ADVERTISEMENT

ADVERTISEMENT

നടവയൽ സെന്‍റ് തോമസ് ഹൈസ്കൂളിൽ പ്രവേശനോത്സവം നടത്തി

നടവയൽ: സെന്‍റ് തോമസ് ഹൈസ്കൂളിൽ പ്രവേശനോത്സവം നടത്തി. നവാഗതർക്ക് സമ്മാനങ്ങളും പായസവും നൽകി.

കേരള നാടക-സംഗീത അക്കാദമി 2024ലെ മികച്ച നടനായി തെരഞ്ഞെടുത്ത പൂർവവിദ്യാർഥി ജോണ്‍സണ്‍ ഐക്കര ഉദ്ഘാടനം ചെയ്തു. മാനേജർ ആർച്ച് പ്രീസ്റ്റ് ഫാ.ഗർവാസീസ് മറ്റം അധ്യക്ഷത വഹിച്ചു.

ഹെഡ്മാസ്റ്റർ ഇ.കെ. വർഗീസ്, ഹയർ സെക്കൻഡറി പ്രിൻസിപ്പൽ ആന്േ‍റാ വി. തോമസ്, വിൻസന്‍റ് ചേരവേലിൽ, ജിൻസി, അന്നക്കുട്ടി ഉണ്ണിക്കുന്നേൽ, സിസ്റ്റർ ബിന്ദു എന്നിവർ പ്രസംഗിച്ചു. സ്ഥലംമാറിപ്പോകുന്ന അധ്യാപകർക്കും അനധ്യാപകർക്കും ആശംസ നേർന്നു.

ADVERTISEMENT

പഠനോപകരണ വിതരണം നടത്തി

വടുവൻചാൽ: വൈഎംസിഎ യൂണിറ്റും സെന്‍റ് തോമസ് മാർത്തോമാ ചർച്ചും സംയുക്തമായി ചിത്രഗിരി ജിഎൽപി സ്കൂളിലെ കുട്ടികൾക്കു പഠനോപകരണങ്ങൾ നൽകി. ഇതിനു സംഘടിപ്പിച്ച സമ്മേളനം മുപ്പൈനാട് പഞ്ചായത്ത് പ്രസിഡന്‍റ് വി.ആർ. ഉണ്ണിക്കൃഷ്ണൻ ഉദ്ഘാടനം ചെയ്തു. വാർഡ് അംഗം ദീപ ശശികുമാർ അധ്യക്ഷത വഹിച്ചു. മാർത്തോമാ ചർച്ച് വികാരിയും വൈഎംസിഎ രക്ഷാധികാരിയുമായ ഫാ. ലിജോ അലക്സ് വർഗീസ്, വൈഎംസിഎ പ്രസിഡന്‍റ് എബി പോൾ എന്നിവർ പഠനോപകരണങ്ങൾ വിദ്യാലയത്തിന് കൈമാറി. വൈഎംസിഎ സെക്രട്ടറി കെ.എം. ജോസ്, ട്രഷറർ ജോണ്‍സണ്‍ തൊഴുത്തുങ്കൽ, ഇടവക സെക്രട്ടറി സജി മാത്യു, എസ്എംസി ചെയർമാൻ സുനിത്ത് എന്നിവർ പ്രസംഗിച്ചു. ഹെഡ്മിസ്ട്രസ് ഇൻ ചാർജ് ദിവ്യ വിനോദ് സ്വാഗതവും പിടിഎ പ്രസിഡന്‍റ് പ്രദീപ് തുറയംകുന്നേൽ നന്ദിയും പറഞ്ഞു.

തെരുവുനായ ആക്രമണഭീതിയിൽ മാനന്തവാടി നഗരവാസികൾ

മാനന്തവാടി: തെരുവനായ ആക്രമണഭീതിയിൽ മാനന്തവാടി നഗരവാസികൾ. കഴിഞ്ഞ ദിവസങ്ങളിൽ നഗരത്തിൽ രണ്ടുപേർക്ക് നായയുടെ കടിയേറ്റു. ലോട്ടറിക്കച്ചവടക്കാരനെയും വയോധികനെയുമാണ് നായ ആക്രമിച്ചത്. ഇരുവർക്കും ഗവ.മെഡിക്കൽ കോളജ് ആശുപത്രിയിൽ ചികിത്സ നേടേണ്ടിവന്നു. തെരുവുനായ പ്രശ്നം പരിഹരിക്കുന്നതിന് നഗരസഭ രംഗത്തുവന്നിട്ടുണ്ട്. അക്രമകാരികളായ തെരുവുനായകളിൽനിന്നു ജനങ്ങളുടെ സുരക്ഷ ഉറപ്പുവരുത്തുമെന്ന് മുനിസിപ്പൽ വൈസ് ചെയർമാൻ ജേക്കബ് സെബാസ്റ്റ്യൻ പറഞ്ഞു.

ജനവാസ മേഖലയിലിറങ്ങുന്ന വന്യ മൃഗങ്ങളെ വെടിവച്ചുകൊല്ലണം: കോണ്‍ഗ്രസ് പുൽപ്പള്ളി മണ്ഡലം കമ്മിറ്റി

പുൽപ്പള്ളി: കർഷകരുടെ കൃഷിയിടങ്ങളിൽ നാശം വിതയ്ക്കുന്ന വന്യമൃഗങ്ങളെ വെടിവച്ച് കൊല്ലാൻ നടപടി വേണമെന്ന് കോണ്‍ഗ്രസ് പുൽപ്പള്ളി മണ്ഡലം കമ്മിറ്റി യോഗം ആവശ്യപ്പെട്ടു. കർഷകർ അധ്വാനിച്ചുണ്ടാക്കുന്ന കാർഷിക വിളകൾ വന്യമൃഗങ്ങൾ നശിപ്പിക്കുന്പോൾ കർഷകരുടെ ജീവനോ സ്വത്തിനോ പുല്ലുവില കൽപ്പിക്കാത്ത വനം വകുപ്പും അതിനെ പ്രോത്സാഹിപ്പിക്കുന്ന സമീപനം കേന്ദ്ര, സംസ്ഥാന സർക്കാരുകളും തുടരുകയാണ്. വന്യമൃഗങ്ങൾ നാട്ടിൽ ഇറങ്ങുന്നത് തടയുന്നതിന് ഫലപ്രദമായ പ്രതിരോധ മാർഗങ്ങൾ നടപ്പാക്കുന്നതിന് പകരം വനസംരക്ഷണത്തിന്‍റെ പേരിൽ ഭീമമായ തുക വനംവകുപ്പ് അന്യായമായി ചെലവിടുകയാണ്. കർഷകരുടെയും പൊതുജനങ്ങളുടെയും ജീവനും സ്വത്തിനും ഭീഷണിയായ വന്യമൃഗങ്ങളെ മറ്റു നാടുകളിൽ നടപ്പാക്കിയ മാതൃകയിൽ വെടിവച്ചുകൊന്ന് നിയന്ത്രണം ഏർപ്പെടുത്തണമെന്ന് മണ്ഡലം കമ്മിറ്റി ആവശ്യപ്പെട്ടു. കെപിസിസി എക്സിക്യുട്ടീവ് അംഗം കെ.എൽ. പൗലോസ് യോഗം ഉദ്ഘാടനം ചെയ്തു. മണ്ഡലം പ്രസിഡന്‍റ് പി.ഡി. ജോണി അധ്യക്ഷത വഹിച്ചു. പഞ്ചായത്ത് പ്രസിഡന്‍റ് ടി.എസ്. ദിലീപ് കുമാർ, ഡിസിസി ജനറൽ സെക്രട്ടറി എൻ.യു. ഉലഹന്നാൻ, വി.എം. പൗലോസ്, ജിനി തോമസ്, പി.എൻ. ശിവൻ, കെ.എം. എൽദോസ്, എം.യു. ജോർജ് എന്നിവർ പ്രസംഗിച്ചു.

വിദ്യാർഥികളുടെ യാത്ര: കണ്‍സഷൻ കാർഡ് ഏകീകൃതമാക്കാൻ തീരുമാനം

കൽപ്പറ്റ: വിദ്യാർഥികൾക്കുള്ള യാത്രാ കണ്‍സഷൻ കാർഡ് ഏകീകൃതമാക്കാനും തിരിച്ചറിയൽ കാർഡിൽ ബസ് റൂട്ട് വിവരങ്ങൾ ഉൾപ്പെടുത്താനും സ്റ്റുഡന്‍റസ് ട്രാവലിംഗ് ഫെസിലിറ്റി കമ്മിറ്റി തീരുമാനിച്ചു. വിദ്യാർഥികളുടെ യാത്രാപ്രശ്നങ്ങളും കണ്‍സഷൻ കാർഡ് വിതരണവുമായി ബന്ധപ്പെട്ട വിഷയങ്ങളും ചർച്ച ചെയ്യുന്നതിന് എഡിഎം കെ. ദേവകിയുടെ അധ്യക്ഷതയിൽ കളക്ടറേറ്റ് മിനി കോണ്‍ഫറൻസ് ഹാളിൽ ചേർന്ന യോഗത്തിലാണ് തീരുമാനം. 27 വയസിനു മുകളിൽ പ്രായമുള്ളവർ വരെ വ്യാജ രേഖയിൽ കണ്‍സഷൻ കൈപ്പറ്റുന്നതായി ജില്ലാ പ്രൈവറ്റ് ബസ് ഓപ്പറേറ്റേഴ്സ് അസോസിയേഷൻ പ്രതിനിധികൾ യോഗത്തിൽ ആരോപിച്ചു. ഇത്തരം കാർഡുകൾ കണ്ടെത്തിയാൽ റദ്ദാക്കാൻ റീജണൽ ട്രാൻസ്പോർട്ട് ഓഫീസർക്ക് എഡിഎം നിർദേശം നൽകി. അംഗീകാരമില്ലാത്ത വിദ്യാഭ്യാസ സ്ഥാപനങ്ങൾ കണ്ടെത്തുന്നതിന് പ്രത്യേക കമ്മിറ്റി രൂപീകരിക്കണമെന്ന് മാനന്തവാടി ജോയിന്‍റ് ആർടിഒ(ഇൻ ചാർജ്) സി.പി ബാബുരാജൻ നിർദേശിച്ചു. കണ്‍സഷനു കെഎസ്ആർടിസിക്ക് നൽകുന്ന അപേക്ഷകൾ സ്വീകരിക്കാത്ത സാഹചര്യം പരിശോധിക്കണമെന്നും ആവശ്യാനുസരണം അധിക റൂട്ട് അനുവദിച്ച് പാസുകൾ വർധിപ്പിക്കണമെന്നും വിദ്യാർഥി സംഘടനാ പ്രതിനിധികൾ ആവശ്യപ്പെട്ടു. ഇന്‍റേണ്‍ഷിപ്പ്, ട്രെയിനിംഗ് വിദ്യാർഥികളെ കണ്‍സഷന് പരിഗണിക്കണമെന്ന ആവശ്യവും അവർ ഉന്നയിച്ചു. റീജിയണൽ ട്രാൻസ്പോർട്ട് ഓഫീസർ പി.ആർ. സുമേഷ്, സബ് ഇൻസ്പെക്ടർ എ.പി. മോഹനൻ, ബത്തേരി ജോയിന്‍റ് ആർടിഒ കെ.ആർ. ജയദേവൻ, ജില്ലാ വിദ്യാഭ്യാസ ഓഫീസ് ജൂണിയർ സൂപ്രണ്ട് പി.പി. രഞ്ജിത്ത്, കഐസ്ആർടിസി ഇൻസ്പെക്ടർ സി. കൃഷ്ണൻ തുടങ്ങിയവരും പങ്കെടുത്തു.

’ഓൾ ആർ ഗ്രേറ്റ്’ പദ്ധതി: തരിയോട് നിർമല ഹൈസ്കൂളിൽ എസ്എസ്എൽസി വിജയികളെ ആദരിച്ചു

തരിയോട്: ’ഓൾ ആർ ഗ്രേറ്റ്’ പദ്ധതിയുടെ ഭാഗമായി നിർമല ഹൈസ്കൂളിൽ എസ്എസ്എൽസി വിജയികളെ പിടിഎയുടെ നേതൃത്വത്തിൽ ആദരിച്ചു. വിദ്യാർഥികൾക്ക് മധുരവും മെമന്‍റോയും നൽകി. ഇക്കഴിഞ്ഞ അധ്യയനവർഷം 319 വിദ്യാർഥികളാണ് സ്കൂളിൽ എസ്എസ്എൽസി എഴുതിയത്. എല്ലാവരും തുടർപഠനത്തിനു യോഗ്യത നേടി. 50 കുട്ടികൾ എല്ലാ വിഷയങ്ങളിലും എ പ്ലസ് കരസ്ഥമാക്കി. എല്ലാ വിദ്യാർഥികളും സവിശേഷ കഴിവും മികവും ഉള്ളവരാണെന്ന യാഥാർഥ്യത്തിൽ ഊന്നിയാണ് വിദ്യാലയത്തിൽ ’ഓൾ ആർ ഗ്രേറ്റ്’ പദ്ധതി നടപ്പാക്കിയത്. ടി. സിദ്ദിഖ് എംഎൽഎ ഉദ്ഘാടനം ചെയ്തു. മാനേജർ ഫാ. തോമസ് പ്ലാശനാൽ അധ്യക്ഷത വഹിച്ചു. പഞ്ചായത്ത് പ്രസിഡന്‍റ് ഷമീം പാറക്കണ്ടി മുഖ്യപ്രഭാഷണം നടത്തി. മെമന്‍റോ വിതരണം അദ്ദേഹം നിർവഹിച്ചു. വാർഡ് അംഗം സിബിൾ എഡ്വേർഡ്, ഹെഡ്മാസ്റ്റർ ജോബി മാനുവൽ, പിടിഎ പ്രസിഡന്‍റ് ഡെൻസി ജോണ്‍, എംപിടിഎ പ്രസിഡന്‍റ് ദിവ്യ പ്രതീഷ്, ഷിജു മാതു, പി.ജി. ഷീബ, എൻ.കെ. ജോഷി, ജയ പി. മാത്യു, വിദ്യാർഥിനി ഫാത്തിമ ലുബാബ എന്നിവർ പ്രസംഗിച്ചു.

തദ്ദേശ സ്ഥാപനങ്ങളോട് സർക്കാർ നീതി പുലർത്തണം: ടി. സിദ്ദിഖ് എംഎൽഎ

കൽപ്പറ്റ: തദ്ദേശ സ്ഥാപനങ്ങളോട് സർക്കാർ നീതി പുലർത്തണമെന്ന് ടി. സിദ്ദിഖ് എംഎൽഎ. മണ്ഡലം കോണ്‍ഗ്രസ് കമ്മിറ്റി സംഘടിപ്പിച്ച വികസന സെമിനാർ ഉദ്ഘാടനം ചെയ്യുകയായിരുന്നു അദ്ദേഹം. പ്ലാൻ ഫണ്ടുകൾ വെട്ടിക്കുറച്ച് തദ്ദേശ സ്ഥാപനങ്ങളുടെ പ്രാദേശിക വികസന പ്രവർത്തനങ്ങളും പദ്ധതികളും സർക്കാർ അട്ടിമറിക്കുകയാണെന്ന് സിദ്ദിഖ് പറഞ്ഞു. മണ്ഡലം പ്രസിഡന്‍റ് ഗിരീഷ് കൽപ്പറ്റ അധ്യക്ഷത വഹിച്ചു. പി.പി. ആലി, ടി.ജെ. ഐസക്, ബിനു തോമസ്, ബി. സുരേഷ്ബാബു, സി. ജയപ്രസാദ്, പി. വിനോദ്കുമാർ, കെ.കെ. രാജേന്ദ്രൻ, കെ. രാംകുമാർ, ഹർഷൽ കോന്നാടൻ, എസ്. മണി, ബിന്ദു ജോസ്, പി.ആർ. ബിന്ദു, കെ.എം. സുധാദേവി, പി. രാജാറാണി, സുബൈർ ഓണിവയൽ, ഒ.പി. മുഹമ്മദുകുട്ടി, കരിയാടൻ ആലി, ഡിന്‍റോ ജോസ്, മുഹമ്മദ് ഫെബിൻ, സുനീർ ഇത്തിക്കൽ, കെ. വാസു എന്നിവർ പ്രസംഗിച്ചു. മുട്ടിൽ: മണ്ഡലം കോണ്‍ഗ്രസ് കമ്മിറ്റി മിഷൻ-2025 വികസന സെമിനാർ പഞ്ചായത്ത് കമ്മ്യൂണിറ്റി ഹാളിൽ നടത്തി. ഡിസിസി പ്രസിഡന്‍റ് എൻ.ഡി. അപ്പച്ചൻ ഉദ്ഘാടനം ചെയ്തു. മണ്ഡലം പ്രസിഡന്‍റ് ജോയി തൊട്ടിത്തറ അധ്യക്ഷത വഹിച്ചു. സമാപന സമ്മേളനം ടി. സിദ്ദിഖ് എംഎൽഎ ഉദ്ഘാടനം ചെയ്തു. പി.പി. ആലി മുഖ്യപ്രഭാഷണം നടത്തി. ഡിസിസി ജനറൽ സെക്രട്ടറി എം.ജി. ബിജു, ദളിത് കോണ്‍ഗ്രസ് സംസ്ഥാന ജനറൽ സെക്രട്ടറി കെ. രാംകുമാർ, എം.ഒ. ദേവസ്യ, സുന്ദർരാജ് എടപ്പെട്ടി, മോഹൻദാസ് കോട്ടക്കൊല്ലി, കെ. പദ്മനാഭൻ, ഫൈസൽ പാപ്പിന, ഷിജു ഗോപാൽ, ചന്ദ്രിക കൃഷ്ണൻ, എ. സജീവൻ, ശ്രീദേവി ബാബു, ശശി പന്നിക്കുഴി, ഉഷ തന്പി, വിനായകൻ, എം.കെ. നന്ദിഷ്, വർക്കി പാലാട്ടിൽ, പി.കെ. കുഞ്ഞമ്മദ് എന്നിവർ പ്രസംഗിച്ചു. കോട്ടത്തറ: മണ്ഡലം കോണ്‍ഗ്രസ് കമ്മിറ്റി വെണ്ണിയോട് പഞ്ചായത്ത് കമ്മ്യൂണിറ്റി ഹാളിൽ വികസന സെമിനാർ നടത്തി. ടി. സിദ്ദിഖ് എംഎൽഎ ഉദ്ഘാടനം ചെയ്തു. മണ്ഡലം പ്രസിഡന്‍റ് സി.സി. തങ്കച്ചൻ അധ്യക്ഷത വഹിച്ചു. ഡിസിസി പ്രസിഡന്‍റ് എൻ.ഡി. അപ്പച്ചൻ മുഖ്യപ്രഭാഷണം നടത്തി. കെപിസിസി അംഗം പി.പി. ആലി, അഡ്വ.എം. വേണുഗോപാൽ, എം.ജി. ബിജു, പി.കെ. അബ്ദുറഹ്മാൻ, പി. ശോഭനകുമാരി, പോൾസണ്‍ കൂവക്കൽ, പി.പി. റെനീഷ്, ഹണി ജോസ്, പുഷ്പസുന്ദരൻ, ഇ.കെ. വസന്ത, പി.എൽ. അനീഷ്, സെമിനാർ കോ ഓർഡിനേറ്റർ സുരേഷ്ബാബു വാളൽ എന്നിവർ പ്രസംഗിച്ചു.

