ്വാനം വേറേയും. പന്നികൾ വേലി തകർത്ത് കൃഷിയിടത്തിൽ കടന്നാണ് തൈകൾ നശിപ്പിച്ചത്. മൂന്നു വർഷം പ്രായമായ തൈകളാണ് നശിപ്പിച്ചത്. കഴിഞ്ഞ ദിവസവും പന്നികൾ കൂട്ടമായി എത്തി നൂറിലേറെ തൈകൾ നശിപ്പിച്ചിരുന്നു.കുത്തനെയുള്ള മലയിൽ മറ്റ് കൃഷികൾ ഒന്നും ചെയ്യാൻ പറ്റാത്ത സ്ഥിതിയാണ്. കൃഷിയിടത്തിൽ നടന്നെത്താൻ തന്നെ പ്രയാസമാണ്. തെങ്ങിൻ നിന്നും തേങ്ങയിട്ടാൽ അന്ന് തന്നെ പെറുക്കി മാറ്റണം. ഇല്ലെങ്കിൽ പന്നികൾ ഇവയും കുത്തി തിന്നും. ഗതാഗത സൗകര്യം കുറവായതിനാൽ കോറളി മലയിലെ താമസക്കാരിൽ ഭൂരിഭാഗവുംവിട്ടുപോയി. ഇതോടെ കൃഷിയിടങ്ങൾ കാട് മൂടി. വന്യമൃഗ ശല്യവും രൂക്ഷമായി.

ഇരിക്കൂര്‍ കാര്‍ഷിക പദ്ധതിക്ക് 5.74 കോടിയുടെ അംഗീകാരം

കരുവഞ്ചാൽ : ഇരിക്കൂര്‍ നിയോജക മണ്ഡലത്തിലെ സമഗ്ര കാര്‍ഷിക വികസന പദ്ധതിയുമായി ബന്ധപ്പെട്ട് 5.74 കോടിയുടെ പദ്ധതിക്ക് അംഗീകാരം ലഭിച്ചതായി സജീവ് ജോസഫ് എംഎല്‍എ അറിയിച്ചു. സ്ഥലം ലഭ്യമായാല്‍ കാര്‍ഷിക ഉത്പന്നങ്ങളുടെ‍ സംഭരണം, സംസ്കരണം, വിപണനം എന്നിവയ്ക്കായുള്ള ‍ കോമണ്‍ ഫെസിലിറ്റേഷന്‍ സെന്‍റര്‍ സ്ഥാപിക്കുന്നതിന് ധാരണയായി. മണ്ഡലത്തിലെ കാര്‍ഷിക വികസനവുമായി ബന്ധപ്പെട്ട് മന്ത്രി പി. പ്രസാദിന്‍റെ അധ്യക്ഷയില്‍ തിരുവനന്തപുരത്ത് ചേര്‍ന്ന ഉന്നതതല യോഗത്തിലാണ് പദ്ധതികള്‍ക്ക് അംഗീകാരമായത്. ഇരിക്കൂർ മണ്ഡലത്തിലെ സമഗ്ര കാർഷിക വികസന പദ്ധതി ദീർഘകാല ദൗത്യമാണെന്നും മൂല്യവർധിത കാർഷിക സംരംഭം രൂപപ്പെടുത്തുകയാണ് പദ്ധതിയുടെ മുഖ്യദൗത്യമെന്നും മന്ത്രി അഭിപ്രായപ്പെട്ടു. കവുങ്ങ് കൃഷി വികസനത്തിന് 46.73 ലക്ഷവും സുഗന്ധ വ്യഞ്ജനവിളകളുടെ വികസനത്തിന് 30 ലക്ഷവും കശുമാവ് കൃഷി വികസനത്തിനും കശുമാവ് അധിഷ്ഠിത മൂല്യവര്‍ധിത യൂണിറ്റുകള്‍ക്കും 1.14 കോടിയും ഫല ഔഷധ സസ്യ വികസനത്തിന് 78 ലക്ഷം രൂപയും കാര്‍ഷിക ഉത്പന്നങ്ങള്‍ സംസ്കരിച്ച് മൂല്യവര്‍ധിത ഉത്പന്നങ്ങള്‍ ആക്കുന്നതിന് 48 ലക്ഷവും ഉത്പന്നങ്ങളുടെ‍ വിപണന സൗകര്യം മെച്ചപ്പെടുത്തുന്നതിന് 57 ലക്ഷവും വകയിരുത്തി. വന്യമൃഗശല്യം ചെറുക്കുന്നതിനുള്ള പദ്ധതികള്‍ക്ക് 1.94 കോടി രൂപയുടെ പദ്ധതി ആവിഷ്ക്കരിച്ചു. ഉദയഗിരി, ആലക്കോട്, നടുവില്‍ പ‍ഞ്ചായത്തുകളില്‍ ഫെന്‍സിംഗ് സംവിധാനം പൂര്‍ണമാക്കും. സസ്യ ആരോഗ്യ ക്ലിനിക്കുകള്‍ക്ക് 5 ലക്ഷം രൂപയും അനുവദിച്ചു. ആകെ 5.74 കോടി രൂപയുടെ പദ്ധതികളാണ് അംഗീകരിച്ചത്. കൂണ്‍ ഗ്രാമം പദ്ധതിക്ക് 30.25 ലക്ഷം അനുവദിച്ചിരുന്നു. കര്‍ഷകരെ നേരിട്ടും പരോക്ഷമായും ബാധിയ്ക്കുന്ന പ്രശ്നങ്ങൾ പരിഹരിച്ചു മുന്നോട്ടു പോകാനുള്ള പദ്ധതികള്‍ക്ക് മുഖ്യ പരിഗണന നല്‍കുമെന്നും നിയോജക മണ്ഡലത്തിലെ കാര്‍ഷിക മേഖലയെ നയിക്കുന്നതിനുള്ള കര്‍മ പദ്ധതികള്‍ തുടരുമെന്നും എംഎല്‍എ പറഞ്ഞു.യോഗത്തില്‍ കൃഷി വകുപ്പ് പ്രിന്‍സിപ്പല്‍ സെക്രട്ടറി ബി. അശോക്, ‍കൃഷി വകുപ്പ് ഡയറക്ടര്‍ ശ്രീറാം വെങ്കിട്ടരാമന്‍ തുടങ്ങിയവര്‍ പങ്കെടുത്തു.

