ക​ന​ത്ത മ​ഴ; തേ​റാ​ട്ടി​ക്കു​ന്ന് പാ​ട​ശേ​ഖ​ര​ത്തി​ലെ നെ​ൽ​ക്കൃഷി നശിക്കുമെന്ന ഭീതിയിൽ കർഷകർ
Sunday, October 6, 2024 4:27 AM IST
നെ​ടു​മ്പാ​ശേ​രി: ചെ​ങ്ങ​മ​നാ​ട് പ​ഞ്ചാ​യ​ത്തി​ലെ ഒ​ന്നാം വാ​ർ​ഡി​ലെ തേ​റാ​ട്ടി​ക്കു​ന്ന് പാ​ട​ശേ​ഖ​ര​ത്തി​ൽ ആ​രം​ഭി​ച്ച നെ​ൽ​ക്കൃ​ഷി തു​ട​ർ​ച്ച​യാ​യി ക​ന​ത്ത മ​ഴ പെ​യ്ത​തോ​ടെ വെ​ള്ളം ക​യ​റി ന​ശി​ക്കു​മെ​ന്ന ഭീ​തി​യി​ൽ ക​ർ​ഷ​ക​ർ. ഇ​നി​യും മ​ഴ തു​ട​ർ​ച്ച​യാ​യി പെ​യ്താ​ൽ നെ​ൽ​ച്ചെ​ടി​ക​ൾ പ​ഴു​ത്ത് ചീ​ഞ്ഞു​പോ​കു​മെ​ന്ന ഭീ​തി​യി​ലാ​ണ് ക​ർ​ഷ​ക​ർ. ക​ഴി​ഞ്ഞ വ​ർ​ഷം നെ​ൽ​ക്കൃ​ഷി​ക്കാ​വ​ശ്യ​മാ​യ വെ​ള്ളം ല​ഭി​ക്കാ​ത്ത​തി​നാ​ൽ ക​ർ​ഷ​ക​ർ കൃ​ഷി ചെ​യ്തി​ല്ല.

ഇ​ത്ത​വ​ണ വ​ള​രെ പ്ര​തീ​ക്ഷ​യോ​ടെ ഏ​ക്ക​റു​ക​റോ​ളം വ​രു​ന്ന സ്ഥ​ല​ത്ത് ആ​രം​ഭി​ച്ച നെ​ൽ​കൃ​ഷി​യാ​ണ് തു​ട​ക്ക​ത്തി​ൽ ത​ന്നെ ക​ർ​ഷ​ക​ർ​ക്ക് വി​ന​യാ​യി മാ​റി​യ​ത്. 25,000 രൂ​പ​യോ​ളം ചെ​ല​വി​ലാ​ണ് വ​യ​ൽ ഉ​ഴു​തു​മ​റി​ച്ച് കൃ​ഷി​യോ​ഗ്യ​മാ​ക്കി ഞാ​റ് ന​ടീ​ലി​ന് പാ​ക​പ്പെ​ടു​ത്തി​യ​ത്. ചെ​ങ്ങ​മ​നാ​ട് പ​ഞ്ചാ​യ​ത്തി​ന്‍റെ​യും, കൃ​ഷി ഭ​വ​ന്‍റെ​യും കീ​ഴി​ൽ ചെ​ങ്ങ​മ​നാ​ട് സ​ഹ​ക​ര​ണ ബാ​ങ്കി​ന്‍റെ സ​ഹാ​യ​ത്തോ​ടെ​യാ​ണ് തേ​റാ​ട്ടി​ക്കു​ന്ന് പാ​ട​ശേ​ഖ​ര​ത്തി​ൽ കാ​ല​ങ്ങ​ളാ​യി കൃ​ഷി ചെ​യ്ത് വ​രു​ന്ന​ത്.

ചെ​ങ്ങ​മ​നാ​ട് കൃ​ഷി ഭ​വ​ന്‍റെ ഇ​ട​പെ​ട​ൽ മൂ​ലം തേ​റാ​ട്ടി​ക്കു​ന്ന് ലി​ഫ്റ്റ് ഇ​റി​ഗേ​ഷ​ൻ വൈ​ദ്യു​തി ചാ​ർ​ജ് സൗ​ജ​ന്യ​മാ​ക്കി ന​ൽ​കി​യി​ട്ടു​മു​ണ്ട്. പ​ര​മ്പ​രാ​ഗ​ത ക​ർ​ഷ​ക​രു​ടെ പ​ച്ച​പു​ത​ച്ച വി​ള​ഭൂ​മി​യാ​യി​രു​ന്ന തേ​റാ​ട്ടി​ക്കു​ന്ന് പാ​ട​ശേ​ഖ​ര​ത്തി​ൽ ക​ർ​ഷ​ക​ർ അ​ധി​ക​വും കൊ​ഴി​ഞ്ഞ് പോ​യെ​ങ്കി​ലും കൃ​ഷി​യെ നെ​ഞ്ചേ​റ്റു​ന്ന ഏ​താ​നും ക​ർ​ഷ​ക​രാ​ണ് ഏ​റെ ക്ലേ​ശം സ​ഹി​ച്ച് ഇ​വി​ടെ നെ​ൽ​ക്കൃ​ഷി നി​ല​നി​ർ​ത്തു​ന്ന​ത്.

ക​ഴി​ഞ്ഞ ഏ​താ​നും ആ​ഴ്ച​ക​ളാ​യി നെ​ൽ​വ​യ​ൽ ഞാ​റ് ന​ടീ​ലി​ന് പാ​ക​പ്പെ​ടു​ത്തി​യ ക​ർ​ഷ​ക​ർ മ​ഴ ശ​ക്തി പ്രാ​പി​ച്ച​തോ​ടെ വി​ഷ​മ​ത്തി​ലാ​യി​രി​ക്കു​ക​യാ​ണ്. ക​ഴി​ഞ്ഞ മൂ​ന്ന് ദി​വ​സ​ങ്ങ​ളി​ൽ തു​ട​ർ​ച്ച​യാ​യി പെ​യ്ത ക​ന​ത്ത മ​ഴ​യാ​ണ് നെ​ൽ​ക്കൃ​ഷി​യെ സാ​ര​മാ​യി ബാ​ധി​ച്ചി​രി​ക്കു​ന്ന​ത്. വ​രും ദി​വ​സ​ങ്ങ​ളി​ലും മ​ഴ ശ​ക്തി പ്രാ​പി​ച്ചാ​ൽ ഇ​ത്ത​വ​ണ​ത്തെ നെ​ൽ​ക്കൃ​ഷി​യും മു​ട​ങ്ങു​മെ​ന്ന ആ​ശ​ങ്ക​യി​ലു​മാ​ണ് ക​ർ​ഷ​ക​ർ.
Copyright @ 2018 , Rashtra Deepika Ltd.