പ്രവേശനോത്സവവും ലോഗോ പ്രകാശനവും നടത്തി

തരിയോട്: സെന്‍റ് മേരീസ് യ.പി സ്കൂളിൽ പ്രവേശനോത്സവവും വിദ്യാലയത്തിന്‍റെ പുതിയ പദ്ധതിയായ ’എല്ലാവരും എഴുതുന്നു, വായിക്കുന്നു’ പദ്ധതിയുടെ ലോഗോ പ്രകാശനവും നടത്തി. വാർഡ് അംഗം ഗോപിനാഥൻ പ്രവേശനോത്സവം ഉദ്ഘാടനം ചെയ്തു. മാനേജർ ഫാ.തോമസ് പ്ലാശനാൽ അധ്യക്ഷത വഹിച്ചു. ലോഗോ പ്രകാശനം അദ്ദേഹം നിർവഹിച്ചു. പിടിഎ പ്രസിഡന്‍റ് പയസ് മാത്യു, എംപിടിഎ പ്രസിഡന്‍റ് ഷബ്ബാന അബ്ബാസ് എന്നിവർ പ്രസംഗിച്ചു. എൽഎസ്എസ്, യുഎസ്എസ്, സംസ്കൃതം സ്കോളർഷിപ്പ് വിജയികളെ ആദരിച്ചു. ഹെഡ്മാസ്റ്റർ സജി ജോണ്‍ സ്വാഗതവും പ്രോഗ്രാം കണ്‍വീനർ അജീഷ് നന്ദിയും പറഞ്ഞു. വിദ്യാലയത്തിലെ മുഴുവൻ പഠിതാക്കളെയും എഴുത്തിലും വായനയിലും മുൻപന്തിയിൽ എത്തിക്കുന്നതിനു ആവിഷ്കരിച്ചതാണ് ’എല്ലാവരും എഴുതുന്നു, വായിക്കുന്നു’ പദ്ധതി.

ആന്‍റി മൈക്രോബിയൽ റെസിസ്റ്റൻസ് വിജയകരമായി നടപ്പാക്കണം: എകെസിഡിഎ

സുൽത്താൻ ബത്തേരി: ആന്‍റി മൈക്രോബിയൽ റെസിസ്റ്റൻസ് വിജയകരമായി നടപ്പാക്കുന്നതിന് പൊതു ജനങ്ങളിൽ അവബോധം സൃഷ്ടിക്കാൻ ആരോഗ്യവകുപ്പ് കാര്യക്ഷമമായി പ്രവർത്തിക്കണമെന്ന് വ്യാപാര ഭവൻ ഹാളിൽ ചേർന്ന ഓൾ കേരള കെമിസ്റ്റ്സ് ആൻഡ് ഡ്രഗിസ്റ്റ്സ് അസോസിയേഷൻ(എകെസിഡിഎ) ജില്ലാ വാർഷിക ജനറൽ ബോഡി യോഗം ആവശ്യപ്പെട്ടു. സംസ്ഥാന പ്രസിഡന്‍റ് എ.എൻ. മോഹൻ ഉദ്ഘാടനം ചെയ്തു. ജില്ലാ പ്രസിഡന്‍റ് സി.പി. ജോയിക്കുട്ടി അധ്യക്ഷത വഹിച്ചു. അസോസിയേഷൻ അംഗങ്ങളുടെ മക്കളിൽ എസ്എസ്എൽസി, പ്ലസ്ടു പരീക്ഷകളിൽ മികച്ച വിജയം നേടിയവരെയും ഉന്നത വിദ്യാഭ്യാസത്തിന് അർഹരായവരെയും കാഷ് അവാർഡും മെമന്‍റോയും നൽകി ആദരിച്ചു. എ.എൽ. ജയരാജ്, എ. അൻവർ, വി.ബി. വിനയ്, എ. അരവിന്ദാക്ഷൻ, പി. ജമാലുദ്ദീൻ, സി. ഹാഫിസ്, പി.ജെ. ഷാജു എന്നിവർ പ്രസംഗിച്ചു. 2025-28ലേക്കുള്ള ഭാരവാഹികളായി സി.പി. ജോയിക്കുട്ടി(പ്രസിഡന്‍റ്), എ.കെ. രാമകൃഷ്ണൻ(സെക്രട്ടറി), പി. ജമാലുദ്ദീൻ(ട്രഷറർ) എന്നിവരെ തെരഞ്ഞെടുത്തു.

പച്ചക്കുടചൂടി മാനികാവ് എൻഎഎ യുപി സ്കൂൾ

കൽപ്പറ്റ: പച്ചക്കുടചൂടി ഒരു വിദ്യാലയം. മീനങ്ങാടിക്കടുത്ത് മാനികാവിലുള്ള എൻഎഎ യുപി സ്കൂൾ വളപ്പിലാണ് ഹരിതകാന്തി തിരതല്ലുന്നത്. നാലര ഏക്കർ വളപ്പിൽ വർഷങ്ങളായി തുടരുന്ന വൃക്ഷ-സസ്യ സംരക്ഷണ പ്രവർത്തനങ്ങൾ ഈ വിദ്യാലയത്തെ പ്രകൃതിസ്നേഹികളുടെ ശ്രദ്ധാകേന്ദ്രമായി മാറ്റിയിരിക്കയാണ്. മാനികാവ് സ്കൂളിലെത്തുന്നവർക്ക് സ്വാഭാവിക വനത്തിലെത്തിയ പ്രതീതിയാണ് അനുഭവപ്പെടുക. വിദ്യാലയവളപ്പിൽ കെട്ടിടങ്ങളും കളിസ്ഥലവും ഒഴികെ ഭാഗങ്ങൾ വൃക്ഷ-സസ്യ സന്പന്നമാണ്. മാവ്, പ്ലാവ്, അരയാൽ, വെണ്ടേക്ക്, കുമിഴ്, നീർമരുത്, മഴമരം, ഗുൽമോഹർ, പെരിവട്ട... ഇങ്ങനെ നീളുന്ന വൃക്ഷനിരയും ഔഷധ പ്രാധാന്യമുള്ളതടക്കം സസ്യങ്ങളും മുളങ്കൂട്ടങ്ങളും വിദ്യാലയവളപ്പിനെ ഹരിതസമൃദ്ധമാക്കുകയാണ്. സ്കൂൾ വളപ്പിൽ തലയെടുപ്പോടെ നിൽക്കുന്ന നാട്ടുമാവ് മനോഹര കാഴ്ചയാണ്. വിദ്യാലയവളപ്പിനുചുറ്റും നട്ടുവളർത്തിയ മുളങ്കൂട്ടങ്ങൾക്കിടയിലൂടെ നിർമിച്ച നടപ്പാതയിൽ പ്രഭാത-സായാഹ്ന സവാരിക്ക് എത്തുന്നവർ നിരവധി. വൃക്ഷങ്ങളുടെ ഗാംഭീര്യം വർധിപ്പിക്കുന്ന സംരക്ഷണത്തറകളിൽ വിശ്രമിക്കാനെത്തുന്നവരും ധാരാളം. പട്ടികവർഗത്തിലെ കുണ്ടുവാടിയൻ വിഭാഗത്തിൽപ്പെട്ട പേ മുത്തൻ 1952ൽ ആരംഭിച്ചതാണ് മാനികാവിലെ വിദ്യാലയം. വർഷങ്ങൾക്കുശേഷം മാനികാവ് ദേവസ്വം ഏറ്റെടുത്ത വിദ്യാലയം 1957ലാണ് യുപിയായി ഉയർത്തിയത്. മാനികാവ് ദേവസ്വം എക്സിക്യുട്ടീവ് ഓഫീസറാണ് സ്കൂൾ മാനേജർ. 1986 മുതൽ വിദ്യാലയത്തിൽ നടന്നുവരുന്നതാണ് ജൈവ വൈവിധ്യ സംരക്ഷണ പ്രവർത്തനങ്ങൾ. നേച്ചർ ക്ലബിന്‍റെ നേതൃത്വത്തിലാണ് വൃക്ഷ-സസ്യത്തൈകൾ നടുന്നതും പരിപാലിക്കുന്നതും. അഞ്ച്, ആറ്, ഏഴ് ക്ലാസുകളിലെ വിദ്യാർഥികളാണ് പ്രധാനമായും നേച്ചർ ക്ലബുമായി സഹകരിക്കുന്നത്. അധ്യാപകൻ പി.എം. മധുവിനാണ് നിലവിൽ ക്ലബ് ചുമതല. 1998ലാണ് വിദ്യാലയത്തിന്‍റെ അതിരുകളിൽ മുളവത്കരണം ആരംഭിച്ചത്. പ്രധാനാധ്യാപകനായി വിരമിച്ച പി.വി. പൗലോസിന്‍റെ നേതൃത്വത്തിലായിരുന്നു ഇത്. 30ൽപരം ഇനം മുളകൾ വിദ്യാലയവളപ്പിലുണ്ട്. മുള്ളില്ലാ ഇനങ്ങളാണ് അധികവും. വിദ്യാലയവളപ്പിനു ചന്തം പകരാൻ ഈറ്റ, ഓട എന്നിവയും നട്ടുപരിപാലിക്കുന്നുണ്ട്. 2017ൽ അന്നത്തെ ധനമന്ത്രി ഡോ.ടി.എം. തോമസ് ഐസകിന്‍റെ സന്ദർശത്തിനു പിന്നാലെയാണ് വിദ്യാലയത്തിൽ മാസ്റ്റർ പ്ലാൻ തയാറാക്കി വൃക്ഷ-സസ്യ സംരക്ഷണം തുടങ്ങിയത്. മാനികാവിലെ പരിസ്ഥിതി സംരക്ഷണ പരിപാടികൾ അക്കാലത്തെ മീനങ്ങാടി പഞ്ചായത്ത് പ്രസിഡന്‍റ് ബീന വിജയനാണ് മന്ത്രിയുടെ ശ്രദ്ധയിൽപ്പെടുത്തിയത്. പ്രത്യേകം എൻജിനിയറെ നിയോഗിച്ചാണ് സ്കൂൾ മാനേജ്മെന്‍റ് മാസ്റ്റർ പ്ലാൻ തയാറാക്കിയത്. മീനങ്ങാടി പഞ്ചായത്ത്, ഡോ.എം.എസ്. സ്വാമിനാഥൻ ഫൗണ്ടേഷൻ പുത്തൂർവയൽ നിലയം, സാമൂഹിക വനവത്കരണ വിഭാഗം, തണൽ എന്നിവയുടെ പിന്തുണ ജൈവവൈവിധ്യ പരിപോഷണത്തിൽ സ്കൂളിനു ലഭിക്കുന്നുണ്ട്. കവയിത്രി സുഗതകുമാരിയുടെ ഓർമയ്ക്ക് വയനാട് പ്രകൃതി സംരക്ഷണ സമിതിയും ഹ്യും സെന്‍റർ ഫോർ ഇക്കോളജിയും സംയുക്തമായി ഏർപ്പെടുത്തിയ പ്രഥമ പുരസ്കാരം(2021) മാനികാവ് സ്കൂളിനാണ് ലഭിച്ചത്. പരിസ്ഥിതി ദിനത്തിൽ വിദ്യാലയ വളപ്പിലും സ്കൂളിൽനിന്നു പാലക്കമൂലയിലേക്കുള്ള റോഡിന്‍റെ വശങ്ങളിലും പൂച്ചെടികളും ഫലവൃക്ഷങ്ങളുടെയും സസ്യങ്ങളുടെയും തൈകളും നടുമെന്ന് സീനിയർ അസിസ്റ്റന്‍റ് ലവ്മോൻ പറഞ്ഞു.

ഹരിതവത്കരണ പ്രവർത്തനങ്ങളിൽ മാതൃകയായി സിറ്റി ക്ലബ്

പുൽപ്പള്ളി: ഹരിതവത്കരണ പരിപാടികളിൽ മാതൃകയായി വയനാട് സിറ്റിക്ലബ്ബ്. കഴിഞ്ഞ ഏഴ് വർഷക്കാലത്തിനിടയിൽ പതിനായിരക്കണക്കിന് വൃക്ഷത്തൈകളാണ് ഇതിനകം തന്നെ ക്ലബ്ബിന്‍റെ നേതൃത്വത്തിൽ വീടുകളിൽ നേരിട്ടെത്തി കൈമാറിയത്. പരിസ്ഥിതി ദിനാചരണത്തിന്‍റെ ഭാഗമായി മാത്രമല്ല, വിവിധ പരീക്ഷകളിൽ മികച്ച വിജയം നേടിയവർ, വിവിധ നേട്ടങ്ങൾ, പുരസ്ക്കാരങ്ങൾ നേടിയവർ എന്നിവർക്കെല്ലാം സിറ്റിക്ലബ്ബ് ഉപഹാരമായി നൽകാറുള്ളത് വൃക്ഷത്തൈകളാണ്. സിറ്റിക്ലബ്ബ് സന്നദ്ധപ്രവർത്തനങ്ങളിലും സജീവമാണ്. ഒൗഷധസസ്യങ്ങൾ, ഫലവൃക്ഷങ്ങൾ എന്നിവക്കാണ് ഏറ്റവും കൂടുതൽ പ്രാധാന്യം നൽകുന്നത്. ഓരോ കാലാവസ്ഥക്കും അനുസൃതമായി കൃഷിയിടത്തിൽ നടേണ്ട ഒൗഷധസസ്യങ്ങൾ, ഫലവൃക്ഷങ്ങൾ എന്നിവയെല്ലാം എത്തിച്ച് നൽകാൻ വയനാട് സിറ്റിക്ലബ്ബിന് സാധിച്ചിട്ടുണ്ട്. ക്ലബ്ബിലെ അംഗങ്ങളുടെയും കുടുംബാംഗങ്ങളുടെയും ജൻമദിനം, വിവാഹവാർഷികം, മറ്റ് ആഘോഷച്ചടങ്ങുകൾ എന്നിവക്കെല്ലാം വൃക്ഷത്തൈകളാണ് ഉപഹാരമായി നൽകുന്നത്. അതോടൊപ്പം തന്നെ വിദ്യാലയങ്ങൾക്കും, ക്ലബ്ബുകൾക്കും വൃക്ഷത്തൈ നൽകിവരുന്നുണ്ട്. ജില്ലയിലെ വിവിധ നഴ്സറികളിൽ നിന്നാണ് ഗുണമേ·യുള്ള വൃക്ഷത്തൈകൾ ഹരിതവത്ക്കരണ പരിപാടികൾക്കായി ക്ലബ്ബ് എത്തിക്കുന്നത്. കഴിഞ്ഞ സർക്കാരിന്‍റെ കാലത്ത് അന്നത്തെ ധനമന്ത്രി ടി എം തോമസ് ഐസക്, കൃഷിമന്ത്രി വി എസ് സുനിൽകുമാർ എന്നിവർ ക്ലബ്ബ് ഭാരവാഹികളെ അനുമോദിച്ചിരുന്നു. ബ്ലോക്ക്, ഗ്രാമപഞ്ചായത്തുകളുടെ ഒട്ടേറെ അംഗീകാരങ്ങളും ഇക്കാലത്തിനിടയിൽ ക്ലബ്ബിനെ നേടിയെത്തിയിട്ടുണ്ട്. കൂട്ടായ്മയിലെ അംഗങ്ങൾ ചെറിയ തുകകൾ മുടക്കിയാണ് പ്രവർത്തനങ്ങൾ നടത്തുന്നത്. ക്ലബ്ബിന്‍റെ പ്രവർത്തനങ്ങൾ മനസിലാക്കി അംഗങ്ങളുടെ സുഹൃത്തുക്കളും മറ്റും വൃക്ഷത്തൈകൾ വാങ്ങി നൽകാറുണ്ടെന്നും ഭാരവാഹികളായ ബെന്നി മാത്യു, സി.ഡി. ബാബു എന്നിവർ പറഞ്ഞു. ജനപ്രതിനിധികൾ, കർഷകർ, സാമൂഹ്യ പ്രവർത്തകരുൾപ്പടെയുള്ളവരാണ് ക്ലബിലെ അംഗങ്ങൾ.

അന്താരാഷ്‌ട്ര പരിസ്ഥിതിദിനം: ഗ്രീൻ കേരള റൈഡുമായി തദ്ദേശ വകുപ്പ്

കൽപ്പറ്റ: അന്താരാഷ്ട്ര പരിസ്ഥിതി ദിനത്തിൽ ഗ്രീൻ കേരള റൈഡുമായി തദ്ദേശ സ്വയംഭരണ വകുപ്പ്. കാർബണ്‍ എമിഷൻ കുറയ്ക്കുകയെന്ന ലക്ഷ്യത്തോടെയാണ് പരിസ്ഥിതി ദിനത്തിൽ തദ്ദേശസ്വയം ഭരണ വകുപ്പ് ഗ്രീൻ കേരള റൈഡ് സംഘടിപ്പിക്കുന്നത്. ഒന്നിച്ചിറങ്ങാം, കാർബണ്‍ കുറയ്ക്കാം എന്ന സന്ദേശവുമായി കാർബണ്‍ ന്യൂട്രൽ വയനാട് ബോധവത്കരണ കാന്പയിന്‍റെ ഭാഗമായി ജില്ലാ കളക്ടർ ഡി.ആർ. മേഘശ്രീ ഇന്നു രാവിലെ 9.30ന് ഓഫീസിലേക്കുള്ള ഔദ്യോഗിക യാത്രയ്ക്ക് കമ്മ്യൂണിറ്റി പൂളിംഗിന്‍റെ ഭാഗമായി തെരഞ്ഞെടുത്ത പൊതുഗതാഗതമാർഗം ഉപയോഗിക്കും. ഗ്രീൻ കേരള റൈഡിന്‍റെ ഭാഗമായി കളക്ടറേറ്റിലെ ജീവനക്കാർ ഡീസൽ, പെട്രോൾ വാഹനങ്ങൾ ഒഴിവാക്കി പൊതുഗതാഗത സൗകര്യങ്ങൾ, ഇലക്ട്രിക് വാഹങ്ങൾ, സൈക്കിൾ, കാൽനട യാത്ര മാർഗങ്ങളാൽ ഓഫീസുകളിലെത്തും. ത്രിതല പഞ്ചായത്തുകളിലെ ജീവനക്കാരും ജനപ്രതിനിധികളും ബോധവത്കരണ കാന്പയിന്‍റെ ഭാഗമായി പ്രവർത്തിക്കും. ജീവനക്കാർക്ക് ഒരുമിച്ച് യാത്രചെയ്യാൻ ഒരു വാഹനം ക്രമീകരിച്ചുള്ള കമ്മ്യൂണിറ്റി പൂളിംഗ്, സ്വകാര്യ വാഹനങ്ങളിൽ ഒറ്റയ്ക്ക് ഓഫീസിൽ എത്തുന്നവർക്ക് ഒരേ റൂട്ടിൽ നിന്നുള്ള സഹപ്രവർത്തകരുമായി ഒരുമിച്ച് ഒരു വാഹനത്തിൽ ഓഫീസിലെത്താൻ വെഹിക്കിൾ പൂളിംഗ്, സൈക്ലിംഗ്, പൊതുഗതാഗത സംവിധാനങ്ങൾ, കാൽനടയാത്രകൾ എന്നിവ ഗ്രീൻ കേരള റൈഡിന് ഉപയോഗപ്പെടുത്താം. ഓഫീസുകളിൽ ലിഫ്റ്റ് ഉപയോഗം പരമാവധി കുറയ്ക്കും.