സ്വർണപ്പാളി മോഷണം: കോൺഗ്രസ് പ്രതിഷേധ പ്രകടനം നടത്തി

കരുവഞ്ചാൽ: ശബരിമലയിലെ സ്വർണപ്പാളി മോഷണത്തിനെതിരെ കെപിസിസി ആഹ്വാനം ചെയ്ത പ്രതിഷേധ ജ്വാലയുടെ ഭാഗമായി കരുവഞ്ചാൽ മണ്ഡലം കോൺഗ്രസ് കമ്മിറ്റി കരുവഞ്ചാലിൽ പ്രതിഷേധപ്രകടനം നടത്തി. പ്രകടനത്തിന് മണ്ഡലം പ്രിസിഡന്‍റ് ടോമി കുമ്പടിയമാക്കൽ, ദേവസ്യാ പാലപ്പുറം, ടി.എൻ. ബാലകൃഷ്ണൻ, പ്രിൻസ് പയ്യംപള്ളിൽ, ബാബു വൈക്കത്തുകാരൻ, ജോൺ ചേന്നോത്ത്, ആകാശ് കളരിക്കൽ, വി.കെ. കൃഷ്ണൻ, ഷൈനി വട്ടക്കാട്ട്, സജി പൈങ്ങോട്ട്, എം.കെ. രാഘവൻ, ബിജു ഓരത്തേൽ എന്നിവർ നേതൃത്വം നൽകി. ചെറുപുഴ: ശബരിമല സ്വർണപ്പാളി വിവാദത്തിൽ ദേവസ്വം മന്ത്രി വി.എൻ. വാസവന്‍റെയും ദേവസ്വം ബോർഡ് പ്രസിഡന്‍റ് പി.എസ്. പ്രശാന്തിന്‍റെയും രാജി ആവശ്യപ്പെട്ട് ചെറുപുഴ മണ്ഡലം കോൺഗ്രസ് കമ്മറ്റിയുടെ നേതൃത്വത്തിൽ പന്തം കൊളുത്തി പ്രകടനം നടത്തി. തുടർന്ന് നടന്ന പ്രതിഷേധ യോഗം ഡിസിസി നിർവാഹകസമിതി അംഗം എ. ബാലകൃഷ്ണൻ ഉദ്ഘാടനം ചെയ്തു. മണ്ഡലം പ്രസിഡന്‍റ് ടി.പി. ചന്ദ്രൻ അധ്യക്ഷത വഹിച്ചു. കെ.കെ. സുരേഷ്കുമാർ, പി.വി. ബാബു, സലീം തേക്കാട്ടിൽ, തോമസ് കൈപ്പനാനിക്കൽ, പി.പി. ബാലകൃഷ്ണൻ, ലളിത ബാബു, പ്രണവ് കരാള, കെ.ഡി. പ്രവീൺ, രേഷ്മ വി. രാജു തുടങ്ങിയവർ പ്രസംഗിച്ചു. കാർത്തികപുരം: ശബരിമല ദ്വാരപാലക ശില്‌പങ്ങളിലെ സ്വർണപ്പാളി കാണാതായ സംഭവത്തിൽ മന്ത്രി വി.എൻ. വാസവന്‍ രാജിവയ്ക്കണമെന്നാവശ്യപ്പെട്ട് ഉദയഗിരി മണ്ഡലം കോൺഗ്രസ് കമ്മിറ്റിയുടെ നേതൃത്വത്തിൽ പ്രതിഷേധ പ്രകടനം നടത്തി. കാർത്തികപുരം ടൗണിൽ നടത്തിയ പ്രതിഷേധ ജ്വാല ഡിസിസി സെക്രട്ടറി ബിജു പുളിയൻതൊട്ടി ഉദ്ഘാടനം ചെയ്തു. ജോയിച്ചൻ പള്ളിയാലിൽ അധ്യക്ഷത വഹിച്ചു. ബെന്നി പീടികയിൽ, ജോസ് പറയൻകുഴി, സരിത ജോസ്, സിബി നെല്ലിക്കുന്നേൽ, സോജൻ ഒഴുകയിൽ, കെ.കെ. ജയരാജൻ, ബേബി കോയിക്കൽ, ടോമി കാടൻകാവിൽ, വിപിൻ വെട്ടിക്കാട്ട്, ജോയി പള്ളിപ്പറമ്പിൽ, സിന്ധു തോമസ് എന്നിവർ നേതൃത്വം നൽകി.

ലഹരിക്കെതിരേ ചെറുപുഴ സെന്‍റ് മേരീസ് സ്കൂളിന്‍റെ ഹ്രസ്വചിത്രം "വല'

ചെറുപുഴ: സെന്‍റ് മേരീസ് ഹൈസ്‌കൂൾ അധ്യാപകരുടെയും വിദ്യാർഥികളുടെയും രക്ഷിതാക്കളുടെയും സഹകരണത്തോടെ നിർമിച്ച ലഹരിക്കെതിരെയുള്ള ഹ്രസ്വചിത്രം "വല' റിലീസ് ചെയ്തു. മയക്കുമരുന്ന് മാഫിയയുടെ വലയിൽപ്പെടാൻ എളുപ്പമാണെന്ന് പ്രേക്ഷകരെ ബോധവത്കരിക്കുന്നതാണ് ചിത്രം. സെന്‍റ് മേരീസ് ഹൈസ്കൂളാണ് ചിത്രം നിർമിച്ചിരിക്കുന്നത്. ചിത്രത്തിന്‍റെ രചനയും സംവിധാനവും അധ്യാപകനായ സജീഷ് ടി. മാത്യുവാണ് നിർവഹിച്ചിരിക്കുന്നത്. കാമറ സണ്ണി പതിയിൽ. സ്കൂൾ മാനേജർ ഫാ. ഫിലിപ്പ് ഇരുപ്പക്കാട്ട് ഷോർട്ട് ഫിലിമിന്‍റെ സിഡി പ്രകാശനം ചെയ്തു. മുഖ്യാധ്യാപിക മേരിക്കുട്ടി മാത്യു അധ്യക്ഷത വഹിച്ചു. ആദ്യ പ്രദർശനത്തിന്‍റെ സ്വിച്ച് ഓൺ കർമം ചെറുപുഴ എസ്ഐ കെ.പി. ശശിധരൻ നിർവഹിച്ചു. പിടിഎ പ്രസിഡന്‍റ് കെ.എ. സജി, ഫാ. ബോഡ്‌വിൻ അട്ടാറക്കൽ, മദർ പിടിഎ മിനി ഷിജോ, സീമ ജോസ്, സാൽവി സെബാസ്റ്റ്യൻ, സിസി ജേക്കബ് എന്നിവർ പ്രസംഗിച്ചു. ആദ്യ പ്രദർശനം കാണാൻ വിദ്യാർഥികളും അധ്യാപകരും രക്ഷിതാക്കളും ഉൾപ്പെടെ ഒട്ടേറെ ആളുകൾ സ്കൂളിൽ എത്തിയിരുന്നു.