സ്വകാര്യ കൃഷിയിടത്തിൽ മാലിന്യം തള്ളി

സുൽത്താൻ ബത്തേരി: സ്വകാര്യ കൃഷിയിടത്തിൽ മാലിന്യം തള്ളി. ഓടപ്പള്ളം താഴത്തെപുരയ്ക്കൽ ഉണ്ണിക്കൃഷ്ണന്‍റെ വീടിനു സമീപം കൃഷിയിടത്തിലാണ് കഴിഞ്ഞ രാത്രി കുഴിയെടുത്ത് മാലിന്യം നിക്ഷേപിച്ചത്. കൃഷിയിടത്തിന്‍റെ വിവിധ ഭാഗങ്ങളിൽ മാലിന്യം വിതറിയിട്ടുമുണ്ട്. കെട്ടിടനിർമാണ സ്ഥലത്തെ അവശിഷ്ടങ്ങൾ, ഉപയോഗശൂന്യമായ ഡ്രം, മീൻകുട്ടകൾ എന്നിവ കൃഷിയിടത്തിൽ തള്ളിയതിൽ ഉൾപ്പെടും. മാലിന്യ നിക്ഷേപത്തിനെതിരേ പരാതി നൽകുമെന്ന് സ്ഥലം ഉടമ പറഞ്ഞു.

പോലീസിനെതിരേ ആരോപണവുമായി വനിതകൾ

കൽപ്പറ്റ: വാഹന പാർക്കിംഗിനെച്ചൊല്ലി മെയ് 28ന് പിണങ്ങോട് ജംഗ്ഷനു സമീപം ഉണ്ടായ സംഘർഷവുമായി ബന്ധപ്പെട്ട് നൽകിയ പരാതിയിൽ കുറ്റമറ്റ അന്വേഷണത്തിന് പോലീസ് തയാറാകുന്നില്ലെന്ന് കൈതക്കൊല്ലി കുണ്ടുകുളം റസലിന്‍റെ ഭാര്യ ജാസ്മിൻ, ബന്ധു റിഷാന തസ്നി എന്നിവർ വാർത്താസമ്മേളനത്തിൽ ആരോപിച്ചു. എടഗുനി സ്വദേശി ബിജുവിനെതിരേ നൽകിയ പരാതി വേണ്ടവിധം അന്വേഷിക്കുന്നതിലാണ് പോലീസിന് വിമുഖത. അപമര്യാദയോടെ പെരുമാറുകയും 15കാരിയെ തള്ളിവീഴ്ത്തുകയും ചെയ്തതിനാണ് ബിജുവിനെതിരേ പരാതിപ്പെട്ടത്. പോലീസ് കേസെടുത്തെങ്കിലും മൊഴി പൂർണമായി രേഖപ്പെടുത്തിയില്ല. പെണ്‍കുട്ടിയെ നിയമവിരുദ്ധമായി മണിക്കൂറുകളോളം സ്റ്റേഷനിൽ നിർത്തി. ജില്ലാ പോലീസ് മേധാവിയെ ഫോണിൽ വിളിച്ച് പരാതി പറഞ്ഞതിനുശേഷമാണ് പെണ്‍കുട്ടിയുടെ മൊഴി രേഖപ്പെടുത്തിയത്. സംഘർഷത്തിനിടെ ബിജുവിന് പരിക്കേറ്റിരുന്നു. പെണ്‍കുട്ടി വീഴുന്നതുകണ്ട് ഇടപെട്ട നാട്ടുകാരാണ് ബിജുവിനെ കൈയേറ്റം ചെയ്തത്. ഇതുമായി ബന്ധപ്പെട്ട് ബിജു നൽകിയ പരാതിയിൽ സംഘർഷസമയം സ്ഥലത്ത് ഇല്ലാതിരുന്ന റസലിനെ ഒന്നാം പ്രതിയാക്കിയാണ് ജാമ്യമില്ലാത്ത വകുപ്പുകൾ പ്രകാരം കേസെടുത്തതെന്നും ജാസ്മിനും റിഷാനയും പറഞ്ഞു.

സാമൂഹിക പ്രവർത്തകൻ കുഞ്ഞിമുഹമ്മദിനെ ആദരിച്ചു

സുൽത്താൻ ബത്തേരി: ചേനാട് ഗവ.ഹൈസ്കൂളിൽ പ്രവേശനോത്സവത്തിൽ സമൂഹിക പ്രവർത്തകൻ കുഞ്ഞിമുഹമ്മദിനെ പൊന്നാടയണിയിച്ച് ആദരിച്ചു. മൂന്നര പതിറ്റാണ്ടായി നിർധന വിദ്യാർഥികൾക്ക് നൽകുന്ന സഹായം കണക്കിലെടുത്തായിരുന്നു ആദരം. ഈ അധ്യയനവർഷം 100 കുട്ടികൾക്കാവശ്യമായ പഠനോപകരണങ്ങൾ ചെതലയം സ്വദേശിയായ കുഞ്ഞിമുഹമ്മദ് ലഭ്യമാക്കി. 1990 മുതൽ കുഞ്ഞിമുഹമ്മദ് നടത്തുന്നതാണ് പഠനോപകരണ വിതരണം. ആദ്യവർഷം ഒരു വിദ്യാർഥിയെയാണ് സഹായിച്ചത്. പിന്നീട് സുമനസുകളുടെ സഹകരണത്തോടെയാണ് കൂടുതൽ കുട്ടികൾക്ക് പഠനോപകരണങ്ങൾ ലഭ്യമാക്കിയത്. കൂലിപ്പണിയെടുത്തുകിട്ടുന്ന പണത്തിൽനിന്നു മിച്ചംപിടിച്ചാണ് കുഞ്ഞിമുഹമ്മദ് സാമൂഹിക സേവനത്തിന് തുക കണ്ടെത്തുന്നത്. ബാഗ്, കുട, നോട്ടുബുക്ക്, പേന, പെൻസിൽ എന്നിവയാണ് ഇത്തവണ കുട്ടികൾക്ക് നൽകിയത്.

അനാസ്ഥ അവസാനിപ്പിക്കണമെന്ന് യുഡിഎഫ്

കോട്ടത്തറ: ചെന്നലോട്-ഉൗട്ടുപാറ റോഡിനോടുള്ള അവഗണന പൊതുമരാമത്ത് വകുപ്പും കരാറുകാരനും അവസാനിപ്പിക്കണമെന്ന് യുഡിഎഫ് പഞ്ചായത്ത് കമ്മിറ്റി ആവശ്യപ്പെട്ടു. ഒന്നാംഘട്ടം ടാറിംഗ് പൂർത്തിയായെങ്കിലും കഴിഞ്ഞ മഴക്കാലത്ത് വെണ്ണിയോട് ജലനിധി പന്പ് ഹൗസ് മുതൽ കരിഞ്ഞകുന്ന് അങ്കണവാടി വരെ പുഴയോരത്ത് റോഡ് ഇടിഞ്ഞു. ജനപ്രതിനിധികൾ ഉൾപ്പെടെ നിരവധി തവണ പൊതുമരാമത്ത് വകുപ്പ് അധികാരികളിൽ സമ്മർദം ചെലുത്തിയെങ്കിലും റോഡ് സഞ്ചാരയോഗ്യമാക്കുന്നതിന് നടപടി ഉണ്ടാകുന്നില്ല. റോഡുപണിക്ക് മേൽനോട്ടം വഹിക്കേണ്ട ചീഫ് എൻജിനിയർ ഉൾപ്പടെ ജീവനക്കാരെ അടിക്കടി സ്ഥലംമാറ്റുകയാണ്. ഇതിൽ ദുരൂഹതയുണ്ട്. കരാറുകാരൻ ഒന്നാംഘട്ടം പ്രവൃത്തിക്കുശേഷം നിസംഗത പുലർത്തുന്നതിൽ ജനങ്ങൾക്ക് ശക്തമായ പ്രതിഷേധമുണ്ട്. വിഷയത്തിൽ വകുപ്പുമന്ത്രി അടിയന്തരമായി ഇടപെടാത്തപക്ഷം പ്രക്ഷോഭത്തിന് നേതൃത്വം നൽകുമെന്ന് യോഗം മുന്നറിയിപ്പ് നൽകി. പി.സി. അബ്ദുള്ള അധ്യക്ഷത വഹിച്ചു. കണ്‍വീനർ സുരേഷ്ബാബു വാളൽ, സി.സി. തങ്കച്ചൻ, മാണി ഫ്രാൻസിസ്, പി.പി. റെനീഷ്, വി.സി. അബൂബക്കർ, പോൾസണ്‍ കൂവക്കൽ, കെ.കെ. മുഹമ്മദലി, സി.കെ. ഇബ്രായി, പി.ഇ. വിനോദ്, ഹണി ജോസ്, പി. എ. നസീമ, ബിന്ദു മാധവൻ, പുഷ്പ സുന്ദരൻ, ഇ.കെ. വസന്ത എന്നിവർ പ്രസംഗിച്ചു.

റോഡ് ഇടിച്ചിൽ: വെണ്ണിയോട് പൗരസമിതി സമരത്തിലേക്ക്

വെണ്ണിയോട്: ഉൗട്ടുപാറ-ചെന്നലോട് റോഡിൽ കോട്ടത്തറ ഹോമിയോ ഡിസ്പൻസറിക്ക് സമീപം പുഴയോരം ഇടിഞ്ഞ ഭാഗത്ത് അടിയന്തരമായി സംരക്ഷണ ഭിത്തി നിർമിക്കണമെന്ന് പൗരസമിതി യോഗം ആവശ്യപ്പെട്ടു. കഴിഞ്ഞ കാലവർഷാരംഭത്തിലാണ് പുഴയോടുചേർന്ന് റോഡ് ഇടിഞ്ഞത്. ഇതുമൂലം ഹോമിയോ ഡിസ്പൻസറി, ജലനിധി പന്പ് സെറ്റ്, കോട്ടത്തറ ഹയർ സെക്കൻഡറി സ്കൂളിലേക്കുള്ള റോഡ്, നിരവധി വീടുകൾ എന്നിവ അപകട ഭീഷണിയിലായി. ദിനേന പത്തോളം സ്കൂൾ ബസുകൾ കടന്നുപോകുന്ന റോഡിൽ വളവുള്ള ഭാഗത്താണ് ഇടിച്ചിൽ ഉണ്ടായത്. റോഡിന് സംരക്ഷണ ഭിത്തി നിർമിക്കാൻ ഫണ്ട് വകയിരുത്തുകയും ടെൻഡർ നടത്തുകയും ചെയ്തതാണ്. പ്രവൃത്തി നടത്തുന്നിന് കരാർ സ്ഥാപനം സാമഗ്രികൾ ഇറക്കിയെങ്കിലും പിന്നീട് നാട്ടുകാർ അറിയാതെ കടത്തുകയാണ് ചെയ്തത്. സംരക്ഷണ ഭിത്തി നിർമാണത്തിൽ ഉദാസീനത തുടർന്നാൽ ശക്തമായ സമരം സംഘടിപ്പിക്കാൻ തീരുമാനിച്ചു. ചെയർമാൻ ഷാജു കുഴിക്കാട്ടിൽ അധ്യക്ഷത വഹിച്ചു. വി.എൻ. ഉണ്ണിക്കൃഷ്ണൻ, ഗഫൂർ വെണ്ണിയോട്, സി.കെ. ഇബ്രാഹിം. ഇ. സൂപ്പിക്കുട്ടി, കെ.പി. ഷിജു, ടി. മമ്മൂട്ടി, മനു മൻസൂർ, എം. മുസ്തഫ എന്നിവർ പ്രസംഗിച്ചു.

വയനാട് മഴമഹോത്സവം: ബിടുബി മീറ്റ് ബത്തേരിയിൽ

കൽപ്പറ്റ: വിനോദസഞ്ചാര വികസനം മുനിർത്തി വയനാട് ടൂറിസം ഓർഗനൈസേഷൻ സംഘടിപ്പിക്കുന്ന 12-ാമത് മഴമഹോത്സവത്തിന്‍റെ(സ്പ്ലാഷ്-2025) ഭാഗമായ ബിസിനസ് ടു ബിസിനസ് മീറ്റ് ജൂലൈ 11,12,13 തീയതികളിൽ ബത്തേരി സപ്ത റിസോർട്സ് ആൻഡ് സ്പായിൽ നടക്കും. രാജ്യത്തിന്‍റെ വിവിധ ഭാഗങ്ങളിൽനിന്നായി 500ഓളം ബയേഴ്സും വയനാട്, കണ്ണൂർ, കോഴിക്കോട്, മൈസൂരു, നീലഗിരി, കൂർഗ് എന്നിവിടങ്ങളിൽനിന്നായി 200ഓളം സെല്ലേഴ്സും പങ്കെടുക്കും. ഓർഗനൈസേഷൻ ഭാരവാഹികളായ എം.ജെ. സുനിൽകുമാർ, വിഷ്ണു എം. ദാസ്, സി.പി. ശൈലേഷ്, ബിജു തോമസ്, സി.സി. അഷ്റഫ്, അനൂപ് പാലുകുന്ന്, ഇ.കെ. അനിൽ, പ്രദീപ് മൂർത്തി എന്നിവർ വാർത്താസമ്മേളനത്തിൽ അറിയിച്ചതാണ് വിവരം. ഇന്ത്യാ ടൂറിസം, കേരള ടൂറിസം, ജില്ലാ ടൂറിസം പ്രമോഷൻ കൗണ്‍സിൽ, ജില്ലാ സ്പോർട്സ് കൗണ്‍സിൽ, മറ്റു ടൂറിസം അസോസിയേഷനുകൾ എന്നിവയുടെ സഹകരണത്തോടെയാണ് മഴമഹോത്സവത്തിന്‍റെ സംഘാടനം. ആഗോള വിനോദ സഞ്ചാര ഭൂപടത്തിൽ വയനാടിനെ അടയാളപ്പെടുത്തുകയെന്ന ലക്ഷ്യത്തോടെ ആരംഭിച്ചതാണ് മഴമഹോത്സവം. സ്പ്ലാഷ്-25ന്‍റെ ഭാഗമായി ജില്ലാ സ്പോർട്സ് കൗണ്‍സിലും ഡിടിപിസിയുമായി സഹകരിച്ച് മഡ് ഫുട്ബോൾ ഉൾപ്പെടെ കായിക മത്സരങ്ങളും സാംസ്കാരിക പരിപാടികളും നടത്തും.

സീലിംഗിലെ പെയിന്‍റ് അടർന്നുവീഴുന്നത് അങ്കണവാടി കുട്ടികൾക്കു വിനയായി

പുൽപ്പള്ളി: സീലിംഗിലെ പെയിന്‍റ് അടർന്നുവീഴുന്നത് അങ്കണവാടി കുട്ടികൾക്കു വിനയായി. മുള്ളൻകൊല്ലി പഞ്ചായത്തിലെ ഉദയക്കവല അങ്കണവാടി കെട്ടിടത്തിന്‍റെ സീലിംഗിലെ പെയിന്‍റാണ് അടർന്നുവീഴുന്നത്. പെയിന്‍റുപൊടി കുട്ടികളുടെ ദേഹത്തുവീഴുന്നത് രോഗങ്ങൾക്ക് കാരണമാകുമെന്ന ആശങ്കയിലാണ് രക്ഷിതാക്കൾ. പെയിന്‍റ് ഇളകിവീഴുന്നതിനാൽ കൂട്ടികളെ കെട്ടിടത്തിനുപുറത്ത് വരാന്തയിലിരുത്തിയാണ് ആഹാരം നൽകുന്നത്. ശക്തമായ മഴയുള്ളപ്പോൾ കുട്ടികൾക്ക് വരാന്തയിൽ ഭക്ഷണം വിളന്പുന്നത് പ്രയാസം സൃഷ്ടിക്കുന്നുണ്ട്. പഴക്കംചെന്ന കെട്ടിടത്തിന്‍റെ മേൽക്കൂരയിൽനിന്നു മഴയത്ത് ഈർപ്പം ഇറങ്ങിയാണ് പെയിന്‍റ് ഇളകിവീഴുന്നതെന്ന് രക്ഷിതാക്കൾ പറയുന്നു. പ്രശ്നത്തിന് അടിയന്തര പരിഹാരം കാണണമെന്നാണ് അവരുടെ ആവശ്യം. ഏതാനും വർഷം മുന്പ് നവീകരിച്ച് സ്മാർട്ട് ആക്കിയാതാണ് അങ്കണവാടി.

വന്യമൃഗശല്യം: ഇരുളം ഫോറസ്റ്റ് ഓഫീസ് പടിക്കൽ ധർണ നടത്തി

പുൽപ്പള്ളി: ഇരുളം, വാകേരി, മൂടക്കൊല്ലി പ്രദേശങ്ങളിലെ വന്യമൃഗശല്യത്തിനു പരിഹാരം ആവശ്യപ്പെട്ട് ബിജെപി പൂതാടി പഞ്ചായത്ത് കമ്മിറ്റിയുടെ നേതൃത്വത്തിൽ ഇരുളം ഫോറസ്റ്റ് ഓഫീസ് മാർച്ചും ധർണയും നടത്തി. ജില്ലാ വൈസ് പ്രസിഡന്‍റ് പി.എം. സുധാകരൻ ഉദ്ഘാടനം ചെയ്തു. പഞ്ചായത്ത് കമ്മിറ്റി പ്രസിഡന്‍റ് വി.എസ്. ഷിബി അധ്യക്ഷത വഹിച്ചു. മണ്ഡലം പ്രസിഡന്‍റ് മനു പ്രസാദ്, കലേഷ് സത്യാലയം, വസന്തകുമാരി, ശ്രീന മൂടക്കൊല്ലി, എം.പി. ബാബു, എ.സി. കേശവൻ, സനൽ കുറുവന്താനം, ഉദയലാൽ, വിനീഷ് വണ്ടന്പ്ര എന്നിവർ പ്രസംഗിച്ചു.

വന്യജീവി ആക്രമണം: 60 കോഴികൾ ചത്തു

പുൽപ്പള്ളി: വന്യജീവി ആക്രമണത്തിൽ 60 കോഴികൾ ചത്തു. കുന്നത്തുകവല കാരക്കാട്ടിൽ ബിജുവിന്‍റെ ഫാമിലെ കോഴികളെയാണ് വന്യജീവി കൊന്നത്. ഇന്നലെ പുലർച്ചെ 2.30 ഓടെയാണ് സംഭവം. ഷെഡിന്‍റെ കന്പിവല തകർത്താണ് വന്യജീവി കോഴികളെ പിടിച്ചത്. ശബ്ദംകേട്ട് വീട്ടുകാർ എത്തിയപ്പോഴേക്കും വന്യജീവി ഓടിമറഞ്ഞു. വനപാലകർ സ്ഥലത്ത് പരിശോധന നടത്തി. കാട്ടുപൂച്ചയാണ് കോഴികളെ പിടിച്ചതെന്നാണ് വനപാലകരുടെ നിഗമനം.