പച്ചക്കറികൃഷിയിൽ ഏലിയാസിന് വിശ്രമമില്ല; നാലേക്കറിൽ വിളയുന്നത് ടൺ കണക്കിന് പച്ചക്കറികൾ

ചെറുപുഴ: ചെറുപുഴ പഞ്ചായത്തിൽ മീൻതുള്ളിയിൽ ഏവരേയും അത്ഭുതപ്പെടുത്തുന്ന രീതിയിൽ ആണ് അമ്പാട്ട് ഏലിയാസ് എന്ന കർഷകൻ പച്ചക്കറി കൃഷി ചെയ്യുന്നത്. കഴിഞ്ഞ മുപ്പത് വർഷമായി പച്ചക്കറി കൃഷിയിൽ സജീവ സാന്നിധ്യമായ ഈ കർഷകൻ ഓരോ വർഷവും പുതിയ തരിശുനിലങ്ങൾ കണ്ടെത്തി കൃഷിചെയ്യുകയാണ്. ഇതുവഴി കൃഷിയിടങ്ങൾ തരിശുരഹിതമാക്കുക എന്ന സർക്കാർ ലക്ഷ്യം കൂടി നിറവേറ്റുന്നു. ഈ വർഷം വെണ്ട, വഴുതിന, ചീര, വെള്ളരി, കക്കിരി, തലോരി, പടവലം, മത്തൻ, കുമ്പളം തുടങ്ങി 17 ഇനം പച്ചക്കറികളാണ് കൃഷിചെയ്യുന്നത്. ഒരു വർഷം രണ്ടും മൂന്നും പ്രാവശ്യം തുടർച്ചയായി കൃഷി ചെയ്യുന്നുണ്ട്. കുറേ വർഷങ്ങളായി പച്ചക്കറി കൃഷി ചെയ്യുന്നതു കൊണ്ട് ശാസ്ത്രീയ വളപ്രയോഗരീതികളും രോഗകീടബാധ പ്രശ്നങ്ങളെക്കുറിച്ചും അദ്ദേഹം ബോധവനാണെന്ന് കൃഷിയിടം സന്ദർശിച്ച കൃഷി അസിസ്റ്റന്‍റ് സുരേഷ് കുറ്റൂർ പറഞ്ഞു. കൃഷിവകുപ്പിന്‍റെ ഉത്തമ കാർഷിക മുറകൾ അനുസരിച്ചുള്ള കൃഷിരീതിയാണ് ഏലിയാസ് സ്വീകരിക്കുന്നത്. ജൈവ സ്ലറികളാണ് പച്ചക്കറി കൃഷിക്ക് വളമായി ഉപയോഗിക്കുന്നത്. കീടങ്ങളെ നിയന്ത്രിക്കാൻ ഫിറമോൺ ട്രാപ്പുകൾ ഉൾപ്പെടെ ഉപയോഗിക്കുന്നു. ഉത്പന്നങ്ങൾ വിറ്റഴിക്കുന്ന പ്രധാന മാർക്കറ്റ് പയ്യന്നൂരാണ്. ചെറുപുഴ മാർക്കറ്റുകളിലും വില്പന നടത്തുന്നുണ്ട്. ചില വർഷങ്ങളിൽ പ്രതീക്ഷിക്കുന്നതിനേക്കാൾ വിളവ് ലഭിക്കാറുണ്ട്. അത്തരം സന്ദർഭങ്ങളിൽ പച്ചക്കറികൾ വാഹനത്തിൽ കൊണ്ടുപോയി കവലകളിൽ വച്ച് വില്പന നടത്തുകയാണ് പതിവെന്ന് ഏലിയാസ് പറഞ്ഞു. കൃഷിഭവന്‍റെ ഭാഗത്ത് നിന്ന് എല്ലാവിധ സാമ്പത്തിക സഹായങ്ങളും നൽകാനുള്ള സംവിധാനം ഏർപ്പെടുത്തുമെന്നും സുരേഷ് കുറ്റൂർ പറഞ്ഞു.