കോട്ടത്തറ പഞ്ചായത്തിലെ രണ്ട് സ്ഥാപനങ്ങൾക്ക് ദേശീയ അംഗീകാരം

കൽപ്പറ്റ: ആരോഗ്യ ഗുണനിലവാരത്തിന് കോട്ടത്തറ പഞ്ചായത്തിലെ രണ്ട് സ്ഥാപനങ്ങൾക്ക് ദേശീയ അംഗീകാരം. എബിഎച്ച് എൻട്രി ലെവൽ സർട്ടിഫിക്കേഷൻ പൂർത്തിയാക്കി പഞ്ചായത്തിലെ ഈരംകൊല്ലി രാമൻ സ്മാരക ഗവ.ആയുർവേദ ഡിസ്പെൻസറിയും സർക്കാർ മാതൃക ഹോമിയോ ഡിസ്പെൻസറിയുമാണ് അംഗീകാരം നേടിയത്. അടിസ്ഥാന സൗകര്യ വികസനം, രോഗി സൗഹൃദം, രോഗി സുരക്ഷ, ഒൗഷധ ഗുണമേൻമ, അണുബാധ നിയന്ത്രണം തുടങ്ങിയവ വിലയിരുത്തിയാണ് സ്ഥാപനങ്ങളെ അംഗീകാരത്തിന് തെരഞ്ഞെടുത്തത്. തിരുവനന്തപുരത്ത് നടന്ന ചടങ്ങിൽ ആരോഗ്യ മന്ത്രി വീണാ ജോർജിൽനിന്ന് കോട്ടത്തറ പഞ്ചായത്ത് പ്രസിഡന്‍റ് പി.പി. റെനീഷ്, ആരോഗ്യ-വിദ്യാഭ്യാസ സ്റ്റാൻഡിംഗ് കമ്മിറ്റി ചെയർപേഴ്സണ്‍ ഇ.കെ. വസന്ത, വികസനകാര്യ സ്റ്റാൻഡിംഗ് കമ്മിറ്റി ചെയർപേഴ്സണ്‍ ഹണി ജോസ്, മെംബർമാരായ പുഷ്പ സുന്ദരൻ, അനിത ചന്ദ്രൻ, ജീന തങ്കച്ചൻ, ബിന്ദു മാധവൻ, മെഡിക്കൽ ഓഫീസർമാരായ ഡോ.കെ. ദിവ്യ (ആയുർവേദം), ഡോ.സി. പ്രേംകുമാർ(ഹോമിയോ) എന്നിവരടങ്ങിയ സംഘം സർട്ടിഫിക്കറ്റുകൾ ഏറ്റുവാങ്ങി.

ദേഹാസ്വാസ്ഥ്യമുണ്ടായ യാത്രക്കാരനെ കെഎസ്ആർടിസി ജീവനക്കാർ രക്ഷിച്ചു

മാനന്തവാടി: യാത്രയ്ക്കിടെ ദേഹാസ്വാസ്ഥ്യം അനുഭവപ്പെട്ട യാത്രക്കാരന് കെഎസ്ആർടിസി ജീവനക്കാർ രക്ഷകരായി. ഡിപ്പോയിൽനിന്നു വാളാട് കരിന്പിൽ വഴി സർക്കുലർ സർവീസ് നടത്തുന്ന ബസിലെ യാത്രക്കാരൻ വെണ്‍മണി ചെറുമനാൽ മനോജിനാണ്(47) ജീവനക്കാരുടെയും സഹയാത്രികരുടെയും അവസരോചിതമായ ഇടപെടൽ തുണയായത്. ഇന്നലെ രാവിലെ 11.30 ഓടെ ബസ് തലപ്പുഴയിൽ എത്തിയപ്പോൾ മനോജിന് നെഞ്ചുവേദനയും വിറയലും അനുഭവപ്പെടുകയായിരുന്നു. ഇതുകണ്ട് യാത്രക്കാരിൽ ഒരാൾ കണ്ടക്ടർ ബൈജുവിനെയും ഡ്രൈവർ ഷറഫുദ്ദീനെയും വിവരം അറിയിച്ചു. ജീവനക്കാർ ഉടൻ ബസ് മെഡിക്കൽ കോളജ് ആശുപത്രിയിലേക്ക് തിരിച്ചുവിടുകയായിരുന്നു. യാത്രക്കാരന്‍റെ ജീവൻ രക്ഷിക്കാൻ കഴിഞ്ഞതിൽ സന്തോഷമുണ്ടെന്നു ജീവനക്കാർ പറഞ്ഞു.

കാട്ടാന ശല്യം രൂക്ഷം : ആശങ്കയൊഴിയാതെ നാട്ടുകാർ : പഞ്ചായത്ത് പ്രമേയം വെറുതെയായി

ജോജി വർഗീസ് സുൽത്താൻ ബത്തേരി: ജനവാസകേന്ദ്രങ്ങളിൽ നിരന്തരം ശല്യം ചെയ്യുന്ന കാട്ടാനയെ പിടിക്കണമെന്ന പഞ്ചായത്ത് ഭരണസമിതി പ്രമേയം വെറുതെയായി. വടക്കനാട്, വള്ളുവാടി, കരിപ്പൂര്, പള്ളിവയൽ, പണയന്പം പ്രദേശങ്ങളിൽ ശല്യം ചെയ്യുന്ന മുട്ടിക്കൊന്പനെ പിടിക്കണമെന്ന് ആവശ്യപ്പെട്ട് നൂൽപ്പുഴ പഞ്ചായത്ത് ഭരണസമിതി പാസാക്കിയ പ്രമേയത്തിനാണ് ദുർഗതി. മുട്ടിക്കൊന്പനെ പിടിക്കുന്നതിനു പ്രമേയം വള്ളുവാടി മൂന്നാംവാർഡിൽ ഗ്രാമസഭ ചേർന്നാണ് ആദ്യം പാസാക്കിയത്. പിന്നീടാണ് പഞ്ചായത്ത് ഭരണസമിതി യോഗത്തിൽ പ്രമേയം അവതരണത്തിന് എത്തിയത്. ഐകകണ്ഠ്യേന പാസാക്കിയ പ്രമേയം പഞ്ചായത്ത് അധികൃതർ പ്രമേയം വനം അധികാരികൾക്ക് കൈമാറിയെങ്കിലും പ്രത്യേകഫലം മാസങ്ങൾ കഴിഞ്ഞിട്ടും ഉണ്ടായില്ല. ദിനേന കൃഷിയിടത്തിൽ എത്തുന്ന കൊന്പൻ കൃഷി നശിപ്പിക്കുന്നതിനു പുറമേ ജനങ്ങളുടെ ജീവനു ഭീഷണി ഉയർത്തുകയുമാണ്. കഴിഞ്ഞദിവസം വള്ളുവാടിക്കടുത്ത് കോച്ചേരി യോഹന്നാൻ വർഗീസിന്‍റെ കൃഷിയിടത്തിൽ ഇറങ്ങിയ കൊന്പൻ കവുമും കാപ്പിയുമടക്കം കൃഷികൾ നശിപ്പിച്ചു. വള്ളുവാടിയിലും സമീപങ്ങളിലും നാലു വർഷമായി മുട്ടിക്കൊന്പന്‍റെ സാന്നിധ്യമുണ്ട്. വനാതിർത്തിയിലെ പ്രതിരോധ സംവിധാനങ്ങളെല്ലാം മറികടന്നാണ് ആന ജനവാസകേന്ദ്രങ്ങളിൽ എത്തുന്നത്. തുരത്താൻ ഇറങ്ങുന്നവരെ തുരത്താനും ഈ ആനയ്ക്കു മടിയില്ല. ആനയെ കാടുകയറ്റാനുള്ള ശ്രമത്തിനിടെ തലനാരിഴയ്ക്കു രക്ഷപ്പെട്ടവർ ഒന്നും രണ്ടുമല്ല. പലപ്പോഴും റോഡിലൂടെയാണ് കൊന്പന്‍റെ രാത്രി സഞ്ചാരം. അതിനാൽ പുറത്ത് ജോലിക്കുപോകുന്നവർ രാത്രി വൈകിയാൽ വീട്ടിലേക്ക് മടങ്ങാൻ ഭയക്കുകയാണ്. ചക്ക, മാങ്ങ സീസണായതോടെ ആനശല്യം വർധിച്ചിരിക്കുകയാണ്. ആറ് വർഷംമുന്പ് വടക്കനാട് മേഖലയിൽ ഭീതിപരത്തിയ വടക്കനാട് കൊന്പന്‍റെ ഒപ്പം നടന്നിരുന്നതാണ് മുട്ടിക്കൊന്പൻ. വടക്കനാട് കൊന്പനെ പിന്നീട് പിടികൂടി മുത്തങ്ങ പന്തിയിലെത്തിച്ച് വിക്രംഎന്നു പേരിട്ട് കുംകിയാക്കി. മുട്ടിക്കൊന്പനു പുറമേ രണ്ട് ആനകളും വള്ളുവാടിയിൽ ഇറങ്ങുന്നുണ്ട്.

വിദ്യാർഥികൾ ഉപരിപഠന സാധ്യതകൾ ഉപയോഗപ്പെടുത്തണം: മന്ത്രി ഒ.ആർ. കേളു

കൽപ്പറ്റ: വിദ്യാർഥികൾ ഉന്നത വിദ്യാഭ്യാസത്തിന് സർക്കാർ നടപ്പാക്കുന്ന ഉപരിപഠന സാധ്യതകൾ ഉപയോഗപ്പെടുത്തണമെന്ന് പട്ടികജാതി-വർ-പിന്നാക്കക്ഷേമ മന്ത്രി ഒ.ആർ. കേളു. കണിയാന്പറ്റ മോഡൽ റസിഡൻഷൽ സ്കൂളിൽ നടന്ന സംസ്ഥാനതല എംആർഎസ് സ്കൂൾ പ്രവേശനോത്സവം ഉദ്ഘാടനം ചെയ്തു പ്രസംഗിക്കുകയായിരുന്നു മന്ത്രി. ഹയർസെക്കൻഡറിതല പഠനം പൂർത്തിയാക്കുന്ന വിദ്യാർഥികളിൽ പലരും ഉന്നത വിദ്യാഭ്യാസം തെരഞ്ഞെടുക്കാതെ കൊഴിഞ്ഞു പോകുന്നുണ്ട്. ഈ പ്രവണത തടയാൻ സർക്കാർ വിവിധ മേഖലകളിൽ ആവശ്യമായ പദ്ധതികൾ ആസൂത്രണം ചെയ്ത് വരുന്നുണ്ട്. പ്ലസ്ടു പഠനത്തിന് ശേഷം മികച്ച അവസരങ്ങൾ സൃഷ്ടിക്കാൻ ഐഎഎസ്, എംബിബിഎസ്, ഐപിഎസ്, പാരാമെഡിക്കൽ, നഴ്സിംഗ് തുടങ്ങിയ വിഷയങ്ങളിൽ പഠന സാധ്യത ഉറപ്പാക്കാൻ സർക്കാർ പദ്ധതികൾ ആവിഷ്കരിച്ചിട്ടുണ്ട്. പഠനം, പെരുമാറ്റം, പ്രവർത്തികൾ നിരീക്ഷിക്കാൻ അധ്യാപകരും രക്ഷിതാക്കളും ശ്രദ്ധ പാലിക്കണം. ഗുണനിലവാരമുള്ള വിദ്യാഭ്യാസത്തിലൂടെ കാര്യശേഷിയും സാമൂഹ്യ പ്രതിബദ്ധതയുള്ള തലമുറയെ സൃഷ്ടിക്കുകയാണ് സർക്കാർ ലക്ഷ്യം. സംസ്ഥാനത്തെ മോഡൽ റസിഡൻഷൽ സ്കൂളുകളിലെ വിദ്യാർഥികൾ വിദ്യാഭ്യാസ കലാകായിക മേഖലയിൽ മികച്ച പ്രകടനമാണ് നടത്തുന്നത്. അഞ്ചാം ക്ലാസിലേക്ക് പ്രവേശനം നേടിയ വിദ്യാർത്ഥിനികൾക്ക് മന്ത്രി പഠനോപകരണങ്ങൾ വിതരണം ചെയ്തു. എംആർഎസിലെ പൂർവ വിദ്യാർഥിയും പിന്നണി ഗായികയുമായ കെ.സി. ശ്രുതിയെ മന്ത്രി ആദരിച്ചു. ജില്ലാ കളക്ടർ ഡി.ആർ. മേഘശ്രീ അധ്യക്ഷയായ പരിപാടിയിൽ കണിയാന്പറ്റ ഗ്രാമപഞ്ചായത്ത് പ്രസിഡന്‍റ് കെ.വി. രജിത, ഐടിഡിപി പ്രോജക്ട് ഓഫീസർ ജി. പ്രമോദ്, ജില്ലാ വിദ്യാഭ്യാസ ഓഫീസർ സി.വി. മൻമോഹൻ, കണിയാന്പറ്റ ഗ്രാമപഞ്ചായത്ത് ആരോഗ്യവിദ്യാഭ്യാസ സ്റ്റാൻഡിംഗ് കമ്മിറ്റി ചെയർപേഴ്സണ്‍ സീനത്ത് തൻവീർ, പിടിഎ പ്രസിഡന്‍റ് ബാലകൃഷ്ണൻ, സീനിയർ അസിസ്റ്റന്‍റ് ബബിത, അധ്യാപകരായ സി. റീന, കെ.എൻ. ലജീഷ്, സീനിയർ സൂപ്രണ്ട് എം. ധനലക്ഷ്മി എന്നിവർ പ്രസംഗിച്ചു.

കാട്ടാനയുടെ ആക്രമണത്തിൽ വയോധികന് പരിക്ക്

വൈത്തിരി: പൊഴുതന മേൽമുറിയിൽ കാട്ടാനയുടെ ആക്രമണത്തിൽ വയോധികന് പരിക്ക്. മേൽമുറി സ്വദേശി മാടമന മോനി (70)നാണ് പരിക്കേറ്റത്. ജോലിക്കായി നടന്നു പോകുന്പോൾ കാട്ടാന ആക്രമിക്കുകയായിരുന്നു. ഇന്നലെ രാവിലെ ഒന്പതോടെയായിരുന്നു സംഭവം. ആനയെ കണ്ട് ഓടുന്നതിനിടെ ഇദ്ദേഹം വഴുതിവീണു. ഇതിനിടയിലാണ് ആന ആക്രമിച്ചത്. ഇരുകാലുകൾക്കും സാരമായി പരിക്കേറ്റ മോനിയെ മേപ്പാടിയിലെ സ്വകാര്യ മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. ഓടിക്കൂടിയ തൊഴിലാളികളാണ് ഇദ്ദേഹത്തെ ആദ്യം വൈത്തിരി താലൂക്ക് ആശുപത്രിയിലും പിന്നീട് മേപ്പാടിയിലെ മെഡിക്കൽ കോളജിലും എത്തിച്ചത്. മൂന്ന് കാട്ടാനകളാണ് ജനവാസ മേഖലയിൽ ഇറങ്ങിയത്. ഇതിൽ ഒരു ആനയാണ് മോനിയെ ആക്രമിച്ചത്. ദിവസങ്ങൾക്കുള്ളിൽ പൊഴുതന പഞ്ചായത്ത് പരിധിയിൽ നടക്കുന്ന മൂന്നാമത്തെ കാട്ടാന ആക്രമണമാണിത്.കഴിഞ്ഞദിവസം സുഗന്ധഗിരിയിൽ കാട്ടാന വീട് ആക്രമിച്ചിരുന്നു. തലനാരിഴയ്ക്കാണ് കാട്ടാനയുടെ ആക്രമണത്തിൽ നിന്നും വീട്ടുകാർ രക്ഷപ്പെട്ടത്. അതേദിവസം തന്നെ പൊഴുതന ടൗണിൽ മൂന്ന് വിദ്യാർത്ഥികൾ കാട്ടാന ആക്രമണത്തിൽ നിന്ന് തലനാരിഴയ്ക്കാണ് രക്ഷപ്പെട്ടത്. തുടർച്ചയായി കാട്ടാന ഇറങ്ങുന്പോഴും വനംവകുപ്പ് കാര്യക്ഷമമായ ഒരു നടപടിയുന്ന സ്വീകരിക്കുന്നില്ലെന്നാണ് പ്രദേശവാസികളുടെ പരാതി. രാപകൽ വ്യത്യാസമില്ലാതെ കാട്ടാന ജനവാസ മേഖലയിൽ എത്തുകയാണ്. ഒറ്റയ്ക്കും കൂട്ടമായും എത്തുന്ന കാട്ടാനകളെ പേടിച്ച് കഴിയേണ്ട അവസ്ഥയാണെന്ന് പ്രദേശവാസികൾ പറഞ്ഞു. കൂടുതൽ ആക്രമണ സ്വഭാവം കാണിക്കുന്ന ആനയാണ് മേൽമുറിയിലും ആക്രമണം നടത്തിയതെന്നാണ് നിഗമനം. ഈ ആനയെ എത്രയും വേഗം മയക്കു വെടിവച്ച് പിടികൂടണമെന്ന് പ്രദേശവാസികൾ ആവശ്യപ്പെട്ടു.

തെരുവുനായുടെ ആക്രമണത്തിൽ വയോധികന് പരിക്ക്

മാനന്തവാടി: തെരുവുനായുടെ ആക്രമണത്തിൽ വയോധികനെ പരിക്കേറ്റു. ടൗണിലെ ലോട്ടറി കച്ചവടക്കാരനായ അബ്ബാസ് (60)നാണ് തെരുവുനായയുടെ കടിയേറ്റത്. മാനന്തവാടി-കോഴിക്കോട് റോഡിൽ എൽഎഫ് സ്കൂളിന് എതിർവശത്തായി ഇന്നലെ ഉച്ചയോടെയായിരുന്നു സംഭവം. കാലിന് സാരമായി മുറിവേറ്റ ഇദ്ദേഹത്തെ വയനാട് മെഡിക്കൽ കോളജിൽ പ്രവേശിപ്പിച്ചു.