കേരള കോൺഗ്രസ് -എം ജന്മദിനം ആഘോഷിച്ചു

ചെറുപുഴ: കേരള കോൺഗ്രസ്‌ -എം പുളിങ്ങോം മണ്ഡലം കമ്മിറ്റിയുടെ നേതൃത്വത്തിൽ പാർട്ടിയുടെ 62-ാം ജന്മദിനാഘോഷം ടൗണുകളിൽ കൊടികൾ ഉയർത്തിയും കേക്ക് മുറിച്ചും ആഘോഷിച്ചു. കോലുവള്ളിയിൽ വാർഡ് പ്രസിഡന്‍റ് ജോണി പൊള്ളക്കാട്ട് പതാക ഉയർത്തി. സംസ്ഥാന സെക്രട്ടേറിയറ്റ് അംഗം ജോബിച്ചൻ മൈലാടൂർ ഉദ്ഘാടനം ചെയ്തു. വയലായിൽ ചാക്കോ പുത്തൻതറ, ചുണ്ടയിൽ വാർഡ് പ്രസിഡന്‍റ് ബേബി കുമ്പുക്കൽ, വാഴക്കുണ്ടത്ത് പ്രസിഡന്‍റ് ബിജു മമ്മൂട്ടിൽ, പുളിങ്ങോത്ത്‌ മണ്ഡലം പ്രസിഡന്‍റ് ജോബിൻ കായാമ്മാക്കൽ, ഉമയംചാലിൽ വാർഡ് പ്രസിഡന്‍റ് ഷാജി വെള്ളി മൂഴ, വിജയ് നഗറിൽ പഞ്ചായത്തംഗം മാത്യു കാരിത്താങ്കൽ, ഇടവരമ്പിൽ സജി മാങ്കോട്ടിൽ, കരിയക്കരയിൽ വാർഡ് പ്രസിഡന്‍റ് ബിജു തെന്നടിയിൽ, പൊൻപുഴയിൽ പഞ്ചായത്തംഗം രജിത സജി, കോഴിച്ചാലിൽ വാർഡ് പ്രസിഡന്‍റ് ജിജി പുറഞ്ചിറ, രാജഗിരിയിൽ കുര്യൻ ഇരണക്കൽ എന്നിവർ പതാക ഉയർത്തി. സംസ്ഥാന കമ്മിറ്റി അംഗം ജോസ് തടത്തിൽ, നിയോജക മണ്ഡലം പ്രസിഡന്‍റ് ഡെന്നി കാവാലം, ജില്ലാ കമ്മിറ്റി അംഗം മത്തച്ചൻ ഇളപ്പുങ്കൽ, നിയോജക മണ്ഡലം സെക്രട്ടറി ബേബി താന്നിക്കൽ, മണ്ഡലം സെക്രട്ടറി ഷാജു പുള്ളോലിക്കൽ, യൂത്ത്‌ ഫ്രണ്ട് മണ്ഡലം പ്രസിഡന്‍റ് ജിസ് കവുങ്ങ് കാട്ടിൽ, വില്യം സക്കറിയാസ്, ജോർജ് ചേനാട്ട്, സാബു തടിക്കാട്ടു പടിയിൽ, പോൾ വെള്ളിമൂഴയിൽ, സിബി തോപ്പിൽ എന്നിവർ വിവിധയിടങ്ങളിൽ നേതൃത്വം നൽകി. രാജഗിരിയിൽ നടന്ന സമാപന സമ്മേളനം മണ്ഡലം പ്രസിഡന്‍റ് ജോബിൻ കായാമ്മാക്കൽ ഉദ്ഘാടനം ചെയ്തു.