വിദ്യാർഥികളെ സാമൂഹിക പ്രതിബദ്ധതഉള്ളവരാക്കി വളർത്തുക ലക്ഷ്യം: മന്ത്രി

കൽപ്പറ്റ: വിദ്യാർഥികളെ സാമൂഹിക പ്രതിബദ്ധതയുള്ളവരാക്കി വളർത്തിയെടുക്കുകയും ഗുണനിലവാരമുള്ള വിദ്യാഭ്യാസം ഉറപ്പാക്കുകയുമാണ് സർക്കാർ ലക്ഷ്യമെന്ന് പട്ടികജാതി പട്ടികവർഗ പിന്നാക്കക്ഷേമ മന്ത്രി ഒ.ആർ. കേളു. കൽപ്പറ്റ ഗവ. വൊക്കേഷൻ ഹയർസെക്കൻഡറി സ്കൂളിൽ നടന്ന ജില്ലാതല പ്രവേശനോത്സവം ഉദ്ഘാടനം ചെയ്ത് പ്രസംഗിക്കുകയായിരുന്നു മന്ത്രി. സംസ്ഥാനത്തെ മുഴുവൻ വിദ്യാലയങ്ങളിലും അടിസ്ഥാന സൗകര്യം ഉറപ്പാക്കി മികവിന്‍റെ പാതയിലാണ്. ഒന്നിച്ച് ഒന്നായ് ഒന്നാവാം എന്ന ആപ്തവാക്യവുമായി പ്രാഥമിക വിദ്യാഭ്യാസത്തിനായി സ്കൂൾ അങ്കണത്തിലേക്ക് എത്തിയ മുഴുവൻ കുരുന്നുകൾക്കും മന്ത്രി ആശംസകൾ നേർന്നു. വിദ്യാലയങ്ങളിൽ പഠനം തുടരുന്ന കുട്ടികളുടെ പഠനശേഷിയും ഹാജറും അധ്യാപകർ കൃത്യമായി പരിശോധിക്കണം. കുട്ടികൾ സ്കൂളിലെത്തുന്നത് ഉറപ്പാക്കാൻ രക്ഷിതാക്കൾ ശ്രദ്ധ പുലർത്തണമെന്നും മന്ത്രി പറഞ്ഞു. കുട്ടികൾ കണ്ണ് നിറഞ്ഞ് സ്കൂളുകളിലേക്ക് കടന്ന് വരുന്ന കാഴ്ചയാണ് കുറച്ച് വർഷങ്ങൾക്ക് മുന്പുണ്ടായിരുന്നത്. എന്നാൽ ഇന്ന് കുട്ടികൾ ചെറുപുഞ്ചിരിയോടെയാണ് സ്കൂളുകളിലേക്ക് എത്തുന്നത്. വിദ്യാർഥികളുടെ കൊഴിഞ്ഞുപോക്ക് തടയാൻ അധ്യാപകരും രക്ഷിതാക്കളും ഒത്തൊരുമിച്ച് പ്രവർത്തിക്കണമെന്നും മന്ത്രി പറഞ്ഞു. പരിപാടിയിൽ കൽപ്പറ്റ നഗരസഭാ ചെയർമാർ ടി.ജെ. ഐസക്ക് പാഠപുസ്തകം വിതരണം ചെയ്തു. എൽഎസ്എസ്, യുഎസ്എസ്, എസ്എസ്എൽസി, പ്ലസ് ടു പരീക്ഷകളിൽ ഉന്നത വിജയം കൈവരിച്ചവർക്ക് ജില്ലാ കളക്ടർ ഡി.ആർ. മേഘശ്രീ മെമന്േ‍റാ കൈമാറി. പ്രിയങ്കാഗാന്ധി എംപിയുടെ സന്ദേശം ജില്ലാ വിദ്യാഭ്യാസ ഓഫീസർ സി.വി. മൻമോഹൻ യോഗത്തിൽ വായിച്ചു. പ്രവേശനോത്സവത്തിനെത്തിയവരെ വരവേൽക്കാൻ സ്വാഗത നൃത്തം അരങ്ങേറി. കൽപ്പറ്റ നഗരസഭാ വൈസ് ചെയർപേഴ്സണ്‍ ഒ. സരോജിനി, ജില്ലാ പഞ്ചായത്ത് വിദ്യാഭ്യാസആരോഗ്യ സ്റ്റാൻഡിംഗ് കമ്മിറ്റി ചെയർമാൻ എം. മുഹമ്മദ് ബഷീർ, നഗരസഭാ വിദ്യാഭ്യാസ സ്റ്റാൻഡിംഗ് കമ്മിറ്റി ചെയർമാൻ സി.കെ. ശിവരാമൻ, സ്ഥിരം സമിതി അധ്യക്ഷരായ മുജീബ് കോയംതൊടി, എ.പി. മുസ്തഫ, രാജാറാണി, വിദ്യാഭ്യാസ ഉപഡയറക്ടർ വി.എ. ശശീന്ദ്രവ്യാസ്, വാർഡ് കൗണ്‍സിലർ എം.കെ. ഷിബു, ജനപ്രതിനിധികൾ, ഉദ്യോഗസ്ഥർ, രാഷ്ട്രീയപാർട്ടി പ്രവർത്തകർ എന്നിവർ പങ്കെടുത്തു.

മഴ തോർന്നതോടെ നെൽ കർഷകർ വിളവെടുപ്പ് തുടങ്ങി

മാനന്തവാടി: മഴ തോർന്നതോടെ വിളവെടുപ്പ് തുടങ്ങി വേമം പാടശേഖരത്തിലെ നെൽ കർഷകർ. രണ്ടുദിവസമായി തെളിഞ്ഞ കാലാവസ്ഥ ലഭിച്ചതോടെ കൊയ്ത്ത് യന്ത്രം ഇറക്കിയാണ് കർഷകർ വിളവെടുപ്പ് ആരംഭിച്ചത്. തോരാ മഴയിൽ പാകമായ നെല്ല് കൊയ്തെടുക്കാനാകാതെ കർഷകർ പ്രയാസത്തിലായിരുന്നു. ജില്ലയിലെ വിശാലമായ പാടശേഖരങ്ങളിലെന്നാണ് വേമം പാടശേഖരം. 130 ഏക്കർ വിസ്തൃതിയിൽ വ്യാപിച്ചു കിടക്കുന്ന പാടശേഖരത്തിൽ 90 കർഷകരാണ് വിളവിറക്കിയത്. നിർത്താതെ മഴ പെയ്യുന്നതിനാൽ പാടത്തേക്ക് ഇറങ്ങാൻ പോലും സാധിക്കാതെ പ്രയാസപ്പെടുകയായിരുന്നു കർഷകർ. എല്ലാ വർഷവും മേയ് രണ്ടാം വാരത്തിൽ കൊയ്ത്തു തുടങ്ങി ജൂണ്‍ ആദ്യവാരം തീർക്കാറാണ് പതിവ്. എന്നാൽ ഇത്തവണ കാലവർഷം നേരത്തേയെത്തിയതാണ് കർഷകരെ പ്രതിസന്ധിയിലാക്കിയത്. തെളിത്ത കാലാവസ്ഥയിൽ എത്രയും വേഗം നെല്ല് കൊയ്തെടക്കാനുള്ള പരിശ്രമത്തിലാണിവർ. തമിഴ്നാട്ടിൽ നിന്നും യന്ത്രമെത്തിച്ചാണ് നെല്ല് കൊയ്യുന്നത്. രണ്ടുദിവസം കൂടി തോർച്ച ലഭിച്ചാൽ നെല്ല് മുഴുവൻ കൊയ്തെടുക്കാമെന്ന് പ്രതീക്ഷയിലാണ് ഇവർ.

ലഹരിക്കെതിരേ പ്രതിരോധം തീർത്ത് ബത്തേരി നഗരസഭയിലെ പ്രവേശനോത്സവം

സുൽത്താൻ ബത്തേരി: മുനിസിപ്പാലിറ്റിയിലെ 16 സ്കൂളുകളിലെ 8000 ത്തോളം വരുന്ന വിദ്യാർഥികൾക്ക് ലഹരി വിരുദ്ധ അവബോധം നൽകി നഗരസഭ. നഗരസഭയിലെ മുഴുവൻ വിദ്യാലയങ്ങളിലും ലഹരി വിരുദ്ധ പ്രതിജ്ഞ അച്ചടിച്ച് എത്തിച്ചു. മുഴുവൻ വിദ്യാർഥികളും പ്രചൊല്ലുകയും ഒപ്പു വയ്ക്കുകയും ലഹരിക്കെതിരെ ഒന്നായി അണിചേരുമെന്ന് പ്രഖ്യാപിക്കുകയും ചെയ്തു. നഗരസഭാതലത്തിൽ ഓടപ്പള്ളം ഗവ.ഹൈസ്കൂളിൽ നടന്ന പ്രവേശനോത്സവവും പുതുതായി നിർമിച്ച രണ്ട് ക്ലാസ് റൂമുകളുടെ ഉദ്ഘാടനവും നഗരസഭാ ചെയർമാൻ ടി.കെ. രമേശ് ഉദ്ഘാടനം ചെയ്തു. നഗരസഭ വിദ്യാഭ്യാസ സ്റ്റാൻഡിംഗ് കമ്മിറ്റി ചെയർപേഴ്സണ്‍ ടോം ജോസ് പരിപാടിക്ക് അധ്യക്ഷത വഹിച്ചു. സ്കൂളിലെ നാലാം ക്ലാസ് വിദ്യാർഥിനി അന്ന മരിയ രാജ് രചിച്ച ഇംഗ്ലീഷ് കഥയുടെ കവർ പ്രകാശനം ചടങ്ങിൽ നടന്നു. ഓടപ്പള്ളം സ്കൂളിലെ ഹരിത ശുചിത്വ ക്യാന്പസിന് നേതൃത്വം നൽകുന്ന ഓഫീസ് ജീവനക്കാരൻ പി.എം. മധുസൂദനനെ ആദരിച്ചു. സ്കൂൾ എച്ച്എം കമലം, ഡിവിഷൻ കൗണ്‍സിലർ പ്രിയ വിനോദ്, ടിഡിഒ മജീദ്, ഡയറ്റ് സീനിയർ ലക്ചർ ഡോ. സതീഷ്, എംഇസി കണ്‍വീനർ അബ്ദുൾ നാസർ, എന്നിവർ പ്രസംഗിച്ചു.

പ്രവേശനോത്സവം നടത്തി

പുൽപ്പള്ളി: പാടിച്ചിറ സെന്‍റ് സെബാസ്റ്റ്യൻസ് സ്ക്കൂളിൽ പ്രവേശനോത്സവം സംഘടിപ്പിച്ചു. മുള്ളൻകൊല്ലി ഗ്രാമപഞ്ചായത്ത് വൈസ് പ്രസിഡന്‍റ് മോളി ആക്കാന്തിരി പ്രവേശനോത്സവം ഉദ്ഘാടനം ചെയ്തു. ഫാ. സജി ഇളയിടത്ത് അധ്യക്ഷത വഹിച്ചു. കോർപ്പറേറ്റ് എഡുക്കേഷൻ ഏജൻസി ഈ വർഷം എല്ലാ സ്കൂളിലും നടപ്പാക്കുന്ന പ്രോജക്ട് ന്ധഎല്ലാവരും എഴുതുന്നു എല്ലാവരും വായിക്കുന്നുന്ധ പദ്ധതിയുടെ ഉദ്ഘാടനം റിട്ട. അധ്യാപകനും എസ്എംസി കണ്‍വീനറുമായ സി.എം. ഇമ്മാനുവൽ ഉദ്ഘാടനം ചെയ്തു. എല്ലാ കുട്ടികളും എഴുതാനും വായിക്കാനും പഠിക്കുന്നു എന്നതാണ് ലക്ഷ്യം. നവാഗതരെ സ്വീകരിച്ച് സമ്മാനങ്ങളും മധുര പലഹാരങ്ങളും പഠനോപകരണ വിതരണവും നടത്തി. ഹെഡ്മാസ്റ്റർ സാബു പി. ജോണ്‍, പിടിഎ പ്രസിഡന്‍റ് വിനോദ് വാവശേരി അധ്യാപക പ്രതിനിധികളായ സി. സിജി ജോസഫ്, ജിഷ ജോർജ്, അമൽഡ ഇമ്മാനുവൽ എന്നിവർ പ്രസംഗിച്ചു. പുൽപ്പള്ളി: കൃപാലയ സ്പെഷൽ സ്കൂളിൽ വിവിധ പരിപാടികളോടെ നടന്ന സ്ക്കൂൾ പ്രവേശനോത്സവം അന്നമ്മ മേഴ്സി ആന്‍റണി ഉദ്ഘാടനം ചെയ്തു. ഫാ. ജോഷി പുൽപ്പയിൽ അധ്യക്ഷത വഹിച്ചു. സ്കൂൾ പ്രിൻസിപ്പൽ സിസ്റ്റർ ആൻസീന, ടി.യു. ഷിബു എന്നിവർ പ്രസംഗിച്ചു. ചെന്നലോട്: തരിയോട് പഞ്ചായത്ത്തല പ്രവേശനോത്സവം ചെന്നലോട് ജിയുപി സ്കൂളിൽ നടത്തി. ഗ്രാമപഞ്ചായത്ത് പ്രസിഡന്‍റ് ഷമീം പാറക്കണ്ടി ഉദ്ഘാടനം ചെയ്തു. ആരോഗ്യ വിദ്യാഭ്യാസ സ്ഥിരം സമിതി അധ്യക്ഷൻ വി.ജി. ഷിബു അധ്യക്ഷത വഹിച്ചു. വിജയത്തിനുള്ള അംഗീകാരമായി എൽഎസ്എസ് ജേതാക്കൾ അക്ഷരദീപം തെളിയിച്ചു. കുട്ടികളുടെ കലാപരിപാടികളും അരങ്ങേറി. വികസനകാര്യ സ്ഥിരം സമിതി അധ്യക്ഷ ഷീജ ആന്‍റണി, ഗ്രാമപഞ്ചായത്ത് അംഗം വിജയൻ തോട്ടുങ്കൽ, പിടിഎ പ്രസിഡന്‍റ് വി.കെ. ബിനു, ഇസാഫ് ബാങ്ക് മാനേജർ ആർ.എം. ഷൈജു, പി.സി. മൊയ്തൂട്ടി, വിദ്യാർഥി പ്രതിനിധികളായ ജൂവൽ മരിയ പ്രവീണ്‍, അമുനയ, സ്കൂൾ പ്രധാനാധ്യാപിക ജയരത്നം, സ്റ്റാഫ് സെക്രട്ടറി നസീറ തുടങ്ങിയവർ പ്രസംഗിച്ചു. കൽപ്പറ്റ: എസ്കഐംജെ ഹൈസ്കൂളിൽ പ്രവേശനോത്സവ ദിനത്തിൽ ലഹരിവിരുദ്ധ സന്ദേശംൽകി.വാർഡ് കൗണ്‍സിലർ ടി. മണി ഉദ്ഘാടനം ചെയ്തു. പിടിഎ പ്രസിഡന്‍റ് ബിനി സതീശൻ അധ്യക്ഷത വഹിച്ചു. എച്ച്എം എ.പി. കൃഷ്ണകുമാർ, എഴുത്തുകാരി പി.ജി. ലത എന്നിവർ പ്രസംഗിച്ചു. വിമുക്തി മിഷൻ ജില്ലാ കോഓർഡിനേറ്റർ ലഹരി വിരുദ്ധ സന്ദേശം നൽകി. പുൽപ്പള്ളി: പഞ്ചായത്ത്തല സ്കൂൾ പ്രവേശനോത്സവം വിജയ എഎൽപി സ്കൂളിൽ ഗ്രാമപഞ്ചായത്ത് പ്രസിഡന്‍റ് ടി.എസ്. ദിലിപ് കുമാർ ഉദ്ഘാടനം ചെയ്തു. വൈസ് പ്രസിഡന്‍റ് ശോഭന സുകു അധ്യക്ഷത വഹിച്ചു. പടിഞ്ഞാറത്തറ: പടിഞ്ഞാറത്തറ ഗവ.എൽപി സ്കൂളിൽ പ്രവേശനോത്സവം നടത്തി. പ്രവേശനോത്സവം വാർഡ് അംഗം ബിന്ദു ബാബു ഉദ്ഘാടനം ചെയ്തു. പിടിഎ വൈസ് പ്രസിഡന്‍റ് എൻ.കെ. മുനീർ അധ്യക്ഷത വഹിച്ചു. സ്കൂളിൽ നിന്നും സ്ഥലം മാറി പോകുന്ന അധ്യാപകർക്ക് പിടിഎ ഉപഹാരം നൽകി. മുഹമ്മദ് ഷെരീഫ്, ക്ലാരമ്മ ദേവസ്യ, മദർ പിടിഎ പ്രസിഡന്‍റ് അന്പിളി ഷാജി, ഹെഡ്മിസ്ട്രസ് കെ.പി. സുസ്മിത, സ്റ്റാഫ് സെക്രട്ടറി എം.കെ. ഷെമീർ എന്നിവർ പ്രസംഗിച്ചു. മീനങ്ങാടി: പുതുവർഷത്തിൽ സ്കൂളിലെത്തുന്ന വിദ്യാർഥികളെ വരവേൽക്കാൻ ലഹരി വിരുദ്ധ ഒപ്പ് മരവുമായി വിദ്യാർഥികൾ. മീനങ്ങാടി ഗവ. ഹയർ സെക്കൻഡറി സ്കൂളിലെ സ്റ്റുഡന്‍റ് പോലീസ് കേഡറ്റുകളാണ് സ്കൂൾ കവാടത്തിൽ ലഹരി വിരുദ്ധ സന്ദേശങ്ങൾ ഉൾക്കൊള്ളുന്ന പ്ലക്കാർഡുകളുമായി ഒപ്പുമരം തീർത്തത്. ജില്ലാ പഞ്ചായത്ത് ഡിവിഷൻ അംഗം സിന്ധു ശ്രീധരൻ ഉദ്ഘാടനം ചെയ്തു. പ്രിൻസിപ്പൽ ഷിവി കൃഷ്ണൻ, പ്രധാനാധ്യാപിക പി.ഒ. സുമിത, ഗ്രാമപഞ്ചായത്ത് അംഗം പി.വി. വേണുഗോപാൽ,പിടിഎ പ്രസിഡന്‍റ് എസ്. ഹാജിസ്, സിപിഒ റജീന ബക്കർ, കെ.എ. അലിയാർ, ടി.വി. കുര്യാക്കോസ് എന്നിവർ പ്രസംഗിച്ചു. വിദ്യാർഥികൾ ലഹരി വിരുദ്ധ പ്രതിജ്ഞയെടുത്തു. കാട്ടിക്കുളം: ചേലൂർ അസീസി എൽപി സ്കൂളിൽ പ്രവേശനോത്സവം ആഘോഷിച്ചു. ചേലൂർ സെന്‍റ് സെബാസ്റ്റ്യൻസ് പള്ളി വികാരി ഫാ. വിനോദ് പാക്കാനിക്കുഴി ഉദ്ഘാടനം നിർവഹിച്ചു. ചേലൂർ കരുണാഭവൻ ഡയറക്ടർ ഫാ. ജിജോ മറ്റപ്പള്ളി അധ്യക്ഷത വഹിച്ചു. നവാഗതരെ അക്ഷരദീപം തെളിയിച്ചും കിരീടം അണിയിച്ചും സമ്മാനങ്ങൾ നൽകിയും സ്വാഗതം ചെയ്തു. പിടിഎ പ്രസിഡന്‍റ് കെ.കെ. ഷെഫീഖ്, ഹെഡ്മിസ്ട്രസ് സിസ്റ്റർ ജിജി തോമസ്, സീനിയർ അധ്യാപകൻ ബ്രദർ അനൂപ് ഫിലിപ്പ്, എംപിടിഎ പ്രസിഡന്‍റ് കെ.ജി. രശ്മി എന്നിവർ പ്രസംഗിച്ചു. കൽപ്പറ്റ: കണിയാന്പറ്റ ഗവ.യുപി സ്കൂളിൽ സംഘടിപ്പിച്ച പ്രവേശനോത്സവം വാർഡ് അംഗം ലത്തീഫ് മേമാടൻ ഉദ്ഘാടനം ചെയ്തു. സ്കൂൾ അധികൃതർ വിദ്യാർത്ഥികൾക്ക് സമ്മാനങ്ങൾ നൽകി സ്വീകരിച്ചു. പിടിഎ പ്രസിഡന്‍റ് കെ. നിഷാദുദ്ധീൻ അധ്യക്ഷനായ പരിപാടിയിൽ പ്രധാനാധ്യാപിക ലിസി ജോസഫ്, പി.ജെ. റൈച്ചൽ, എസ്എംസി ചെയർമാൻ ടി.പി. ഹാരിസ്, പിടിഎ വൈസ് പ്രസിഡന്‍റ് ടി.കെ. ജാഫർ, സിദ്ദിഖ് മായങ്കോടൻ, സി.എച്ച്. ഹനീഫ, സാലി മാത്യു എന്നിവർ പങ്കെടുത്തു. വെള്ളമുണ്ട: വെള്ളമുണ്ട ഗവ.മോഡൽ ഹയർ സെക്കൻഡറി സ്കൂൾ പ്രവേശനോത്സവം ജില്ലാ പഞ്ചായത്ത് ക്ഷേമകാര്യ സ്റ്റാൻഡിംഗ് കമ്മിറ്റി ചെയർമാൻ ജുനൈദ് കൈപ്പാണി ഉദ്ഘാടനം ചെയ്തു. പിടിഎ വൈസ് പ്രസിഡന്‍റ് സലീം കേളോത്ത് അധ്യക്ഷത വഹിച്ചു. സ്കൂൾ കഫേയുമായി വിദ്യാലയങ്ങൾ കൽപ്പറ്റ: ജില്ലയിലെ വിദ്യാലയങ്ങളിൽ ഇനി സ്കൂൾ കഫേ പ്രവർത്തിക്കും. സ്കൂളുകളിൽ ലഹരി വിരുദ്ധ പ്രവർത്തനങ്ങൾ ലക്ഷ്യമാക്കിയാണ് കഫെ പ്രവർത്തിക്കുക. സ്വന്തമായി സ്ഥലമുള്ള സ്കൂളിൽ കഫേ ആരംഭിക്കുമെന്ന് ജില്ലാ പഞ്ചായത്ത് പ്രസിഡന്‍റ് സംഷാദ് മരക്കാർ അറിയിച്ചു. കൽപ്പറ്റ ഗവ. വൊക്കേഷൻ ഹയർസെക്കൻഡറി സ്കൂളിൽ നടന്ന ജില്ലാതല പ്രവേശനോത്സവത്തിൽ അധ്യക്ഷത വഹിച്ച് പ്രസംഗിക്കുകയായിരുന്നു അദ്ദേഹം. കുട്ടികൾക്കും അധ്യാപകർക്കും ആവശ്യമായ സ്റ്റേഷനറി, മറ്റ് വസ്തുക്കൾ സ്കൂൾ കോന്പൗണ്ടിൽ ലഭ്യമാക്കുകയാണ് കഫെയിലൂടെ ലക്ഷ്യമിടുന്നത്. കുടുംബശ്രീക്കാണ് കഫെയുടെ നടത്തിപ്പ് ചുമതല. വിദ്യാഭ്യാസ രംഗത്ത് കൂടുതൽ തുക വകയിരുത്തി മികച്ച വിദ്യാഭ്യാസം ഉറപ്പാക്കി കൊഴിഞ്ഞുപോക്ക് തടഞ്ഞ് മാറ്റത്തിന് ഒരുങ്ങുകയാണ് ജില്ലയെന്നും പ്രസിഡന്‍റ് പറഞ്ഞു. മഹാദുരന്തവും മറ്റ് പ്രതിസന്ധികളും തരണം ചെയ്ത് എസ്എസ്എൽസി, പ്ലസ് ടു പരീക്ഷകളിൽ വിദ്യാർത്ഥികൾ കരസ്ഥമാക്കിയ വിജയം മാതൃകയാണ്. എസ്എസ്എൽസി ജയത്തിൽ 13-ാം സ്ഥാനത്തുണ്ടായിരുന്ന ജില്ല കഴിഞ്ഞ എസ്എസ്എൽസി വിജയ ശതമാനത്തിൽ ആറാം സ്ഥാനത്തെത്തിയത് വരും വർഷങ്ങളിൽ പഠന നിലവാരവും വിജയശതമാനവും ഉയർത്തുന്നതിന് കൂടുതൽ പ്രചോദനമാകുമെന്നും ജില്ലാ പഞ്ചായത്ത് പ്രസിഡന്‍റ് പറഞ്ഞു.

ക്രിക്കറ്റ് കോച്ചിംഗ് ക്യാന്പ് സമാപിച്ചു

കൽപ്പറ്റ: ജില്ലാ ക്രിക്കറ്റ് അസോസിയേഷൻ എട്ട് കേന്ദ്രങ്ങളിൽ കുട്ടികൾക്ക് സംഘടിപ്പിച്ച സമ്മർ ക്രിക്കറ്റ് കോച്ചിംഗ് ക്യാന്പ് സമാപിച്ചു. കൃഷ്ണഗിരി സ്റ്റേഡിയത്തിൽ ജില്ലാതല സമാപനച്ചടങ്ങിൽ ജില്ലാ ക്രിക്കറ്റ് അസോസിയേഷൻ സെക്രട്ടറി നാസിർ മച്ചാൻ അധ്യക്ഷത വഹിച്ചു. ജോയിന്‍റ് സെക്രട്ടറി എ.എം. നൂർഷ, മാനേജർ അനീഷ് കുമാർ, കെസിഎ കോച്ചുമാരായ ജസ്റ്റിൻ ഫെർണാണ്ടസ്, ജിനി ജോമോൻ, ജില്ലാ പരിശീലകരായ അനീഷ് സാന്േ‍റാ, രമിത, ഫസൽ റഹ്മാൻ, സുശാന്ത് എന്നിവർ സർട്ടിഫിക്കറ്റുകൾ വിതരണം ചെയ്തു. ചെയ്യുകയും ചെയ്തു. കൃഷ്ണഗിരി,പുൽപ്പള്ളി, കൽപ്പറ്റ, മേപ്പാടി, പനമരം, മാനന്തവാടി കുഞ്ഞോം,ചുള്ളിയോട് എന്നിവിടങ്ങളിലാണ് ക്യാന്പുകൾ നടന്നത്. 230 കുട്ടികൾ പങ്കെടുത്തു.

ബ്രഹ്മഗിരി സൊസൈറ്റി അഴിമതിക്കെതിരേ പ്രക്ഷോഭത്തിന് കോണ്‍ഗ്രസ് നേതൃത്വം നൽകും

കൽപ്പറ്റ: കോടികൾ നിക്ഷേപം സ്വീകരിച്ച് നിക്ഷേപകരെ വഞ്ചിച്ച ബ്രഹ്മഗിരി സൊസൈറ്റി ഭരണ സമിതിക്കെതിരെയും സിപിഎം ജില്ലാ നേതൃത്വത്തിനെതിരെയും ഇന്ത്യൻ നാഷണൽ കോണ്‍ഗ്രസിന്‍റെ നേതൃത്വത്തിൽ ജനകീയ പ്രക്ഷോപം നടത്താൻ ജില്ലാ കോണ്‍ഗ്രസ് കമ്മിറ്റി ജനറൽ ബോഡി യോഗം തീരുമാനിച്ചു. സംസ്ഥാനത്തിന്‍റെ പല ഭാഗത്തു നിന്നും റിട്ടയർ ചെയ്ത ഉദ്യോഗസ്ഥരിൽ നിന്നും സഹകരണ ബാങ്കുകൾ, തദ്ദേശ സ്വയംഭരണ സ്ഥാപനങ്ങൾ, കുടുംബശ്രീ യൂണിറ്റുകൾ, പാൽ സൊസൈറ്റികൾ എന്നിവയിൽ നിന്നും കോടികൾ നിക്ഷേപമായി സ്വീകരിച്ച് ഭരണ സമിതിയും സിപിഎം പാർട്ടി നേതാക്കളും കട്ട്മുടിച്ച് സ്ഥാപനത്തെ മുച്ചൂടും നശിപ്പിച്ച് സ്ഥാപനം പൂട്ടികെട്ടി. നിക്ഷേപകർ നിക്ഷേപ തുക ചോദിക്കുന്പോൾ നിക്ഷേപകരെ പോലീസ് സാനിധ്യത്തിൽ ഭീക്ഷണിപ്പെടുത്തി പറഞ്ഞയച്ചു. നിക്ഷേപകർ ആത്മഹത്യയുടെ വക്കിലാണ്. കാല വർഷക്കെടുതിയിൽ കാർഷിക വിളകൾ നഷ്ട്ടപ്പെട്ടവർക്കും വന്യമൃഗങ്ങളാൽ നാശനഷ്ടങ്ങൾ വരുത്തിയ കാർഷിക വിളകൾക്കും മനുഷ്യ ജീവനുകൾ നഷ്ടപ്പെട്ടതിനും സർക്കാർ നഷ്ടപരിഹാരം നൽകാതെ ഒളിച്ചു കളിക്കുകയാണ്. ഇതിനെതിരെ ഡിസിസിയുടെ നേതൃത്വത്തിൽ ജില്ലയിൽമുഴുവൻ വാഹന പ്രചാരണ ജാഥ നടത്തുവാനും തീരുമാനിച്ചു. യോഗത്തിൽ ഡിസിസി പ്രസിഡന്‍റ് എൻ.ഡി. അപ്പച്ചൻ അധ്യക്ഷത വഹിച്ചു. പി.കെ. ജയലക്ഷ്മി, കെ.എൽ. പൗലോസ്, പി.പി. ആലി, സി.പി. വർഗീസ്, എൻ.കെ. വർഗീസ്, ഒ.വി. അപ്പച്ചൻ, വേണുഗോപാൽ ടി.പി. രാജശേഖരൻ, എൻ.സി. കൃഷ്ണകുമാർ, ബിനു തോമസ്, രാജേഷ് കുമാർ, നിസ്‌സി അഹമ്മദ്, മൊയിൻ കടവൻ, വിജയമ്മ, പി. ശോഭന കുമാരി, കമ്മനം മോഹനൻ, ബീന ജോസ്, എൻ.യു. ഉലഹന്നാൻ, ചിന്ന ജോസ്, പി.വി. ജോർജ്, ഒ.ആർ. രഘു, എ.എം. നിഷാന്ത്, ജിൽസണ്‍, വർഗീസ് മുരിയങ്കാവിൽ, പോൾസണ്‍ കൂവക്കൽ, ബി. സുരേഷ് ബാബു, ജിനി തോമസ്, കെ.കെ. വിശ്വനാഥൻ, സജീവൻ മടക്കിമല, ശശികുമാർ, ഇ.എ. ശങ്കരൻ എന്നിവർ പ്രസംഗിച്ചു.

വേഗത നിയന്ത്രണ ബോർഡ് സ്ഥാപിച്ചു

പുൽപ്പള്ളി: പാടിച്ചിറ സെന്‍റ് സെബാസ്റ്റ്യൻസ് യുപി സ്കൂളിന്‍റെ മുൻവശത്ത് ബിഗ് ബ്രോസ് സ്വാശ്രയ സംഘം വേഗത നിയന്ത്രണ ബോർഡ് സ്ഥാപിച്ചു. പുൽപ്പള്ളി പോലീസ് സ്റ്റേഷൻ ഓഫീസർ അജേഷ് ഉദ്ഘാടനം ചെയ്തു. ചടങ്ങിൽ സംഘം പ്രസിഡന്‍റ് ശ്രീലേഷ് കദളിപറന്പിൽ, സ്കൂൾ മാനേജർ ഫാ. സജി ഇളയിടത്ത്, സ്കൂൾ ഹെഡ്മാസ്റ്റർ സാബു പി. ജോണ്‍, സംഘം സെക്രട്ടറി ജയ്മോൻ അരീക്കുഴി, പാടിച്ചിറ വ്യാപാരി വ്യവസായി ഏകോപന സമിതി ഭാരവാഹികളായ വിജയൻ മാടോലിൽ, ഷിജു കിഴക്കേഭാഗത്ത് എന്നിവർ പ്രസംഗിച്ചു.

തമിഴ്നാട്ടിൽ സ്കൂളുകൾ തുറന്നു

ഗൂഡല്ലൂർ: വേനലവധിക്ക് ശേഷം തമിഴ്നാട്ടിൽ സ്കൂളുകൾ തുറന്നു. ഒന്നാം ക്ലാസ് മുതൽ പ്ലസ് ടു വരെയുള്ള ക്ലാസുകളാണ് ഇന്നലെ ആരംഭിച്ചത്. നീലഗിരി ജില്ലയിലെ കുന്നൂർ, ഗൂഡല്ലൂർ വിദ്യാഭ്യാസ ജില്ലയിലെ 698 സർക്കാർ-സ്വകാര്യ സ്കൂളുകളാണ് തുറന്നത്. സ്കൂളുകൾ തുറക്കുന്നതിന് മുന്പ് ക്ലാസുകൾ ശുചീകരിച്ചിരുന്നു. ഇന്നലെ സ്കൂളുകളിൽ പ്രവേശനോത്സവം നടന്നു.

ജില്ലാ ബാഡ്മിന്‍റണ്‍ ചാന്പ്യൻഷിപ്പ് സമാപിച്ചു

തരുവണ: ജില്ലാ ബാഡ്മിന്‍റണ്‍ അസോസിയേഷന്‍റെ ആഭിമുഖ്യത്തിൽ നടത്തിയ ജില്ലാ ബാഡ്മിന്‍റണ്‍ സബ് ജൂണിയർ, ജൂണിയർ വിഭാഗം ചാന്പ്യൻഷിപ്പ് തരുവണ ഗെയിം സിറ്റി ഇൻഡോർ സ്റ്റേഡിയത്തിൽ സമാപിച്ചു. ജില്ലാ പഞ്ചായത്ത് ക്ഷേമകാര്യ സ്റ്റാൻഡിംഗ് കമ്മിറ്റി ചെയർമാൻ ജുനൈദ് കൈപ്പാണി ഉദ്ഘാടനം ചെയ്തു.വിജയികൾക്കുള്ള ട്രോഫി വിതരണവും നടത്തി. സംസ്ഥാനതലത്തിൽ മത്സരിക്കാനുള്ള ജില്ലാടീമിനെ തെരഞ്ഞെടുത്തു. ചാന്പ്യൻഷിപ്പിൽ എഴുപതോളം കുട്ടികൾ പങ്കെടുത്തു. ചടങ്ങിൽ അസോസിയേഷൻ ഭാരവാഹികളായ ടോം ജോസഫ്, ഡോ. സജിത്, ദിവാകരൻ തുടങ്ങിയവർ പ്രസംഗിച്ചു.

പാഠപുസ്തകങ്ങൾ വിതരണം ചെയ്തു

ഉൗട്ടി: ഉൗട്ടി ഗവ. സ്കൂളിൽ നടന്ന പരിപാടിയിൽ ജില്ലാ കളക്ടർ ലക്ഷ്മി ഭവ്യതന്നീറു തമിഴ്നാട് സർക്കാരിന്‍റെ സൗജന്യ പാഠപുസ്തകങ്ങൾ വിദ്യാർഥികൾക്ക് വിതരണം ചെയ്തു. മറ്റ് പഠനോപകരണങ്ങളും വിതരണം ചെയ്തു. ഉൗട്ടി എംഎൽഎ ആർ. ഗണേഷ്, ജില്ലാ വിദ്യാഭ്യാസ ഓഫീസർ നന്തകുമാർ, ഉൗട്ടി ആർഡിഒ സതീഷ്കുമാർ, തഹസിൽദാർ ശങ്കർ ഗണേഷ്, ജില്ലാ സാമൂഹിക ക്ഷേമ ഓഫീസർ പ്രവീണാ ദേവി, സ്കൂൾ പ്രധാനാധ്യാപിക മേഘനാദേവി തുടങ്ങിയവർ സംബന്ധിച്ചു.

മെഡിക്കൽ കോളജിലെ മലിനജലം ജനവാസമേഖലയിലെത്തുന്നതായി പരാതി

മാനന്തവാടി: ഗവ. മെഡിക്കൽ കോളജിലെ മാലിന്യ സംസ്കരണ പ്ലാന്‍റിൽ നിന്ന് പുറത്തു വിടുന്ന മലിനജലം ജനവാസമേഖലയിലെത്തുന്നതായി നാട്ടുകാരുടെ പരാതി. ആശുപത്രിയുടെ പരിസരത്തുള്ള 50ലേറെ കുടുംബങ്ങളാണ് ഇതുമൂലം കടുത്ത പ്രയാസനുഭവിക്കുന്നത്. മഴ വെള്ളത്തോടൊപ്പം ചൂട്ടക്കടവ് ഭാഗത്ത് ഇത് കബനിപ്പുഴയിലേക്ക് ഒഴുകു യെത്തുന്നുമുണ്ട്.പലതവണ അധികൃതർക്ക് പരാതി നൽകിയിട്ടും പരിഹാര നടപടികൾ ഒന്നുമുണ്ടാകുന്നില്ലെന്നാണ് ആരോപണം. മഴക്കാലത്തിനു മുന്പും ഇത്തരത്തിൽ പ്രതിസന്ധിയുണ്ടായിരുന്നു. സബ് കളക്ടർ, ആശുപത്രി സൂപ്രണ്ട്, നഗരസഭാധികൃതർ എന്നിവർക്ക് പ്രദേശവാസികൾ പരാതി നൽകിയിരുന്നു. മുന്പ് സിറിഞ്ച് ഉൾപ്പെടെയുള്ള ആശുപത്രി മാലിന്യങ്ങൾ മലിന ജലത്തോടൊപ്പം പ്രദേശത്തേക്ക് ഒഴുകിയെത്തിയിരുന്നതായാണ് നാട്ടുകാർ പറയുന്നത്.