ജി ബിൻ വിതരണ ഉദ്ഘാടനം നടന്നു

ശ്രീകണ്ഠപുരം: നഗരസഭയുടെ വാർഷിക പദ്ധതിയിൽ ഉൾപ്പെടുത്തി നൽകുന്ന ജി ബിൻ വിതരണ ഉദ്ഘാടനം നടന്നു. നഗരസഭാധ്യക്ഷ ഡോ.കെ.വി. ഫിലോമിന നിർവഹിച്ചു. 33ലക്ഷം രൂപയാണ് പദ്ധതി വിഹിതം 614 ഗുണഭോക്താക്കൾക്കാണ് പ്രയോജനം ലഭിക്കുന്നത്.വികസനകാര്യ സ്റ്റാൻഡിംഗ് കമ്മിറ്റി ചെയർപേഴ്സൺ ജോസഫിന വർഗീസ് അധ്യക്ഷത വഹിച്ചു. ക്ലീൻ സിറ്റി മാനേജർ പി. മോഹനൻ, കൗൺസിലർമാരായ കെ.വി.കുഞ്ഞിരാമൻ, സിജോ മറ്റപ്പള്ളിയിൽ, ഹെൽത്ത് ഇൻസ്പെക്ടർ വി. പ്രേമരാജൻ, പബ്ലിക് ഹെൽത്ത് ഇൻസ്പെക്ടർ പി.വി. സതീശൻ എന്നിവർ പങ്കെടുത്തു.

കെഎൽജിഎസ്എ കണ്ണൂർ ജില്ലാ കമ്മിറ്റി പ്രതിക്ഷേധിച്ചു

തളിപ്പറമ്പ്: കെഎൽജിഎസ്എ കണ്ണൂർ ജില്ലാ പ്രസിഡന്‍റ് വി.വി. ഷാജിയെ ഏകപക്ഷീയമായും രാഷ്ട്രീയപ്രേരിതമായും സസ്പെൻഡ് ചെയ്ത നടപടിയിൽ ജില്ലാ കമ്മിറ്റി തളിപ്പറമ്പ് നഗരസഭ ഓഫീസിനു മുന്നിൽ പ്രതിഷേധിച്ചു. പ്രതിപക്ഷ കൗൺസിലർമാരെ കൂട്ടുപിടിച്ച് നഗരസഭാ കൗൺസിലോ, ഭരണസമിതിയോ അറിയാതെ തളിപ്പറമ്പ് നഗരസഭാ സെക്രട്ടറിയും, എൽഎസ്ജിഡി ജോയിന്‍റ് ഡയറക്ടറും നടത്തിയ രാഷ്ട്രീയ പ്രേരിതമായ നടപടിയാണ് ഷാജിയുടെ സസ്പെൻഷനെന്ന് സംഘടന ആരോപിച്ചു. തളിപ്പറമ്പ് നഗരസഭ വൈസ് ചെയർമാൻ കല്ലിങ്കീൽ പത്മനാഭൻ ഉദ്ഘാടനം ചെയ്തു. ജില്ലാ കമ്മറ്റി ഭാരവാഹികളായ പി. കൃഷ്ണൻ, പ്രേമരാജൻ, ഇ.ടി. നിഷാജ്, ഉദയകുമാർ, കെ.എൻ. അനസ്, രഞ്ജിത്ത് കുമാർ, ഷിബിൻ റോയ് തുടങ്ങിയവർ പ്രസംഗിച്ചു.

വിദ്യാർഥികൾ ശുചീകരണം നടത്തി

കരുവഞ്ചാൽ: കണിയഞ്ചാൽ ഗവ. ഹയർ സെക്കൻഡറി സ്കൂളിലെ എൻഎസ്എസ് റേഞ്ചർ ടീം വിദ്യാർഥികളുടെ നേതൃത്വത്തിൽ ശുചീകരണ പ്രവർത്തി നടത്തി. ഗാന്ധിദർശൻ സ്വച്ഛതാ സേവ വാരാഘോഷ ഭാഗമായി സ്കൂൾ പരിസരം മുതൽ കരുവഞ്ചാൽ ടൗൺ വരെയുള്ള രണ്ടു കിലോമീറ്റർ റോഡിന് ഇരുവശത്തെയും പ്ലാസ്റ്റിക് മാലിന്യങ്ങൾ ശേഖരിച്ചായിരുന്നു ശുചീകരണം നടത്തിയത്. മുഖ്യ അധ്യാപിക ടി.ജെ. ലത, എൻഎസ്എസ് പ്രോഗ്രാം ഓഫീസർ സി.സി. ജയശ്രീ, കോ -ഓർഡിനേറ്റർ ലിനി ജോസഫ് എന്നിവർ നേതൃത്വം നൽകി.