ബ്രഹ്മഗിരി സൊസൈറ്റി: പണം നൽകിയവരുടെ പ്രതീക്ഷ മങ്ങുന്നു

കൽപ്പറ്റ: വിവിധ പ്രോജക്ടുകളിൽ മുടക്കുന്നതിന് ബ്രഹ്മഗിരി ഡവലപ്മെന്‍റ് സൊസൈറ്റിക്ക് പണം നൽകിയവരിൽ പ്രതീക്ഷ മങ്ങുന്നു. വിരമിച്ച ഉദ്യോഗസ്ഥർ, കർഷകർ, തൊഴിലാളികൾ എന്നിവരിൽനിന്നും സ്ഥാപനങ്ങളിൽനിന്നും പലിശ വാഗ്ദാനം ചെയ്തു കൈപ്പറ്റിയ തുക ഏപ്പോൾ തിരികെ നൽകുമെന്ന് വ്യക്തതയോടെ പറയാൻ സൊസൈറ്റി മാനേജ്മെന്‍റിനു കഴിയുന്നില്ല. നിലവിൽ അടഞ്ഞുകിടക്കുന്ന മഞ്ഞാടിയിലെ ഫാക്ടറി പ്രവർത്തനം പുനരാരംഭിച്ച് ലാഭത്തിലോടുന്ന മുറയ്ക്ക് മുതലും പലിശയും ഘട്ടങ്ങളായി നൽകുമെന്ന നിലപാടിലാണ് മാനേജ്മെന്‍റ്. അതേസമയം ഫാക്ടറി പ്രവർത്തനക്ഷമമാക്കാനുള്ള നീക്കങ്ങൾ എങ്ങുമെത്തുന്നില്ല. ഫാക്ടറി പ്രവർത്തിപ്പിക്കുന്നതിന് മുന്പ് സ്വകാര്യ സംരംഭകനുമായി ഏർപ്പെട്ട കരാർ റദ്ദാകുകയാണ് ചെയ്തത്. പിന്നീട് ഫാക്ടറി നടത്തിപ്പ് സ്വകാര്യ മേഖലയിലെ ധനകാര്യ സ്ഥാപനത്തെ ഏൽപ്പിക്കുന്നതിന് നീക്കം നടത്തിയെങ്കിലും ലക്ഷ്യത്തിലെത്തിയില്ല. കഴിഞ്ഞ ദിവസം സൊസൈറ്റിയുടെ പാതിരിപ്പാലം ഓഫീസിലെത്തി മുതലും പലിശയും തിരികെ ആവശ്യപ്പെട്ടവർക്ക് നിരാശയോടെ മടങ്ങേണ്ട സ്ഥിതിയാണുണ്ടായത്. ആർക്കും ഒരു വിധത്തിലുള്ള ഉറപ്പും നൽകാൻ ഓഫീസിൽ ഉണ്ടായിരുന്നവർക്ക് കഴിഞ്ഞില്ല. സിപിഎമ്മിന്‍റെ പരോക്ഷ നിയന്ത്രണത്തിൽ പതിറ്റാണ്ടുകൾ മുന്പ് പ്രവർത്തനം തുടങ്ങിയതാണ് ബ്രഹ്മഗിരി ഡവലപ്മെന്‍റ് സൊസൊറ്റി. സിപിഎം നേതാവും ബത്തേരി എംഎൽഎയുമായിരുന്ന അന്തരിച്ച പി.വി. വർഗീസ് വൈദ്യരാണ് സൊസൈറ്റി സ്ഥാപക ചെയർമാൻ. ക്ഷീരകർഷകരുടെ വരുമാനം വർധിപ്പിക്കുന്നതിനുള്ള പരിപാടികളാണ് തുടക്കത്തിൽ സൊസൈറ്റി നടത്തിയത്. പിന്നീട് മലബാർ മീറ്റ്, വയനാട് കോഫി, ഫാർമേഴ്സ് ട്രേഡ് മാർക്കറ്റ് തുടങ്ങിയ പദ്ധതികൾ നടപ്പാക്കി. കേരള ചിക്കൻ പ്രോജക്ടിന്‍റെ നോഡൽ എജൻസിയായും പ്രവർത്തിച്ചു. വിവിധ പ്രോജക്ടുകളുടെ നിർവഹണത്തിനാണ് സൊസൈറ്റി വ്യക്തികളിൽനിന്നും സ്ഥാപനങ്ങളിൽനിന്നുമടക്കം പണം പലിശയ്ക്കു വാങ്ങിയത്. 2016നും 2019നും ഇടയിലായിരുന്നു ഇത്. വായ്പ ഇനത്തിൽ 600ൽപരം വ്യക്തികൾക്കും പത്ത് സഹകരണ ബാങ്കുകളടക്കം ധനകാര്യ സ്ഥാപനങ്ങൾക്കും 70 കോടിയിലധികം രൂപയാണ് സൊസൈറ്റി നൽകാനുള്ളത്. വ്യക്തിഗതമായി സൊസൈറ്റിക്കു പണം നൽകിയവരിൽ ഭൂരിപക്ഷവും വിരമിച്ച സിപിഎം അനുഭാവികളായ സർക്കാർ ഉദ്യോഗസ്ഥരും അധ്യാപകരുമാണ്. മക്കളുടെ വിദ്യാഭ്യാസം, വിവാഹം, വീടുപണി, ചികിത്സ തുടങ്ങിയ ആവശ്യങ്ങൾക്ക് കരുതിവച്ച പണം അപ്പാടെ സൊസൈറ്റിക്കു നൽകിയവർ വെട്ടിലായിരിക്കയാണ്. ഡയറക്ടർ ബോർഡ് അംഗങ്ങളിൽ ഏറെയും സിപിഎം അംഗങ്ങളോ അനുഭാവികളോ ആയിരുന്നിട്ടും സൊസൈറ്റിയെ പ്രതിസന്ധിയിൽനിന്നു കരകയറ്റുന്നതിനും വ്യക്തികളിൽനിന്നും മറ്റും വാങ്ങിയ പണം തിരികെ കൊടുപ്പിക്കുന്നതിനും പാർട്ടിതലത്തിൽ കാര്യമായ ഇടപെടൽ ഉണ്ടാകുന്നില്ല. ബ്രഹ്മഗിരിയിൽ 1.5 കോടി രൂപ നിക്ഷേപിച്ച പ്രവാസി സംഘടനയുടെ ഭാരവാഹികൾ മാസങ്ങൾ മുന്പ് സിപിഎം സംസ്ഥാന സെക്രട്ടറിയെ നേരിൽക്കണ്ട് പ്രശ്നപരിഹാരത്തിനു ഇടപെടണമെന്ന് അഭ്യർഥിച്ചിരുന്നു. പാർട്ടി സെക്രട്ടറി ചുമതലപ്പെടുത്തിയനുസരിച്ച് ധനമന്ത്രി സൊസൈറ്റി ആസ്ഥാനത്ത് എത്തി സാഹചര്യങ്ങൾ വിലയിരുത്തുകയുമുണ്ടായി. എന്നിട്ടും സൊസൈറ്റിക്കു പണം നൽകിയവർക്ക് ആശ്വാസം പകരുന്ന നീക്കങ്ങൾ പാർട്ടിതലത്തിൽ ഉണ്ടായില്ല. സൊസൈറ്റി നേരിടുന്ന പ്രതിസന്ധിയിൽ പാർട്ടിക്ക് ഉത്തരവാദിത്വമില്ലെന്ന നിലപാടാണ് നേതാക്കളിൽ ചിലർ സ്വീകരിച്ചത്. ധനവിനിയോഗത്തിലെ പിടിപ്പുകേടും പ്രോജക്ടുകളിൽ പലതും പരാജയപ്പെട്ടതുമാണ് സൊസൈറ്റിക്കുണ്ടായ ദുര്യോഗത്തിനു പ്രധാന കാരണങ്ങളായി ജില്ലയിൽ പൊതുരംഗത്തുള്ളവരിൽ പലരും വിലയിരുത്തുന്നത്. നിർവഹണത്തിലെ വീഴ്ചയാണ് പ്രോജക്ടുകൾ നഷ്ടത്തിലാക്കിയതെന്നു അവർ പറയുന്നു. മലബാർ മീറ്റ് പ്ലാന്‍റ് യാഥാർഥ്യമാക്കുന്നതിനു മാത്രം 4.21 കോടി രൂപ കുടുംബശ്രീ യൂണിറ്റുകൾ, ക്ഷീര സംഘങ്ങൾ എന്നിവയിൽനിന്നും വ്യക്തികളിൽനിന്നും സൊസൈറ്റി സമാഹരിച്ചിരുന്നു. ഈ ബാധ്യത നിലനിൽക്കെയാണ് വിരമിച്ച ജീവനക്കാരിൽനിന്നടക്കം വൻ തുക വായ്പയായും മറ്റും സ്വീകരിച്ചത്. സൊസൈറ്റിക്കു നൽകിയ പണം തിരിച്ചുപിടിക്കുന്നതിന് ചിലർ ജില്ലാ കളക്ടർക്കും തുടർന്ന് നവകേരള സദസിലും നൽകിയ പരാതികൾ ഫലം ചെയ്തില്ല. വൻതുക ലഭിക്കാനുള്ള ചിലർ കോടതിയിൽനിന്നു ബ്രഹ്മഗിരി സൊസൈറ്റിയുടെ വസ്തുക്കളിൽ അറ്റാച്ച്മെന്‍റ് ബിഫോർ ജഡ്ജ്മെന്‍റ് ഉത്തരവ് നേടിയിട്ടുണ്ട്. സൊസൈറ്റിക്കു പണം നൽകിയവരിൽ ചിലർ ചേർന്ന് കർമ സമിതി രൂപീകരിച്ചിരുന്നു. സമിതി നേതൃത്വം സൊസൈറ്റി മാനേജ്മെന്‍റിൽ ചെലുത്തുന്ന സമ്മർദം വിലപ്പോകുന്നില്ല. സൊസൈറ്റി സമാഹരിച്ച തുകയുടെ വിനിയോഗത്തിൽ സമഗ്രാന്വേഷണം ഉണ്ടാകണമെന്ന് അഭിപ്രായപ്പെടുന്നവർ നിരവധിയാണ്. സിപിഎം നിലപാട് വ്യക്തമാക്കണമെന്ന് ഡിസിസി പ്രസിഡന്‍റ് കൽപ്പറ്റ: ബ്രഹ്മഗിരി ഡെവലപ്മെന്‍റ് സൊസൈറ്റിയിലെ നിക്ഷേപകർ പ്രത്യക്ഷ സമരത്തിലേക്ക് നീങ്ങിയ സാഹചര്യത്തിൽ സിപിഎം നേതാക്കൾ നിലപാട് വ്യക്തമാക്കണമെന്ന് ഡിസിസി പ്രസിഡന്‍റ് എൻ.ഡി. അപ്പച്ചൻ ആവശ്യപ്പെട്ടു. നിക്ഷേപരുടെ സമരത്തിന് കോണ്‍ഗ്രസ് പിന്തുണ നൽകുമെന്ന് അദ്ദേഹം പറഞ്ഞു. വിരമിച്ച ഉദ്യോഗസ്ഥരിൽനിന്നടക്കം കോടിക്കണക്കിന് രൂപയാണ് സൊസൈറ്റി നിക്ഷേപമായി സ്വീകരിച്ചത്. നിക്ഷേപം തിരികെ ലഭ്യമാക്കണമെന്ന് നിക്ഷേപകർ നിരന്തരം ആവശ്യപ്പെട്ടിട്ടും സിപിഎം നിയന്ത്രണത്തിലുള്ള സൊസൈറ്റിയുടെ ഭാഗത്ത് നടപടി ഉണ്ടാകുന്നില്ല. നവകേരളസദസിൽ നൽകിയ പരാതികളും വെറുതെയായി. സർക്കാർ ഓരോ ബജറ്റിലും കോടിക്കണക്കിന് രൂപയാണ് സൊസൈറ്റിക്ക് അനുവദിക്കുന്നത്. ഇതുസംബന്ധിച്ച് വ്യക്തതയില്ലാത്ത സ്ഥിതിയാണുള്ളത്. ചെറുതും വലുതുമായ നിക്ഷേപകരിൽ പലരുടെയും ജീവിതം വഴിമുട്ടിയിരിക്കയാണ്. നിക്ഷേപം എത്രയും വേഗം തിരികെ നൽകി പ്രശ്നം പരിഹരിക്കാൻ ഉത്തരവാദപ്പെട്ടവർ തയാറാകണമെന്നും അപ്പച്ചൻ ആവശ്യപ്പെട്ടു.

എംഡിഎംഎയുമായി യുവാവ് പിടിയിൽ

മാനന്തവാടി: എംഡിഎംഎയും കഞ്ചാവുമായി യുവാവ് പോലീസ് പിടിയിലായി. കുറ്റ്യാടി പാലേരി കോലായിപ്പൊയിൽ അഞ്ചൽ റോഷനെയാണ്(32)തൊണ്ടർനാട് പോലീസ് അറസ്റ്റുചെയ്തത്. ഇയാളിൽനിന്നു 13.86 ഗ്രാം എംഡിഎംഎയും 1.1 ഗ്രാം കഞ്ചാവും പിടിച്ചെടുത്തു. കഴിഞ്ഞദിവസം കുറ്റ്യാടി ഭാഗത്തുനിന്നു മോട്ടോർ സൈക്കിളിൽ വരികയായിരുന്ന ഇയാളെ തൊണ്ടർനാട് ഭാഗത്ത് തടഞ്ഞുനിർത്തി പരിശോധിച്ചപ്പോളാണ് ഷോൾഡർ ബാഗിൽ ലഹരിവസ്തുക്കൾ കണ്ടെത്തിയത്. ഇൻസ്പെക്ടർ എസ്. അഷ്റഫ്, എസ്ഐ മാരായ കെ.പി. അബ്ദുൾ അസീസ്, ഇ. പ്രശാന്ത്, സീനിയർ സിവിൽ പോലീസ് ഓഫീസർ ഇ.എ. യൂനസ്, സിപിഒ മാരായ പി.ആർ. സുധീഷ്, വിമൽജിത്ത് എന്നിവരടങ്ങുന്ന സംഘമാണ് പ്രതിയെ കസ്റ്റഡിയിലെടുത്തത്.

രാസലഹരിയുമായി യുവാവ് അറസ്റ്റിൽ

സുൽത്താൻ ബത്തേരി: 15.1 ഗ്രാം മെത്താംഫിറ്റാമിനുമായി യുവാവ് എക്സൈസ് പിടിയിലായി. പടിഞ്ഞാറത്തറ വൈശാലിമുക്ക് വി. രഹനാസിനെയാണ്(29) എക്സൈസ് സർക്കിൾ ഇൻസ്പെക്ടർ എസ്. സമീർ, ഇന്‍റലിജൻസ് ഇൻസ്പെക്ടർ വി.കെ. മണികണ്ഠൻ എന്നിവരുടെ നേതൃത്വത്തിലുള്ള സംഘം കഴിഞ്ഞ ദിവസം ദേശീയപാതയിലെ മുത്തങ്ങ പൊൻകുഴിയിൽനിന്നു അറസ്റ്റുചെയ്തത്. മൈസൂരുവിൽനിന്നു കോഴിക്കോടിനുള്ള കേരള ആർടിസി ബസിൽ പരിശോധനയിലാണ് യാത്രക്കാരനായ രഹനാസിന്‍റെ കൈവശം മയക്കുമരുന്ന് കണ്ടെത്തിയത്. അസിസ്റ്റന്‍റ് എക്സൈസ് ഇൻസ്പെക്ടർ(ഗ്രേഡ്) ജി. അനിൽകുമാർ, പ്രിവന്‍റീവ് ഓഫീസർ സി.ഡി. സാബു, സിവിൽ എക്സൈസ് ഓഫീസർ എം.എ. രഘു, എം.ജെ. ഷിനോജ്, വനിതാ സിവിൽ എക്സൈസ് ഓഫീസർ ടി.പി. സുദിവ്യ ഭായി, സിവിൽ എക്സൈസ് ഓഫീസർ ഡ്രൈവർമാരായ ടി.പി. സന്തോഷ്, കെ. പ്രസാദ് എന്നിവരും പരിശോധനയിൽ പങ്കെടുത്തു. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.

സ്കൂൾ പ്രവേശനോത്സവം: ഒരുക്കം പൂർത്തിയായി

കൽപ്പറ്റ: ഇന്നത്തെ സ്കൂൾ പ്രവേശനോത്സവവുമായി ബന്ധപ്പെട്ട ഒരുക്കം ജില്ലയിൽ പൂർത്തിയായതായി വിദ്യാഭ്യാസ വകുപ്പ് അധികൃതർ അറിയിച്ചു. വിദ്യാർഥികളുടെ സുരക്ഷ മുൻനിർത്തി സ്കൂൾ കെട്ടിടങ്ങളുടെ പരിശോധന നടത്തി. തദ്ദേശസ്വയംഭരണ സ്ഥാപനം അനുവദിച്ച ഫിറ്റ്നസ് സർട്ടിഫിക്കറ്റ് സ്കൂളിൽ സൂക്ഷിക്കും. സ്കൂൾ പരിസരങ്ങൾ വൃത്തിയാക്കി അപകടകരമായ സാഹചര്യങ്ങൾ ഇല്ലെന്നും മെച്ചപ്പെട്ട പഠനാന്തരീക്ഷം, ഭിന്നശേഷി കുട്ടികൾക്ക് പ്രത്യേക അടിസ്ഥാന സൗകര്യം തുടങ്ങിയവ ഒരുക്കിയിട്ടുണ്ടെന്നും ഉറപ്പുവരുത്തിയിട്ടുണ്ട്. സ്കൂൾ പരിസരങ്ങളിലെ കടകളിൽ നിരോധിച്ച വസ്തുക്കൾ, ലഹരി പദാർഥങ്ങൾ എന്നിവ വിൽക്കുന്നില്ലെന്നു ഉറപ്പുവരുത്തുന്നതിന് നടപടി സ്വീകരിച്ചു. സ്കൂൾ ബസുകളുടെ പരിശോധന നേരത്തേ നടത്തി. പട്ടികവർഗ വിദ്യാർഥികളെ സ്കൂളുകളിൽ എത്തിക്കുന്നതിനുള്ള വിദ്യാവാഹിനി പദ്ധതി ഇന്നു മുതൽ സജീവമാകും. സ്കൂൾ പ്രവേശനോത്സവത്തിന്‍റെ സംസ്ഥാനതല ഉദ്ഘാടനം എല്ലാ സ്കൂളുകളിലും തത്സമയം പ്രദർശിപ്പിക്കും. ഇതിനുശേഷമാണ് സ്കൂൾതല, ജില്ലാതല പ്രവേശനോത്സവം. ജില്ലാതല പ്രവേശനോത്സവം ഇന്നു രാവിലെ 9.30ന് മുണ്ടേരി വൊക്കേഷണൽ ഹയർ സെക്കൻഡറി സ്കൂളിൽ പട്ടികജാതി-വർഗ- പിന്നാക്ക ക്ഷേമ മന്ത്രി ഒ.ആർ. കേളു ഉദ്ഘാടനം ചെയ്യും.

വെള്ളാർമല സ്കൂളിലെ വിദ്യാർഥികളുടെ പഠനം ഇന്നുമുതൽ പുതിയ ക്ലാസ് മുറികളിൽ

കൽപ്പറ്റ: പുഞ്ചിരിമട്ടം ഉരുൾപൊട്ടലിൽ തകർന്ന വെള്ളാർമല ഗവ.വൊക്കേഷനൽ ഹയർ സെക്കൻഡറി സ്ക്കൂളിലെ വിദ്യാർഥികളുടെ പഠനം ഇന്നുമുതൽ പുതിയ ക്ലാസ് മുറികളിൽ. ബിൽഡേഴ്സ് അസോസിയേഷൻ ഓഫ് ഇന്ത്യ(ബിഎഐ)മേപ്പാടി ഗവ.ഹയർ സെക്കൻഡറി സ്കൂൾ വളപ്പിൽ നിർമിച്ചുകൈമാറി കെട്ടിടത്തിലെ മുറികളിലാണ് ഇനി ക്ലാസുകൾ നടക്കുക. ഉരുൾ ദുരന്തത്തിനുശേഷം വെള്ളാർമല സ്കൂൾ മേപ്പാടി ഗവ.ഹയർസെക്കൻഡറി സ്കൂളിലാണ് പ്രവർത്തിക്കുന്നത്. ബിഎഐ എട്ട് ക്ലാസ് മുറികളും 10 ശുചിമുറികളുമുള്ള കെട്ടിടമാണ് വിദ്യാലയത്തിന് നിർമിച്ചുനൽകിയത്. സ്കൂളിന് കൈമാറുന്നതിന് നാല് ക്ലാസ് മുറികളുടെയും ആറ് ശുചിമുറികളുടെയും നിർമാണം ബിഎഐ ജൂണ്‍ അവസാനത്തോടെ പൂർത്തിയാക്കും. വെള്ളാർമല ഗവ.വൊക്കേഷനൽ ഹയർ സെക്കൻഡറി സ്കൂളിൽ എൽപി, യുപി, ഹൈസ്കൂൾ വിഭാഗങ്ങളിലായി 460 ഉം ഹയർ സെക്കൻഡറി വിഭാഗത്തിൽ 90 ഉം വിദ്യാർഥികളാണുള്ളത്. ആകെ 21 ഡിവിഷനുകളുണ്ട്. ഇന്നു രാവിലെ 10ന് ബിഎഐ ഭാരവാഹികൾ, അധ്യാപകർ എന്നിവർ ചേർന്ന് ബാൻഡ്മേളത്തിന്‍റെ അകന്പടിയോടെ കുട്ടികളെ സ്വീകരിക്കും. എസ്എസ്എൽസി പരീക്ഷയിൽ നൂറു ശതമാനം വിജയം നേടിയ സ്കൂളിലെ അധ്യാപകരെ ബിഎഐയുടെ നേതൃത്വത്തിൽ ആദരിക്കും. മേപ്പാടി ഗവ.ഹയർ സെക്കൻഡറി സ്ക്കൂളിൽ നടക്കുന്ന ചടങ്ങ് ബിഎഐ ദേശീയ വൈസ് പ്രസിഡന്‍റ് എൻ. രഘുനാഥൻ ഉദ്ഘാടനം ചെയ്യും. ബിഎഐ സംസ്ഥാന ചെയർമാൻ കെ.എ. ജോണ്‍സണ്‍, മുൻ ചെയർമാൻ സുരേഷ് പൊറ്റെക്കാട്ട്, സെക്രട്ടറി സൈജൻ കുര്യാക്കോസ് ഓലിയാപ്പുറം, ട്രഷറർ കെ. സതീഷ് കുമാർ, ജില്ലാ പഞ്ചായത്ത് വൈസ് പ്രസിഡന്‍റ് എസ്. ബിന്ദു, മേപ്പാടി പഞ്ചായത്ത് പ്രസിഡന്‍റ് കെ. ബാബു, സ്കൂൾ പ്രിൻസിപ്പൽ ഭവ്യ ലാൽ, ഹെഡ്മാസ്റ്റർ ഇൻ ചാർജ് വി. ഉണ്ണിക്കൃഷ്ണൻ, പി.എം. ശ്രീജിത്ത്, മേപ്പാടി പഞ്ചായത്ത് അംഗം സി.കെ. നൂറുദ്ദീൻ തുടങ്ങിയവർ പങ്കെടുക്കും. രണ്ട് ലക്ഷം രൂപ ചെലവിൽ സ്കൂളിൽ രണ്ട് വാട്ടർ പ്യൂരിഫയറും പബ്ലിക് അഡ്രസ് സിസ്റ്റവും ബിഎഐയുടെ നേതൃത്വത്തിൽ ഇന്ന് ഒരുക്കും.

പിഎംജിഎസ്‌വൈ: ബ്ലോക്കുകൾക്കു തുല്യ പരിഗണന നൽകണമെന്ന് പ്രിയങ്ക ഗാന്ധി

കൽപ്പറ്റ: ജില്ലയിൽ പിഎംജിഎസ് വൈ-നാലിൽ ഗ്രാമീണ റോഡുകൾ തെരഞ്ഞെടുക്കുന്പോൾ ബ്ലോക്കുകൾക്ക് തുല്യ പരിഗണന നൽകണമെന്ന് പ്രിയങ്ക ഗാന്ധി എംപി കേന്ദ്ര ഗ്രാമ വികസന മന്ത്രി ശിവരാജ് സിംഗ് ചൗഹാന് അയച്ച കത്തിൽ ആവശ്യപ്പെട്ടു. ജില്ലയിൽ ഇതുവരെ 331 റോഡുകൾക്ക് സംസ്ഥാന ഗ്രാമീണ റോഡ് വികസന ഏജൻസി(കഐസ്എസ്ആർഡിഎ) അംഗീകാരം നൽകിയിട്ടുണ്ട്. എന്നാൽ കൽപ്പറ്റ ബ്ലോക്കിലെ 64 റോഡുകൾക്കുമാത്രമാണ് കേന്ദ്ര സർക്കാർ അംഗീകാരം നൽകിയത്. ബത്തേരി, മാനന്തവാടി, പനമരം ബ്ലോക്കുകളിൽപ്പെട്ട 267 റോഡുകൾ എൻആർഐഡിഎയുടെ ഓണ്‍ലൈൻ മാനേജ്മെന്‍റ്, മോണിറ്ററിംഗ്, അക്കൗണ്ടിംഗ് സിസ്റ്റത്തിൽ അംഗീകാരം കാത്തുകിടക്കുകയാണ്. ഈ റോഡുകൾക്ക് എത്രയും വേഗം അംഗീകാരം നൽകണം. ബത്തേരി, മാനന്തവാടി, പനമരം ബ്ലോക്കുകളിൽ ഗണ്യമായ ആദിവാസി ജനസംഖ്യയുണ്ട്. മാർഗ്ഗനിർദ്ദേശങ്ങൾ പ്രകാരം ആസ്പിരേഷണൽ ബ്ലോക്കുകളിലെ ആദിവാസി ഗ്രാമങ്ങൾക്ക് മുൻഗണന നൽകേണ്ടതുണ്ട്. പിഎംജിഎസ്വൈ-നാല് മാർഗനിർദേശങ്ങൾ പ്രകാരം ആസ്പിരേഷണൽ ബ്ലോക്കുകളിലെ ആദിവാസി ഗ്രാമങ്ങൾക്ക് മുൻഗണന നൽകേണ്ടതുണ്ടെന്നും എംപിയുടെ കത്തിൽ പറയുന്നു.

പാടിച്ചിറയിലും പുലി ആക്രമണം: രണ്ട് ആടുകളെ മൃതപ്രായമാക്കി

പുൽപ്പള്ളി: മുള്ളൻകൊല്ലി പഞ്ചായത്തിലെ കബനിഗിരിക്കു പുറമേ പാടിച്ചിറയിലും പുലി ആക്രമണം. കഴിഞ്ഞ രാത്രി പാടിച്ചിറ തറപ്പത്തുകവലയിൽ പുലി രണ്ട് ആടിനെ ആക്രമിച്ചു. വാരിയത്ത് ടോമിയുടെ രണ്ടും നാലും വയസുള്ള ആടുകളെയാണ് പുലി പിടിച്ചത്. കഴുത്തിനു കടിയേറ്റ ആടുകൾ മൃതപ്രയാവസ്ഥയിലാണ്. രാത്രി ഒരു മണിയോടെ കൂട്ടിൽനിന്നു ആടുകൾ കരയുന്ന ശബ്ദം കേട്ട് വീട്ടുകാർ എത്തിയപ്പോഴേക്കും രണ്ട് വയസുള്ള ആടിനെ പുലി പിടിച്ചിരുന്നു. വീട്ടുകാർ ഒച്ചയിട്ടപ്പോൾ പുലി ആടിനെ വിട്ട് കൃഷിയിടത്തിൽ മറഞ്ഞു. ഒരു മണിക്കൂർ കഴിഞ്ഞാണ് രണ്ടാമത്തെ ആടിനെ ആക്രമിച്ചത്. ഇത്തവണയും വീട്ടുകാർ പെട്ടെന്ന് എത്തിയതിനാൽ പുലിക്ക് ആടിനെ കൊണ്ടുപോകാൻ കഴിഞ്ഞില്ല. നാല് ആടാണ് ടോമിക്കുള്ളത്. രാവിലെ എത്തിയ വനപാലകർ ആടുകളെ ആക്രമിച്ചത് പുലിയാണെന്നു സ്ഥിരീകരിച്ചു. പുലിയെ പിടിക്കുന്നതിന് കൂടും നിരീക്ഷണത്തിന് കാമറയും സ്ഥാപിച്ചു. ആടുകൾ രക്ഷപ്പെടാൻ സാധ്യതയില്ലെന്നാണ് ചികിത്സ നൽകിയ വെറ്ററിനറി ഡോക്ടർ അഭിപ്രായപ്പെട്ടത്. കബനിഗിരിയിലും മരക്കടവിലും ഇറങ്ങിയ അതേപുലിയാണ് പാടിച്ചിറയിലും എത്തിയതെന്നാണ് വനപാലകരുടെ അനുമാനം.

കാട്ടാനശല്യം രൂക്ഷം : കാപ്പിക്കുന്ന് നിവാസികൾ വലയുന്നു

പുൽപ്പള്ളി: പഞ്ചായത്തിലെ കാപ്പിക്കുന്ന് നിവാസികൾ കാട്ടാനശല്യംമൂലം വലയുന്നു. ദിവസവും സന്ധ്യയോടെ കൃഷിയിടങ്ങൾ മേച്ചിൽപ്പുറമാക്കുന്ന ആനകൾ പുലർച്ചെയാണ് കാടുകയറുന്നത്. തൊടികളിലൂടെ നടന്ന് ചക്കയും മാങ്ങയും തിന്നുന്ന ആനകൾ തെങ്ങ്, വാഴ, കമുക് എന്നിവയും ചവിട്ടിമറിച്ചും ഓടിച്ചും ആഹരിക്കുന്നുണ്ട്. ആയിരക്കണക്കിനു രൂപയുടെ നഷ്ടമാണ് ഓരോ ദിവസവും കർഷകർക്കുണ്ടാകുന്നത്. രാത്രി പേടികൂടാതെ വീടിനു പുറത്തിറങ്ങാൻ കഴിയാത്ത സ്ഥിതിയാണ്. സൗത്ത് വയനാട് വനം ഡിവിഷനിലെ ചെതലത്ത് റേഞ്ചിൽ നെയ്ക്കുപ്പ സെക്ഷനിലാണ് കാപ്പിക്കുന്ന്. കാടിനോടു ചേർന്നാണ് കാപ്പിക്കുന്നിന്‍റെ കിടപ്പ്. വനാതിർത്തിയിൽ വൈദ്യുത കന്പിവേലിയുണ്ടെങ്കിലും ആനകളുടെ കാടിറക്കം തടയാൻ ഉതകുന്നില്ല. പേരിനുമാത്രമാണ് വേലിയിലൂടെ വൈദ്യുതി പ്രവാഹം. വനാതിർത്തിയിലെ പ്രതിരോധ കിടങ്ങുകൾ അറ്റകുറ്റപ്പണിയുടെ അഭാവത്തിൽ പലേടത്തും നികന്നിരിക്കയാണ്. ഒറ്റയാനാണ് കാപ്പിക്കുന്നിൽ നിത്യവും എത്തുന്നത്. മുറിവാലും അസാധാരണ വലിപ്പത്തിൽ കൊന്പുകളുമുള്ള ഇവന് ഒച്ചയിട്ടാലും പടക്കങ്ങൾ പൊട്ടിച്ചാലും കൂസലില്ലെന്ന് കാപ്പിക്കുന്നുകാർ പറയുന്നു. വെളിച്ചം കാണുന്നിടത്തേക്ക് ഓടിയടുക്കുന്ന സ്വഭാവവും ഉണ്ട്. ഇലഞ്ഞിക്കൽ, തങ്കപ്പൻ, ദിവാകരൻ, വിലങ്ങിൽ അജികുമാർ, മാറാശേരി എൽദോസ്, മേലേക്കാപ്പ് കുഞ്ഞിക്കൃഷ്ണൻ, കുടിലിൽ ഷിജു, വിലങ്ങിൽ മോഹനൻ, വേങ്ങപ്പുറത്ത് സുകുമാരൻ...ഇങ്ങനെ നീളുന്നതാണ് ആന ദിനേന വിഹരിക്കുന്ന കൃഷിയിടങ്ങളുടെ ഉടമകളുടെ പട്ടിക. ഒറ്റയാനെ ഉൾക്കാട്ടിലേക്ക് തുരത്തണമെന്നാണ് പ്രദേശവാസികളുടെ ആവശ്യം.

മാനന്തവാടിയിൽ ഖാദി ഗ്രാമസൗഭാഗ്യ ഷോറൂം പ്രവർത്തനം തുടങ്ങി

മാനന്തവാടി: നഗരത്തിലെ എരുമത്തെരുവ് കാഞ്ചികാമാക്ഷി ക്ഷേത്രത്തിനു സമീപം ഗ്രാമസൗഭാഗ്യ ഷോറൂം പ്രവർത്തനം തുടങ്ങി. ഖാദി ബോർഡ് വൈസ് ചെയർമാൻ പി. ജയരാജൻ ഉദ്ഘാടനം ചെയ്തു. ഖാദി പഴയതല്ലെന്നും ഉപഭോക്താക്കൾക്ക് സ്വീകാര്യത ഉറപ്പാക്കി ഖാദി ഉത്പന്നങ്ങൾ നവീകരിക്കുകയാണ് സർക്കാർ ലക്ഷ്യമെന്നും അദ്ദേഹം പറഞ്ഞു. ബ്ലോക്ക് പഞ്ചായത്ത് പ്രസിഡന്‍റ് ജസ്റ്റിൻ ബേബി അധ്യക്ഷത വഹിച്ചു. മുനിസിപ്പൽ ചെയർപേഴ്സണ്‍ സി.കെ. രത്നവല്ലി ആദ്യവിൽപന നടത്തി. ജില്ലാ പഞ്ചായത്ത് ക്ഷേമകാര്യ സ്റ്റാൻഡിംഗ് കമ്മിറ്റി ചെയർമാൻ ജുനൈദ് കൈപ്പാണി, ഖാദി ബോർഡ് അംഗം കെ.കെ. ശിവരാമൻ, മാർക്കറ്റിംഗ് ഡയറക്ടർ സുധാകരൻ, മാർക്കറ്റിംഗ് ഓഫീസർ ടി. ബൈജു, പ്രോജക്ട് ഓഫീസർ എം. ആയിഷ തുടങ്ങിയവർ പങ്കെടുത്തു. ഖാദി റെഡിമെയ്ഡ് വസ്ത്രങ്ങൾക്കും ഗ്രാമവ്യവസായ ഉത്പന്നങ്ങൾക്കും പ്രത്യേകം വിഭാഗം ഒരുക്കിയാണ് ഷോറും ആരംഭിച്ചത്.

അമ്മിണി കെ. വയനാടിന് ഓണററി ഡോക്ടറേറ്റ്

കൽപ്പറ്റ: മനുഷ്യാവകാശ-സാമൂഹിക പ്രവർത്തക അമ്മിണി കെ. വയനാടിന് ഓണററി ഡോക്ടറേറ്റ്. കോണ്‍കോർഡിയ ഇന്‍റർനാഷണൽ യൂണിവേഴ്സിറ്റിയുടെ(വെർച്വൽ) ഓണററി ഡോക്ടറേറ്റാണ് അമ്മിണിക്ക് ലഭിച്ചത്. പാർശ്വവത്കരിക്കപ്പെട്ടവരുടെ ശക്തീകരണത്തിന് മൂന്നു പതിറ്റാണ്ടായി നടത്തുന്ന പ്രവർത്തനങ്ങൾ കണക്കിലെടുത്താണ് യൂണിവേഴ്സിറ്റി സാമൂഹിക നീതി വിഭാഗത്തിൽ അമ്മിണിയെ ഡോക്ടറേറ്റിനു തെരഞ്ഞെടുത്തത്. മൈസൂരുവിലെ ഗോവർധൻ ഹോട്ടൽ ഹാളിൽ ഇന്നലെ നടന്ന ചടങ്ങിൽ യൂണിവേഴ്സിറ്റി രജിസ്ട്രാർ റെജി ഷെർമർ ലൂകാസ് ഡോക്ടറേറ്റ് അമ്മിണിക്ക് സമ്മാനിച്ചു. പട്ടികവർഗത്തിലെ വെട്ടക്കുറുമ സമുദായാംഗമാണ് അമ്മിണി. അന്പലവയൽ വേങ്ങേരി പരേതനായ കാളൻ-മാരി ദന്പതികളുടെ മകളാണ്.

കുട്ടിക്കുന്ന് അങ്കണവാടി കെട്ടിടം ഉദ്ഘാടനം ചെയ്തു

കൽപ്പറ്റ: നഗരസഭ 2024-25 വാർഷിക പദ്ധതിയിൽ കുട്ടിക്കുന്ന് അങ്കണവാടിക്കു നിർമിച്ച കെട്ടിടം ടി. സിദ്ദിഖ് എംഎൽഎ ഉദ്ഘാടനം ചെയ്തു. നഗരസഭാ ചെയർമാൻ ടി.ജെ. ഐസക് അധ്യക്ഷത വഹിച്ചു. വികസനകാര്യ സ്റ്റാൻഡിംഗ് കമ്മിറ്റി ചെയർമാൻ മുജീബ് കെയെംതൊടി, ക്ഷേമകാര്യ സ്റ്റാൻഡിംഗ് കമ്മിറ്റി ചെയർപേഴ്സണ്‍ ആയിഷ പള്ളിയാലിൽ, ആരോഗ്യ സ്റ്റാൻഡിംഗ് കമ്മിറ്റി ചെയർമാൻ എ.പി. മുസ്തഫ, പൊതുമരാമത്ത് സ്റ്റാൻഡിംഗ് കമ്മിറ്റി ചെയർപേഴ്സണ്‍ രാജാറാണി, വിദ്യാഭ്യാസ സ്റ്റാൻഡിംഗ് കമ്മിറ്റി ചെയർമാൻ സി.കെ. ശിവരാമൻ, ഐസിഡിഎസ് പ്രോഗ്രാം ഓഫീസർ ഹഫ്സത്ത്, മുനിസിപ്പൽ സെക്രട്ടറി അലി അസ്കർ, ശിശു വികസന പദ്ധതി ഓഫീസർ സന്ധ്യ, മുനിസിപ്പൽ എൻജിനിയർ മുനവർ, ഐസിഡിഎസ് സൂപ്പർവൈസർ എൻ.പി. ഗീത തുടങ്ങിയവർ പങ്കെടുത്തു. നഗരസഭയിലെ സൈക്കോ സോഷ്യൽ കൗണ്‍സലർമാരുടെ നേതൃത്വത്തിൽ ലഹരിക്കെതിരേ സ്റ്റിക്കർ, സിഗ്നേച്ചർ കാന്പയിൻ സംഘടിപ്പിച്ചു.

ADVERTISEMENT

ADVERTISEMENT

ADVERTISEMENT

ADVERTISEMENT

ADVERTISEMENT

ആമസോണ്‍ ഓഫറുകളറിയാന്‍
ലിങ്കില്‍ ക്ലിക്ക് ചെയ്യുക

ADVERTISEMENT

More from other section

ADVERTISEMENT

LATEST NEWS

ADVERTISEMENT

ADVERTISEMENT

Quick Links

About Us Deepika E-Paper E-Shopping Karshakan Rashtradeepika Movies Tech @ Deepika

Business Deepika Viral Tax Letters University News Auto Spot Cartoon Scope

Matrimonial Special News Special Feature Calendar Samskarikam Career Deepika English Edition

Deepika Charity Health Sthreedhanam Responses Daily Quiz Youth Special Court Notice

Kuttikalude Deepika Deepika News Videos Out of Range US News Gulf News Student Reporter Classifieds

Children's Digest Today's Story Religion Book Review Sunday Deepika Send your greetings Online Advertising

Rashtra Deepika LTD

Chairman - Dr. Francis Cleetus MD - Michael Vettickatt Chief Editor - George Kudilil

Tel: +91 481 2566706 ,2566707,2566708

Privacy policy Terms and conditions for online payment

Copyright © 2025 , RDL. All rights reserved To access reprinting rights, please contact [email protected]