രണ്ട് ക്വിന്‍റൽ നിരോധിത പ്ലാസ്റ്റിക് ഉത്പ്പന്നങ്ങൾ പിടികൂടി

തളിപ്പറമ്പ്: രണ്ട് ക്വിന്‍റൽ നിരോധിത പ്ലാസ്റ്റിക് ഉത്പ്പന്നങ്ങൾ പിടികൂടി ജില്ലാ എൻഫോഴ്‌സ്‌മെന്‍റ് സ്‌ക്വാഡ് പിടികൂടി. തളിപ്പറമ്പ് മാർക്കറ്റിൽ പ്രവർത്തിച്ചു വരുന്ന ഖലീജ് പാക്കറ്റ്, മൂൺ പ്ലാസ്റ്റിക് എന്നീ സ്ഥാപനങ്ങളിൽ നിന്നാണ് നിരോധിത ഒറ്റത്തവണ ഉപയോഗ പ്ലാസ്റ്റിക് ഉത്പ്പന്നങ്ങൾ പിടികൂടിയത്. ഖലീജ് പാക്കറ്റ് എന്ന സ്ഥാപനത്തിൽ നടത്തിയ പരിശോധനയിൽ സ്ഥാപനത്തിന്‍റെ ഗോഡൗണിൽ നിന്നുമാണ് രണ്ട് ക്വിന്‍റൽ നിരോധിത പ്ലാസ്റ്റിക് ഉത്പ്പന്നങ്ങൾ പിടികൂടിയത്.പ്ലാസ്റ്റിക് ക്യാരി ബാഗ്, പ്ലാസ്റ്റിക് സ്ട്രൗ, പേപ്പർ വാഴയില, ടെക്സ്റ്റൈൽസ് ക്യാരി ബാഗ് തുടങ്ങിയ നിരോധിത ഒറ്റ തവണ ഉപയോഗ പ്ലാസ്റ്റിക് ഉത്പ്പന്നങ്ങളാണ് പിടികൂടിയത്. മൂൺ പ്ലാസ്റ്റിക് എന്ന സ്ഥാപനത്തിൽ നിന്നും എട്ട് കിലോ പ്ലാസ്റ്റിക് ക്യാരി ബാഗ്, പേപ്പർ കപ്പ്‌ തുടങ്ങിയ നിരോധിത പ്ലാസ്റ്റിക് ഉത്പ്പന്നങ്ങളും പിടികൂടി. രണ്ട് സ്ഥാപനങ്ങൾക്കും 10000 രൂപ വീതം പിഴ ചുമത്തി. പരിശോധനയിൽ ജില്ലാ എൻഫോഴ്‌സ്‌മെന്‍റ് സ്‌ക്വാഡ് ലീഡർ പി.പി. അഷ്‌റഫ്‌, സ്‌ക്വാഡ് അംഗങ്ങളായ അലൻ ബേബി, സി.കെ. ദിബിൽ, തളിപ്പറമ്പ നഗരസഭ ഹെൽത്ത്‌ ഇൻസ്‌പെക്ടർ പ്രീഷ കെ.പി. ലതീഷ് തുടങ്ങിയവർ പങ്കെടുത്തു.

മിനി വിദ്യാഭ്യാസ പ്രദർശനത്തിന് ഇന്ന് തുടക്കം

പെരുമ്പടവ്: തളിപ്പറമ്പ് വിദ്യാഭ്യാസ ജില്ലാ മിനി ദിശാ ഉന്നത വിദ്യാഭ്യാസ പ്രദർശനം ഇന്നും നാളെയും വെള്ളോറ ടാഗോർ മെമ്മോറിയൽ ഹയർ സെക്കൻഡറി സ്കൂളിൽ നടക്കും. ഇന്ന് രാവിലെ പത്തിന് ഹയർസെക്കൻഡറി കണ്ണൂർ ആർഡിഡിഎ കെ. വിനോദ്കുമാർ ഉദ്ഘാടനം ചെയ്യും. തളിപ്പറമ്പ് ഡിഇഒ എസ്. വന്ദന മുഖ്യാതിഥിയായിരിക്കും. വിവിധ വിഷയങ്ങളിൽ കരിയർ വിദഗ്ധർ നയിക്കുന്ന സെമിനാറുകൾ, വിദ്യാർഥികൾക്കായി അഭിരുചി പരീക്ഷ, കരിയർ മേഖലയിലെ ആഗോള പ്രവണതകൾ എന്ന വിഷയത്തിൽ വിദ്യാർഥികളുടെ പ്രബന്ധാവതരണം എന്നിവ നടക്കും. നാളെ സമാപന സമ്മേളനം എരമം-കുറ്റൂർ പഞ്ചായത്ത് പ്രസിഡന്‍റ് ടി.ആർ. രാമചന്ദ്രൻ ഉദ്ഘാടനം ചെയ്യും.50 സ്കൂളുകളിൽ നിന്നായി 5000 ഓളം വിദ്യാർഥികൾ പ്രദർശനത്തിനെത്തുമെന്ന് ഭാരവാഹികൾ പത്രസമ്മേളനത്തിൽ അറിയിച്ചു. പ്രിൻസിപ്പൽ പി. ദാമോദരൻ, മുഖ്യാധ്യാപിക സി.എ. ഗീത, എം.കെ. ശിവപ്രകാശ്, കെ.സി. രാജൻ, എം. രാജേഷ്, ഡോ. പി. ഷാജു, കെ.ബി. രതീഷ്കുമാർ എന്നിവർ പത്രസമ്മേളനത്തിൽ പങ്കെടുത്തു.

യൂത്ത് കോൺഗ്രസ് ജില്ലാതല യംഗ് ഇന്ത്യ കാമ്പയിന് ഇന്ന് തുടക്കം

കണ്ണൂർ: ജില്ലയിലെ യുവാക്കൾ നേരിടുന്ന പ്രശ്നങ്ങൾ നേരിട്ട് കേൾകുന്നതിനായും യൂത്ത് കോൺഗ്രസ് സംഘടന സംവിധാനം ശക്തിപ്പെടുത്തുന്നതിനായും വിപുലമായ പദ്ധതികൾ ആവിഷ്ക്കരിച്ച് 23 ബ്ലോക്ക് തലങ്ങളിലേക്ക് ജില്ലാ പ്രസിഡന്‍റും വൈസ് പ്രസിഡന്‍റുമാരും നടത്തുന്ന യംഗ് ഇന്ത്യ 2.0 പര്യടനത്തിന്‍റെ ഉദ്‌ഘാടനം ഇന്ന് നടക്കും. ഇരിട്ടിയിൽ വൈകുന്നേരം നാലിന് ജില്ലാ പ്രസിഡന്‍റ് വിജിൽ മോഹനന്‍റെ അധ്യക്ഷതയിൽ സംസ്ഥാന വൈസ് പ്രസിഡന്‍റ് ഒ.ജെ. ജെനീഷ് ഉദ്ഘാടനം നിർവഹിക്കും.വാർഡ് - മണ്ഡലം തല പ്രതിനിധികളാണ് ബ്ലോക്ക് തലങ്ങളിലെ പരിപാടിയിൽ പങ്കെടുക്കുന്നത്.ഒരു ദിവസം ഒരു ബ്ലോക്കിൽ എന്ന നിലയിൽ ആണ് പരിപാടി ആവിഷ്കരിച്ചിരിക്കുന്നത്. ഞായറാഴ്ച കളിൽ രണ്ട്‌ ബ്ലോക്കിൽ പരിപാടി നടക്കും.

ADVERTISEMENT

ADVERTISEMENT

ADVERTISEMENT

ADVERTISEMENT

ADVERTISEMENT

ആമസോണ്‍ ഓഫറുകളറിയാന്‍
ലിങ്കില്‍ ക്ലിക്ക് ചെയ്യുക

ADVERTISEMENT

More from other section

ADVERTISEMENT

LATEST NEWS

ADVERTISEMENT

ADVERTISEMENT

Quick Links

About Us Deepika E-Paper E-Shopping Karshakan Rashtradeepika Movies Tech @ Deepika

Business Deepika Viral Tax Letters University News Auto Spot Cartoon Scope

Matrimonial Special News Special Feature Calendar Samskarikam Career Deepika English Edition

Deepika Charity Health Sthreedhanam Responses Daily Quiz Youth Special Court Notice

Kuttikalude Deepika Deepika News Videos Out of Range US News Gulf News Student Reporter Classifieds

Children's Digest Today's Story Religion Book Review Sunday Deepika Send your greetings Online Advertising

Rashtra Deepika LTD

Chairman - Dr. Francis Cleetus MD - Michael Vettickatt Chief Editor - George Kudilil

Tel: +91 481 2566706 ,2566707,2566708

Privacy policy Terms and conditions for online payment

Copyright © 2025 , RDL. All rights reserved To access reprinting rights, please contact [email protected]